有間麻辣燙

Open Now

Now Closed

九龍灣成條常悅道都係附近打工仔放飯好選擇，今次同同事去Eastmark食麻辣燙🍲餐廰操作簡單直接 店員比篩自己搵位 夾餸揀湯$𝟏𝟔.𝟖/𝟏𝟎𝟎𝐠 磅重比錢等店員送餐😎⚠️食得哂先好夾 請勿浪費食物⚠️五款湯底可選 我地揀咗湯底惹味香濃 飲多幾啖都唔口渴༯ 招牌藤椒湯花椒八角味濃不嗆易入口藤椒辣度清香恰到好處配辛辣麵好夾 索哂湯好正😆༯ 特濃蕃茄湯飲落係有屋企煲嘅蕃茄薯仔湯味蕃茄味清甜且鮮並有微微酸餸菜方面離不開菇菜、肉丸、麵食等，個人推介：༯ 牛丸 豬肉丸👍🏻墨丸都OK༯ 鮮牛👍🏻豬牛肉還好有少肥༯ 風琴豆卜👍🏻索湯之選店內亦設有蔥 蒜 辣椒 醋 豉油等其實無需額外調味料都綽綽有餘若好辣者想更辣 佢個辣椒油很不錯🙂‍↕️◡̈ 以上食評乃個人意見僅供參考◡̈ 價錢僅供參考一切以餐廳為準

眼闊肚窄的我食得好開心😂呢度可以自己選擇成碗麻辣燙嘅配料，50幾種配料，每樣揀一粒或者一條都得😳按重量計算費用，咁樣平時出去食嘢，每樣都想嗌嘅我，可以試晒每樣又唔使擔心食唔晒啦！🤤由配料、麵食、湯底、醬料都自由配搭！湯底選擇有五款，可以混合湯底，我揀左招牌藤椒x特濃蕃茄，香辣得黎又蕃茄酸甜嘅味道，超開胃！湯底唔算太過油膩食完唔會難受最近星期五有活動，估中幾重幾錢，全碗免費！😆 我差$3炸！好犀利了😂📍九龍灣常悅道21號Eastmark 1樓102號鋪

有間麻辣燙位於Eastmark，喺享樂烘焙既樓上。呢間麻辣燙比起出邊一般麻辣燙更加多湯底選擇！入到去先攞個筲箕，再去自選區度揀配料同麵底。揀完就可以去磅重揀湯底同飲品，之後就可以去醬料區調配自己鍾意既醬汁，就可以坐定定等食啦。🤤呢度既湯底分別有四款，分別係牛骨湯底、藤椒湯底、蕃茄湯底同菇菇湯底。而今次我哋試咗藤椒湯底同小辣既牛骨湯底。藤椒湯底已經定咗辣度，湯唔會話好辣，係微微香辣既味道加上少少麻麻哋既感覺。而牛骨湯底可以選大中小辣，今次就試咗小辣，呢個湯既麻辣味更加突出，亦品嚐到牛骨既鮮味！我哋揀咗既公仔麵索滿晒麻辣湯既香味，正啊！😋聽店員講佢哋既配料都係新鮮送到，當日使用！配料特別推介雞腎同魚餅😗食得出當日啲蔬菜都幾新鮮。呢度除咗有唔同種類既支裝同包裝飲品，亦都有爆打檸檬茶等等。

喺九龍灣戲院對面天橋一落就係嘅呢一間有間麻辣湯佢係$16.8就100克，自己拎完個盤，自助式自己夾餸夾完呢就去磅吓幾重再俾錢再揀湯底同嘢飲咁呢我朋友就試咗呢個藤椒嘅麻辣小辣湯底同埋我就食咗呢一個蕃茄小辣湯底咁食完呢整體上都覺得個湯底真係好好味，咁我都有試到朋友嗰個嘅無論係藤椒或者係蕃茄湯底都好好味😋👍🏻湯底係冇得輸嘅，咁不過呢我同朋友分別呢碗嘢呢都$80幾蚊嘅，平就唔算係平（我個人認為呢因為佢啲肉類就唔係太多），但係真係好多餸又好好味個湯底（不過其實啲丸都唔平嘅，但係可能都重重地實心嘅丸），但整體上我都覺得呢間係好食嘅！冇影到單買單，計埋包紙包飲品190十幾都OK嘅最尾嗰張圖個蛋角好好味

