有福食 (Closed)

今次Staycation 地點九龍海逸君綽酒店，一行七人， 10點就可以check-in，上房擺低行李之後，影下相，hea下又出動搵嘢食。諗起上次幫襯過的福建菜，地點不遠，所以又再次幫襯。今次我們又點小朋友喜歡吃的西多士及雞翼，再來福建鹵面，炒粉絲，蚵仔煎，糖醋肉，福建潑魯(酸辣湯)-這個是我姐喜歡吃的，餐牌上好像不見有，但是一講，大廚即時知道是什麼，煮出來的味道更是一絕再來老闆推薦的茄子🍆聖子煲，老闆推介的牛肉湯，講真，真是好有牛味🥰🥰…Read More

今日探朋友既初生bb，咁岩見到佢樓下有呢間福建菜就去試下，外表睇落似普通茶記，但水準意外地有驚喜:)打開menu望下，發現選擇都唔少，而且價錢好合理，如果4個人以上食晚餐可以唔洗點睇價錢點菜個隻早午餐既餐牌另有特色小菜同夠晒分量既二三餸飯（見到唔少一個人黎食既食客點左二三餸飯）首先我地點左個「招牌福建滷麵」，份量意外地多，麵滷得入味又唔會太淋，見到有幾台一家大細黎食都會叫呢道菜打個底先，證明大家都認證味道不俗。辣子雞唔多算福建菜，但廚師炒到精髓，雞肉會連少許雞皮炸到少少脆，而且符合港人口味唔會太辣，送飯一流腐乳通菜味道正常竽頭滷鴨肉竽頭炆得夠粉，鴨肉幾香，肥瘦適中唔會只係得肉，否則會太「鞋口」呢個聽聞係福建傳統菜，入面有豬腸同血腸，我個人唔多食內臟無試到，但老公話好食血腸似台灣夜市買到個種我最愛既菜式之一「松子魚」 呢道菜都幾考功夫，但廚師𠝹條魚既手勢唔錯，令炸粉可平均分佈魚肉，食落口魚塊先蘇脆，食落脆卜卜又唔會乾身，酸汁亦恰到好處…Read More

我們一行四大兩小，來到這間閩南菜館試地道閩南菜。聽講呢間餐廳剛轉了老闆，現在提供的是地道的閩南菜及川菜，對於台灣地道小食及閩南菜情有獨鍾的我們當然要來試下啦。試過很多閩南菜，這間的菜色算豐富，選擇很多，值得一讚。👍🏻由於我們各人口味都不一樣，每樣小食都想試，餐廳老闆好體貼，為我們安排小食拼盤(炸五香雞卷，炸蟶子，炸醋肉)，再點我們都喜歡的福建鹵麵，炒麵線，還有酸菜魚，皮蛋四小拼盤(牛𦟌，牛肚，燻蹄，皮蛋)，蚵仔煎，這裏的蚵仔是細細隻的，味道很鮮，最後當然更少不了牛肉牛丸羹。第一，講返我哋最喜歡的鹵麵及炒麵線，味道一流，好有水準。第二，食物份量大，價錢超值，就以酸菜魚為例，大大的魚片鋪滿隻大湯碗，還有許多配料，也只是$118。講真，香港正宗嘅閩南菜買少見少，這家餐廳絕對是閩南菜首選(重點是味道好，價錢超值)，我們一定會再來的。…Read More

呢度係我經常黎食嘅食店，最初黎呢度係因為食店標榜兩餸/三餸飯冇味精，而且喺呢區黎講都抵食，所以我好鍾意黎，最有趣係，亞姐會用心記住客人平時係多飯定少飯，飲咩飲品，充滿住人情味❤️今日我叫左個兩餸飯，唔洗40蚊有餸有飯有湯或飲品，好難得仲有咁平嘅午餐/晚餐，而且食物質素亦不錯，如果去開呢邊唔知食咩好，平平地嘅話呢度都係好嘅選擇…Read More

土瓜灣真係一個美食天堂黎架，隨便搵一間都有好野食，今次就同同事試新野，試了一間小店，平時朝早呢間野平時行過都有不少客人的，所以見今日比較小人就去試啦！由於今早比較忙、要快食，所以就同同事一人叫了一份三文治早餐，同事叫了喊牛肉蛋治加熱檸水，我就叫了芝士火腿三文治加熱檸茶！先講同事份早餐，喊牛肉同蛋函唔算係好爆個款，唔會勁多油，同事話喊喊香香，唔會食完好濟！而我個芝士火腿三文治，我叫左佢走油，所以感覺好健康！芝士係成塊架，感覺似係kraft 芝士！檸茶檸水就穩穩陣陣，每杯有3塊檸檬，檸檬都好新鮮！兩份早餐加埋55蚊，呢個年代算抵食了！…Read More

今日中午趕趕地，就求其入間茶餐廳食個Lunch先！見到個餐牌，一個麵餐雙拼HKD30包熱飲，好抵呀！見到呢個開心價，一心只糸諗住填飽個肚就算嘞，點知比隔離街個間大牌連鎖餐廳好食。點咗個鷄扒太陽蛋麵，傳統茶餐廳嘅好處就糸只蛋想點就點。首先個麵底，食落有D似一丁，唔淋。鷄扒糸炸嘅，只太陽蛋啱啱好，配熱檸檬水，HKD30蚊真糸抵到爛，以後Lunch又趕又唔知食乜，有福食會糸我嘅選擇！因為價比性高！…Read More

因為這裏開張不久，今天來這裏試新嘢。叫了一個早餐沙爹牛肉米餐，包火腿蛋麵包另外飲凍鴛鴦，$38。沙爹牛肉米味道一般，只屬可以，另外到鴛鴦味道都算不錯，其他就一般般。…Read More

三十五蚊，兩個餸！白飯任裝！湯又大碗！個蒸鯇魚好新鮮，炆豬手好好味。。。好有家的味道唔會比平嘢全部都好足料，日日有六款選擇！已經幫襯左好幾日真心推介比平時冇湯水嘅朋友。。。招牌老火湯每日都會換款，完全冇味精唔似一般茶餐廳嘅例湯。。。。加＄5就有杯奶茶出奇地好飲喎！唯獨新開張可能有少少亂落單速度較慢!整體感覺不錯會推介比身邊嘅朋友去試試！另外早餐竟然有一個出面食唔到嘅餸，就係炆牛腩！眼見附近幾台都係叫牛腩，膽粗粗就試吓，又係出奇地牛腩炆得好好味，全部自家製完全唔食完唔口渴！…Read More