Sapporo Ramen Miso No.1 (Closed)

今次試下鰻魚飯,88蚊+一服務費9x 蚊，，份量好少， 飯不是珍珠米，以這個價錢，真的不超值。鰻魚份量真的超少，味道也不是算好， 鰻魚好硬身，乾身，肉汁少，38蚊一碟的炒豬肝只有4小片， 感覺中了伏。。。:(…Read More

本人為大學生, 經常在家附近用午餐後才外出。將軍澳沒什麼特色食品, 吃來吃去都是商場連鎖食店。本人最愛到這所拉面店吃午餐, 因為學生MENU價錢實在太抵了!! $34 便有一大碗拉面，也有定食選擇, 連飲品。叫了這碗醬油拉面, 好食! 湯底好, 美中不足是面條有點像現成買回來的面, 肉較"鞋"。不過即使是原價, 能在區內找到這質素已經是相當不錯了!…Read More

以前每次食飯, basement間赤丸/ 將軍澳米線從來都唔會係考慮範圍之內, 成日行過見到內面都好慘淡, 得小貓三四隻。但係呢間拉麵舖開左之後, 個basement即刻旺左好多, 間唔時都見到有人排隊。雖然我地一向好中意食茶餐廳d市井野, 不過成日食都好悶, 所以樓下呢間拉麵舖就成為左我地第二個「浦點」。來到拉麵舖, 好似是必一定要食拉麵, 但係成日去之後, 就開始試下其他野食。發現, 原來呢度D定食都幾出色。我地叫左個燒肉定食, d豚肉好易入口, 入曬d汁ge味, 好開胃, 連汁都可以撈埋。 除左定食仲有一碗麵鼓湯, 前菜同沙律, 男仔來講好夠食, 女士就可能略嫌份量太多, 有d浪費。另外又叫左個滑蛋豬扒飯定食, d豬扒好實在, 唔會麵包糠大塊過肉, 雖然係大碗飯型式, 豬扒同飯係一起上, 睇落好似無咩食, 不過食落又岩岩好。呢度ge定食除左大份外, 有兩個成為我地飯堂ge原因, 第一係d麵鼓湯好好飲, 唔係用粉沖, 而且飲落口仲係好熱; 第二係d飯好好味, 無錯, 係d白飯好好味, 可能我自己偏好日本米, 覺得好香, 所以每次都幾乎食曬成碗飯。我自己幾中意呢間食肆, 不過就略嫌佢個位置有d零零舍舍獨立左出來, 唔太就腳, 所以佢做到甘旺都算幾勁。…Read More

濃郁的豬骨湯加味噌調味，令我一次又一次咁返返黎食碗熱辣辣既拉面既原因係，第一呢間拉面店係我食過最好味既一間，第二係掛住呢間拉面店既親切感，每次黎到侍應姐姐，總係記得我口味，每次都係叉燒拉面加餃子，自動落單，特別係喺咁凍既氣溫底下，拉面更加係不二之選，去左英國半年返黎，第一時間過黎食拉面，為食之餘，更加懷念果種親切感，更難得既係店員姐姐仲記得我食開既叉燒拉面加餃子。睇到呢段蔡瀾既介紹，先知原來老闆唔係日本人，太驚訝啦要是你問我，香港哪一家拉麵店最正宗？我會回答是「札幌」。也許因為札幌的名字重複出現在各日本料理，這家人加上幾個日本字，正式的英文店名為Sapporo Ramen Miso No. 1。那師傅一定來自北海道的札幌吧？不，你猜錯，是一名福建閩南人，名字叫林朝楷。這就怪了，福建人做的拉麵比日本人好？不，我沒說比日本人好，是說像日本人一樣好。林朝楷拜土門先生為師，跟著他在尖沙咀的小巷，那間不起眼的店子裡工作了十多年。土門告老返鄉，店被集團買去，後來合約滿，林朝楷就頂下老店，自己出來當老闆了。日本老饕都知道有這麼一家地道的拉麵店，千方百計找到。當今，這群客人還是忠心耿耿地跟隨著前來光顧。師傅教的，林朝楷學到十足，一點一滴跟著老師的做法，也從來沒有想過超越他。我們這群愛吃東西的人，要的就是這種老味道。所有日本傳統食肆，都以不創新為傲，能夠守住長年不變的做法，已是輝煌的成績。招牌菜的札幌拉麵，加了白味噌，麵條和麵醬都是由日本空運來，不能說不正宗，但我喜愛的，除了湯拉麵之外，還有炒麵，分兩種：中華式的和日本式的。前者有很多配料，後者只注重甜酸醬，幾片椰菜而已，其他甚麼都不加。吃炒麵時，要配黃色芥末，才過癮。天氣一熱，則選中華冷麵，冰水浸過，涼浸浸。配叉燒、紫菜、海蜇皮、仿蟹肉等，淋上又酸又甜的淡醬汁，撈它一撈，是夏日的恩物。另有所謂的假中華料理，像豬肝炒韮菜、日本風燒肉、炒野菜等。我初到日本一試，覺得天下竟有那麼難吃的中國菜，後來慣了，久未嘗，倒想念起來。至於湯拉麵，有各種變化，下牛油的、下粟米的。湯底本身已由豬骨熬成，加鹽、醬油或味噌隨你喜歡。不過日本客的口味重，湯很鹹，香港人吃不慣，牆上掛了一塊「顧客可選擇淡口或濃口湯底」的招牌，大家都高興。 …Read More