終於有間麻辣燙係我附近,位置近MCL戲院過條天橋就到商場🏬店內長期人來人往首先自己搵個位置坐低,然後出去拎筲箕,之後就可以自己揀自己鍾意食嘅嘢🥟🥬🥓🥚🍲揀好就去收銀磅秤 $16.8@100g同揀湯底及辣度落埋飲品俾好晒錢就坐低等叫號湯底有4款, 我就叫左藤椒我朋友就叫了蕃茄滕椒出邊比較少,如果食🌶️我會建議食滕椒~麻麻辣辣😋蕃茄湯底都幾濃,亦都可以加辣,不過就無麻嘅感覺😝😝如果唔夠辣出邊有個混醬區再調味,款款蔬菜都好新鮮,所以夾咗好幾款🤣有幾款餸我要推介蟹棒好特別入面有芝士餡蜂巢豆腐好彈牙入面又好滑蛋餃唔係成日見,個蛋又索湯豆串索湯之選鵪鶉蛋依個純粹我個人好鍾意😝整體黎講~交通方便👍🏻最緊要環境乾淨一間屬於香港人麻辣燙🌶️#有間麻辣燙

在九龍灣覓食，走進C出口德福商場，穿過相連的天橋後，發現"有間麻辣燙"，於是去試試一入門口先取筲箕，揀選飲品，最便宜$5已有罐裝飲品然後到食物櫃取想吃的，由菜，肉類，海鮮，麵類全部都有多款選擇，實現食材自由選好後拿去付款，按重量收貨，$16.8/100g最後選湯底，我們選了牛骨湯底和藤椒湯底，牛骨湯非常香濃，藤椒麻香惹味，如果第一次來較推介牛骨湯底，下面還有醬料可以自己加兩碗麵食材新鮮，味道香濃，下次想吃麻辣燙會再來

成日想食火鍋，但又驚任食食得太飽終於搵到間食幾多俾幾多錢的火鍋店🤤基本上$80都可以食到飽🤤又可以每樣野食少少因為小編近排想減肥 唔食太多澱粉，終於比我搵到一間可以淨係食餸嘅餐廳❤️當然驚唔飽嘅朋友都可以夾米線、薯粉、公仔麵🤣聽個名麻辣燙就以為係辣嘅 湯底方面其實有多款選擇，有辣有唔辣如蕃茄湯、純牛骨湯、菌菇海底辣嘅湯底可以自選3個辣度、BB辣、小辣同大辣👍呢間火鍋食法幾特別1.自己先拎個筲箕2.可以揀自己鍾意食嘅配菜 再拎去個磅磅吓幾重再埋單（$16.8一磅）3.佢會幫你煮埋4.自助調配醬料整體食材質量上乘🤤丸類新鮮且無冰味😆蔬菜唔會太靭👍內臟類無腥味😆✨極力推介✨肥牛豬頸肉雞腎牛丸有間麻辣燙（九龍灣）九龍灣常悅道21號Eastmark 1樓2號舖#香港美食 #香港好去處 #香港旅行#香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介 #香港美食日記 #香港美食地圖 #香港美食分享 #香港美食推薦 #香港美食攻略 #香港美食天堂 #香港美食探店 #香港美食家 #香港美食打卡 #香港美食🇭🇰

國內好興食嘅麻辣燙，其實香港都有，仲好近我公司添，想食辣嘢就會諗起佢。店名叫有間麻辣燙，地點在九龍灣的Eastmark，呢個場好多嘢食揀，而呢間麻辣燙日日爆場㗎。入店先攞筲箕，再去自選食物區度揀餸，鍾意食咩就夾咩，豐儉由人😆⭐藤椒湯自己呢碗夾咗啲丸同餃子，仲有西洋菜，主食就要咗拉麵，湯底就揀咗藤椒湯。去收銀磅完畀錢，再送入去廚房煮，大概十分鐘到就煮完出嚟，店員會叫號，仲會幫手送餐添。湯底嘅藤椒味十分濃鬱，大麻小辣，越食越上癮，個湯底真係好正😋⭐牛骨麻辣湯朋友呢碗同樣操作，佢就揀咗牛骨湯同大麻辣。麻辣湯係最受歡迎嘅，個個都揀呢款湯底咁濟，入口試咗幾啖，真係有好香嘅牛骨味，麻麻辣辣好惹味，呢個湯都正喎😍⭐飲品飲品叫咗一支綠茶同冰糖雪梨，冰冰涼涼啱曬食辣嘢飲。朋友仲出咗去醬料自助區度攞咗碗混醬，個人就覺得個湯底咁好味已經唔使再點醬，不過朋友不嬲重口味，哈哈，佢將啲餸點醬料再加麻辣汁食曬😆順帶一題，逢星期五估中幾錢全碗免費，是晚真係有人估中咗，勁呀👏

