昭隆燒味茶餐廳 (Closed)

要喺中環商業區搵大概五十零蚊左右的快飯食，識搵一定去昭隆街，小店林立， 而且角色食物都同一條街有提供，昭隆美食一個舖位賣快餐，另外一個舖位賣燒味，小店勝在出餐出得快，而且價位適中，尤其是燒味，落完單三分鐘就已經送上快餐。是日叫咗五寶飯， 燒雞翼，叉燒，燒肉，燒鴨，鹹蛋整整齊齊， 豐豐富富的鋪好滿一碟飯一睇就知勁足料。叉燒燒得夠入味，燒鴨肉嫩皮有鴨香， 燒肉5層肉半瘦半肥， 外皮超脆。加8蚊可以有熱飲或者例湯，想加多兩條菜便菜飯都只係加三蚊，中環嚟講依個價錢同 速度 ，絕對收貨啦。…Read More

係中環番左兩年工 每次想食燒味飯都一定係呢間(雖然 我要由山頂行到落山底先食到🤪)燒味飯雖然好似好普通好平民 但係識食既人就知 好味既燒味真係可遇不可求昭隆燒味除左每次既份量都好足 大大件之餘味道都真係相當唔錯我自己就叫開油雞叉燒飯加冬瓜湯 (+5蚊)油雞啖啖內 好夠豉油味 好香加好滑而個叉燒 蜜味好重 而且會燒到外層好香同平時樓下周街見到個啲 又瘦又柴既叉燒真係有好大分別！仲有 個冬瓜湯都好建議大家加除左有啖啖冬瓜之外 食飯食到口乾 配埋食真係一流…Read More

同朋友喺中環嗰邊做完嘢😪就隨便搵咗間昭隆燒味茶餐廳食碟飯醫下肚😉.招牌四寶飯🍚包括有燒鴨、切雞、叉燒、鹹蛋😍餸菜足料，可以鋪滿啲飯🥰燒鴨肥瘦適中，仲有少少鴨油，🦆叉燒腍身，蜜汁甜甜哋😋唔會好乾身👍🏻雞肉就偏肥，肉質頗嫩🐓用咗甜豉油調味，加啲薑蔥油就更正🥢用鹹蛋配飯食都幾滋味🤤白飯都淋咗甜豉油，食落無咁寡😗仲有菜芯平衡返🥬都唔錯 ge.凍奶茶🥤茶香同奶香🥛少甜就剛剛好😬…Read More

燒腩五寶飯，份量多，包括有燒肉、燒鴨、叉燒、燒翼、鹹蛋、菜芯、薑蔥油，燒肉肉質肥瘦均勻，油脂部分入口即化，脆皮口感鬆化，燒鴨皮層香脆，油脂味濃，食落好香口，肉質嫩滑，叉燒肉質瘦身，帶有焦香味道，為燒翼肉質鮮嫩多汁，食落好入味，味道香甜，鹹蛋鹹度適中，味道正宗，菜芯口感脆爽，食落好新鮮，味道清甜，薑蔥油好足料，白飯口感軟硬適中，配以薑蔥油、豉油食用，味道咸香。凍奶茶走甜，茶味濃厚、不苦澀，口感細滑。…Read More

中環揾食艱難，可幸有這良心小店提供價廉物美燒味飯，感恩。今天叫了碟燒肉菜飯。大大碟又好味，食完一定飽。菜飯不油腻，飯加了白菜清爽較健康又可增加食物纖維。燒肉皮脆肉嫩，肥瘦得宜，有肉味，不太咸，份量很多，抵食! 加了半隻咸蛋更開胃，咸蛋王起沙有油香，超正。最後來杯凍奶茶，香滑濃郁，為午餐劃上完美句號。一個午餐60元左右在中環算好抵，值得支持。店座位有限，所以有很多上班一族來買外賣。店員有效率，服務態度不錯。…Read More

今日一個人係中環搵地方食lunch，突然間想食燒味，見到呢一間餐廳價錢都OK，試一試～油雞、燒肉飯 $46油雞肉質非常軟滑，絕對唔係「乾柴柴」嗰d, 睇幅圖都會見到，幾咁滑溜🤤燒肉皮脆，肉的部位食到有淡淡的炭燒香味，都算唔錯！有好多店舖都忽略咗燒咪飯既質地，但飯嘅質地其實好緊要！！最怕啲好淋，同埋好濕嘅飯佢地飯軟硬適中，加埋唔吝嗇嘅薑蔥蓉咁就啱晒燒味整體都唔錯，唔算係重口味，唔會太鹹、太淡， OL們又多一個平靚正選擇 ❤️…Read More

