Sapporo Japanese Restaurant (Closed)

lunch time 入黎諗住叫迷你小咖哩飯set, 點知賣哂，個waiter 講到好似可以轉其他飯咁，講左一輪，原來係冇得轉，係變左散叫，差d 叫多左野= = 想叫串燒，但個師傅未返。成個menu d 野好多都冇，都揀唔到咩，就叫左豬骨湯拉面加魷魚筒飯。豬骨湯底一般啦 唔濃唔淡，一般快餐店咁既味，面係味千拉面果隻，即是其實只係值四五十蚊 唔值八十蚊，本來係諗住有一風堂/豚王既level, 點知係味千：o)以後唔會再黎食，除非全部野半價啦～～～…Read More

Food&Dessert bad.Very disappoint.Terrible.Restaurant give us the "Hokkaido BokujyoMilk Soft Ice-Cream" in a cup(cup not look good).Ice-cream also not look good(Look like shit or wasabi in a cup)It's not look like good dessert.I pay money for icecream but I feel like eat icecream in buffet shop.Look like no value.札幌元祖北海道拉麵Sapporo Japanese Restaurant 499 Hennessy Rd,Causewaybay,Exit B Causewaybay MTR station.Tel:21406883…Read More

今日,放工去食lunch。我好耐無食拉麵，之前行街經過呢間野。係想食好耐今次終於試到啦。（我本人比較鍾意去D唔顯眼的餐廳，一來唔洗同人迫。）入到去餐廳，播緊日本歌。但梗係唔係近期的歌。裝修就似日本0既小店。入到去坐，侍應就俾左餐牌我。結果我就叫左個豬骨湯拉麵加燒餃子。落單到上餐只係等左5-10分鐘。先講個拉麵,拉麵有粟米、叉燒、海苔：我覺得個拉麵的粗幼比出面拉麵粗;但又唔似蛋麵0既顏色咁淺黃色。個拉麵唯一一樣野好，就係彈牙。叉燒係比面厚身D，但比較出面細塊。豬骨味又唔太覺有。個餃子我會鍾意,因為佢係煎到金黃色。一碟有五隻，食落去好豬肉。餃子係做到好薄，豬肉餡唔散。本人覺得如果個餃子加少少豬軟骨，令到食餃子個口感會爽口D。…Read More

上一次幫襯呢間鋪頭應該係五年前，今次再去就好失望叫左一個芝士鹽牛油鹽味湯嘅拉麵，但係個湯好似就咁用熱水加鹽咁，好冇誠意。個麵就好似喺超市買嘅即食拉麵咁……另外，叫左一個濃味拉麵，賣相及味道一般。每張枱order拉麵可以贈送一客三隻餃子。張coupon其實係喺入口有個傳單阿姐派嘅，但阿姐冇提過佢手上傳單係有coupon， 只係不斷話 “食拉麵送餃子”， 我諗住反正餐廳入面有餐牌，環保d，所以冇攞到傳單。點知，店員話要有coupon先有餃子送， 結果我又要上返地面問阿姐攞嗰張傳單。 個阿姐喺度笑笑口咁單打，話“頭先畀你又唔要，而家又要!” d態度呢……另外，舖頭內只有兩個店員， 其中一個經常去玩電話， 所以極度唔夠人。我叫左兩次加水，十分鐘後都冇人嚟幫我加水，結果我要自己去斟水。咁嘅服務水平，都要收加一服務費，真係有啲無奈。 銅鑼灣仲有好多價錢差不多嘅拉麵店選擇，我諗我以後唔會再返去。…Read More

話說我同honey都好想食日本野，佢想食拉麵而我就想食鰻魚飯，見到之前888拉麵轉左另外一間舖，就落去試下啦。肥仔點咗一碗味噌牛油拉麵，而我就點咗個鰻魚飯同餃子。過左大約10分鐘後送上拉麵，我試咗啖湯，勁濃，牛油味亦都勁香。之後到我嘅鰻魚飯同餃子，一打開盒鰻魚飯，見到真係勁失望，得兩舊勁細舊嘅鰻魚。咬一啖，個尾勁燶，乾哂，口感似食緊鰻魚乾咁。另外一舊就好啲，但唔好expect係勁滑勁嫩嘅鰻魚飯。再食舊餃子，唔熱又唔脆，感覺似一早煮定，有人嗌先返熱咁....0…Read More