喺深圳食麻辣燙就食得多，係香港就真係第一次食🤣門口大大隻老虎頭ʟᴏɢᴏ好吸睛，但講到最特別一定係拎個筲箕去夾野‼️無論係肉類、菜類定係主食，款式都一樣多多款，真係會十五十六每樣都想食😂1️⃣ 招牌藤椒湯底🌶️嗜辣之人一定要試吓呢隻湯底🫣呢款藤椒湯底既麻又辣，所以主食方面就揀咗配辛辣麵，再加埋啲丸類同芋絲，仲加咗兩隻鵪鶉蛋，一啖一粒啱啱好😚 辣得好過癮🤣 2️⃣ 特濃蕃茄湯底🍅唔食得辣嘅人就建議揀要蕃茄湯底，唔會淡茂茂，係超濃郁嘅蕃茄味🍅～ 👩🏻一眼就望到有少見嘅蛋餃同特別嘅潮汕餃，呢啲唔常見嘅配菜竟然會喺呢度都見到有🙈3️⃣ 飲品🥤真係極極極極極度想試下佢哋嘅手打檸檬茶，好可惜我去嗰陣時已經賣晒了🥲 不過依然仲有紙包、罐裝又或者樽裝嘅飲品～ 雖然冇飲到手打檸檬茶，不過呢支凍檸蜜都係不錯嘅選擇😛

•麻辣燙//九龍灣//Eastmark//梳打檸檬茶•自從一直食開嗰間麻辣燙執咗之後，喺香港都好耐冇食過麻辣，對上一次都係返上大陸嗰陣時食，所以見到呢度開咗間麻辣燙就好想嚟食~無奈地有啲遠，今日終於可以嚟試啦😙入到嚟個裝修到痛我想像中嘅好唔同，相對上比較乾淨衛生同企理😆:呢度都係採用返一貫麻辣湯嘅做法，以自助形式先夾想食既食材同麵類，之後交由店員磅重，付款後就等候食物烹調~價錢係$16.8/100克《湯底方面有四種: 特濃蕃茄丶濃香菇菇🍄丶藤椒湯底丶牛骨湯底 ，如果鍾意食辣的話，可以揀辣度有bb辣至大辣>>我揀咗藤椒湯底～呢款湯底黎到既時候已經聞到微辣的香氣，不過原來唔係好辣，反而係比較清既辣，只靠花椒既辣，同少許辣椒同蒜蓉作湯底～所以就唔會好油，可以飲埋啲湯🤤呢到配菜都多達40款～最意外竟然有年糕食🤨飲品方面就揀咗一支無糖烏龍茶，本身想叫佢哋招牌嘅手打檸檬茶，點知咁啱嗰日就冇賣🥲唯有留返下次飲啦😋整體我覺得呢度既麻辣燙係唔錯，價錢都好合理，啱晒啲唔大食既朋友仔😂如果咁啱都係九龍我會想再嚟食！因為而家想搵間好食嘅麻辣燙都好難🥲🥲🔆有間麻辣燙 (九龍灣)九龍灣常悅道21號

有間麻辣燙，個名真係好正！🎉 佢哋嘅特色係任夾餸菜，$16.8/100g💰。佢仲要星期五有個遊戲玩，如果估中幾錢就可以成碗免費，勁刺激😲，我差$3就可以成碗免費🍜。餸菜款式，選擇真係好多！🍃 疏菜類西洋菜🥬、通菜🥬、娃娃菜🥬、油麥菜、菠菜、小白菜，秋葵🍆、番茄🍅、冬瓜、粟米筍🌽、金針菇、海帶絲等。🍖 肉類豬腩片🍖、火雞腎、潮汕牛丸、火腿丸、田園蝦餅、火腿片、午餐肉等等。🦐 海鮮魷魚圈、蜆、墨魚天婦羅、田園蝦餅、芝心蟹皇棒等等。🍲 其他潮汕蛋餃、潮汕餃、星星豆腐、蜂巢豆腐、豆腐卜、豆腐串、韓國年糕等等。🍜 主食有招牌麵、出前一丁、四川鮮薯粉、有間寛粉等等。🌟 私人推薦芝心蟹皇棒、星星豆腐、魷魚圈、有間寛粉。湯底牛骨湯底(少辣)同藤椒湯底。牛骨湯底濃郁，好香既花生味，辣味好岩香港人。藤椒湯底，湯底濃郁，又香又麻，大推。🍹 飲品揀左「有間港男暴打檸檬茶」，用上鴨錫香同香水檸檬，味道清新。🏮 裝修環境店內裝修亦好有特色，有好多香港元素，牆上仲有啲玩味十足嘅裝飾，影相打卡都幾靚。

