foodporn (Closed)

上星期放假同朋友聚舊輕鬆下，我地去左好耐冇踏足過嘅長沙灣，呢到入夜幾寧靜，而且有唔少隱世餐廳。之前黎呢邊多數都係食西餐，今次我地轉戰中菜館，黎到「有間客棧」品嚐川菜☺️餐廳嘅店面設計饒富特色，古色古香，真係彷似置身於古時嘅客棧一樣。另外價錢親民，又有好多抵食既套餐優惠，菜式多樣，非常吸引 👀我地入到餐廳，店員服務態度親切有禮。當晚餐廳非常熱鬧，座無虛席。餐廳採用既餐具都好有特色，真係同電視劇睇到既客棧十分相似，可以感受到店員嘅心思 🤣佢地嘅menu 都整得好精緻，圖文並茂，可以令食客更了解每一道菜既賣相，具體呈現川菜嘅特色～酸菜百花鱸魚片 $128第一道菜係酸菜鱸魚片，聽聞好適合秋冬季節食用，可以健身暖胃。酸菜鱸魚十分足料，除左鱸魚片🐟之外，仲有酸菜、芽菜、豆卜同埋彈牙嘅薯粉，另外仲加入適量嘅辣椒調味。我地點左少辣，比較容易入口，酸酸辣辣非常過癮！鱸魚鮮味十足，每一片都鮮嫩細滑，比以前食過嘅酸菜魚更出色。個人好中意佢既酸辣湯，開胃之餘，仲香辣無比，飲完成個人都暖笠笠 😋🌶🍲農村回鍋肉 $78朋友一直都好想食回鍋肉，今次可以滿足下佢既願望。回鍋肉一上枱就已經香氣撲鼻，材料簡單得黎又好豐富。半肥瘦肉加上洋蔥、京蔥、青椒等等，爆炒之後香氣濃郁。味道方面十分惹味，好中意佢彈牙嘅豬皮同埋爽口嘅配菜，帶一點微辣，肥而不膩。貢菜皮蛋 $58第一次食貢菜，原來同一般嘅菜好唔同。貢菜色澤鮮綠、質地爽口、味道有啲似海蜇，大家都話貢菜嘅食用價值好高。呢道貢菜皮蛋有別於平時食開嘅皮蛋，佢外表呈淺啡色，入面嘅蛋黃半熟帶點流心，蛋黃味道濃郁，冇乜平時皮蛋個種苦澀味，作為涼拌小菜真係好唔錯。我地另外再加左兩個白飯（每個$12），愈食愈有住家飯嘅感覺。每道菜嘅分量都好足，兩個人點兩、三道菜已經好飽👍🏻我地邊食邊飲茶，可消除油膩感，抖抖又可以繼續食多啲🤪間餐廳每道餸都有佢既特色，環境都唔錯～雖然係第一次黎，但我地都食得津津有味。下次要再帶其他朋友黎試下川菜既獨特風味☺️…Read More

朋友住長沙灣，今次來到長沙灣一間客棧食小菜。客棧裝修整潔亮明，餐牌高檔中國風。點了鎮店油炆蝦🦐，涼伴青瓜，涼瓜牛肉，家鄉蓮藕餅。前菜青瓜涼涼地夠鮮，微甜。接著家鄉蓮藕餅到，微微蓮藕香藕餅香撲鼻，咬一口，外脆肉香，唔會乾，有家鄉的味道。之後涼瓜牛肉到啦，份量幾多下。怕苦的朋友唔怕，這裡的涼瓜翠而鮮，唔苦，牛肉熱哄哄，微帶姜香，肉質嫩滑。期待的鎮店蝦🦐到，接送蝦的半酒壺狀的盆，賣相好吸引,急不及待吃蝦，好香辣，蝦肉嫩，熟度剛好。可惜我唔飲得酒，酒配辣蝦甚完美。整體而言，客棧價錢💰吸引，鑊氣十足。…Read More

係ig見到，睇評價都唔錯...所以就想去試下服務就不予置評....明明都係book位問員工可唔可以換張台回覆：「問下老闆先，之後話唔可以」其實都唔咩所謂，唔得調都算（見到隔離張台無人，所以問下可唔可以調。同樣都係book位....）老闆仲要行過黎講「無得調，唔想食可以走，今晚book位full嗮....」聽完呢句，就算食物幾好食...都覺得唔值得...咁嘅態度差評就食物而言，份量很足、味道不錯，特別推薦涼拌萵筍，整體都不過不失，失望在於服務態度。…Read More

