Tsuki Izakaya (Closed)

之前睇過我平時睇開嘅一個foodie話呢間係佢最愛嘅日本料理之一又好似話就嚟結業所以襯有時間就去試下佢手勢！book位嘅 前一日要比$100訂金今次叫咗月（二人套餐 ＄688）共9道菜，一人一份呢個價錢性價比真係非常高。首先坐低嚟咗個前菜 魷魚醋醬🦑 冇乜特別之後嚟咗個清酒🍶 淡淡地1.脆炸日本白蝦仔🦐+日本直送生蠔🦪蝦仔炸得好脆生蠔好甜 好實 好新鮮 酸汁同辣蘿蔔蓉作調味 更顯鮮甜2. 原條時令魚刺身及壽司今次我食嘅係目鯛 第一次食白裏透紅 肉質幾爽 爽得來又有少少韌 可能係筋位原條當日即切 一魚三食 除咗刺身仲有壽司 仲可以加 ～$68 做魚湯 奶白色嘅濃湯 非常入味3.海鮮茶碗蒸裡面有日本帶子、海蝦、鮮冬菇超好食 好嫩滑 同平時壽司郎食嘅唔一樣4. 吉列海鮮串係生蠔 生蝦 白身魚 仲有菇炸得好脆 仲鎖到入面嘅肉汁 好新鮮5. 柚子酢煮白身魚外脆內嫩 同柚子醬好配6.牛肉他他同平時食開肉碎嘅牛肉他他唔一樣我會話呢個係似rare嘅牛扒🤣🤣我嗰塊熟啲好似medium rare見到隔籬枱入邊完全係紅色嘅配上生蛋黃 正7. 海鹽雪糕細細舊 唔夠喉 好食！整體嚟講 $688 兩個人 食到咁多野係好抵 亦都好飽 有質素 好食！…Read More

跟住foodie田中推介於惠顧2人餐 $688。除了$688外，需加一及付tea and sauce費用（我問店員這是什麼因為一開頭沒有說有這個費用，她回答我是tea and sauce😅)若$56元，埋單$818。食物質素普通 柚子白身魚似超市魚柳級數 炸物非常普通 刺身只有一款，正常。套餐內有跟日本酒，但店員沒有介紹。總括而言勉強食得飽（因有炸物），但談不上美味，若追求食物質素及滿足感可能未能符合預期。用餐於吧台，位置有限，但店員未有及時收拾餐點，吃得有些狼狽，另外亦沒有主動加水。最令人驚訝是甜品部份竟是Cocoberry 杯裝雪糕，亦沒有詢問我們想吃什麼口味。原以為這個價位的日本餐廳會提供自制甜品或其他牌子。埋單時信用卡機壞了，問我們有沒有現金。當然我們沒有，於是急忙外出拿錢，店員亦未有提示哪裡有櫃員機。到我們比錢時，店方表示沒有足夠現金找續，需向他人求助。本次用餐體驗不愉快。…Read More