九龍灣隱藏好多美食，平時同同事周圍去發掘一下美味的餐廳😋自從上次試過「有間麻辣湯」後，一直好掛住他的湯底味道🙂‍↔️ 今次專登同同事一齊嚟再食💕除咗保留麻辣湯的飲食文化外，更調製了符合香港人口味的湯底，特別是每天用5小時悉心熬製的牛骨湯底🐮也是小編至愛的湯底😁😁店內以自助形式選擇自己喜歡的食材及飲品🍜1️⃣ 搵個靚位，放好自己的物品2️⃣ 拎個筲箕盤和夾，食乜夾乜自己話事3️⃣ 自選喜歡的食材，幾十種食材等你選擇（$16.8/100g)牛、豬、雞、魚、丸類、蔬菜、粉麵……食素又得輕食又得偏愛食肉肉又得只食餸不食粉麵又得得咗👏🏻😎😎 4️⃣ 到收銀處選擇湯底- 牛骨🐮蕃茄🍅藤椒🌶️菇菇🍄‍🟫揀埋喜歡的辣度便完成一碗美味的麻辣湯從此誕生✌🏻小編揀咗牛骨湯底，配合埋新鮮的海鮮食材和粉絲做底🐙🦐🐟粉絲吸收晒濃郁的牛骨湯味，嘩～美味之極🤤🤤好味道到好快食晒成碗麻辣湯😙

原來九龍灣都有一間咁有特色嘅麻辣燙可以自己夾，你鍾意食嘅嘢～款式都好多，超級多選擇喺九龍灣地鐵站A出口行過黎好方便我揀嗰啲全部都係菜同肉🙌🏻😍真的不錯也🩷🩷我揀咗佢哋招牌嘅藤椒湯底 ～ 好惹味😍📍 有間麻辣燙 (九龍灣)九龍灣常悅道21號Eastmark 1樓2號舖#麻辣烫都能做到这么地道# #美食探店# #吃到就是赚到# #吃下这口就凉快了# #这一碗好过瘾啊#

喺電影鹿鼎記入邊，韋小寶同九難師太夾住吳應熊行行下，韋爵爺話：咦，師太，前面有間客棧喎，師太話：系喎，真係有間客棧喎，然後鏡頭一轉就見到嗰間客棧個名叫做有間客棧，韋小寶嘅手下仲特登帶埋佢嗰件溝女戰衣，即係有個老虎頭帽嘅嗰件衫。今日我行經呢度，覺得呢間店嘅老闆一定志同道合。唔入去向周星馳致敬都唔得啦！ 🍖店鋪嘅流程處理非常分明，首先喺門口有個消毒櫃，用消過毒嘅筲箕裝住食物，就最為安心，然後去食材區，揀自己心水嘅食物，佢嘅選項真係非常多，而且我可以用相對平時食麻辣燙少用嘅詞語嚟形容，均衡。佢唔係一味系咁食肉或者係醃製既丸類，而繫有大量蔬菜，大量嘅意思係真係有好多選擇同份量，起碼十種八種走唔甩，而且非常新鮮。另外就係走唔得雞既肉類，你會見到啲肉嘅顏色係鮮紅，仲有醃好嘅本地牛，仲有魚有蜆有牛肉，真係食指大動，諗起一陣食個湯底實會好鮮味。而丸類方面，又有特色嘅台灣丸，仲有燕餃等等少有個選材，我只係每一樣揀一件，都已經整滿曬成個筲箕。最後要提一下雞子，雖然我唔食，但係你睇下張相，真係一個字講晒，新鮮！ 🍖不得不提嘅個湯底，佢有牛骨湯，加自選嘅辣度，或者蕃茄湯或者蘑菇湯，我就梗係俾佢更加有創意，揀咗

店員態度差，載食物嘅兜唔係喺食物附近，搵咗幾分鐘店員先黑住口面咁行過嚟問係咪第一次食，之後先話俾我哋知啲兜放喺邊。啲兜係個大藤籃，有100—200g 重，佢計法係16.8 /100 g ,呢度已經食咗你$20起碼。然後去夾餸仲離譜，大部分嘢佢都浸喺水入邊，夾嘅時要連埋啲水，水又幾百g。最後我只係食咗幾條菜，兩執金菇，兩粒墨魚丸，兩片薯仔，兩嚿牛柏葉及米粉，收$106蚊（唔包嘢飲，店員又係黑住面咁收錢）食嘅時候仲見到隻曱甴仔喺枱面度爬。其實使錢唔係問題，但店員態度又差，收費又取巧，好差嘅體驗