夜晚同朋友聚會，嗌左個前菜梅子雞軟骨，梅子味好重、雞軟骨夠爽口，好岩用黎送酒。佢既和牛，煎得岩岩好，成個口都充滿肉汁，好香~平時唔食太多肉既我都忍唔住食左好多XD之後仲嗌左關東煮，大大碗上枱，入面有5-6樣餸，有䈮篛、蘿蔔、年糕福袋、魚餅等，點少少芥末(からし)黎食好夾~臨走見到收銀枱上有多款糖出售，做飯後甜品或者清新下個口都好。…Read More

幾日前，跟幾位日本人朋友食晚飯。七點左右直接入座打後開始慢慢多人到滿座。位置近地鐵站，室內環境還好。晚上約八點開始有人彈琴唱歌，幾好聽，以英文歌為主，也有一兩首日文，氣氛幾好。坐低朋友隨便點了幾款日本菜分別是關東煮，炸雞塊，燒秋刀魚，燒花魚，沙律，和一個日本鍋，後再追加兩個麵底。但由於只顧吃，和聊天照片只拍了鍋說說記憶比較深的食物：炸雞塊味濃但配啤酒吃很搭。其中最好吃的是兩條魚燒得特別好味其中一個住札幌的朋友更是對兩條魚讚不絕口。串燒入面牛舌意料之外地好味，好味過去燒肉店自己燒好多鍋也沒什麼好挑剔的，湯底好味，材料質量也高。後加的面底滑而彈牙不錯。幾個日本朋友一路吃一路讚係日本既味。食完之後想下次再帶朋友黎…Read More

很久沒去中環店食拉麵，原來已搬走了。今天巧遇銅鑼灣店，當然幫襯，回味下正宗日本拉麵，坐下後，睇餐牌，見有套餐，於是叫了一個炸雞配拉麵套餐及一個細咖喱飯配拉麵套餐。先講炸鷄，香口嫩滑，意料之外，讚細咖喱飯，咖喱偏甜，可能主要係蔬菜咖喱（紅蘿蔔，薯仔）。。但好醒胃，份量又適中。吾錯主菜拉麵，因我吾食紫菜，故其中一碗要求走紫菜，來到時，侍應吾知係要，落錯俾太座，要鬧。。。拉麵。。蔥花夠多又香，正鹽湯清香，保持水準最重要，仍用空運新鲜日本西山拉麵，麵身彈牙，熟度剛剛好，正正係正宗拉麵精髓如想食要快D，因15年1月，銅鑼灣店關閉裝修，要6月至重開，但據說荔枝角分店會接力。。。…Read More