每日番屋企都會經過呢都但系都無機會試...難得今日放早就同朋友一齊尼呢都食下！入到去見到午巿都無坐滿人...店員卑左個學生餐牌我地..我地不約而同都揀左招牌牛油拉面因為聽講幾有名！我地大約等左十分鐘都熱辣辣嘅拉面就上枱啦牛油尼都仲未溶可見份量吾少...溶哂之後試湯都吾太油膩份量控制得吾錯而且面條有彈性比一般面店好.. 呢餐都系食左38對於一個中學生尼講系可以接受而且水準吾差！！！不過就吾可以成日食啦…Read More

下午去左 Pop Corn Shopping, 累累哋，行到去將軍澳中心搵食，依區都有好多知名嘅食肆，我就試左 札幌，尖沙咀店做得很出色，依間都應該唔差。下午茶，有拉麵，有飯定食選擇，我order 了 "泡菜拉麵 "，湯底有濃烈味噌味，唔太咸，而且很熱，麵質適中，彈牙，叉燒很淋，入口軟綿綿，泡菜唔會太辣，芽菜頗多，囗感一流！下午茶仲有餐飲，真的物有所值，還送上$5 Coupon,真抵！…Read More

是日同友人到 將軍澳行，去先前當然睇食評有咩食大家都想食拉麵，睇到 札幌拉麵，食評吾錯就試下入到去，裝修環景都幾好，坐卡位點了$188二人套餐，自選二個拉麵，三個小食,包二杯飲品先來煎餃子,皮薄肉又多汁，又煎得剛剛好，不會太乾身炸雞一點也不鞋，還有沙律菜再來雞翼加雞軟骨，很入味最後上的咖哩拉麵，湯底很濃，拉麵份量很多，差點吃不完吃完肚皮快破了，因為太飽了 下次會再來…Read More

這間拉麵位於將軍澳地鐵b出口正對面，其實都好容易搵得到，每一間拉麵店都有自己的特色，好似這間的拉麵面條就是日本來的，非常彈牙、配上深厚的味噌湯底，有一种衝動吃完面吃完湯，餃子一看就知道是自己包的大大只，味道剛剛好、炒飯…Read More

去將軍澳新開張的酒店探路，途中經過將中，見扎幌拉麵，焯焯說開張後未曾來吃過，提議入去吃拉麵。中午時段，人客疏落，夠清靜，可以舒舒服服地吃。我們各要海鮮拉麵和雜錦拉麵，再加一個炸豆腐。豆腐最快上枱，上放有木魚碎，碟底是有日式豉油，炸豆腐上層微脆，夾木魚碎一齊吃已很夠味，但下層浸了豉油，外皮鹹濕不好味，下次再吃的話要走豉油。海鮮拉麵內的海鮮不多，只有中蝦2隻和少量魷魚和椰菜筍片芽菜，不過湯底非常鮮甜，是海鮮麵豉湯。雜錦拉麵材料多，有瘦叉燒一片、豬軟骨2件、蛋半隻，蟹柳、筍片、芽菜、粟米粒和海帶，各樣都不差，麵豉湯底，味道不及海鮮湯好味，麵身軟硬適中。跟拉麵有飲品，焯焯飲可樂，我要熱咖啡，咖啡只有味沒有咖啡香，好像飲了一杯隔夜咖啡。這裡冷氣不足，可能人客稀少，收細冷氣，吃完有點熱。埋單有2張各$10的優惠卷下次用。…Read More

