曾記粿品

Open Now

Now Closed

這店幫襯都十幾年， 去開附近偶爾上去食下咸甜棵， 蠔餅，蠔仔粥，芋泥等等。 雖然有時忙會比較混亂都要體諒下老闆老闆娘都年紀大係有啲亂又要顧堂食又有好多外賣😊😊今十二點到達未到午膳繁忙時間點一碟炒果條聽到老闆娘向後面兩位先生介紹有鮮筍棵。 從來都未見過原來是季節食品。又唔記得老闆娘話什麽節之後開始買到大约立秋賣曬就冇因為之後筍唔靚就唔會做。 平時堂食煎棵要三件起老闆娘話有叫炒嘢可以叫兩個。咁叫咗一個筍一個韭菜棵😁😁 個鮮筍果勁足料筍鮮甜好味😋😋冇問價錢埋單先知原來14元一個比平時各款鹹甜9元貴少少但相當值得...😊😊 其實諗住食一碟炒棵都好飽加埋兩個煎真好飽， 但可遇不可求竟然遇到有鮮筍棵就食飽少少...😄😄 每次到熟食中心多數都幫襯這店因為老闆娘老闆個個都六七十歲如果一朝他們退休就冇得食咁正宗咁特色潮州食品。節日如端午節有粽中秋賣潮式月餅...😜😜但冇記錯做節日食品例如中秋月餅就唔會有鹹甜棵買因為好忙...😉😉

曾記座落在上環皇后街熟食中心，我最鍾意他們的韮菜粿，外皮沒有別家的煙韌口感，比較似厚的腸粉，但就是要這樣才夠「米氣」。最近帶了外賣回家自己煎，遠遠不及堂食的水準，下次還是到熟食中心幫襯吧，熟食中心翻新了，比以前清潔整齊，坐得也算舒服。期待一年一度的筍粿快些開賣，應該差不多時候了。

下午茶時間嚟都上環皇後街附近就心思思想幫襯曾記，依家皇後街熟食市場新裝修靚咗好多乾淨咗好多，而曾記喺日頭時間依然係最多客人等嘅一檔。煎粿同潮式炒糕粿之間選擇了後者，今日好似有啲失準，味道偏甜左少少，但係仍然好鍾意呢個炒糕粿嘅質感，加上少少蛋去炒更加香滑。另外唔少得嘅就係清心丸，今日要咗清心丸綠豆爽加白果，甜度適中，清心丸夠煙韌，好味道。

潮州粿品唔算是我特別喜愛的食物。 只會間中去到潮州雜貨店買嘢，見到有粿品的話會買點回家吃。 《曾記粿品》的名字我有聽過， 六十多年老字號。但從來未有試過它們的粿品。 今早偶然經過上環皇后街熟食市場附近，打算買幾個它們的粿作早餐。大概早上11:00到，見到新鮮製作的粿開始陸續做好，非常多款味道選擇，有鹹有甜。 更可以即買即煎，要咗蘿白，糯米，黑桃粿煎熱來食。另外見新鮮整好，再買咗韮菜，芋泥粿即食試試。跟我之前食過的粿，他們出品的粿確是技高一籌。煎香後食香脆，皮薄軟糯，餡足又夠味，咬落唔會覺外皮韌硬 。怪不得每日咁多人來買。 加多碗碎肉𧐢仔粥用來送粿食， 𧐢仔粥味道食得到很有屋企煮出來的味道。雖然食到已經好飽， 但都好想再叫多碗清心丸綠豆爽試吓。綠豆仁非常足料，清心丸煙韌。對我食得較甜的人來講， 可能覺得會淡了些 。但一碗做得非常好嘅綠豆爽糖水。