我非常非常討厭的是，在餐廳吃東西的時候，跟其他同桌不認識的人靠好近。但在香港，很多很多餐廳的主人是不會明白像我這種人的心態。而這一間絕對是其中一間, 為了錢，寧要客人坐好近的。之前這裡也是一間拉麵店，八八八。那時候，我常來。因為每一次到來，都總會找到一份鬧市中的寧靜。不是客人少，而是座位與座位之間有充分的隔距。然而，八八八不在了，轉手了，就變了調。當天晚上八點多，一進門口就有人問幾位然後帶我們坐下，在一張四人桌子，我們只有兩人。走進去的時候，位與位之間的小路變得比以前八八八窄了好多，是因為加多了不少桌子及椅子。坐下不久，點了餐，就看到門外有一個家庭四個人走進來。然後，就有一個女侍應沖沖走來。不友善地說：“呢張係4人台，吾係2人台，吾該你地搬去隔離坐。“!!!!!!!!!!!!!!!!!!!!!!!!!!!!!!果一下，火都來埋！喂，大佬呀！鬼吾知呢張係4人台呀！？係你同事叫我地坐架！我地無自己坐低囉！你想我地讓個位比你果四個重要既客人都吾使甘呀嘛！？不知所謂！還要叫我地換位子，坐到另一對情侶旁邊，幾乎近到手臂貼手臂。這店的主人根本完全沒有顧及到食客吃東西的時候到底是什麼心情！這是前題，但當我們坐下不久，就來了兩人餐的沙拉，炸雞，炸尤魚，煎三文魚，然後拉麵，全部都上齊了。可是，就一張2人桌，擺不到這麼多東西……他們就把炸雞碟擺在炸尤魚碟上…但是我們只吃了一點炸尤魚…所以呢…其他炸尤魚都被炸雞的碟弄到…請問怎樣吃？我們完全無言，旁邊的情侶的情況也一樣…如果食物是很好吃的，以上情形也許我可以接受，畢竟有時候吃好吃的是要受回氣。可是…食物並沒有好吃到令我忘記掉這樣的服務態度！沙拉 – 很大一盤，是新鮮！！！可惜…醬料調味又淡…拉麵 - 裝貨就價，份量好少，女生吃都嫌不夠。拉麵質地尚算OK，彈牙，滑， 但湯底完全：油＋咸。沒有豬骨香，亦喝不出豬骨味。炸雞 – 如圖，肉質死實，過咸，好像是炸了兩三次的雞塊。就像是昨天賣不出去的，再番炸。煎三文魚 – 過咸，竟然連三文魚也可以煎的如此死實，是有一定的難度。它的死實不是因為煎得香脆, 而是像俺了好久，連肉質都變成咸魚的肉質。炸尤魚 – 這個還OK， 感覺到是新鮮炸的，不過好油，吃一口油就像爆出來一樣。蘋果汁 - 最好喝最滿意就是這飲料。總括而言，我是八八八的常客，因為有比較，所以覺得有誠意的餐廳要倒閉，而沒有良心的餐廳可以在鬧市立足。之前的八八八很會為客人切想而不是只為了賺錢，但是這間卻只為了賺多幾個客人的錢而令客人在極之擠擁的位子上進食。難怪八八八會倒，想到這真的好懷念仍有八八八的日子。而這間餐廳，將永久BLACK LIST。…Read More

第一次幫襯這家吃麵大概有十年八年~ 這家老闆在香港拉麵熱前很多年以在香港開店~自從ifc拆樓搬遷後都沒有再去過這家拉麵~我想也有兩年吧~記得以前跟友人常在晚上時候到ifc那邊晚餐~一直很掛念這家的濃味味噌拉麵...試過吃很多家的味噌拉麵,就只有這家最合胃口~(反倒去其他店我都很少叫味噌)觀這裡寫食評的有說味道有變~ 我倒覺得沒有變過~還是依舊很濃~西山拉麵廠的麵依然彈牙好吃~幫趁前看看店家的名物是常識吧~每店總有某些東西特別好~某些東西平平~而這家我就大推味噌加濃味味噌~(以往跟我在ifc的麵腳友人今天看到我po照片~立即興奮的問搬了往那兒~哈~記起麵腳每次只會點牛油拉麵) 要說新店不好的地方~大概就是店面坐位太小~坐得辛苦吧了~(之前也有在八八x年代來過吃麵~所以其實是有心理準備)但是一人吃麵不是坐太久還好的~ 價錢套餐(餃子加拉麵)連加一 一百塊不用~冰茶任添~ 在銅鑼灣吃正宗日本拉麵也真的很好了.....怎麼這店會給人說得那麼差呢~在吃東西的期間~還看到不少日本人來午餐~要是真的那麼差~我想第一時間老闆的同鄉都跑光了吧~不過這店位置真的不算就腳,還有銅鑼灣的拉麵店數量真的多得嚇人..希望生意可以維持吧~老闆我總算是你的老fans了~每次想吃濃味面噌拉麵只會想起你們的店,希望你們店可以在香港繼續下去,不要給恐怖的租金趕絕了......…Read More

