曼谷廚房工房 (Closed)

九龍灣工廈區有好多飯堂，但感覺都係頹食茶餐廳偏多，云云之中見到呢間泰國餐廳，抵食下午茶2點開始，餐牌上好多選擇都吸引，最貴都只係$42！無骨元蹄飯 $36 碗飯其實都唔細，有幾件豬手，皮幾肥美，肉唔算多，但味道唔錯，仲有半隻滷水蛋，加埋酸菜同一條油菜，性價比算幾高。無骨海南雞油飯 $38 四件雞加隻雞翼尖，我無試食到但望落都唔錯，朋友都讚幾好。呢個價錢配埋熱飲，轉凍飲加$6，泰式奶茶味道無平時咁甜，但都幾好飲。…Read More

已有一段長時間無得外遊，真係有點掛念著那泰色美食，今日剛巧經過九龍灣這曼谷廚房工房，當然第一時間入內一試。店內裝飾簡潔，有著泰式風味，剩睇Menu已經非常吸引了！ 兩口子都叫到一枱都係嘢食，正！珍多冰炎炎夏日真係要飲番杯珍多冰，那質感爽滑，味道清甜，更有綠色粉條帶來煙韌口感，好讓我消消暑、解解渴。珍珠泰式奶茶泰式奶茶顏色較厚重，入口有種泰國茶葉香，味道濃而不澀，配上粒粒珍珠，增加口感...更是必點之選。馬來沙嗲雞肉串雞肉串肉質軟嫩，味道甘香。蒜蓉炒通菜即叫即炒，來到時還滿滿熱氣，通菜爽脆可口，蒜香味十足！炭燒豬頸肉豬頸肉來到時，已聞到一陣陣炭燒香味，食起來肉質爽脆，脂香豐富。招牌火車頭牛清湯金邊粉火車頭牛清湯粉當中已有：牛丸、扎肉、牛腩、肥牛片，配料份量十足。其中牛腩/牛根牛味濃郁、牛丸彈牙有咬口，不愧為他們的招牌系列！…Read More

平時去九龍灣都只係去得德福同淘大多,今次試下行遠d去商廈區果邊揾下餐廳.行過見到呢間門口望入收銀處以泰國嘟嘟做佈置既餐廳好似幾吸引就入左去試下.小食拼盤一個拼盤內有齊咁多款小食可以滿足晒對泰式小食既慾望,拼盤每款有2件2-3個人share都可以.泰式魚餅:味道酸酸辣辣,入口帶一陣冬陰功既香辣感及香茅香.炸雞翼:炸得香脆唔油膩,入口唔會無晒肉汁,肉滑味道鹹鹹香香.春卷:同樣炸得唔會好油膩,乾身酥脆而且裏內以蔬菜餡料為主所以食完都唔會話好膩.無骨鳳爪沙律:無骨鳳爪爽彈充滿咀嚼感,味道酸酸甜甜開胃又清新.炸蝦餅:蝦餅唔會麵粉過多,入口彈牙帶蝦香.魚蛋魚片冬陰功河粉冬陰功大蝦湯底香濃又帶一陣酸辣香,除左酸辣香外亦帶一陣香茅香味.入口唔會過辣同過嗆,配上細滑既河粉充分地掛上冬陰功湯,入口更惹味.馬來福建炒麵帶一陣黑醬油香甜及鹹香,黑醬油質感濃稠,完全滲入於油麵之間,相當惹味及令整體味道提鮮.以油麵做底入口帶有煙韌感,吸汁力強.配料帶有彈牙既蝦仁,豬腩片及爽脆既芽菜,夾起一口麵放入口充滿層次感.香茅薑蜜薑味濃又唔會過辣,加少少蜜糖令辣度降低.珍多冰椰汁底下既斑蘭幼條質感爽滑味道清甜,香甜解渴.同時配搭香辣感十足既冬陰功可以帶解辣作用.…Read More