皇后街熟食中心之前裝修，最近終於重開。今天午後時間想想去買甜菜果😈下午五點左右，鹹的菜果已經差不多全買完了，只剩下糯米內餡的，其實也好吃，只不過不喜歡有花生😹還好甜的還有選擇，紅豆、綠豆、芋泥各要了一個，芋泥有甜的和鹹的，我偏愛甜芋泥😚先不說內餡，外皮超級軟腍🫶🏻可以說是全港數一數二好吃。咁不用說芋泥內餡，誰吃過誰知道😈炒粿條，可以想像是將蘿蔔糕切粗條，然後用甜醬海鮮醬的混合物加蛋和葱爆炒，我喜歡另外加點辣椒醬沾着吃☺️$70一碟的蠔餅也是必點之處，超多蠔仔肉，啖啖蛋香，不知道是不是加了木薯粉，吃起來有煙煙韌韌的感覺。清心丸綠豆爽，另外還可以白果，白果很受歡迎，一早便賣光了。清心丸和記憶中的一樣相當有咬口，綠豆爽的綠豆粒粒分明，每一粒都煮到開花，綠豆的香氣和糖水相當融合，清熱一流。

今日行過唔肚餓，不過就想買幾個潮州粿返屋企自己煎。因為在街市入面，街坊小店囉今日有7款咸粿，2款甜粿，樣樣都係$8個；6個有小盒，8個有大盒。自己唔想煎仲可以幫你煎埋打包，不過返到屋企凍哂你自己諗過。我就最鍾意咸蘿蔔&韮菜粿；甜的就係芋頭粿，外面好少有，喜歡芋頭嘅一定要試。除咗粿仲有幾種潮州食品都做得好地道，價錢又唔貴，想過吓口癮食得過，特別係煎蠔餅，我堂食一定會點，但外賣就唔好喇，我把會腥。順帶一提老闆娘話：「做埋新年會放長假，因為這中心要大裝修，佢哋乘機休息吓，等2025再見喎」大家要食就快啲喇

第一次黎食，炒粿味道不錯。叫了三個炒粿，因打算外賣一個回家，就問工作人員拎返屋企要點整。可能佢誤會左我只想買兩個堂食，佢嘅態度勁差，冇回答我嘅問題，結果只比左兩個炒粿我，話只收我兩個錢，想買多個都唔得。其實不是錢的問題，而係我黎到呢度食嘢當然係想食到我想食嘅嘢啦，感覺佢哋冇耐性做生客生意，唔想同生客解釋咁多。雖然我都明白佢哋忙，但唔講清楚搞到大家唔開心又何必呢，搞到我都冇心機影低我嘅野食。既然又不一定要食佢，試過一次就算了😅

🥢🥢潮州粽🥢🥢潮州粽是起源於中國潮汕地區的傳統粽子之一，有著悠久的歷史和獨特的製作工藝。潮州粽以其獨特的味道和豐富的內餡而聞名於世。潮州粽的外觀呈三角形，由糯米和粳米混合製成，包裹在粽葉中，並綁緊以編織線。典型的潮州粽內餡包括豬肉、咸蛋黃、花生、香菇和綠豆等食材，🤪每一口都能感受到不同的口感和風味。製作潮州粽需要精湛的手藝和耐心。首先，選擇優質的糯米和粳米，浸泡一段時間以增加飯粒的黏性。然後，將粽葉清洗乾淨，用沸水焯水使其軟化。接著，將粽葉展開，放入米和內餡，用繩子綁緊，確保粽子不散開。最後，將粽子放入大鍋中煮熟，時間通常需要數小時才能煮熟。潮州粽的特點是口感Q彈，米飯飽滿而不軟爛，內餡香濃美味。豬肉的鮮嫩和咸蛋黃的鹹香與糯米的甜味相互融合，帶來無法抗拒的美味享受。此外，潮州粽的香葉氣息也為其增添了獨特的風味。潮州粽在潮汕地區是重要的節慶食品，尤其在端午節時更是不可或缺的美食。人們會聚在一起，品嚐這道美味的粽子，共度節日的喜悅。😆🤪曾記粿品是香港一家知名的餐廳，以其正宗的潮州美食聞名。👅每年端午節它們都會停賣粿品專心做潮州粽 (中秋節就專心做潮州月餅), 這麼正宗的潮州粽, 香港實是少