周五夜,放工到銅仔,陪老婆行宜家傢私。享SOGO往灣仔方向,有一間落地牢既拉麵。之前去過一次,食過醬油拉麵還好,所以今次再去試下。講起食拉麵,其實我係好大個人先鍾意食拉麵,早年(十靚歲)食過幾次拉麵都唔知有咩好食, 湯麵類我寧願食D粉麵店嗰D, 加下辣油落下醋都唔知幾滋味。後來因為睇左火影忍者,嗚人條友好鍾意食拉麵,搞到我有一排真係嗚人上身,不停食不停食, 最後, 我悟出一個道理, 原來, 我之前未食過好味既拉麵,所以唔識欣賞。一碗好食既拉麵,香港真係非常難求。尤其當你去過日本,食過D正宗既拉麵,返到香港好難再滿足到你。咁點解日本D拉麵會好食呢? 主要有幾個原因, 一係D水質, 香港D食水又消毒又加呢樣嗰樣, 日本人D水好清好甜。 拉麵既湯底,係成個麵的靈魂, D水輸左九條街, 其他野你點整都係唔好食。第二樣係人, 日本人做野好認真, 對食材挑選認真, 衛生認真, 煮亦認真, 美味係必然。最後係地利, 天寒地凍, 享間環境舒適的地方,食一個熱辣辣既拉麵, 離開時, 拉開門,外面落住雪,再加上非常清新既空氣, 成個體驗,你話係咪好正先? 認真講句,香港D拉麵就差好遠,識得食一定係去日本食啦。北海道又好,大阪又好,東京又好,揀冬天落雪去食, 你會明我講咩。好喇,講番間野,價錢享銅仔黎講真係唔算貴, 一碗麵加個小食都係一百幾十。環境係幾OK。D師傅有幾個都係日本人,應該好過D假既港式拉麵, 早年連扒王之王都有拉麵食, D劣質拉麵食多左,真係人既水平都低晒。坐底叫左支SAPPORO啤。拉麵加啤酒,做鬼也風流。嘿~支酒我證明係SAPPORO出既, 呢個味道去過札幌既人會知。伴酒小食好似係D魚又似豬肉既, 可以咁啦。你冇睇錯,佢地係有雞味既炭, 濃到咁。劣!主角來了---鹽味拉麵。個賣相色水溫度,我覺得合格,睇得出係來自日本人之手既拉麵。食拉麵第一個STEP就係飲佢D湯, 頭一啖已決定成個拉麵點, 我懷住期待既心情, 一飲........唉.....有點失望。唔係話佢唔好, 但係稱唔上好好味, 始終D水唔得, 師傅點比心機都係差D。麵D配料, 蔥OK, 筍好味,D海帶都OK, 粟米好甜, 叉燒厚左D又唔夠肥, 麵質彈牙有口感, 係個湯差左D, 湯先係靈魂,高下立見。同區有一蘭拉麵,豚王,達磨等等, 呢間門口冇人排隊, 佔有地利而不得民心, 技術有很大的空間提昇。呢一餐, 可以話OK啦, 又唔係真係好似其他D食評講到咁差。不過冇驚喜.....D湯我冇飲晒, 我其實食麵好鍾意飲湯, 熱,鮮,甜,美, 這一碗看來只能在日本遇到。講多句, 一蘭我食過OK, 主要因為佢個湯頭較濃, 香港D水影響唔到佢。…Read More

I went to Sapporo Japanese Restaurant (札幌元祖北海道拉麵)Near SOGO therefor very nice location!Owner is Japanese.I expected!Just a minute,take it easy.At first,I ordered druft beerI got rid of my tiredness.So Staff are Very polite & nice smile.I felt this beer to be more delicious!!Next,corn.Fragrant flavor is so nice! It matches beer Very well(^^)Karaage(fried chiken).Without saying.I think everyone love itAnd then・・・So this one!!Sio ramen!!Recently,Tonkotsu ramen is very famous in HK.Of course,I love it.But I want to eat light & healthy one sometime!!Taste is good.I recomend it.If you don't eat SIO Ramen yet,you should eat the one once while you live!!…Read More

大約兩年前在中環食過，味道還可以，今日見到搬左黎就諗住試下，要落地庫，一入去，地方細過以前好多，叫左碗拉面，賣相都還可以，一吃只有味精的味道，都算啦，有個戴眼鏡既中年女waiter,好似唔洗做咁企係度，態度又差，環境也一般，奉勸各位不要中伏！ …Read More