兩個人叫到成枱野係常識吧！2個人=2主食+4小食+1甜品🤣冇人去阻住我哋最後就搞到咁，但係食得晒全部，我諗唔係我哋大食，55🤣香茅豬扒叻沙摻摻 $58佢冇咩椰汁味，勝在大碗同埋佢個豬扒好林好容易咬👍海南雞油飯（下午茶）$38佢個飯可以轉撈檬，鍾意食撈檬嘅我又點會唔轉呢。最緊要精粹係個汁，成日都覺得落多啲開胃啲🥰串燒2串 $29我哋叫咗兩份，一份雞一份豬，味道尚可。泰式鳳爪 +$10如果可以再辣啲會更加好，建議記得撈勻先食，如果唔係啲咩會去晒上面。足足有三隻鳳爪。魚餅 +$10對魚餅冇興趣嘅我表示唔錯。咖央多士 $20呢個係異口同聲話一定要叫，超級邪惡勁大塊牛油，出到嚟一定要食咗先千層糕 +$15幾夠椰汁味，好煙銀口感好好。珍多冰 +$12椰汁味都幾夠，都算大杯薑汁薏米水 $12食完啲咁油膩嘅嘢飲完薑汁薏米水覺得自己健康左🤣 雖然好薑味但係唔鍾意飲薑嘅我都覺得接受到。店舖環境格外有心思，見到佢嘅卡位座位就諗起到底幾時先可以去旅行，佢似係火車間隔，幾有特色。嘢食價錢唔算貴，最緊要可以用平價加配小食。…Read More

前兩日假期, 大食妹同朋友行遠少少到九龍灣shopping晚飯就順便係果頭嘅曼谷廚房食埋<咖央多士>我地果日五點幾就食晚飯, 啱啱好仲可以食埋茶餐限定嘅咖央多士, 好lucky咖央多士多士烘得熱辣辣, 裏面夾住咖央同牛油, 又滑又有椰香味<鳳爪沙律>本來諗住鳳爪沙律應該係酸酸辣辣嘅, 點知出到黎係唔辣嘅鳳爪沙律好爽口, 夾住白蘿蔔絲食好開胃<香茅豬扒喇沙摻摻>因為太想食辣辣地嘅野, 大食妹就嗌左份香茅豬扒喇沙摻摻喇沙摻摻味道辛辣, 椰香十足, 摻摻係油麵混合米粉大食妹至愛豆卜, 吸曬喇沙嘅精華香茅豬扒另上, 估唔到有成三舊, 食落啖啖肉<鳳尾蝦炒金邊粉>朋友就嗌左大人細路都鍾意嘅炒金邊粉:)味道酸酸甜甜, 份量好多, 誠意滿分<珍珠泰式奶茶>食咁多嘢又有啲口渴, 呢杯珍珠泰式奶茶唔會好甜, 相當解渴<椰汁西米糕>最後再食埋凍冰冰嘅椰汁西米糕先至圓滿㗎嘛…Read More

今日無食早餐好肚餓，所以lunch都叫左個好豐富既二人餐😎先來一份小食拼盤，手工蝦餅應該啱啱炸好，裡面啲蝦滑好熱好彈牙。素菜長春卷個皮好脆，鳳爪沙律係白雲鳳爪，好爽脆。肉骨茶唔係平時食開個種味道，原來唔係新加坡好重胡椒味、又唔係平時馬拉西亞好重藥材味個隻，而係馬拉新山的肉骨茶，藥材味比較淡，第一次食新山肉骨茶，幾特別，鍾意淡淡藥材味的可以一試。再來半隻招牌海南雞，係黃油雞，無骨的雞食得特別爽，一定要點個醬，好開胃。啲花生都好脆泰式炒通菜個醬好有泰國地道的感覺甜品我地揀左椰汁西米糕，椰汁好香，好好食！呢個泰式珍珠奶茶係必飲呢間野門口好細，要經過一條走廊仔入去，差啲見唔到呢度有間餐廳，估佢唔到入面都幾多位，同埋野食都唔錯。…Read More