一直认为，香港的街市和熟食中心都是深藏不露的美食高地，不仅以平靓正著称，在物价高昂的中西区，好比我等恩格尔系数爆表人士的温柔乡。·还汇聚各种菜系（很多老板都是来自那个地方的人），说不定就成了老乡会面现场。并且少有游客光顾，适合最近力求反向觅食的我。·曾记粿品是其中小有名气的一家，主打各种口味、可咸可甜的潮式粿，也有一些潮汕甜汤和小吃。很多回头客都是几大盒几大盒买，堂食环境也挺干净的。·【韭菜粿】【芝麻粿】一咸一甜都蛮好吃，粿皮油润有嚼劲，尤其芝麻粿，应该是糯米皮，更加有弹性，散发着深沉芝麻香气的糯叽叽。馅料也不错，一个是颜色很春天的、脆爽的韭菜，一个是细滑香甜的绿豆蓉。·【清心丸白果绿豆爽】这个四月还有点凉，适合一碗热腾腾的糖水下肚。质地浓稠、用料十足，清心丸的弹糯也是极好的，舌尖上能久久地回旋着这股清香。·【芋泥白果】正宗的潮汕芋泥竟然这么甜吗？之前在附近尚兴吃过，可不是这样啊。别看小小一碗，我只吃了一口就再吃不下第二口了，感觉就是往嘴里塞了一勺糖，牙都要被甜掉了的那种。·但如果你对自己的吃甜能力有足够自信的话，也许会喜欢。浓厚的猪油香气直逼鼻腔，芋泥扎实细滑，接近膏状的质地，芋香实

阿妹上次已經嚟食過一次，仲帶咗外賣返屋企，有韭菜粿、芋頭粿、椰菜粿俾我，三種粿都係兒時回憶中的美好，失傳左嘅潮州味道。阿妹聽日搭飛機走，所以特登再嚟返桌，順便買外賣運到加拿大。一嚟到見到老闆，即刻同佢打招呼，老闆都好熱情，因為上次食過蠔餅，老闆就介紹試吓水瓜烙，仲叫咗潮州炒粿，同埋韭菜餅。先嚟水瓜烙，一吃入口，不得了，有蝦肉嘅鮮味，水瓜嘅清甜，仲有樁菜嘅鹹香，入面仲加咗豬肉，多重味道，煎到又香脆、又煙靭，一試難忘。蠔餅都冇失禮，蠔仔非常新鮮，超正。潮州炒粿略嫌甜味重啲，但係都好有特色。食到咁上下，老闆又過嚟招呼，問吓我哋要唔要飲茶，親自爭加左熱茶拎埋嚟，仲話不如試吓牛丸，牛丸係一定要試，相信啲牛丸係佢哋自己打嘅，有牛肉嘅香味，湯底又冇味精，所以做到鮮香彈牙。最後食埋個清心丸綠豆爽白果，真係甜蜜嘅句號。臨走話要買埋外賣，因為知道阿妹要帶返加拿大慰藉屋企嗰「架己冷」，老闆又親自揀啲靚嘅冇穿嘅潮州粿俾我哋，再教我哋如果返到去要搭飛機，唔使放入冰格，放入雪櫃冷藏，再加個雪種冰袋保持溫度，帶到過去可以放一兩日。呢間曾記粿品，食品味道已經一流，更難得係體會到香港越來越少見嘅人情味。

今日第一次去，仲諗住做試伏專員結果出奇地好食，好飽都幾特色，$40 價錢可以接受之後如果有時間試埋其他嗰幾樣，本身今日想試埋嗰幾樣，結果太飽，冇叫到，糖水都幾吸引👍推薦推薦👍潮州嘢食幾特別👍👍