本身我同男朋友都係88X既粉絲, 88X執左之後 出現返間札幌拉麵 我地都相當興奮~佢開左一段時間之後 我地今晚終於有時間試下係門口見到個餐牌, 野食選擇非常多, 門口派傳單既服務員仲好落力SELL 我地, 又話個老板係正宗北海道人. (咁唔係個個北海道人都識煮拉麵架姐下麻, 我夠年年食月餅啦, 唔通我又識整?)~見我地有D猶豫, 就送左張卡片俾我地 話落去俾D WAITER 就有餃子送~決定落去試一試.~沿住條樓梯落去, 嘩! 咁慳皮, 乜都無改過既? 入到裡面, 真係好懷念, 竟然9成都無執過, 間隔, SOFA 連入面煮食D架步都一樣既?!?!?!剩返果1成有改變過, 就係換左D 新既枱椅,同埋新既WAITER 咁囉…我地懷疑支辣油都係888留底, 一樣樣的~入到去, 間舖6成滿, 個WAITRESS 就帶左我地去一個小角落坐, 拉椅都有D難度, 不過我地好餓, 所以就無理男友叫左一碗醬油拉麵, 我就叫左豬骨拉麵. 係等緊麵既期間, 就發現得張枱好矮, 到碗麵黎到, 我地成個人要屈到好低咁食, 好辛苦!兩碗麵一上枱, 就已經見到一層油浮面. 碗醬油拉麵就好橙, 我碗豬骨拉麵就好白.:(先抽水飲左啖醬油湯先…UMMMMMMMM… 醬油味不太重, 只可以話似係”有味”既湯~~到我自己果碗, 其實見到白雪雪真係有D淆底, 不過叫左都要食架啦. 一飲個湯, HOLY 雪, 奶黎既? 再飲, 再奶… 一D豬骨味都無, 應該叫鹹奶湯拉麵!! 飲到第4,5啖, 個味已經散晒, 只可以飲到鹹味, 真係奶….野! 肯定落重味精!D 麵本身幾好食, 同888果隻差不多, 而果兩塊紙咁薄既叉燒亦都幾好食, 畢竟呢兩樣野都係買返黎, 唔係自己整, 所以好食係應該的.!跟住就係D配料, 直頭好似食剩俾你咁… D 蔥切唔斷, 一抽咁既… D 芽菜好似俾人虐待過咁, 條條個頭同尾都吊吊FING~ 噢, 跟住就係D粟米啦, 正確黎講係粒粟米, 因為我唔知佢係整之前果碗麵痴左D粟米, 定我碗麵係本身有粟米, 我碗麵係得3粒粟米架姐….係啦係啦, 仲有客餃子, 因為係送既, 所以得3隻, 都合理既.~上枱時, 見佢漲卜卜, 好有料, 應該好味啦掛! 點知, 係就係好多料, 不過係無乜味既! 同埋佢煎左係一D都唔脆, 林身既餃子 ~,~食完臨埋單, 想飲杯茶沖沖個口, 因為真係好重味精. 我自問雖然好易食得出味精, 但唔係太重既話 我絕對接受到, 出去食野都預左要食味精架啦, 但呢碗麵既味精食到我條脷麻左. 好啦, 到想飲杯水既時候, 嘩, 咁多塵既? 男友因為自己叫左杯野飲, 無飲杯茶, 跟住我見到佢果杯茶都好多塵!因為我坐近廚房, 見到佢地原來係斟定晒好多杯茶, 跟住用張報紙COVER 住. 斟定茶都無咩大不了, 但用張報紙遮住就好污糟囉!!!!!! 跟住我同個WAITRESS 講, “兩杯茶都好多塵, 可唔可以斟杯新既俾我?” 佢呆一呆, 好似唔知我講緊乜咁拎住左杯茶幾秒 (注: 佢係無望杯茶的) 跟住就走去 拎!另!一!杯!斟!好!左!既!茶!俾!我!!!!!!!!!!!!!!!!!!!!!! OMG!!! 又係勁多塵囉!!!!!就係咁, 我決定一蚊貼士都唔俾!80幾90蚊係銅鑼灣食碗麵唔算貴, 但呢間野真係唔值囉!!!!!!!!!!!!!!…Read More

我從不寫食評但因這餐廳,忍不住了本來打算去gogo curry吃晚飯 怎知已結業 所以選了這間食物難吃 價錢過高 餸菜不夠熱，味道跟普通的拉面没有分别，友人還覺得拉面有一點鹼水味 也罷了服務態度極差店員以命令方式要求客人讓出一個位後又把結帳本扔在桌上, 逼我們結帳貼錢買難受這食評只希望其他人別跟我一樣中伏同樣的價錢 去吃茶餐廳會明顯地更開心 態度更好 價錢更合理…Read More