長沙灣與深水埗交界的順寧道其實有好多美食，只要特意去逛逛就一定會有新發現。今晚就發現了這間新開不久的川菜「有間客棧」。店舖的裝修有古代客棧風味，提供多款特色川味套餐，有烤全魚、酸菜魚、水煮魚等等，當中烤全魚更有8款口味！除了魚料理，也有古法紅燒肉、蒜泥白肉及涼拌青瓜等涼拌，款式多樣。今晚涼涼的就想吃烤魚 ：《烤全魚 $248 有八款口味選擇》餐廳用的是約一斤半至兩斤重的百花海鱸魚用料十足。+$28可以加菜底（大豆芽/豆芽/雲耳/豆皮）。因為我不吃辣，所以點選了《粵式豆豉味- 烤全魚 $248》，再另加配料，並著店員一次過放進鍋裡煮。豆豉湯汁香濃，煮久了會比較咸，所以都點了飲品（$12/支裝茶/汽水）。《蘿白 $18/份》和《鴨血 $32/半份》- 都薄身易熟又吸味。《津白 $18/份》和《四季豆 $18份》都比較健康。整體惹味，魚夠大條又肉嫩，配上湯汁下飯一洗（白飯 $12/碗）。…Read More

古法紅燒肉。肉質肥瘦適中，瘦肉爽口甘香，肥肉入口即溶，肥而不膩，醬汁偏甜，份量十足。糖醋魚。外皮炸到好酥脆，但裡面嘅肉質鮮嫩，魚骨少，啱晒我呢啲怕骨之人。蘸上酸酸甜甜嘅醬汁一齊食，好開胃。水煮牛肉。湯面蒲滿辣椒芫茜，盡管只係叫咗小辣，辣味撲鼻，刺激口水分泌。除咗主角牛肉，其他配菜仲有豆卜，芽菜，木耳同薯粉。牛肉爽口嫩滑，豆卜索滿湯汁好入味，薯粉彈牙。乾煸四季豆。豆質嫩，炒得乾身得嚟又唔油膩，恰到好處，口感唔錯，美中不足係鹽味唔夠，略嫌唔夠惹味。…Read More

近排一直有種想食辣既癮，終於！今日同朋友黎到長沙灣既有間客棧食川菜😍舖頭不算大，但感覺都舒服平日晚上7點已經坐滿左7成客menu內容豐富…好多野想試但今日係想食水煮魚既feel✨水煮百花鱸魚片$128記得第一次食過大陸同學煮既水煮魚之後就念念不忘…今日食到既比回憶中既味道更好味！我地都食唔到太辣所以係叫左少辣，但下次可以再辣點😎大大碗入面有嫩滑既魚肉、芽菜仔、薯粉鮮紅既湯底好香，睇落又辣又油但食落絕對係油而不膩差d想飲個湯！✨辣子黃金蝦$128每隻蝦都好肥美！鹹香同辣味都齊備連我依d唔慣食有殼蝦既人都食左好多隻😂✨涼拌青瓜$38重口味之選！青瓜酸酸的又好爽口，有大量蒜係上面✨清炒萵荀$68食完重口味就要食返清淡既蔬菜萵荀薄切後炒一炒好爽脆食到底略油✨飲啤酒個杯好得意！凍少少既時候會想再黎食烤魚🤤仲有要讚下侍應好有禮貌！！…Read More

