Moon Palace

位於上環的粵菜館。每次在信德中心無非也是搭船來回澳門，而最近因事去澳門快閃一日，回港後急需醫肚，便超級隨意的就地選了這間望到海景，又看上去格局企理的中菜廳。⋆_____ᴛᴏᴛᴀʟ ᴏʀᴅᴇʀ______⋆✿ 孖寶優惠 (自選兩款小菜) $368⧐ 蒜蓉開邊蒸波士頓龍蝦⧐ 蒜香脆皮雞（半隻）酒樓的孖寶套餐其實很抵食，可供選擇的菜式亦很豐富又大器，除了龍蝦，還可以選擇沙巴龍躉、白灼海蝦、蜜汁火肪等較昂貴的菜式。先說龍蝦，龍蝦肉質厚實，入口鮮甜彈牙；大量蒜蓉鋪面，香氣撲鼻，爆炒後既不會搶走龍蝦本身的鮮味，反而提升整體層次。粉絲是精華所在，吸滿湯汁和蒜香後，啖啖鮮美，既入味又飽足。而蒜香脆皮雞炸得香脆，金黃誘人，可惜雞肉未算非常嫩滑；幸好配搭蒜香調味，也算鹹香惹味..✿ 雲南鮮天麻汽鍋雞 $88/位汽鍋雞的湯底清甜潤喉，即使在夏天飲用也不會覺得燥熱，養生又滋味.✿ 麻辣乾鍋耗兒魚是店員推介的一道菜。耗兒魚其實不知道是甚麼魚，但據說老是常出現在川菜中；反正魚肉炸得夠香脆，魚肉也很嫩滑，這樣便已足夠了。而麻辣乾鍋的香氣十足，辣而不嗆，配合蔥段、花椒及香料，十分惹味。.✿ 四川宮保雞丁雞丁份量充足，加入花生和芹菜翻炒香味四溢，配飯一流。不過調味略嫌淡口，如果能調整香辣程度，應該會更惹味。…Read More

平時甚少食中菜,但早排去澳門經過發現呢間中菜廳,主打川菜.粵菜同點心,環境舒適,地方闊落👍🏻首先staff會上前菜.包括有花生同涼拌茶樹菇花生香脆,調味啱啱好👍🏻茶樹菇微辣,清新開胃😋精選海鮮套餐 $698套餐包括有:羊肚菌姬松茸螺頭雞燉湯(兩位)湯非常足料😍包括有羊肚菌.姬松茸.螺頭.瘦肉同雞腳.湯味道鮮甜,羊肚菌.姬松茸同螺頭香氣十足,滋補養生又美味😋宜咸蜜汁火肪（4件）刈包口感軟熟,蜜汁火腿鹹香帶甜,肉質比例肥瘦適中👍🏻刈包夾住蜜汁火腿.青瓜同薄脆,整體口感豐富😋蒜茸開邊蒸波士頓龍蝦（1隻）龍蝦肉質鮮嫩彈牙,面頭灑上蒜,令龍蝦非常惹味😍旁邊仲有粉絲,完全吸收哂龍蝦嘅鮮味👍🏻板燒姜蔥鮮鮑片上枱時熱辣辣,姜蔥香氣十足,鮑片肉質嫩滑,吸收哂姜蔥嘅味道,更突出鮑片嘅鮮味😋翡翠有機時蔬小白菜爽脆,湯味道鮮甜,仲有木耳同紅蘿蔔,味道清新又健康👍🏻紅棗銀耳羹銀耳羹口感清爽滑嫩,滋潤養生👍🏻整體甜度適中😋脆皮乳鴿 (兩隻起試食價$58@1）乳鴿外皮脆口😍肉質鮮嫩多汁🤤旁邊嘅蝦片香脆😋…Read More

