朱敏記大牌檔

Open Now

Now Closed

又懷舊又新潮的餐廳，每晚都有歌手唱懷舊歌曲搞氣氛，仲可以玩抽獎遊戲，嘢食都唔錯，偶然有期間限定菜式，老闆好有生意頭腦，疫情期間殺出重圍，紅極一時，好適合朋友聚餐傾計。我去食果陣，咁啱出了期間限定的客家鹽水鴨，味道好特別好廣東口味，仲食左蒜蓉開邊蒸蝦、豬膶蒸魚（忘記咩魚）、滷水拼盤，整體味道唔錯，好正宗廣東味。份量好多，價錢不過不失！餐廳氣氛很好，比較適合年長的朋友去。不過最近出的新菜式很多元化，想試新野都不妨去食下😆☺️

係外賣平台叫左兩個宵夜餐，點知黎到得一個，外賣員原來拎漏左個，我打返去餐廳，餐廳話外賣員拎少左個餐時，即刻打比佢叫佢返轉頭拎，但外賣員唔肯返轉頭拎，之後老闆好好人，親自揸車送過黎比我😊叫左個四寶滷水飯，幾好食，有好多品種係裏面，仲有個星洲炒米，好有鑊氣，一d都唔油，正

價錢又貴、食物品質一般、買相不好看、咸加油利、明明叫半隻蔥油鷄、竟然俾咗炸蒜蓉油淋🐔、雞肉鞋和老。粉絲蒜蓉蒸扇貝又咸又細隻$43 一隻、食落去要小心碎骨、干炒豆角極辣和又利。最後一道白约蝦唔新鮮和不足抨。總結又貴又不好吃。唯一被它大大杯冬0樂吸引$38 一杯。女收银定老板娘服務態度有點其視我。最初給它吸引是看見是24 小時、有歌聽和可以點唱甚至可以出嚟自己唱、落完單個所謂打扮得𧡘靚大媽、好不耐煩去替我們落單、冇耐性聽我們叫餸、好像不滿意。最後原來她沒有幫我落單。奇怪𠕇位女伙記再次走嚟替我再次落單。

值得讚👍🏻免加一，免開瓶費及切餅費。個人意見👎🏻餐牌有3-4成 都係辣嘅菜，一點也不廣東粵菜大排檔，我們一行五星期六大約晚上6:30入場8:30離開，都不見有客需要等位入坐我估計初期有網民或者俾錢KOL推到上天花板，可能貪新鮮，但熱潮過後試過了返回地板了。其實搞乜嘢花臣都好，最尾食物質素及味道係最重要‼️-豉油王炒麵（份量好少+沒有鑊氣）辣椒油需要收$10🙀🙀-蜆肉蒸蛋 （成口沙+落咗好多油+上只有幾粒蜆）-優惠燒鵝王 $28 1/4 份（十分平，但燒鵝十分肥+勁臊）-蠔餅 （份量超少只切四嚿+超級不好吃似食緊蔥油餅）-蒜香骨/椒鹽豆腐 （正常發揮）其他不能盡錄如果你喜歡熱鬧+嘈吵可以一試，大約七點左右開始熄燈噴煙，有人唱歌🎤感覺好似90年代東莞disco咁（娘味濃）當天是張國榮+黎明+張學友金曲為主，現場有人唱歌當然可以比下利是仔🧧（自願的，不是勉強）最後一點侍應服務偏差（當然去得呢類型嘅餐廳不要有要求），當時店內還是沒有太多客人，但叫落單時侍應都不停叫等等啦～等等啦～等等啦～（明白已經等緊） 最後當然有漏單，兩杯超大檸檬茶差不多吃完才上枱🙀結論：可以一次但冇下次