個人本身其實好鐘意食川菜🙆🏻‍♀️因為食辣實在太過癮了😍早排見到有人推介呢間，太想食留哂口水所以黎試下啊👅-🌟客棧二人餐 $288🎈蒜泥白肉 呢款蒜泥白肉同出面食既稍為有少少唔同🙈完全係爆多蒜😂加上有好重好重既浙醋味，所以食落會有啲酸酸地咁～而腩肉片切得薄薄的，口感很好😎但個人覺得呢個都幾辣，仲要比酸菜魚辣🤣-🎈涼拌青瓜涼拌青瓜都是超多蒜的😂成個口都係陣陣蒜味啊🤪青瓜食落很爽脆配上酸辣的醬汁，很開胃😚-🎈古法紅燒肉呢個幾有驚喜😋儘管自己平時唔太鐘意食肥肉，但佢呢個整得好好食～食落一啲都唔會感覺肥膩🙆🏻‍♀️至於舖係底既白菜仔都好正，完全索哂啲紅燒汁😌-🎈酸菜百花鱸魚片 (中辣)叫左中辣但感覺都係唔係好夠辣🤣🤣下次一於挑戰大辣😈但酸味就好夠啦😆鱸魚片切得好厚身，好滑淡淡肉～最重要係冇骨，所以食得好方便😍(如果出去食酸菜魚/水煮魚，比較鐘意食冇骨既多啲，因為個人好懶🤪)佢既配料都幾多，有寬粉、豆卜、雲耳等🤗寬粉豆卜都幾入味，但整體覺得啲鱸魚片可以再入味啲🙆🏻‍♀️-其實佢既烤魚都幾吸引唔算話好貴🤣仲可以叫啲配料打邊爐😌等我下次再試試佢！！！-🔸有間客棧📍長沙灣順寧道29-39號新寧閣地下D號…Read More

今日有屋企人湊兩個小朋友～終於有時間同老公撐下枱腳～好耐無食過四川野喇！今次仲唔大吃特吃！佢地本menu都做得好精緻，同個店名好match!今次唔駛就小朋友～叫哂辣野～叫左水煮牛肉～香辣味烤全魚～拍青瓜，兩個人食成條鱸魚首先黎左水煮牛先～d牛好嫩滑～無根～個底好多材料，例如紅薯粉豆卜豆芽～索哂d汁～好味！今次叫左小辣，係普遍港人都接受到既程度！下次諗住試下中辣，我估更加正～～香辣味烤全魚～係用成條鱸魚整既～多肉無骨～好入味～岩哂我le d食唔到多骨魚既人！le個真係極力推薦D配菜索哂d汁正到暈～基本d豆卜畀我食哂，老公食得一舊，跟住先驚醒畀我逐舊逐舊食哂而家睇番都流口水～鐘意四川辣野既人唔可以錯過！食完好滿足～對成日就住小朋友食既家長黎講～今餐真係大滿足～環境坐得舒服，每枱都有板相隔抗疫～坐位寬躺，放成個爐上去都仲有好多位～…Read More

朋友介紹來食，望落都好抵，我地叫直個套餐299，有酸菜魚、涼拌青瓜、蒜泥白肉，紅燒肉咁既野，計落都好抵！主角係酸菜魚，味道不錯，魚肉唔係好多，酸菜好似都唔多，對於想真係食酸菜魚既朋友，就唔好叫我地尼個套餐啦，但想咩都試吓，咁尼個真係抵到爛！我見都幾多人叫烤魚食，另外，小店坐位比較窄，唔係好多位。…Read More

係OpenRice見到呢間舖頭新開張，又好耐冇食川菜🌶️仲要係黃店，決定試下佢🤤💛 餐牌有好多選擇，見佢嘅二人餐都幾抵食，仲包含晒全部想食嘅野，所以就嗌咗啦🥳🥳精選二人套餐（$288） 酸菜百花鱸魚片湯底嘅酸味同辣味配合得啱啱好，平時唔食酸菜嘅我都覺得好正，仲飲咗好多啖湯🥳 啲酸菜好爽口，鍾意食酸野嘅你一定要叫呢個湯底！鱸魚片好足料，喺真係有成條嘅份量！肉質好嫰滑，唔會有腥味，仲一啲骨都無，食落啖啖肉🤤抵讚！除此之外，仲有好多配料，包括寬粉、豆卜、芽菜、木耳等～ 寬粉口感好煙韌🤤🤤 豆卜索曬酸菜湯底嘅精華🤤超正‼️💯 古法紅燒肉紅燒肉質軟腍，炆得好入味，呢道菜真係好驚艷🥺 肥而不膩，食落幸福感to the max🥰 我平時好少食肥肉㗎，但呢個真係令人忍唔住一啖接一啖，加上佢嘅紅燒汁甜甜地好開胃，餸飯一流呀！🤤💯 涼拌青瓜青瓜好爽口，食到索索聲🥳 喺而家咁悶熱嘅天氣食就最啱啦！ 食完真係好開胃🤤蒜泥白肉白肉好肥美，蒜香味十足，適合鍾意食蒜/重口味嘅人🤤不過對我黎講略嫌蒜頭太多，有少少蓋過咗肉嘅味道🙈見到餐牌仲有日式咖喱朱古力烤魚🤪呢個配搭都幾新奇！有機會下次試吓先🤣有間客棧 (長沙灣)📍長沙灣順寧道29-39號新寧閣地下D號舖抵食指數：😚😚😚😚😚/5舔舔脷指數：😚😚😚😚😚😚😚😚/5（呢間要比爆分）…Read More