呢間位於九龍灣工廈嘅泰國菜非常抵食！環境闊落，佈置充滿泰國風情，幾啱打卡呀！-🦐蝦餅配酸子醬（$38）一碟有4塊咬落香脆，唔油膩！食到有蝦味，但口感就偏實淨🍜曼谷特色冬陰功湯麵（$64）配料有蝦、腩肉、蜆肉、蟹柳、魷魚圈及魚柳最驚喜嘅係魚柳好大件🤩麵條份量又多，非常大份豐富呀！冬陰功底唔算重口味酸辣味可以再濃郁一啲呀！🧋泰式珍珠奶茶（主食追加特飲半價，$14）珍珠口感煙韌，份量都幾多茶底茶味香濃，唔會太甜👍🏻🍝馬來福建炒麵（$62）新鮮熱辣上枱，聞到香噴噴🤤配料有蝦、肉片、韭菜、芽菜食落有鑊氣香味，超惹味！每條麵條都均勻沾滿醬油而且份量好多，相信男生都夠食呀！🍹芒果沙冰（主食追加特飲半價，$13）沙冰口感綿密，芒果味濃郁不過個人口味就覺得偏甜咗小小！…Read More

唔講唔知 九龍灣有啲隱秘位置都會搵到角落美食！喺呢間奶茶店隔離竟然有一間咁好食嘅泰國菜👀曼谷廚房工房平時好少聽人講起 一入嚟見到個火車頭🚆感覺上好友泰國民族特色！叫咗幾樣嘢食 分別係馬來福建炒麵呢個炒麵係店裏面嘅主打 色水炒得唔錯麵條吵得好乾身 裏面仲有好多豬腩肉加上炒過的香蔥 非常惹味 有我最鍾意飲嘅冬陰功湯 特色冬陰功湯麵 麵條喺油麵 令我意想不到是有好多各式各樣海鮮如青口魷魚🦑如是者朋友仲嗌多咗個香茅豬扒菜飯香茅豬扒唔算太油 加埋菜飯 比較健康最後配埋2杯嘢飲珍珠泰式奶茶、薑汁薏米水 超好飲最後當然唔少得榴槤波波 欣賞佢熱辣辣流心感覺的確好極 鍾意食榴槤就會懂❤️…Read More

12點準時離開衝去攞位，早放飯真係容易攞位啲！這家新開的【曼谷廚房工房】位於工廠大廈地面，所以沒有顯眼招牌，只有一扇門貼上菜單吸引客人進去。 穿過狹窄的門，原來裡面一点也不狹窄，而且裝潢有心思，有一架仿泰國的火車的櫃枱。真係估唔到工廠食店都花錢做特色裝修，雖然有啲土炮，但花錢唔多，又可讓客人有舒適、又有置身泰國的感覺。午餐有多款粉、麵、飯選擇，五、六十元包杯熱飲；不只泰國菜，仲有其他東南亞菜式選擇。 第一次食當然叫招牌菜【招牌無骨海南雞併元蹄飯 $58】。實物竟然同照片差不多，真難得！豬手指豬前腿，而後兩隻就係豬腳，每隻都有兩大兩小嘅蹄甲。豬手會見有一個彎曲嘅關節位以及一大塊肉連住；而豬腳則肉少得多，而且皮厚一點，見到嘅都係大舊骨頭。愛啖啖肉嘅話當然揀豬手，愛噒骨及骨膠原就揀豬腳。我覺得這個元蹄似豬腳，有層厚豬皮；每面滑嘟嘟嘟，入口軟腍又不肥膩。肉又鬆軟沒蘇味，比預期中好味。無骨海南雞的雞件有油光，雞皮爽口，皮下沒有太多啫喱膏，雞肉比較少，但夠嫩滑。雞味不太明顯。薑蓉、辣醬、黑豉油欠奉，換上泰式口味的辣汁，不太辣但幾開胃。扣分佳是海南雞飯沒有雞油飯 ⋯⋯ 不完美。門口有條長長人龍，侍應也不停清走枱面餐具 ⋯⋯ 我們唯有快快離去 ⋯⋯…Read More

一向喜歡吃菠蘿炒飯，上次意外的在九龍灣工廠區發現了這家泰國餐廳的菠蘿炒飯很不錯，所以今天特意再來。今次點了兩款小食，分別是雞肉沙嗲串同泰式雞軟骨。雞肉串無燒得過老，雞軟骨炸得很香脆，沙嗲醬及甜酸醬亦合格。兩款小食都無令人失望。每次見到這個有新鮮菠蘿的炒飯，我都會特別開胃。這裏的菠蘿海鮮炒飯每樣材料都十分充足，吃得特別滿足。細摻算是這一餐的小驚喜。一直都有點怕肉骨茶的藥味太濃會受不了。這裡的味道很適中，既有很香的當歸味，但亦不會太苦。一字排及其他配料如豬腸豬手等，都非常入味。配上白飯很不錯。另外，薑汁薏米水不會太甜，雖然如果薑味再重一點會更合我口味，但亦不失為一個很好的飯品選擇。…Read More

