Sapporo Ramen Miso No.1 x Karami Curry

八月尾一個星期六，我同朋友去咗鑽石山荷里活廣場食午餐😄 朋友揀咗一間日式餐廳，好好彩唔使點等就可以直接入座☺️我哋睇咗一輪餐牌之後決定食佢嘅自選二人套餐☺️😆 我哋可以喺指定嘅自選二人套餐餐牌裏面任揀兩款拉麵或者飯同埋任揀三款小食😍 我同朋友商量完一輪之後，朋友主食就揀咗吉列豬扒奄列咖喱飯，而我就揀咗燒雞扒咖喱飯😋 而三款小食當中，朋友揀咗天婦羅魷魚，我就揀咗芝士年糕（三塊），而最後一個小食我哋就一齊揀咗燒牛舌😋 而且揀自選二人套餐仲有指定蛋糕送，我哋就揀咗疏乎厘芝士蛋糕一齊食😋送餐速度好快，我哋等咗一陣啲食物就陸續送到面前☺️ 我覺得我哋叫嘅所有食物都好啱我口味😄，基本上我哋將所有食物都食晒😆 天婦羅魷魚有驚喜，我嘅燒雞扒咖喱飯都好唔錯，其他嘅食物都有佢應有嘅水準😄👍以佢嘅食物水準，我覺得呢個自選二人套餐嘅價錢合理，而且份量都足，如果唔係好肚餓去食嘅話可能會食唔晒😅🤣…Read More

呢度既環境舒適，商場3樓既抵食炸物丼飯拉麵餐廳，餐廳座位闊落，好多卡位，我地叫左一份咖哩奄列吉列豬扒飯，奄列蛋好滑溜，蛋味香濃，咖哩香口，咖哩醬汁偏甜身無甘辣易入口，唔會太油膩感，豬扒脆炸好香脆，豬扒唔會炸到好厚粉漿食落脆卜卜岩岩好唔會成口粉。仲有麵豉湯飲同粟米同滷水雞蛋。餃子食物即叫即整，餃子涵料好厚實，份量都幾多粒。白豚肉拉麵，豚肉厚切，麵條彈牙。札幌拉麵鑽石山龍蟠街3號荷里活廣場3樓325號鋪…Read More

最近我同朋友去咗一間位於鑽石山嘅日本餐廳，一入到去個環境好日式風格，我同朋友叫佐幾樣野，同大家介紹一下。炸豆腐呢個炸豆腐外面金黃色，脆脆地，裡面卻係軟滑嘅豆腐，搭配木魚絲，味道好夾。芝麻沙律呢個芝麻沙律清新又健康，芝麻醬嘅味道恰到好處，唔會太膩。配料新鮮，食落口感好，係一個好開胃嘅前菜。燒鯖魚＋豬肉弁富燒鯖魚外焦內嫩，魚肉鮮甜，仲有一啲焦香味。配埋豬肉弁富，肉質嫩滑，醬汁香濃，材料非常豐富親子丼套餐（滑蛋雞肉飯）呢個親子丼套餐，滑蛋煮得剛剛好，雞肉嫩滑，飯粒吸收咗所有味道，每一口都好滿足。仲有一碗清湯。…Read More

位於鑽石山荷里活廣場3樓的「札幌拉麵 x辛味屋」主打日式料理，店內環境乾淨企理，座位舒適，餐牌上有多種拉麵、咖喱飯和小食，一人套餐和二人套餐都很豐富和抵食。精選二人套餐，可選兩款主食加三款小食，還有蛋糕做飯後甜品。《招牌牛油拉麵》有一大片豚肉、栗米粒和一舊牛油，麵身軟硬適中，湯底清甜。《吉列豬扒奄列咖哩飯》吉列豬扒外脆內軟，薄薄的蛋漿包著白飯，配上香濃的咖哩汁，份外美味。三款小食有：雜錦串燒、北海道南瓜炸薯餅、炒魷魚鬚串燒有雞翼、雞軟硬和香惹，雞軟骨爽口有嚼勁，南瓜薯餅炸得外脆內軟，魷魚鬚煙煙韌韌，很惹味。《梳乎厘芝士蛋糕》最後還有一年梳乎厘芝士蛋糕做甜品，令人滿足。…Read More

今日同朋友收工去鑽石山荷里活廣場逛街，入面餐廳種類都多，我地最後揀左一間日式既餐廳，佢既二人餐好性價比，二百幾蚊有兩個主食，三款小食，仲送蛋糕。炸雞塊奄列咖哩飯日式咖喱味道濃味，雞扒剛剛炸起，香脆可口，內裏好Juicy爆汁，配咖喱好味，拌飯食又得。海老拉麵第一次試海老拉麵，湯底唔算太濃，但有淡淡蝦味又吾會太咸，配上兩隻蝦，麵底都有咬口。雜錦串燒入邊有雞軟骨，雞翼，大蔥。每串都燒到香脆，最出色又有驚喜嘅係雞翼，鹽燒得入味，而且外皮香脆。炒魷魚鬚魷魚鬚爽口，似係爆炒再配上日式風特制醬汁。芝士年糕年糕熱辣辣，好煙韌，芝士爆漿，份量剛剛好，上台秒清。梳乎厘芝士蛋糕叫二人餐送既，入口都有溶化嘅感覺。…Read More