相信絕大部份都會跟我一樣，每次到上環碼頭到時買點吃的就搭船去澳門，壓根兒也沒想到要在這邊用餐！不過這次因著相約了前老闆晚飯聚舊來到上環碼頭吃中餐，竟然有驚喜精選海鮮二人套餐 $698另收茶芥及加一服務費（房間另加$300）簡單的點一個二人份海鮮餐，但餐點絕不簡單呀：有燉湯、兩款海鮮、蜜汁火方、蔬菜跟甜點，人均都不用$350，但整個套餐的價值就遠遠超過這個數～打頭陣送上時令燉湯，是野生松茸羊肚菌燉走地雞啊！看湯頭的色澤就知道這個湯絕對夠火喉，味道超濃郁但絕不肥膩，湯料非常多也很好吃，單是這個湯就不簡單，單點不便宜但這個套餐就有兩盅了；至於另一款宣威蜜汁火肪平常是比較只有在吃浙江菜的餐廳會較容易吃到，用蒸到溫熱的四方餅夾附著一塊薄脆和以蜜汁包裹著的金華火腿片，入口先嘗到軟糯的四方餅包皮，再來是薄脆的脆口和香鹹帶甜的金華火腿片，獨特滋味叫人一試難忘！海鮮方面會包含兩款，其中一款必備的是板燒姜蔥鮮鮑片～ 大廚將新鮮鮑魚處理好再切成薄片，加入薑蔥等配料及調味料一同爆炒至半生熟；再放在已加熱的鐵板上，用店員從廚房端出來到上菜依舊發出「吱吱」的聲音，鮑魚片薄切而變得爽脆沒過老，滿有薑片跟青蔥的香氣，調味不用太多就能吃到鮮味啊！另一款海鮮就可以家從清蒸沙巴龍躉仔或蒜茸開邊蒸波士頓龍蝦兩者選其一，我們選了後者～ 波士頓龍蝦size足夠二人食用，新鮮即蒸龍蝦肉爽甜彈牙，加入蒜蓉令味道更惹味，最好吃的一定是墊底的粉絲啦吸收了蒜香跟海鮮的鮮味！套餐最後還會奉上用上湯烹調的有機時蔬和養顏的冰糖銀耳羹，實在是大滿足！如果多人的話可選4人餐，種類跟份量就更多方便分享店家是於上環碼頭的商場內，位置是通往乘坐往氹仔船隻的出境門口位置附近，有點隱蔽但不難找；內裡裝潢雅致又寬躺，最重要是抱擁維港景色，可以邊享美食邊看夜景實在一流（包廂環境會更美）！食物質素方面絕對有驚喜且性價比高，環境好又坐得舒服，下次來到上環聚餐，不妨考慮下這裡…Read More

探店後記：信德中心呢間好食中菜館，點解無人講㗎？😋 推薦到店必叫招牌菜式！味道有驚喜！如果book到窗邊枱位置就可以一邊用餐，一邊望住靚到似畫嘅大橋海景🌉🌊✨前菜 $15 / 碟晚市茶位 ： $25 / 位可選普洱 / 壽眉 / 鐵觀音 / 水仙/ 菊花有機檸檬養顏酒 $68 / 壺一壺有二両唔好睇小細細壺，每嗒一啖都有檸檬清新餘韻，但又唔會覺得酸，酒精濃度唔低，幾啱淺嘗細酌招牌冷鍋魚 $398主打招牌菜魚肉新鮮彈嫩，分量好多，配料有蓮藕、芫荽、萵筍、竹筍、菇、蕨根粉，仲有入口清香唔嗆口嘅新鮮四川青花椒😋果然名不虛傳！冷鍋真係完全無飄出任何熱煙，面油鎖住溫度所以食材入口仍熱辣辣自選孖寶優惠 (20選2) $368宣威蜜汁火肪 (4件)鎮店招牌菜味蕾享受無得輸！估唔到可以食到呢款蘇杭傳統菜式😋以冰糖水烹浸嘅雲南宣威火腿配上蜂蜜，，入口清甜唔膩又帶少少火腿鹹香而肉質腍嫩，夾埋饅頭同香脆炸腐皮蒜蓉開邊蒸波士頓龍蝦 (1隻)新鮮龍蝦肉質富彈性😋配埋吸滿蒸龍蝦精華同豉油嘅粉絲_______________望月軒 (上環)上環干諾道中168-200號信德中心西座3樓澳門廣場3017號舖_______________…Read More