係信箱到收到張傳單而最近樓下個商場又裝修, 令我的起心肝萬里長征過來將軍澳中心搵食七點幾來到 出面無人排隊 相比起場內其他食肆 呢個鐘數ge客量的確不算太多同阿哥係門口望緊mean果陣已經有侍應留意到我地 問我地係咪兩位見你甘熱情 無理由唔入來啦望完張晚餐mean發覺 其實價錢並不算貴同阿哥一人叫左個拉麵同小食 當然仲有野飲送要左兩支汽水上野速度奇快, 同侍應幫客人加水ge速度一樣甘有效率阿哥個香蔥辣麵 佢話連埋蔥,銀芽同面一起食 口感唔錯食過甘多拉麵店d 餃子, 呢間真係無得輸, 皮脆餡多 絕對唔係hea作美中不足就係好易爆開 可能係餡太多ge關係自己叫左個海鮮拉麵, 貪佢夠特別, 海鮮加埋d味增湯 的確一流 d蝦都大大隻中意海鮮一定要試下另一個小食, 炸得好香 但一出來就要馬上食, 話說因為掛住食麵 攤左陣再食返 口感大打折扣:(加埋d優惠卷 埋單一個人都係$60到 有野飲有小食 其實真係好抵食完r爆頭都唔明點解會無人排隊以後多d來密d食先:)…Read More

收到一張札幌拉麵的傳單，任何惠顧都可以便宜$10，便去試試。晚飯時段，各餐廳都人山人海，沒想到札幌拉麵卻完全不用等位，店內顧客不算多，環境寧靜(只有一個小朋友在大吵大鬧發脾氣)。晚市除了主餐牌外，有$78的套餐，包自選拉麵一款加小食或飯一碗，並送汽水一支，價錢便宜，好！我們吃了～招牌牛油拉麵：拉麵上有一塊牛油，溶化後不算特別香濃，勝在拉麵爽口，湯底不會像味精湯，叉燒亦很香軟，味道不錯！札幌螃蟹拉麵：要額外加$5。賣相尚可，蟹肉味道鮮甜，絕非普通蟹柳扮螃蟹，好！:)另外有半隻蛋、粟米，份量尚可。湯底與招牌牛油拉麵差不多，我分辨不出兩者有甚麼不同。食量較大的我們只吃拉麵絕對不夠飽，所以沒點小食而要了飯。當我們剛開始吃拉麵時，飯已緊接送上；當我們吃完麵時，飯已有點變涼，建議店方更體貼，注意上菜時間喇。飯是迷你版，只有平時的三份一，份量較少。五款飯中我們選了～滑蛋豬扒蛋飯：蛋真的很滑，豬扒不多卻很軟，味道不錯。咖喱飯：咖喱既香且甜，很開胃，有數粒牛肉、紅蘿蔔、薯仔，所以不會只有「汁撈飯」的感覺，好味道！飲品：除了一般的咖啡、奶茶，還有樽裝汽水。個人認為選樽裝汽水較划得來，因為他們的飲品容量較少。服務方面，因顧客不多，所以侍應可以很密集地來加水，效率甚高。整體而言，我很滿意這頓札幌拉麵的晚餐，希望它可以再旺一些，不會因顧客不足而結業吧！…Read More

宜家將軍澳越來越多食肆， 但搵食就越來越艱難。前排睇左篇報導話將軍澳係無街之城，我自己都感同身受，除左連鎖店，有特色少少的食店要係度生存都有難度。好難得的係呢間開左無幾耐的拉麵舖可以食出特色，食出風味。是日係平日，可能往地鐵站天橋打通後，呢度變得唔就腳，7點幾返到來，都唔洗等位。有時候香港人難免受到排隊文化影響，其實排曬隊唔代表好食，唔排隊又唔代表無質素，呢種迷思係將軍澳住左甘多年一直都無辦法解開。入到店鋪之後，聽到好大聲的「一二三四」，氣氛幾好。我地兩個人分別叫左個$78拉麵套餐同埋燒肉定食。呢種價錢唔算便，但勝在大大份，兩個人食完真係好滿足雜錦拉麵: 我叫左個麵鼓湯底的雜錦拉麵，原因好簡單， 因為可以一次過食到不同口味，滿足d。叉燒係純瘦肉，香口一定不及半肥瘦，但勝在健康及入味。麵身彈牙，但如果能夠係湯底浸一陣，會再入味d。　燒肉定食：上到來，第一個反應係洗唔洗肝多甘多! 多到聽到隔離台話要打包，環保d來講，其實下次可以話少燒肉阿唔該。燒肉汁的味道恰到好處，唔會太濃或太甜，雖然呢個燒肉定食略貴，但勝在有salad，開胃菜以及值得一提的面鼓湯，個湯飲落去係辣口的，比起出面溝粉的面鼓湯飲到一份誠意。成日話餃子同拉麵係絕配，我真係好同意，呢度的餃子皮非常薄，加上煎得略為"農＂，香口又啖啖肉，不過就略嫌有少少開口，美中不足。…Read More