今次嚟長沙灣食呢間新開嘅川菜，有辣🌶有唔辣，任君選擇，要辣都可以叫少辣，所以同行嘅朋友唔太食得辣都可以食到😋😋·我地兩個女仔叫二人餐$288免加一，有四味餸，叫咗少辣呀，兩個飯，好夠食，食到好飽飽🤰🏻·✨酸菜百花鱸魚片（或者水煮百花鱸魚片）鱸魚片魚夠哂滑，最緊要係冇骨，寬粉煙韌，豆卜索哂啲酸菜汁，仲有木耳、芽菜等配料，酸菜湯微酸少辣，撈飯食一流，唯一可改善係酸菜湯可以酸多少少 🤏🏻·✨貢菜皮蛋（或者蒜泥白肉）平時食嘅皮蛋係黑色，今次第一次食呢種黃金皮蛋🤩，佢最特別嘅口感就係佢嘅蛋黃，唔係固態而係有啲微微流心、溏心嘅感覺，入口好香，口感軟糯🤤🤤雖然小菜有落紅油睇落好紅，但呢款唔係辣嘅🤓我朋友愛食皮蛋，表示最愛食呢味👍🏻·✨古法紅燒肉呢款反而有驚喜😍，諗住嚟食魚，點知紅燒肉都好高質😛肥肥的五花肉，肉唔會煮到乾身好柴，有入口即溶嘅感覺🤤忍唔住一舊一舊咁食🙈紅燒肉嘅下面仲有白菜仔添🥬·✨涼拌萵筍（或者涼拌青瓜）揀萵筍係因為見識少未食過😂😂第一次食，原來萵筍係咁清脆爽口🤩，食得出有落醋，酸酸咪咪咁，我都密密地食咗好多😚·🌟見到餐牌有日式咖喱朱古力烤魚，係新推出嘅，我地叫二人餐已經飽哂🤰🏻有勇氣嘅鍾意挑戰新事物嘅可以試試佢🙊💕…Read More

想不到一間位於長沙灣的小店很有中國風，地方不大，但裝修很有特色。菜單的封面就已經叫人聯想到古風的圓窗燈飾很有走馬燈的風味就連水杯都像大缸一樣，甚有玩味。食物的水準當然也很不錯。前菜的涼伴萵荀雖然有不少蒜頭，但完全沒有掩蓋萵荀的清甜。這樣絕對能成為最佳的前菜，因為可以叫人清清口腔，準備迎接將要來的精采食物。蒜泥白肉算是北方菜頗受喜迎的菜色之一，因為它有刺激的麻辣，也有清淡的青瓜，配上夾口的半肥瘦豬肉，甚有特色，也是一味很好的開胃菜。前菜過後，當然就是主菜了。紅燒肉味道甜美，腩肉肥而不膩，肉質爽口不黐牙，很易入口。水煮魚當然是川菜的主角，麻麻的辣味叫人又愛又恨，愛的是味蕾的刺激要人大叫爽，恨的就是吃後必定要加倍喝水，更會時常汗流滿面。不過當是排毒也不錯！寶物尋歸底，最後來的涼瓜牛肉很有驚喜。涼瓜不苦不是重點，牛肉的嫩滑是意想不到的，而且很有牛肉味，真是很好的結尾菜。…Read More