在上環信德中心工作既朋友，推介呢一間中菜廳「望月軒」環境一流，而且食物水準甚佳，仲有抵食套餐或者優惠孖寶，今日就和朋友晚市嚟朝聖一下🤗🌟精選海鮮套餐2人套餐 $ 698套餐食材想得周到，有湯、前菜、海鮮、小炒、蔬菜和甜品，呢個套餐基本上可以食盡酒家招牌菜▪️羊肚菌姬松茸燉螺頭湯燉湯落足料，螺頭、豬肉、羊肚菌、雞腳燉出嚟嘅湯頭非常清甜，而且基本上完全冇油，養生滋潤▪️宣威蜜汁火肪（4件）就是見到這道菜吸引了我點這個套餐，坊間只有上海菜餐廳才能食到，估唔到呢度都做得咁好，火腿鹹香配上蜜糖嘅清甜，用熱辣辣中式餅皮包住，再配合脆片和青瓜，口感外軟內脆，超級好食▪️蒜茸開邊蒸波士頓龍蝦（1隻）龍蝦用蒜蓉蒸過之後，灑上香蔥淋上醬油，就是清蒸的美味，而且龍蝦肉鮮味夠晒彈牙，再配合粉絲吸收晒醬汁，非常惹味▪️板燒姜蔥鮮鮑片一上枱咋咋聲夠晒鑊氣，香味四射，鮑魚用薑蔥和洋蔥爆炒，鮑魚彈牙加埋薑蔥一齊食夠晒香口▪️翡翠有機時蔬上湯浸白菜仔和木耳，夠晒清新，湯頭清甜濃郁，白菜仔夠晒鮮味▪️養顏冰糖銀耳羹套餐仲包埋自家製糖水，銀耳羹清甜夠晒清潤▪️脆皮乳鴿 $ 58 （試食價兩隻起）餐廳仲推廣緊即炸乳鴿，熱辣辣外皮酥脆，肉質暖嫩又多汁，仲有新鮮即炸蝦片香口酥脆…Read More

這間位於上環信德中心的中菜館，估唔到有驚喜，窗邊枱位置可欣賞海景之外，而且餐點價錢亦唔貴，難怪晚市時段近乎爆滿。中菜館環境寬敞舒適，還可以一邊欣賞海景，一邊品嚐美食💕.▪️蒜香脆皮雞（半隻） $218半隻脆皮雞份量不少，外皮香脆，肉質嫩滑，每口都充滿蒜香，咸香美味。.▪️鮮鮑魚 時價$128/隻鮮鮑魚大大隻，口感扎實彈嫩，用上椒鹽調味，入口充滿咸香鮮美。.▪️惹味脆皮金磚豆腐 $88金磚豆腐外脆內嫩，味道惹味，而且不油膩，是不錯的小食。.▪️脆皮五香素鵝 $88素鵝外皮香脆，入回還有滿滿雜菇，充滿五香，越食越香。.▪️瑤柱扒時蔬 $118西蘭花新鮮爽脆，配上鮮美的瑤柱，和瑤柱熬出的醬汁，能平衡前幾道菜的油膩感。.▪️前菜 $15/碟▪️晚市茶位 $25/位 （可選普洱/壽眉/鐵觀音/水仙/菊花）…Read More

完全估唔到信德中心竟然隱藏左一間性價比唔錯既中菜😛🍽️ 前菜（$30）係椒鹽花生🥜花生炸得金黃香脆🔥，椒鹽調味恰到好處🌶️我一個人都掃咗半碟😋而茶樹菇則微辣可口🙌🏻🍲 雲南鮮天麻鍋雞（$88）係一種養生滋補嘅湯水😛湯底清潤💧天麻獨有的草本清香非常突出🌿，完全唔會覺得厚重膩滯。經過四個小時嘅蒸煮，雞肉唔嚡口，連雞骨輕輕一咬已經碎晒🐔🌶️ 四川宮保雞丁（$158）經典川菜！雞肉嫩滑唔乾🐓，花生香脆🥜，醬汁酸甜帶微辣🔥，撈飯一流🍚🥘 川粵孖寶（$368）✨「宣威蜜汁火肪四件」：火腿蜜汁香甜唔膩🍯，夾係溫熱既刈包之中，配合脆片同埋青瓜，口感豐富😍✨「麻辣乾鍋耗兒魚」：麻辣香濃🌶️，辣度係可以接受嘅程度😛耗兒魚啖啖都係肉❣️鮮嫩無腥味🐟，配料豐富，有好多京蔥💥 唔會太單寡😛🍵茶位（$25/位）…Read More

