Sugidama

【杉玉居酒屋食評】荔枝角呢間「杉玉」居酒屋（壽司郎旗下）環境幾有氣氛，Happy Hour時段叫飲品有折扣，但計返其實唔算好抵，不過放工嚟chill下都唔錯。🍜 主食類蜆肉烏冬胡椒味偏重，白汁濃稠，味道較鹹，蜆肉量足但湯底略膩，適合重口味人士。🦐 冷盤甜蝦需自己剝殼，稍嫌麻煩。部分蝦頭食到有疑似發酵嘅氣泡感（似雪碧），新鮮度存疑；蝦肉靠碟底冰鎮保存，室溫口感較平庸，建議店家留意海鮮處理。🍘 小食 & 煎炸類大阪燒煎餅存在感低，純碳水充飢之選。南蠻炸雞出色！外脆內嫩鎖滿肉汁，調味平衡。全場最佳是喜次郎燒魚餃！魚肉熟度完美，外微焦內軟嫩，香而不乾，必點推薦！🍣 壽司拖羅海膽魚子壽司賣相精緻，食材新鮮，屬正常發揮，但未達驚艷。總結：環境服務合格，食物質素略參差——避開海鮮冷盤，集中點燒物、炸物較穩陣。燒魚餃絕對回頭之選！…Read More

隸屬「壽司郎 Sushiro」集團旗下的 「Sugidama 杉玉」 認真好味，大件夾抵食！超推介！我們倆條友因為第一次來幫襯，見到餐牌有很多選擇，花多眼亂，樣樣都想試，就點了 吞拿魚丼、鰻魚玉子燒、燒鰻魚肝、鹽燒喜之次魚鮫、雜錦天婦羅及一些壽司 .... 暫時任性一點，狂吃一餐 ~壽司郎集團的出品，果然就有返咁上下質素，食物樣樣都新鮮好味，尤其是 吞拿魚丼，CP值超高，真的冇得輸！ 鹽燒喜之次魚鮫，燒得火候恰到好處，鹹香味味，我太太吃得津津入味 ~食物實在太好味，要逐一陳述的話，真會花我很多時間，且我都懶得去講 .... 自己來幫襯，體驗一下吧！包你有驚喜！本篇完 ~…Read More

通常諗唔到食咩，就會去杉玉食～因為menu 選擇多，有壽司，炸物，刺身，沙律，熟食，飯麵等。 仲要價錢好抵！杉玉薯仔沙律，出面有好多紫菜，入面有隻流心蛋黃，好食！醋鯖魚面頭有好多洋蔥同蔥，俾好開胃，鐘意食蔥一定要order!!荔枝乳酸梳打，幾好味唔會太甜。中意飲酒嘅朋友可以嗌生啤/sake, 有埋配小食嘅套餐。…Read More

下午茶時段，响門口等左一陣入座，男員工發呆扮睇唔到唔郁，女員工磨左好耐先出黎帶位好啦，終於坐底左（未夠5點），想叫下午茶餐，等左一陣女員工飄過，我指一指話想要下午茶餐牌個餐，女員工又問多次揀咩嘢，終於入機就話5:01pm 停下午茶（帶位嗰陣你唔講？！） 女員工擺明玩嘢，因為見佢咀角微笑緊（應該係好開心咁玩到個客）😏好啦，唔想做早講嘛～ 今時今日呢啲服務生係害死間餐廳既原因之一😇…Read More

今次我去咗位於荔枝角D2 Place TWO嘅杉玉食日本菜，呢間餐廳一直都好受歡迎，今次行過咁啱唔使等位，終於有機會試下。我叫咗個海陸峰匯天婦羅套餐，仲有全吞宴同埋豪華極壽司三貫，每樣嘢都有佢特別之處。
首先講下海陸峰匯天婦羅，呢個天婦羅真係幾唔錯。炸粉唔會太厚，保持到食材本身嘅鮮味。無論係蝦、魚定係蔬菜，都炸得好脆，食落口一啲都唔油膩，真係好食。
再嚟就係全吞宴，呢個係以吞拿魚做主題嘅套餐。刺身嘅質素幾好，新鮮又肥美，尤其係嗰啲拖羅，入口即化，真係一流。不過，有一樣嘢就係淚崩吞拿鮮島，呢個有啲辣，可能唔係個個都頂得順，但係鍾意食辣嘅朋友應該會好鍾意。
豪華極壽司三貫都幾正，每一件壽司都好新鮮，飯同魚嘅比例啱啱好。刺身嘅質素真係冇得彈，完全感受到師傅嘅手藝。
不過，唐揚魷魚就有啲失望。雖然魷魚炸得好脆，但係炸粉有啲厚，食落去有啲油膩，感覺有啲漏。希望餐廳可以喺呢方面改善下。餐廳做緊follow IG有嘢飲。 
總言之，杉玉嘅刺身同壽司真係好高質素，天婦羅都幾好食，雖然炸物有啲油，但係整體嚟講都係一間好值得一試嘅日本餐廳。鍾意食日本菜嘅朋友，真係要去試下。
…Read More