初時因為碌IG見到介紹，環境又唔錯咁，就膽粗粗book位去試下，都幾大期望。去到我哋上咗樓上嘅tatami座位，上到去侍應表示要我哋除鞋，但真係第一次去呢啲格局嘅地方，所以都唔知埞。但侍應冇帶位，冇乜指示，咁我哋就揀好位坐低除鞋，將鞋放喺座位附近。後來見到，侍應都會幫其他客人放返啲鞋去近樓梯附近嘅鞋櫃，唯獨是我哋兩對鞋冇咁做到。唔知係咪覺得我哋太細個定係我哋著得太「寒酸」，覺得我哋會畀唔起錢食嘢，所以服務冇咁周到😀我哋嗌咗《雪》套餐，同埋燒物拼盤《竹》。嘢食都陸續上枱，我哋每食一道菜都有讚冇彈嘅，尤其是隻生蠔，真係好新鮮，好好食。但到串燒食剩1, 2串嘅時候，侍應都係未上sake。嗰個唯一嘅侍應就一直不斷serve其他嗰3, 4枱客。其中有枱客遲我哋好多先到，但生啤同sake都極快上枱。嗰枱西客要求多多，極之麻煩，個侍應都好貼心咁serve佢哋，不過一直都冇乜點理會過我哋2個。終於叫到侍應幫我哋嘅時候，佢竟然話唔記得咗上🤩佢喺我隔離執枱，都見唔到我哋嘅sake係未上枱。以我做過侍應嘅經驗嚟講，係冇可能唔記得邊枱客未上啲咩，喺隔離枱亦都冇可能望唔到我哋未上sake。所以我哋越食越嬲……啲串燒由熱辣辣擺到凍晒都未上sake，上sake都唔畀sake杯我哋，最後我哋係拎茶杯嚟飲sake。最後最後佢亦都冇主動上甜品，我哋都費事再等，就自己落去樓下埋單。埋單嗰陣，態度好差咁問我哋：「你哋唔食甜品呀？」，我男朋友即刻答：「唔食喇！」，之後我哋就離開咗。成餐嘅感覺係，嘢食幾好食都好，侍應唔係對每位客人一視同仁嘅話，成餐飯都會被破壞晒👎🏻我哋嗌得唔多嘢食唔代表我哋慳住食，只係唔想眼闊肚窄。成世人最憎人哋睇唔起自己，所以餐飯食得好唔開心。…Read More

原本係比呢個$688 for two 套餐吸引到，但係最後成晚嘅用餐感覺都係非常差，絕對唔建議去中伏！首先我book咗2015入座，2000已經到咗門口，但係無任何職員會嚟帶位入座，淨係見到師傅係烤爐前好忙。最後真係入到座，等咗十分鐘都唔會有員工得閒幫手落單，成間餐廳比人感覺就係唔夠樓面，完全失控。餐牌上嘅嘢食無跟次序上菜都算啦，最離譜係連對員雪都唔知自己上咗邊道菜！最後我提佢先知未上個牛肉同茶碗蒸，師傅即刻整，.但係質素非常參差！！牛肉他他明題同餐牌，Foodie嘅相有出入！明白嘅，圖片只供參考。但係我見全場都係燒牛小排，我就係一塊牛仔骨真係完全接受唔到！半生熟嘅牛仔骨放入口係完全食唔到，同佢哋樓面講就過師傅轉咗食材，無通知到。同一時間，我又見到師傅燒嘅牛小排，難以理解呢啲垃圾解釋。另外餐牌上仲有個脆，炸日本白蝦仔無上到。都係問員工有冇上漏先，員工都即刻問廚房今日有冇白蝦仔，廚房回覆有，不過將我哋個白蝦轉咗做芥末八爪魚！！又係完全無通知，真係唔建議大家再中伏…Read More

環境吾錯🌃坐上層 塔塔米 好舒服星期日晚去都唔算多人全場得5枱客上菜速度都算正常不過得2個侍應 有一個要不停行上行落 真系鄧佢地攰😂🍱雪 套餐$388@1包括: 前菜、茶碗蒸、生蠔、燒物、天婦羅、壽司杯、雪糕、清酒本身個set 嘅前菜系花螺但系佢哋同我地講今日無哂花螺 轉左池魚因為我吾食池魚 問佢哋有冇得轉其他佢就話無喎 硬夾要客人接受🥺 有點失望一開始無上到清酒比我地之後食到中間問佢哋個set dinner係咪清酒佢哋先話係 唔記得咗俾我哋 轉頭補番之後到差唔多食完都未上個清酒比我地再提多一次先上 見佢得兩條友咁忙就算啦本人覺得個生蠔🦪燒雞串燒牛舌最好食其他就正正常常不過不失。overall套餐 性價比高環境、食物okay 值得去👍🏻…Read More