最近和家人去咗上環信德中心附近搵食，無意中發現咗一間好靚又好食嘅中菜館——望月軒！餐廳位於澳門廣場，坐喺窗邊位可以望住180度維港海景食飯，感覺超級chill～👀 餐廳環境：・座位寬敞，仲有靠窗沙發位・裝潢典雅，感覺好舒服・每日營業，訂位都好方便🍴 一坐低就有前菜：・香脆花生：調味啱啱好，唔會太鹹・涼拌茶樹菇：酒樓少見的前菜！微辣清新，好開胃♡🍽 MY PICK♡：🍲 羊肚菌姬松茸螺頭雞燉湯湯底超足料，有羊肚菌、姬松茸、螺頭、瘦肉等，一湯匙下去滿滿都是料！味道鮮甜，香氣十足，滋補又好飲🍖 宜咸蜜汁火肪（4件）這道菜是用刈包夾著蜜汁火腿、青瓜和薄脆，火腿鹹香中帶蜜汁的甜，肥瘦比例剛好，刈包軟糯不乾，整體口感層次豐富!私心超推薦的必點菜式♡🦞 蒜茸開邊蒸波士頓龍蝦（1隻）龍蝦肉質鮮嫩彈牙，表面鋪滿蒜茸，香氣撲鼻，旁邊還有粉絲吸收了龍蝦的鮮味和蒜香，吃起來非常過癮!!🐚 板燒姜蔥鮮鮑片鮑片嫩滑，熱辣辣上枱，姜蔥香氣撲鼻，味道好突出🥬 翡翠有機時蔬小白菜搭配木耳和紅蘿蔔，炒得爽脆不油膩，湯汁清甜，整體味道清新健康🍧 紅棗銀耳羹口感滑嫩，甜度適中，滋潤又養生，食完一餐剛剛好💰 價格屬中價位，但以中菜、食物質素、環境及服務來說，性價比真的不錯，很適合帶上家人一起來聚餐♡…Read More

喺信德中心發現咗間中菜館環境寬敞舒適，窗邊枱位置仲可以對住海景好愜意叫咗份孖寶優惠好抵食！ღ自選孖寶優惠 $368-清蒸沙巴龍躉仔魚肉鮮嫩細滑，蒸得啱啱好，保留海鮮原汁原味-蒜香脆皮雞 （半隻）外皮香脆帶蒜香，雞肉多汁柔嫩，咬落口感豐富又滋味！ღ四川宮保雞丁 $158口感香辣帶脆，雞丁鮮嫩多汁，花生香脆，醬汁微甜微酸，層次豐富又惹味，送飯一流～ღ惹味脆皮金磚豆腐 $88外皮炸得金黃酥脆，咬落仲有爽脆聲，裡面嘅豆腐嫩滑細膩ღ拍蒜炒時菜 $88揀咗菜心，菜心入口清爽脆嫩，拍蒜香氣濃郁，點綴出微微辛辣感ღ 雲南鮮天麻汽鍋雞 $88經過4個小時烹製，湯底清甜滋補，天麻帶淡淡藥材香，整體溫潤順口，好有滋養感！…Read More

最近試咗上環信德中心嘅望月軒，以中菜廳嚟講，雖然佢面積唔算大，廳面大約有十幾張枱，但係環境唔錯，特別係靠窗嘅嗰幾張枱，可以望到昂船洲大橋，景觀開揚，真係幾舒服。佢另外仲有幾間包廂添。佢哋嘅$368孖寶套餐真係好抵食!入面有20款菜式可以選擇，最吸引嘅係有波士頓龍蝦。我哋最後揀咗蒜蓉開邊蒸龍蝦同埋鐵板安格斯牛柳。龍蝦新鮮得嚟，又鮮甜彈牙，真係好好味！牛柳腍得嚟又有肉味，唔似有啲酒家用蘇打粉醃到冇晒味，而佢個調味帶有陣孜然味，食落去好惹味。另外，我哋仲試咗紅燒乳鴿，皮脆肉滑，裡面仲有肉汁，都ok。最後食埋個脆米海皇泡飯，湯頭鮮嫩，脆米同白米嘅雙重口感，大滿足！…Read More