新年喇，又係要食啲乜糕物糕嘅時候。一時心血來潮，今年想食啲潮式糕點，就特登去上環呢間老字號買糕點過年。當我仲怕佢哋冇開門嘅時候，事實上佢哋喺忙到停唔到手，原來已經有好多人向佢哋訂咗糕點過年。我因為冇事先預訂，所以只能夠買佢哋當日未有被人預訂的糕點。因為時值午飯時間，睇到佢哋餐牌上有個炒潮式糕粿，我已經好耐冇食呢樣嘢啦，於是就嗌咗一碟當作午餐。記得阿叔仲望咗我一眼，話「好喇，我炒俾你啦！」，都唔知喺唔喺本來都唔準備開爐。我等咗一陣碟嘢至上枱。糕粿喺東南亞一帶，尤其是在星、馬係一個非常普遍的食材，係由米漿同沾米粉溝水蒸出嚟的東西，佢嘅口感有少少似蘿蔔糕。潮式炒法，通常就係同啲雞蛋、韭菜、甜豉油一齊炒，係個非常之經濟又飽肚的食物。呢度嘅糕粿偏腍，阿叔炒出嚟嘅糕粿係好味嘅，只不過油膩咗啲，如果冇落咁多油可能會更加好。下次嚟呢度買嘢嘅時候會試吓佢第啲潮式小食。

蕉媽作為半個潮州人由細到大都食唔少潮州美食因為細個過農曆新年，舅父經常會搵食潮州美食嘅酒樓團拜今日嚟到上環皇后街街市我哋曾經住喺上環10年有多經常會到上環皇后街街市搵美食呢度每一間食店我哋都食過今次介紹一間潮州粿品專門店我哋都食過好多次呢度嘅粿品有好多款式，有甜有咸蕉媽就最鍾意食芋頭粿，另外蘿蔔粿同韭菜粿都好美味件件煎得啱啱好，外皮香脆，滿滿的肉餡流出鮮美的肉汁😍每件粿$8，最少要點3件由於想試其他嘢，所以就冇點甜嘅粿童年記憶中食過好好食嘅潮式食品水瓜烙唔係好多地方有得食所以今日都點咗一份（每碟$70）水瓜烙以用炸醬糊起水瓜、豬肉、鮮蝦放油鍋炸至金黃色，香脆可口，雖然有些油膩，但真係食到舔舔脷。食咗咁多煎炸嘢，點碗牛丸湯去去油膩感牛丸加咗蔥，咬落去就知道係手打喺，非常彈牙雖然湯有時少少鹹，不過牛丸係好食嘅美食唔係一定係大餐廳先食到如果想搵美食，可以嚟上環皇后街街市曾記粿品 (上環)上環皇后街1號皇后街熟食市場

這家潮州食品店是正宗人氣店，堂食外賣的顧客絡繹不絕，老闆和員工都是老人家，所以大家光顧時真的要有點耐性，始終美食就是值得等待。最受歡迎的當時是潮州粿，有甜有鹹，$8一個，堂食最少3個便可以為你煎得香噴噴，不過今天到此一遊的原因不是粿而是他的綠豆爽甜品。我選了清心丸綠豆爽，至於友人側點了清心丸白果綠豆爽。清心丸白果綠豆爽比清心丸綠豆爽稍為大碗一點，綠豆爽用的綠豆真的很爽口，而清心丸質素也不錯，晶瑩剔透有彈性，不過白果似乎有點失手，有點硬，似乎是因為烹調時間不足所至。整體感覺良好，下次會再來。

啱啱行完山，路經熟食街市，記得入邊有呢間傳統糕點舖頭。一心試吓諗住回味舊時，點知得來一個唔愉快嘅回憶叫咗件雞屎滕綠豆，身上只有$100，姨姨見到之後問有冇散紙，我都好唔好意思同佢講，真係冇。點知佢就同返我講：一係買兩個，一係下次先買。我都未反應得切，佢就已經同我講：「咁你下次先買啦」我都明白要唱散子係一件麻煩嘅事，但係態度上我諗應該都可以好啲掛😅到最後我都係冇緣食到，因為姨姨一秒後已經拎返走件糕點