食評：由門口入黎 裝修簡潔 乾淨餐廳有兩層 睇落第一層冇乜人 點知第二層和室爆曬 果下都幾驚喜 上餐速度唔會過快 中途會有個休息比你回味上半場既美味然後再落下半場令每一part既口感都可以令顧客品味至真另外 ，燒物好好食雪既套餐抵食女員工同老闆好nice 成間餐廳親和力超強 會令人樂而忘返 人情味 食物味道都一流牛舌燒得火喉十足食落去唔乾 一咬爆汁 黎到一定要食 另外刺身鮮味重感覺唔到霉既感覺 如果想食新鮮食材 呢間可以話物超所值 價錢相比其他日式餐廳 比較便宜 而 新鮮 強力推薦👍因此所有都值5星…Read More

月亮主題🌃肥美飽滿仙鳳趾蠔🦪極鮮赤醋壽司杯！-小店位置旺中帶靜，樓高兩層，上層係月亮下坐榻榻米，打卡一流，下層就坐係師傅面前。交談中得知，師傅做日本菜三十幾年，以前跟正宗日本人師傅，難怪燒、煮、漬、天婦羅、壽司水準都咁高，網上又甚少宣傳介紹，真係低調實力派。如果大家睇到後邊嘅相，發現影得斜斜地，請唔好見怪，因為呢到真係太多靚清酒，田中都飲到醉醺醺。-🍱雪 (套餐 $388)前菜、海鮮茶碗蒸、仙鳳趾生蠔、燒物、天婦羅、壽司杯(6件)、吸物、雪糕、清酒(90ml)，真係抵食得誇張，另外亦有唔同價錢嘅套餐。🍲海鮮茶碗蒸 (日本帶子、海蝦、鮮冬菇)🐚前菜 - 日式煮花螺店內推薦之一，經過醬油汁煮，花螺鮮味非常濃郁，肉質爽滑，又乾淨唔腥，前菜黎講絕對唔馬虎。🦪北海道仙鳳趾生蠔🍢汁煮鮑魚配鮑肝醬 (+$50)從用料可見，肥美飽滿嘅仙鳳趾蠔，濃鮮軟嫩嘅磯煮鮑魚，都係多數Omakase先出現，呢個價錢真係非常抵食。🍣時令壽司杯 (6件)1️⃣魚料有海膽、帶子、拖羅、赤蝦，用精緻玻璃杯上，其實類似魚生飯，部份魚料切粒，配上香醇嘅赤醋飯，啖啖滿足。2️⃣而魚料款式方面，唔同套餐會有唔同款式，而時令魚料亦未必一樣，記得留意一下。🍗燒物 - 紫蘇雞卷、牛舌心🍤天婦羅 - 日本海蝦、鮮冬菇、紫蘇葉天婦羅走傳統路線，雖然炸漿厚身，但入口酥脆得驚喜，肉嫩而Juicy，從天婦羅都見到師傅功架十足。🍵赤麵豉湯🍨日本北海道雪糕🍶清酒 (90ml)選擇非常多，由果香到超辛口，店員都有仔細介紹唔同配搭。而酒具真係驚人地多又精緻，鳥鳴、櫻花、富士山都有，打卡一流。-🥘柚子酢煮白身魚 ($168)店内亦有唔少當日時令/特別推介，而呢款師傅拿手菜，當日用上厚切金目鯛，濃厚柚子香又甘甜，外層似炸豆腐，内裡肉質鮮甜，層次極豐富，必食。🧆池魚南蠻漬($88)外邊少見嘅池魚南蠻漬， 用上處理工序繁多嘅小池魚，炸過再做南蠻漬，酸又微辣開胃。…Read More

見食評偏向正面，假期晚上來試試。位處比較偏僻，到店門口已見到只有甚少食客，相比同街道的其他店舖，如連火鍋店也坐滿人，這店卻分外冷清，只有小貓1，2隻。不想大熱天時吃火鍋，最後還是進去一試。樓下是Bar 枱，我們選了坐樓上榻榻米坐位，樓上環境是不錯的，上到去一個食客也沒有，變了包場，。說回食物，刺身真的太貴，百多二百元一款刺身4片，我們也沒有點來試。試了價錢相對合理的燒物，想點的白鱔沒有貨；燒雞肉的漿太甜；燒物整體感覺不過不失。期待海膽飯糰是有流心感的熱溶海膽在正中心，來到只是感覺像熟了的魚春在飯堆中；後加的茶漬飯賣相不錯，茶湯不夠熱，味道還是一般水準。…Read More

