Cozinha Pinocchio Taipa

請貴餐廳記住….現在澳門不是只有你地一間葡國餐廳。話說入坐已經是下午2:00，餐廳空出大半位置。但四眼馬美女職員，堅持要我倆二人要一個二人枱，是職員經常要開開山山取杯碟的位置。仲要我哋唔好坐喺背面，因為會阻住佢哋打開櫃桶喎。話假期好多人，只可以坐呢張。完…Read More

假日到了澳門一轉，疫情之下三年冇來澳門，果然好太多人🤣！先到官也街搵食，掃街預左多人，想搵個地方坐下食嘢先，見木偶葡國餐廳，葡式建築，有40多年老字號歷史，主打葡國菜，成日去澳門都經過但從未幫襯過，趁今日試下。下午食飯時段仲有位唔洗等即入坐。餐廳面積大樓底高，裝潢有古典之感，有少許木偶的佈置。餐牌，價格略貴，想食嘅乳豬又冇，只好點兩個主打及飲品。愛爾蘭咖啡，$38，冇乜咖啡味但酒味好勁。桂花烏龍檸檬鮮果茶，$38，友人的。馬加休餅，$78。好耐冇食過馬介休，晒好都係特色小食，印象上以前試過幾過幾間不俗，係呢間又試下，口感似薯餅,內裡因有少許鱈魚的鹹香味，正常水準。焗葡國雞(例牌)，$188，好細碟，雞肉口感有點乾，味道普通。食物味道普通，偏貴唔抵食，坐得幾舒服，環境幾靚，服務態度差，可能唔休做，試下就算。…Read More

呢間勁伏勁貴勁難食！復活節去澳門玩，黎到官也街，成條街都係人，連想食個包都有排排，難得見一間餐廳裝修ok又唔使點排， 就諗住去醫下肚先， 點知中晒伏！因為想留肚到外面掃街，於是2條友只叫了3樣野，但結果等左成個鐘先有得食！1. 馬介休炒飯呢碟馬介休炒飯得幾舊仔咸魚（ 最大舊嗰粒擺咗喺面 ），d炒飯又淡又乾又凍又難食！唔明既然一早炒好點解擺到凍晒先上枱？這點無料炒飯承惠$1002. 葡國雞 （例牌）這個是例牌，$158，用大家樂以前的碟頭飯鐵碗盛著，有4、5件雞左右，雞都叫滑，唔算難食，但就是大家樂那些快餐店質素！3. 蒜蓉麵包唯一好食的蒜蓉麵包！本身有3塊，脆口好味，30蚊3塊…Read More

根本係劏客 呢間野超級難食 求其一間香港茶餐廳都好食過佢啲野等得耐唔再講 係咁漏單 根本呃遊客 絕無下次係我食過最難食嘅葡國雞仲要價錢超級貴 啲野無味現場無滿客 啲野都係咁漏 聽到隔離枱叫左成個鐘都得碟菜 離哂大譜！一個水煮菜要80幾蚊 仲要加一 半個鐘有多先上一碟雞 個雞係上哂黃色但完全無味牛尾咸到痴線 個薯仔極度咸！有得揀 建議大家行遠啲去搵地道葡國菜呀姐做野係咁甩漏不停係咁等 哂哂啲時間 點解咁嘅野可以做咁耐都唔執笠 離哂譜…Read More

叫左個燒牛肉，馬介休炒飯，馬介休薯波同蒜茸包，第一個鐘靜係黎左個炒飯同包，個炒飯又細又貴，等左一個鐘我問佢個牛肉有無落到單，佢同我講燒牛肉要等起碼半個鐘以上，心諗成個鐘，牛肉乾都燒到啦，再等多半個鐘黎到，一望落去，真心唔覺有燒過，重要成陣雪味加勁重蒜味，我用2 分鐘清左佢埋單走人。…Read More

馬介休初體驗✨難得黎澳門，當然要試下葡國菜！但呢一餐，令我對葡國菜蒙上陰影🥲🥲✨馬介休餅：普通冇調味薯蓉波波🥲✨炭燒墨魚：墨魚燒到乾爭爭🥲 ✨葡式白酒炒蜆：正常發揮✨葡式馬介休魚(?)：食唔慣，欠奉層次嘅死鹹🥹 馬介休本身係「鹹魚」，可能我食唔慣🤧-等咗一個鐘先上第一道菜，本來仲叫咗葡國雞，但等咗兩個鐘都未嚟，大家仲係好肚餓，決定走下場lu🥲 可能一下子多咗遊客，餐廳開咗三層，但係人手完全應付唔嚟。…Read More