早幾日叫咗6個餸外賣返屋企同屋企人食，我已經全部都唔係買lunch、套餐包野飲果種，我係單點，比堂食碟頭個價錢，諗住大碟啲屋企人先夠食，點知... 諗住比得咁既價錢，正常外賣盒就算細盒啲，你都應該要比返相等份量我啦跟住返到屋企一打開，全部盒都係平時一個人份啲外賣盒 啲份量完全唔係堂食果種大大碟，其他餸都算了，我當自己比咁既價錢叫一人份，大佬我個‘’蠔仔粥‘’我係叫咗一鍋，一鍋喎!!!! 我唔係叫一人份，大家睇相見到果個dou覺得有一鍋嗎？如果將佢倒返落堂食個鍋，我相信點都一定唔會有一鍋啦 我叫得一鍋你係咪應該比返兩個外賣dou既份量我？！反正外賣盒同外賣袋都係自費既，6個餸咁就8舊幾水，仲衰過我去買啲大型連所快餐店（大x樂，大x活）係香港食貴我預咗，但會唔會少得太離譜？我相信堂食一定唔會咁，真係好失望，好食都無用，我已經唔會想再幫襯。呢餐真係食得好唔開心！！！

等左成個鐘先上菜，本身諗住好食都算啦，點知一試無下次，用咗一個鐘等食垃圾，都唔知點樣捱到42萬租🤣各位有錢就去其他地方食啦，真係唔好過嚟食垃圾，食個茶記都冇咁嬲

因為有優惠卷係手所以食左幾次，首先訂左位都要等成半個鐘，都唔知訂位既意義何在，然後每次埋單都會有D無落過單既野出現，銀碼通常唔大$20-$30，等你唔為意，今次就落多左個白飯🙄呢間野真係好唔老實！所以埋單一定要check張單。

真人表演噴火，真係非常刺激，建議各位打算帶小朋友一起進餐，記得一定要帶定防火裝備，仲要做足心理準備，近距離欣賞室內表演噴火！食物質素，帶定保濟丸有病唔使怕！好好欣賞食物質素千祈唔好有任何期待因為所有資源都放在表演上非常值得體諒，因為用餐都不是這餐廳的主要吸引力，現場各位都是盡情享受大聲浪和噴火抽獎變臉的精彩特備節目，值得一提的是，抽獎要答問題，大家可在這找答案隨時贏得精彩獎品！問題是習近平主席是什麼日子生日？答案自己在網上自行尋找

今天第一次是朱敏記，被他餐牌豬什粉麵吸引。全場只有四台，加起只有8人，侍應四個，水bar 兩人。11點落單，先來豬什通 ，奶茶，食完20分鐘，一直等等等，聽到後面的在催奶茶。我催了兩次的煎蛋多士才在我坐下半小時後到了。一般茶餐廳早餐，煎蛋多士，面底，是最基本的，不能接受一間如此大型的餐廳，竟然一個普通早餐等半小時。而且店內比較熱，坐半小時已經受不了，食物質素偏油膩，吃完很不舒服。其實餐廳早餐時段有四個夥計兩個水bar，連Manage四張枱也做不到，怎能做茶仔，還要是平時我見到滿座的朱敏記。茶餐廳最重要的快也做不到，就不能接受！永不回頭

🐑蔥油雞係炸香咗乾蔥頭嘅油，乾蔥頭全部金金黃黃，啲油又真係幾幾香，豉油又唔會太鹹，味道唔錯。雞方面係用農家雞，本身肉質係比較實肉嗰隻，加上煮得比較熟，所以會有啲啲靭，但食得出隻雞係新鮮嘅，仲有雞雜，頗有驚喜🤩。🐑炸大腸，毫不猶豫地保留咗腸嘅肥膏，炸起嚟更咁香，真係鍾意食豬大腸嘅人實愛不釋手。🐑豆腐白蘿蔔魚頭湯，白蘿蔔絲都唔少，發揮其應有嘅甜味，魚頭半邊大大個，輕輕煎完再滾湯，都唔會好老，完完全全食得番晒啲魚肉，時間控制幾好，加埋豆腐，滾出嚟嘅湯夠乳白夠濃味，大大碟百幾蚊好抵玩。

完全中伏被Facebook的廣告吸引下同太太專程試一試。坐低下叫極服務生都唔得閒服侍你最後好辛苦先拎到餐牌。第一頁餐牌聲稱特價燒鵝完全冇蒜香骨啲肉梅嘅土豆絲完全冇飛水蒜蓉開邊蒸蝦啲蝦應該死咗兩日左右啦相片嘅蠔餅非常吸引，跟住問佢又話實物不同相片嘅，而家做法改咗係好似水瓜落濕滴滴嗰啲做法，跟住就推介最貴嘅酥炸蠔俾我。服務員一味推介最貴的菜式價錢也不便宜，性價比抵，所謂嘅氣氛就係一啲聽唔明嘅廣東話嘅人熄燈開燈唱吓歌叫幾聲啲50歲以上人仕原地跳兩下。