餐廳喺旺角地鐵站約10分鐘路程呢間日本餐廳生日8折優惠我哋訂咗檯準時6:45到達餐廳樓面唔算多人上咗2樓有他他me嘅地方坐低送咗冷日本蛋做頭盤，俾我哋1邊食、1邊叫嘢食我哋叫咗特上刺身(七點盛。月) 再加芥茉八爪魚做前菜. 時令嘅刺身都好新鮮💕海膽好新鮮、赤貝好爽口，其他嘅魚味就1般般，無腥味我最中意wasabi，好有質感，食落喺新鮮磨成個種芥茉八爪魚都非常推介，微微嗆口、食唔停口，可惜份量偏細我哋亦叫咗好多串燒、燒物分別燒原切豆腐、燒茄子、燒雞髀肉、燒帶子、燒牛舌、燒牛小排. 最推介喺燒茄子、牛舌、牛小排. 茄子唔單止擺盤靚，而且佢燒到啱啱好、少少脆、個汁都好好味推介牛舌、牛小排，牛味都好重，好味、唔痴牙厚切燒豆腐就有少少臭豆腐嘅外表，外皮較厚身、唔脆，但豆味濃日本帶子就麻麻地，食落唔算彈牙，無乜味，呢個價錢唔抵食飲品方面，叫咗兩杯sapporo生啤都OK，夠凍夠好飲. 小插曲1提，係我哋嗌嘢食嘅時候，直到嘢食嚟咗，侍應都無主動俾drink menu我哋，要我哋問先有. 同埋好多menu嘢食都無貨，eg飲酒必備嘅雞軟骨、燒魚胶等，呢方面有啲失望. 整體嘢食都有高質素，款式唔算多、份量較細份，有是日新鮮推介值得加分，但喺旺角地段嚟講，價錢同分量略貴. …Read More

第一次差到要打食評😭見到OpenRice 有15X個好評,就去試下啦！有得即日book到位居酒屋 🏮 可能真係只可以食串燒簡直係食左一個寂寞🥹😩全晚得兩樣覺得好食1️⃣ 蟹籽沙律2️⃣ 雪魚乾刺身 $450/中吞拿魚腩有筋仲要腥⋯油金魚（唔記得百幾二百$）都係腥⋯最後一樣黎嘅野 都唔想影相了「唔好食嘅程度係 只吃一件就放低無食過」銀雪魚西京燒$220魚肉係林嘅 一啲都唔實正仲有其他食物 都係唔好食🥹好失望⋯可能我無叫到啲好食嘅野⋯但其他都真係太⋯⋯最後人均$800 （已經8折左） …Read More

因為慶祝我生日所以老工揀左呢間餐廳同我食生日飯，入到餐廳，我地再上一條樓梯座上層的，上到去要先除鞋，十足日本居酒屋一樣，側面有一幅投射畫，畫內係仿日本風景配合埋啲溪河流水聲同日本音樂，已經超正啲刺身好新鮮好味到不得了，食得出係新鮮飛機貨超讚，當日店員重開左支酒想請我地飲一小柸不過我地當日唔想飲酒，到起蛋糕🎂時，真係好開心場內播住生日音響同當時有2個食客同我講生日快樂開心到不得了，埋單時因為我生日，店員比左個88折我地呢間餐廳把酒談心一流好推介大家來試吓門口裝修已經好有日本🇯🇵feel餐廳擺位同枱墊都好精緻，有一壺熱茶比大家飲用呢盤係 雪：極上刺身拼盤(十點盛）好新鮮好鮮甜，超讚樣樣都冇得輸～日本北海道海膽一食就知係勁東西，食得出好新鮮，就好似我去左東京嘅黑目市場，即開即食嘅味道會配埋紫菜比你，紫菜無限refill呢個小食係送嘅，我就覺得一般:)唔知餐廳原意係咪想減底食客嘅油膩感～店內環境真係好靚好有feel架我地order左幾樣爐端燒 雞皮串正常唔會燒到乾柴皮，燒到脆口～帆立貝好新鮮好味免治雞肉捧我覺得一般，有啲膩同埋食落啲肉質好似好實淨，秋葵同雞腎都係中規中矩～雞心，豬腩肉，鰻魚～都係一般味道，唔會有大驚喜～粟米🌽一般，唔算香甜～呢個鹿兒島A5和牛，係店員推介嘅，我老公超讚但我本人真係唔識欣賞🤣我老公覺得入口即溶，我覺得一口油所以呢個我麻麻地～…Read More