位於上環信德中心「望月軒」，裝潢典雅氣派✨入口紅燈籠與屏風設計充滿中式韻味，步入其中雅致舒適🏮最令人驚喜係，作為高級中菜廳，價錢卻相當親民😙特別海鮮套餐都只係人均三百，水準高、選材正😛仲可以邊食邊欣賞維港海景🌅無論商務宴會、家庭聚餐抑或朋友小聚都非常合適👍🏻.🌟精選海鮮套餐（2人套餐）💰$698.🍴時令燉湯帶有松茸幽香🍄‍🟫雞骨同瘦肉熬出自然甜味，鮮甜清潤，非常足料👍🏻.🍴宣威蜜汁火肪鹹香火肪配上蜜汁甜潤，肥瘦相間，搭配鬆軟夾包，層次豐富😚.🍴蒜茸開邊蒸波士頓龍蝦絕對全場焦點❣️龍蝦開邊上枱，肉質厚實鮮甜🦞鋪滿蒜茸後蒸煮，香氣撲鼻🤤最驚喜係 底下的粉絲，完全吸盡龍蝦精華與蒜香，口感滑溜又充滿鮮味，惹味到完全停唔到口🤪.🍴板燒姜蔥鮮鮑片熱辣鐵板上桌🔥伴隨滋滋聲，薑蔥香四溢，鮑片爽口彈牙，令人食指大動😝.🍴翡翠有機時蔬.🍴養顏冰糖銀耳羹飯後來一碗清甜滋潤銀耳羹，潤喉解膩😌.🍴干窩花菜💰$138香辣惹味，乾鍋熱辣上枱，花菜爽脆入味，麻香十足🌶️…Read More

座擁無敵大海景的高級中菜食府，集嶄新粵菜及川菜於一身，裝潢高雅中帶點高貴氣氛，環境夠舒適寧靜。必試自選孖寶套餐$368性價比超高。首先選了蒜蓉波士頓龍蝦，好大碟，賣相吸引，龍蝦肉質鮮嫩，啖啖蒜香，一咬鮮甜彈牙，好厚肉。粉絲吸收海鮮精華，非常入味。再選安格斯牛柳粒，同樣賣相吸引，帶有濃郁的牛肉香氣，鐵板上熱辣辣好夠鑊氣，油花分布均勻，鮮嫩多汁，鬆軟可口，色香味俱全。乳鴿外皮燒至金黃酥脆，香氣撲鼻，肉質香醇嫩滑，油脂甘香好Juicy。再試試這𥚃的煲仔菜式，栗子炆煮後粉糯香甜，雞肉醬汁的味道，變得鮮嫩入味。海皇泡飯好大窩，湯底鮮香濃郁，將炸過的香米倒進湯中，令泡飯口感更加有層次。…Read More

要搵地方同朋友清清靜靜飲餐茶、傾啲嘢，我想起上環的望月軒。預先致電訂位，留張靠近窗口既枱，店員話盡量安排，最終都可以俾到我哋。對住個無敵海景用餐，心情都靚啲。個人總覺得要有燒賣都是飲茶，一籠四隻，大大粒漲卜卜，好足料。味道唔錯，唔怕死實實，吃兩粒已飽了一截。咸水角造成啤梨形狀，咬落微脆，餡料調味好，可愛又好吃。紅油抄手比正宗的四川出品大隻一點，吃起來更加實在，加上滑溜的外皮，沾上川味的辣勁，個人包辦了三隻。齋吃點心可能唔夠飽，又唔想食炒麵飯，跟店員的推介，要份乾鍋耗兒魚。乾鍋做法，有夠香口惹味，魚肉大大件又有辣勁，幾有驚喜。甜品選來了紅糖鍋盔，大概就是紅糖作為內餡的煎包，香甜軟熟，也夠特別。由十二點半傾到接近三點都無人趕，服務挺到位的。…Read More

