星期六落咗中環睇牙，睇完牙就順便喺附近食埋嘢先，行到去豐澤後面條橫街，記得平日食晏會好爆，好多打工仔會嚟呢度揾飯食，但係今日係禮拜六所以大部分餐廳都見有位，見有間燒味鋪有位就入咗去坐底。四寶飯聽得多，但係五寶我就未聽過啦，見餐牌上面有個「燒腩五寶飯」，就不如試下啦。因為冇乜人我好快有得食，五寶分別係燒肉、叉燒、燒鴨、一隻雞翼同埋一隻咸蛋。雞翼比較少見，甚至唔會喺燒味店岀現，不過好入味，叉燒同燒肉都係半肥瘦，白飯再加埋啲燒味豉油真係冇得頂。喺中環可以食到咁扺嘅燒味真係唔錯，可以再嚟。…Read More
糧尾果陣都幾困擾——唔通要捱麵包？今次發現呢間昭隆燒味，好味得來份量夠大，仲要價錢非常合理～大推薦！lunch menu都有好多選擇我的選擇係：紅咖哩牛根腩飯＄４７轉菜飯＋＄３例湯＋＄８飯的份量好多，相信男仔都一樣夠食。而且加左好多白菜，營養都均衡Ｄ！紅咖哩有驚喜，好夠辣，又香口，唔會輸俾泰國餐廳～牛根腩口感好好，煙靭，牛味都好濃例湯味道好清甜，有埋牛骨同埋蘿蔔，證明唔係味精湯，真材實料👍🏻