你無睇錯‼️叫到成枱都係野 埋單都唔駛$250😱 最近發掘到呢間係九龍灣既小店 裝修別緻 食物價格仲要好親民 我哋今晚就去左試吓🤤一場泥到當然要試下佢哋個招牌海南雞飯 一字排肉骨茶同招牌叻沙摻摻啦😍 海南雞係無骨既 啖啖肉 配搭既油飯都好好食👍🏻 仲有湯同菜 好抵食😛 一字排肉骨茶配白飯同油炸鬼 超足料😱 有勁多一字排 湯底好濃 每啖都有淡淡既藥材味 不錯👅 招牌叻沙摻摻同樣睇頭十足 有多款海鮮係面 仲有大大塊魚柳🤩 有一匙羹辣醬可以自由調教湯底辣度 米粉索哂d湯好惹味😛套餐最特別嘅就係可以用$10添加多款小食😱 我地加左泰式炸雞軟骨 網絲鳳尾蝦春卷同鳳爪沙律 就算只係$10 份量都好足🤩 雞軟骨同網絲鳳尾蝦春卷都好香口好脆😋 鳳爪沙律有4大隻鳳爪 酸酸甜甜好開胃😍 半價加配左泰式珍珠奶茶同珍多冰 2杯都唔會太甜 整體好抵食🌟…Read More

在九龍灣食午餐動輒都要$60，的確不便宜，但只要到下午茶時間，很多餐廳推出的下午茶餐都幾抵食，今天就來到一間有下午茶供應的泰式餐廳。下午茶兩點鐘開始就可以點喇。餐飲沒有一般的奶茶，而是有香茅茶提供，香茅的份量都幾多。我點了豬扒金邊粉($36)轉喇沙湯(+$5)。喇沙湯的表面好像有好多辣油，但吃起來會先推來辣油食下面的那層喇沙湯。湯底香濃，拌起附上的辣醬味道更濃和辣，豆卜吸收了湯底的味道好濃，不小心的話也容易嗆喉。金邊粉質地幾爽，配著濃湯的感覺不錯，要是煮得太淋就會很膩。豬扒有兩大塊，有些香茅味，但當湯底很濃又有很多肉時就比較容易令人感覺飽膩一點，而豬扒下面的兩塊生菜目的是吸收炸過的豬扒的油，所以建議套餐裡加多一點蔬菜會較好，除了清新一點也有多一點纖維。其實我比較少會特意加錢轉湯，但以地段來說下午茶的價錢比起午餐要抵得多，所以加錢試試。味道濃郁惹味，重口味之選。雖然下午茶的份量比午餐細，但這個下午茶的材料膩一點，也都是會夠飽的；倘若下午茶時間經過附近想找一些風味菜也可以試試:)…Read More

今日同朋友去咗九龍灣新開嘅泰國菜餐廳。餐廳裝修幾特別，有去咗泰國旅行嘅感覺。 🚂招待處係以泰國嘅火車頭造型，卡位似係綠色車廂座， 抬頭仲望到救生水泡。🍗招牌無骨海南雞飯 $66 去咗骨， 咬落啖啖肉，幾方便食。除咗有甜醬油，仲可以配搭開胃嘅秘製醬汁，酸酸地，少少辣。雞油飯幾有口感，唔會太油膩。 🍜火車頭金邊粉$64配料幾齊全，有肥牛、牛丸、牛腩同扎肉。牛肉湯底味道濃郁，金邊粉亦吸收晒湯底嘅味道，份量都唔少。 🥢椰汁西米糕$24/3 件幾抵食，椰汁味香濃，西米鋪滿底層。如果上層加啲馬豆等嘅點綴，就更加精緻。🧋泰式珍珠奶茶$14珍珠尚算煙韌。同台式奶茶相比，茶色會更顯得紅橘色。飲落茶葉甘香，比奶味更為突出，唔會帶甜味，適合鍾意飲濃味茶底嘅人。🥤薑汁薏米水$13薑味唔會太嗆口，不過味道都幾突出。幸好，薏米帶點清甜。個人覺得呢個配搭幾特色，不過比較鍾意原味薏米水嘅自然甜味。🇭🇰九龍灣宏開道15號九龍灣工業中心地下2B號舖港鐵九龍灣站 B 出口, 步行約9分鐘星期一至六11:00 - 20:45星期日全日休息…Read More