平時夜晚經開長沙灣都會見到呢間disco咁嘅大排檔之前去食過一次 成個氣氛都好好 抽中價值$388大麻魚所以今次特登為咗食佢嘅大麻魚再次幫襯🐟今次太夜入去 Miss咗個抽獎😆最後同朋友Order左幾樣餸💁🏻‍♀️• 大麻魚• 豬油炒豆苗• 粉絲蒜蓉炒蜆• 菠蘿咕嚕肉• 滷水拼盤 （員工推薦）• 特大杯檸檬茶整體黎講野食幾惹味😋 如果大麻魚再辣再入味會更好岩晒一家大細 朋友聚會 個氣氛真係吾錯好似落左Disco咁🤣🤣 氣氛一流！

🍽️朱敏記大排檔家附近開了這一間望落勁有氣氛的大排檔，每晚經過都勁熱鬧。朋友生日去食飯，終於有機會試一試。大排檔氣氛幾好，每日都有表演時段，但食物質素一般，當天下單的幾道菜式味道都比較淡（可能我係重口味人士）😂。但是和朋友飲兩杯聚餐，吃點小菜也是不錯的選擇！！黃金豆腐🧡豆腐好嫩滑 而且超香濃鹹蛋黃味 勁好味😋孜然牛仔骨🥩好重孜然香料味 辣辣地幾惹味牛仔骨都好軟熟 無太多筋 但是份量較少😢椒鹽鮮魷🦑魷魚表面炸到脆卜卜 炸衣好有味 但係魷魚有啲韌同冇乜味蟹黃粉絲煲🦀滿滿蟹籽表面裝飾 望落幾靚仔粉絲比較乾身味道有點太淡 不太入味臺南炒蜆🩶蜆殼有點多😂 落望好重味 但是其實有點淡五花腩炒椰菜花🥦五花腩同椰菜花都算好入味 勝在份量多大碟味道 : 🤎🤎🤎🤍🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤍🤍🍽️ 朱敏記大牌檔 (長沙灣)📍 長沙灣東京街29號地下8-14號舖

呢間出名的鋪頭，終於有機會試試一般諗住叫炒炒麵飯實唔伏 ，同實試到一間鋪頭水準啦～呢間好野呀！叫左碟乾炒牛河，要鑊氣無鑊氣， 要味道連味道都無，就算店員比埋辣椒醬都係無味🌶️ 一食落口成啖油， 所以同行的朋友都同我一樣食剩好多（半碟以上） 牛肉$48就唔期望係咩靚牛， 但柴到～ 有豬肉的好感😹好就好在份量好驚人，同埋賣相ok 呃到人的，牛河既色水係有既。檸檬茶多渣到每一啖都係核，得一舊檸檬🍋有冇諗過啲人配埋枝紙飲管飲得好辛苦架！唉！浪費哂成杯茶😔結論無下次🤣

朋友帶我到朱敏記吃午餐，他說這兒的午市套餐有很多選擇。我進店看餐牌，果然除了車仔麵和常餐以外，午市套餐竟然多達90個選擇，真的嚇了我一跳！最終，我們選了蒜蓉開邊蒸蝦飯（ $68 ）和甜梅菜蒸鯇魚飯（ $50 ），套餐包括熱飲，凍飲加$3。蒸蝦飯先送上，有六隻開邊蝦，蝦肉爽口彈牙，味道也很好，隨餐送上的醬油，完全不必使用，米飯很多，吸收了蒜蓉和蝦的味道，也非常好吃。梅菜蒸鯇魚飯的鯇魚很大件，以這價錢來說，十分超值，鯇魚的味道和肉質也好，不過豉油和梅菜都比較淡。飲品方面，我們點了凍咖啡和凍檸檬茶，凍咖啡水準一般，凍檸檬茶則與別不同。一般的茶餐廳的檸檬茶是用切片新鮮檸檬的，也有些茶餐廳改用檸檬茶沖劑調出檸檬茶，這店的檸檬茶，有不少檸檬果皮和跟果皮分離的果肉，檸檬味不算十分突出，幸好茶底不苦澀。