朋友生日～搵左間日本餐廳慶祝下～餐廳安排左我地坐2樓~坐榻榻米🧘🏽‍♀️食日本野～環境好靜好有日本feel😳無得去旅行當去左先啦😹呢度每日都會有，唔同既飛機貨海鮮。去之前記得要提早預訂喇～我哋今次食嘅係羽太🐟，成條魚咁上😍味道好鮮甜、好特別～咁多樣野食，我最鍾意就係～原條燒鰻魚～啖啖肉😋好肥美～味噌牛舌🐮都好好食，煮得好淋～好入味👍🏻重有好多日本特色清酒🍶～啱哂鍾意飲酒既朋友仔👯‍♀️…Read More

好朋友生日🎂🎁 呢晚去左tsuki lzakaya度食日本菜, 我哋order咗好多野呀, 勁豐富😍 當中最特別就係羽太刺身, 我都係第一次食呢種特式魚, 真係好鮮甜! 原來唔係有太多餐廳可以食到香港嘅特式魚, 如果大家都想試吓, 記住同餐廳預訂咗先🤳🏻 我仲特別鍾意刺身十點盛同埋海膽刺身, 夠曬鮮甜肥美! 燒鰻魚都好有誠意, 醬汁濃, 又冇骨👍🏻 另外, 仲可以喺度試到好多日本直送嘅特式清酒🍶 串燒配清酒, 一流!!…Read More

好開心呀 !! 好開心呀 !! 好開心 😆💗Rain & Christie Book左日本餐廳🌛月．火鳳燒鳥Tsuki Izakaya 🌛同我慶祝生日!!! D嘢食真係好吸引 😋 睇相 📸️刺身拼盤 • 海膽刺身 • 磯煮鮑魚 真係每樣點2份 😍😍😍我今晚係美食攝影師 ~ 🍤🍙🍢🦪🍥全部菜式上菜 都要喺我面前俾我過目過影番三四張靚相先 !!! 如果想食刺身魚可以預先訂啊 ~~ 另外有熱食 , 小朋友都啱 !! 鍾意飲酒嘅朋友呢一度好多日本嘅酒水 !!我哋揀咗坐樓上2樓 , 舒舒服服傾返一個晚上 !! …Read More

我諗香港打工仔每分每秒都積累緊唔少壓力🤯🤯放工嘅時候同朋友聚一聚再飲番杯，係最適合我放鬆嘅方法☺️=============旺角呢間月•火鳳燒鳥好有feel，食下串燒，飲下清酒，真係猶如置身日本🇯🇵我地最鍾坐bar枱，可以欣賞師成個廚房嘅運作。餐廳有唔少日本直送海鮮，保證當造新鮮。我地一人叫左set 海鮮xSake pairing，份量啱晒我哋幾個~============北海道燒帶子+手取川山廃仕込純米酒100ml=HKD180香氣誘人，帶子連殼烤香，加上洋蔥粒、沙律醬等，味道豐富，而且幾有飽肚感。肉質彈嫩，鮮甜多汁☺️我就好滿意🥂=========呢款sake有深度的口感，層次有餘韻，同呢種做法嘅燒帶子互相配合💕…Read More