望住無敵海景歎中菜，呢種享受真係夠晒寫意！望月軒嘅海鮮二人套餐$698，絕對抵食。首先登場嘅時令燉湯——羊肚菌燉走地雞湯，一揭開燉盅蓋就聞到陣陣清香，羊肚菌吸飽湯汁，咬落爽滑，雞肉燉到離骨又唔柴，飲落喉嚨暖笠笠，滋補得黎唔會太濃膩，真係足料到連湯渣都唔捨得放過！蜜汁火肪一上枱就閃住油光，宣威火腿嘅鹹香被蜜糖溫柔包住，外層煎到微脆，咬落先甜後鹹，四件剛剛好，食多件都唔會滯。重頭戲蒜茸開邊龍蝦，波士頓龍蝦夠晒生猛，蒜茸蒸法最考功夫，呢度火候拿捏得準，龍蝦肉爽彈得黎唔會「削」，蒜香逼入蝦膏，連殼嘅邊角位都要啜乾淨！板燒姜蔥鮮鮑片鑊氣十足，鮑魚片厚薄均勻，板燒做法鎖住肉汁，薑蔥爆得香而不焦，鮑片咬落有韌勁又唔會韌到「橡膠」，仲帶住淡淡海水鮮味。有機時蔬非常鮮甜，正好清一清味蕾。最後嘅冰糖銀耳羹夠晒驚喜，銀耳燉到起膠，滑溜溜咁溜入喉嚨，甜度輕盈，食完成個人都潤晒。特別要提嘅係脆皮乳鴿，$58一隻！鴿皮脆得似玻璃紙，肉汁鎖得實一實，撕開鴿脾時仲見到粉紅色嫩肉，蘸少少淮鹽就鮮味爆棚。由燉湯到糖水都充滿細節，呢個價錢食到咁嘅質素，難怪隔離枱個個都舉機狂影呢！…Read More

原來望月軒今年營業左10週年🎉位置係商場內最尾端比較隱蔽🫣環境優雅舒適且座位寬闊落地玻璃可以望住無敵海景🌊餐廳主打粵菜和川菜美食🍽️今次無為意叫左好多湯水的菜式最後捧住個肚離開😂川粤孖寶 $368蒜蓉開邊蒸波士頓龍蝦（1隻）🦞龍蝦🦞鋪上大量蒜蓉，蒜香提升鮮味更惹味，龍蝦肉質彈牙啖啖肉，底下粉絲吸盡精華好入味老壇酸菜魚片🐟🍲揀左小辣🌶️，酸菜魚🐟肉質厚實且無骨，而且份量都唔算少，配菜有大量芽菜及粉絲，粉絲亦好入味野生菌鮮雞湯🍄‍🟫🥣店員推介呢道菜，期間限定呢2個月先有得食，一上枱聞到濃厚的松茸味香氣，而且加入左好多唔同類型的菇，包括鮮蟲草花，野生雞樅(鉛筆菇)，金耳及茶樹菇等等，我第一次食金耳，原來口感好滑溜有啲似食緊花膠🤤，清甜濃郁的湯頭，忍唔住飲左3碗，超暖胃及養生脆米海皇泡飯🦐🍚海皇泡飯有蝦🦐，元貝，勝瓜，粟米🌽及紫菜等好足料，湯底味道濃郁，米飯粒粒分明口感軟熟，再加入脆米粒食更有咬口，整體層次感豐富，增添風味火腿高湯浸津白🥬鮮味高湯將津白🥬煮至軟身，吸盡湯的精華，津白入味口感軟淋淋，配上火腿絲的鹹香味養顏冰糖銀耳羹🥣聞到食到濃郁的紅棗香氣，配搭銀耳及杞子，甜度適中，飯後食碗糖水，感覺滋潤養顔🥰🫖茶位每位$25🥢前菜$30 (花生及菇菌)…Read More