第二次來，帶埋朋友食烤魚。好彩早黎，否則滿座要等位。店員都好友善，冇訂座都即刻安排座位，朋友睇到餐牌都流口水🤤。叫左烤魚，魷魚，蓮藕餅，拍青瓜。食得辣的朋友可以大膽嘗試中辣以上，我哋試左小辣發現還可以，或者下次會挑戰下中辣。烤魚好大份，2個人絕對夠食，唔夠可以加個飯😂重點推薦蓮藕餅，我發現係幾好食，冇諗過會咁好食，個汁又幾合我口味，大家不妨試試。…Read More

近排特別鍾意嚟長沙灣搵食，繼早前來這區嚐了一頓平民價的港式豉油西餐，這晚又再次出動，而今次嘅目標就是這間朋友推介的川湘菜館「有間客棧」。餐廳位於順寧道新寧閣地下，店內地方不大，裝潢很簡單，屬一般街坊小炒格局，如果坐滿的話，大約可以容納三十人左右。先細看餐牌，菜式選擇甚多，除了有涼菜和熱菜兩大類之外，還有烤全魚、蔬菜及粉麵等供應。我哋點咗一款涼菜、三款熱菜， 另外再加咗一碟炒飯。先吃涼拌萵筍 ($38)，萵筍上桌時已切成片，面頭舖滿蒜蓉，入口爽脆又帶點微辣，食落還有少少醋酸，清新開胃。因為經常出街食飯嘅關係，所以都吃過唔少酒家嘅家鄉藕餅 ($68)，呢度真心做得唔錯。廚師將蓮藕切成粒，然後加肉碎再煎成餅，上桌時還附有一小碟酸甜汁。食落好有家常小菜風味，每啖都可以食到一粒粒蓮藕，香口得來又唔鬆散，絕對係真材實料。椒鹽魷魚鬚就食得多，啫啫魷魚鬚 ($98)  真係第一次試。魷魚鬚送上時仍熱辣辣，分量絕不欺場。舀起可以清楚見到條條都好粗身紮實，食落爽彈有咬口，完全唔韌，鮮味十足， 配埋青椒同洋蔥吃，惹味非常，真係令人食唔停口。接著送上的糖醋魚 ($98)  亦做得很出色，糖醋魚以原條上桌，造型很優美，外層炸得好香脆，魚肉嫩滑可口，糖醋汁的比例同味道亦調校得剛好，入口酸酸甜甜，用來下飯一流。壓尾來一碟金沙肉碎炒飯 ($58)，無諗過個炒飯竟然會喺咁大碟，足足有成四五碗，以咁嘅價錢真係超值。白飯加入了咸蛋黃和肉碎同炒，賣相幾靚仔，炒至色澤金黃，粒粒分明有嚼勁，入口鹹鮮味美，食完真係好滿足。牆上貼有飲品價目表，全部明碼實價，就這晚所見，都有好幾檯食客係嚟預祝中秋。…Read More

沒有動人故事 , 亦沒有特殊原因 .... 就是兩公婆行過 順寧道 見到這間外觀不錯 , 名字又得意的餐廳 "有間客棧" , 於是入去幫襯 ~餐廳的裝修頗有古風 , 看起上來滿有實力的 ~Menu ~涼拌萵笋 : 顧名思義 , 這是一道涼菜，厨師把萵笋切片再加入陳醋與蒜蓉作調味 , 味道酸酸辣辣 , 萵笋也清香爽口 , 越食越開胃 ~麻婆豆腐 : 看到紅噹噹的 , 必定會以為辣到跳舞 , 但吃落其實並不太辣 , 反而是充滿麻香 , 味道大約是7分麻3分辣 , 味道層次感豐富 , 豆腐滑嫩 , 肉碎入味 , 讓人吃過口水流 ~豉油皇豬腸 : 色澤誘人 , 一眼望見它肥滋滋的外貌，心想會膩但吃過後會知道此道肥腸的確是豐腴美味，豉油味道不死鹹卻有甜的後續，墊底有大量爽口芽菜 , 美味又吃得過癮 ~古法紅燒肉 : 烹調得差不多如入化境 , 外皮腍滑柔軟 , 入口近乎即化而絕不油膩 , 紅燒汁香濃又帶甜 , 肉質軟腍滑嫩入味 , 濃而不鹹 , 極之好吃 ~這一間 "有間客棧" 食物正 , 價錢平 , 果然有料到 ~本篇完 ~…Read More