今日又去完九龍灣見客順便搵朋友就去左食下佢話平時lunch 成日食嘅泰國野出面睇 幾細間入到去又闊落而且d 燈都幾靚忍唔住影左張相相信唔係疫情圍左板會更靚首先就叫左個食泰國野我自己一定叫嘅豬頸肉依個豬頸肉睇落無咩肥肉啱晒我依d 又要食又要驚嘅人一食落口 好脆好爽口點埋佢個醬 帶小小辣同酸味係幾開胃嘅然後就叫左佢個招牌叻沙首先試下個湯係非常非常好飲最後食完個麵我係飲左幾啖嘅個湯帶有小小辣，同時又好有椰香唔會太甜，平衡得幾好然後講下d 餸又幾豐富喎有3隻蝦剝埋殼夠方便，而且都幾爽口但當然唔係話好鮮味但算唔錯好多平價野會有霉味佢係無嘅然後有幾隻蜆，水準正常嘅又有魷魚圈，唔算好韌幾好仲有小見嘅蟹柳蟹柳幾唔錯有鮮味然後仲有塊炸魚餅係十分之大塊肉厚索埋個湯 係十分好味而個麵就正常啦然後朋友就叫左個菠蘿海鮮炒飯一上臺就比個份量（同個菠蘿頭）嚇親睇圖已經唔洗講咁多都知有好多餸上面有滿滿嘅肉鬆然後有好多粒菠蘿再有幾隻蝦同蟹柳同魷魚圈加埋蜆肉亦有d 雜菜同2粒車莉茄同小小蛋海鮮餸嘅味就同上面叻沙差唔多唔再重複啦菠蘿粒係幾甜幾多汁 而且細細粒令到每啖飯都食到d 菠蘿肉d 飯食落去無中式炒飯個d 咁油膩撈埋d 肉鬆食係好好口感成個飯足料，開胃！但對男仔黎講份量都有d 太大哈哈然後叫左2杯野飲一杯薑味薏米水十分足料有幾塊薑 令杯野有d d 薑味但唔會好辣 搶左個focus飲落會飲到d 薏米，有d 野咬下整體清清淡淡幾唔錯另一杯就叫左泰式珍珠奶茶我係叫左無糖嘅店員都幾好肯特別安排比我首先杯野顏色都幾靚飲落係泰式奶茶獨特嘅味走左糖但d 奶都仲有小小嘅甜味令杯野個茶味出過平時而且珍珠好煙韌啱晒我依個又想飲邪惡野又怕肥嘅人最後叫埋個甜品叫曼谷夜月星芒咁有情調但我咁醒都估到應該係芒果糯米飯原來係有d 特別嘅平時通常都係芒果加糯米飯同椰汁佢就加埋d 椰汁沙冰（較淡味）個糯米飯就熱到出煙而且又香配埋沙冰一冷一熱食落口十分過癮個芒果d 肉唔算好甜，但好實淨份量都好大整體黎講d 野係幾好食又大份價錢又實惠，坐得又舒服如果開係旺區，我諗價錢double 都未必食到…Read More

難得同麥生一齊去下九龍灣行街，架要搵下好野食啦，特然好想食泰國🇹🇭野，立即上OpenRice 👀👀見到有間食泰國🇹🇭菜幾多好評，一於去試下啦⋯⋯難得同麥生一齊去下九龍灣行街，架要搵下好野食啦，特然好想食泰國🇹🇭野，立即上OpenRice 👀👀見到有間食泰國🇹🇭菜幾多好評，一於去試下啦⋯⋯肉骨茶配春卷肉骨茶湯底好濃，而排骨都有好多件架，排骨好鬆軟，入口即化，豆卜索晒啲湯汁，好正呀。春卷新鮮香脆，內餡包左好多唔同顏色嘅蔬菜感覺好健康。甲拋肉碎煎蛋飯每次去親素國必定會食嘅國民食物，呢度整得好地道美味…Read More