作為一個香港遊客，其實有無訂位、要排幾耐隊、易唔易去到都重要。木偶位於官也街口，非常方便。地方非常大，就算無得訂位都安心不用排長龍。以有乳豬有一支紅酒計，呢餐二百幾蚊又唔太貴。牛尾湯- 感覺是很濃牛味的羅宋湯。馬介休球- 沒有一般鹹魚很鹹的觀念，很重薯味及洋蔥味，都多魚肉，很容易令香港人接受的前菜。葡國焗乳豬- 外皮很脆，燒味很重，肥瘦及味道適中，配菜清新。燒沙甸魚- 意外地是最濃最鮮的一味菜，燒味很重，可能西葡是善長海鮮。葡萄牙紅酒- 一支紅酒只收138MOP，絕對拉高了晚餐的抵食度，味道夠，有甜味，跟焗乳豬是絕配。三層樓…Read More

今日同同事黎到呢間老鋪食晏，見好多人都介紹呢到，又試下咩符弗先。澳門芝士碟以為係Brie cheese，食落唔係，如果你接受唔到重味芝士就唔好晒quota叫。乳豬肉質都淋既，同埋個皮都脆。馬芥休炒芥蘭碟餸黎到係出晒熱，但食落唔熱，不過以我唔食芥蘭黎講佢算炒得淋。葡國烤雞不過不失啦，你當普通烤雞就算。洋蔥牛扒呢個係比較出色，洋蔥炒得甜，個扒都夠淋。葡國燒豬手個皮好脆，但肉就乾左啲。椒鹽中蝦個殼好有味，但啲肉無味。…Read More

價錢同份量不成比例食物偏冷服務態度差 (西口西面)上菜速度極慢 一杯椰青都要等了一個小時食物味道都好普通 總之就係一句唔好去食完全唔值係佢附近掃街仲好過唔好嘥咗啲冤枉錢…Read More

對上一次來澳門的時候已經是疫情前的事，事隔三年，今日趁着還有一日空檔，老公提議乘坐金巴經港珠澳大橋到澳門走一趟，除了可以到澳門吃美食之外，更可以親身體驗一下這條全球最長的橋隧組合跨海通道最長的大橋。因為下午才起行， 而且金巴的行車速度超超超超超超超超……….級安全，全程均平均保持50km/h，所以到達澳門已經差不多下午4小時了。我們首先在大利來記吃了一個貴價豬扒包餐(Mop$63)填填肚子，再前往大三巴四周觀光回憶一下以往的感覺，再到文清打卡熱點戀愛巷；和仍然保留中式傳統建築，及以碎石堆砌鋪滿地下、巷子牆上佈滿塗鴉彩繪、富有特色的關前正街拍照。星期五的下午澳門觀光區到處都是人流，而新興的文創區聚集了不少特別的創意小店及咖啡店，除再次感受澳門歷史外，覺得的確多了一些文藝氣息。晚餐本來計劃好到舊城區的-葡多利「正宗葡國菜」，因為到達澳門時間太晚，老公又要去一趟葡京取回今天的旅費，之後我們選擇乘搭酒店免費穿梭巴士前往氹仔最新的上葡京參觀一下，再轉乘的士到餐廳；但因為時間實在太緊迫，離開上葡京等候的士的時間已經是晚上八時了，我們又要趕搭尾班車回香港，因為從來未沒有去過葡多利，怕人生路不熟會耽誤時間，所以最後決定前往官也街的小飛象或木偶餐廳吃葡國菜，因為老公說木偶有燒乳豬吃，所以最後選擇了木偶餐廳。木偶餐廳在官也街前廣場的馬路上，白色及黃色相間的仿歐式建築物相當顯眼， 配合晚上的燈光令木偶餐廳特別出眾，木偶餐廳在澳門已有幾十年歷史，名氣是有的，但是隨着澳門的發展葡國菜在澳門已經越來越多，而質量和價錢也相當吸引，如果不是時間緊迫，我也會選擇嘗試其他的葡國餐廳。進入餐廳發現裝修跟以前沒有大分別，幸好沒有預定也仍有吉枱，餐廳內部相當闊大，天花掛上了水晶吊燈，相當有懷舊氣氛；地面一層應該是招待二至四人的細枱，超過四人以上，則會安排乘搭餐廳內的升降機前往2樓及3樓用餐。餐牌圖文並茂，我們極速點餐及飲料，本來想吃葡式白酒炒蜆，可惜沒有供應；詢問燒大蝦價錢，回覆是$150/ 隻，價錢算是相當昂貴， 所以我們沒有要； 店員推薦我們吃半斤椒鹽中蝦$138，但我們沒有興趣，所以最後我們點了以下食品:~ 蒜蓉包 ($30)三片蒜蓉包不算太大，但是焗得頗為脆口及充滿蒜蓉味，一下子就吃光了。~ 馬加休餅 (半份$60)店員推薦，入口感覺像是薯蓉餅，鱈魚鹹味不足，外面炸得又不夠香脆，餐廳提供了wasabi和日本醬油作為蘸料，感覺格格不入，完全不吸引。我們每人只吃了一球，剩下的打包拿回香港。~ 葡式焗乳豬 (例牌$198)看見這一 碟葡式焗乳豬就想起疫情前在葡萄牙旅遊時在餐廳內任吃乳豬的情景。😍一碟有六件，每件都頗大，乳豬皮脆肉厚，入口相當軟滑，接近乳豬皮位置的肉味較為清淡，底部味道則較濃味，但亦不會過鹹。看這件乳豬好像是雞髀的厚度，若乳豬皮可以更乾和更脆一點就可以得到更高分數了。~ 炭燒風鱔 (時價 $230)同樣一碟有六件， 也是每件都相當大，肉厚，有炭火燒烤和蜜糖味道，我們也相當滿意， 如果中間的小骨可以去除就更Perfect啦。~ 葡式焗青口 (半份$60)青口共有六隻，中間部份的較為大隻，而餐廳滲入一些較小的放在旁邊，這是我最不滿意的，這些食材都不是太貴的材料，我覺得有很多餐廳這樣做法太小家了。(例如在美心酒樓吃的叉燒餐包，很多時都是一個大兩個小。)焗青口除了有很多蒜蓉外，還填滿了薯蓉，感覺像是在吃法式焗田螺不過法式焗田螺牛油味更香更好吃。飲品要了一罐可樂(沒有問價錢，大約 10多元吧，和一杯紅酒 ($48)幸好餐廳上菜的速度算很快，我們1小時內把這個晚餐吃完，馬上離開到官也街購買一些手信就匆匆乘搭巴士趕到轉車站，再轉乘巴士到港珠澳大橋口岸乘搭速度超超超超超超超超……….級安全的金巴回香港， 幸運地登上最後一班巴士回家，回到家中已經是凌晨一時。木偶餐廳價錢算是偏貴，如果二人付出$708這個價錢應該可以吃到更好的，不過未來過的可以一試，因為始終這家餐廳的歷史悠久，但要小心點菜， 特別是海鮮時價類，以及不要點太多其他的配菜菜式免墮陷阱。下次一定要預留多一些時間在澳門多試幾家同的葡國餐廳，享受休假的時光喔。…Read More

食物非常普通，薯蓉都冇味，咖喱雞雪藏味濃，墨魚好韌，好似咬緊一條膠咁，馬介休鹹到阿媽都唔認得，凍飲冇冰，嗌咗千七蚊係得蔬菜可以食得落肚！大堂環境還可以，廁所不堪入目，作為一間遊客餐廳，極度不推薦！職員服務唯一可取的地方！…Read More

迪士尼的故事一向是我們從小到大的憧憬夢想，所以一看到木偶餐廳這個名字，就想像自己能進入童話世界果然，餐廳的入口已經十分夢幻，晚上整座大廈都開燈，當你走進華麗的餐廳時，感覺自己變了一位皇宮貴賓食物就更不在話下，水準也是很高的！特別喜歡他的木糠布甸，跟平時吃的不一樣，這裏的很有彈性，好像吃棉花糖跟木糠布甸的合體…Read More

知道木偶餐廳在疫情下出左精選套餐，刻意約朋友一齊去試吓。可能當日是平日夜晚，所以入到餐廳，基本上只有一個客人，我們入到去可以隨意揀位，跟疫情前的境況大不一樣。服務員真係好有禮貌。原來除了特價套餐，餐牌上的食物都可有八五折優惠，於是我哋各人點咗一份精選套餐之餘，另外再加一份葡式鹹豬手。套餐40幾蚊到50幾蚊都有 ，包埋嘢飲，非常之抵食😍😍😍😍本來沒有抱太大期望，但結果食物份量和質素超乎想像，性價比非常高！ ！杯咖啡香濃又滑，絕不欺場！！真係值得一試，疫情下大家支持一下！…Read More

住氹仔這邊嘅酒店，當然要黎氹仔舊城食下嘢，記得10年前黎過這間鋪，味道都唔錯，於是就去食下佢嘅葡國菜。我地4個人order左個4人餐，價錢$998，未計加一。先黎，餐湯加麵包，味道普通，跟出面餐廳差不多。跟住就係黎餐酒，可揀紅酒或白酒，應該都係超市貨，都係一般。到主菜，就當然有馬介休，同葡國豬排，仲有沙律菜，仲有個炒飯。馬介休冇當年嘅味道，而且豬排上枱果陣都唔太熱，炒飯就好普通。總結係，可能這間餐廳已經換左廚師，冇10年前果種葡國味道，如果這個價錢的話，可以去其他食好些。感覺有點失望，同行嘅朋友都有這個感覺。如果大家唔信嘅話，可以黎試下，係咪冇10年前咁好味。我好少俾這個評語，可惜今次真係sorry 。風景依然，味道不再，有點感慨。…Read More

1月14日晚到這餐廳請客食飯，叫了個6人套餐$1400，因為有9位客人，所以有些食物需要加件數，其中有一樣是中蝦（約3兩-4兩一隻）問了是$20/兩，咁ok, 加三隻！都應是$2百多元。但結帳是加了24兩，共$4百多完。全數是$2900！因為請客人食不方便跟他們爭拗，就算數、沒有再跟他們糾纏下去！但大家想想8兩（半斤）一隻中蝦是有多大？所以希望大家留意！食物方面，平平無奇，在任何一間澳門葡國餐廳都可以食到更高水準的的葡國菜，完！…Read More