今日去到中環昭隆街 除左有永樂園呢間最熱門的熱狗食之外 原來臥虎藏龍有間食燒味嘅茶餐廳令我最鍾意食嘅薰蹄喺呢度都搵得到呢度嘅三寶飯都只係$50中環呢個價錢喺邊度搵？我點左個薰蹄燒雞翼叉燒飯 而且呢度加$3就可以轉菜飯真係健康又有營養你睇吓啲菜真係幾多 分分鐘仲多過啲飯飯嚟到嘅時候覺得啲餸好多 飯被完全遮蓋超欣賞佢嘅燒雞翼做到豉油紅燒效果帶有少少蜜糖燒烤感覺薰香甜美你朋友嗰碗五寶飯都好大碟分別有燒肉、燒鴨、叉燒、雞翼同鹹蛋同樣地燒味都好出色而且餸菜仲多過啲飯大件夾抵食 加錢仲有例湯餸大大碗粉葛湯啱晒秋冬轉季滋潤補腎👍🏼…Read More

中環嘅打工仔對昭隆街相信都唔陌生，因為成條街都有平價美食，而數到燒味，呢間就比較多人食嘅五寶飯 ($50)嘩。。。餸仲多過飯燒鴨好香，肉質嫩滑，燒腩仔皮脆得黎，肉仍然有肉汁，叉燒肉淋，唔會太甜呢個價錢好抵食，而且伙記好快手，啱晒想食個快飯嘅人我仲見到餐牌有蒸魚菜飯，都只係$45，不過可惜我去嘅時間已經賣曬lu...下次早啲嚟食下先座位唔算多，大部份人都係叫外賣，餐廳用嘅係即棄餐具，想黎食嘅記得要自備餐具啦！…Read More

中環食個常餐都貴過人，想食好好食嘅燒味飯一啲都唔容易今日去開中環食飯，月尾又冇咩錢，搵咗好耐見到有價錢相當相宜嘅燒味舖再入去食下<叉燒油雞湯米$44>叉燒request 左要瘦叉，不過都無影響到叉燒的質素瘦叉可以做到入口軟淋，好難得有雞有重重嘅甜豉油味，甜豉油浸味仲要新嘅雞肉，幾好食重點湯底唔係清湯淡茂茂無味，一陣蔥油味，幾香有誠意<熱檸水+$8>熱檸水正常貨色，睇吓需唔需要加啦$8系有少少貴，不過有時食完野口渴，冇計啦…Read More

今次lunch食咗一間高質嘅餐廳，都幾抵食，喺中環嚟講四十幾蚊就食到都幾好，味道，環境同埋服務都好高質。叫咗個四寶飯，有鹹蛋，叉燒，燒鴨同埋雞。 份量嚟講都算好足料，啲飯都好大碟一定夠曬飽。 叉燒整得得非常淋身，而且燒鴨同埋雞都畀咗脾我哋。比平常嘅茶餐廳嚟講都算係好食，層皮夠薄唔會好肥，再加埋側邊隻雞蓉撈飯一流！佢哋凍奶茶，凍檸水都好飲。奶茶方面佢嘅茶香同奶香比例啱啱好， 好啱我胃口。而且凍奶茶佢就唔會落咗好多糖漿，所以甜度到都適中。仲食咗呢度都好多人叫嘅咖哩豬頸肉。先講個頸肉，每一片嘅厚度啱啱好， 而且淋身得嚟帶有少少彈牙，好香豬頸肉味， 而咖哩真係好出色，係一個食得出好俾心機整嘅醬汁。咖哩味係非常香濃，再帶有少少香辣嘅味道，配埋豬頸肉一齊食真係非常夾， 係一個唔錯嘅配搭。仲有好欣賞呢度環境好乾淨，坐得好舒服。…Read More

對於上班族來講，諗每日午餐食乜嘢係一大難題。今日行來行去，最終揀了昭隆街的柱侯牛筋腩菜飯。沒有什麼花巧，但就是喜歡他的實在。牛筋腩和菜飯分開上，唔會搞到啲飯濕漉漉。牛筋腩味濃但不會太鹹，還有些椰菜喺底下。揀菜飯全為減少罪惡感，而且今時今日越來越少快餐店提供菜飯。…Read More

一直都非常喜愛吃燒臘飯，覺得是香港特色食品之一，很多高質素的燒臘師傅都能移民到其他國家把食物發揚光大，雖然燒味食物並不是貴價食物，但正正是香港「多肉小菜」的代表！而且絶不會食完不夠飽。同事常説昭隆街是中環的平民食街，今天見完客專程到此買外賣，回公司嘆著冷氣開餐。點了雞鴨飯，$41，比起住宅區的雙併飯貴幾元，但中環區租金貴，我反而覺得價錢非常合理。每次食燒味飯都會點雞，因為最愛的其實是那些點雞的蔥油。雞和鴨的份量比想像中多，而且是高質素的，還加了點椰菜，好食！可堂食、可外賣，我覺得是中區打工仔的恩物。…Read More

食開大家樂，但係水準每況愈下，份量又越來越少。後來食左昭隆，d燒味超正，叉燒同白切雞、油雞都好正，幾新鮮，份量又多。單拼都係$38，雙拼$42。好少位，所以要早去。除左燒味，咖哩都唔錯，紅咖哩香唔太辣，仲有蘿蔔牛腩。…Read More

今日差唔多全部人都食外賣，我哋揀咗食燒味😋。其實我今日唔係咁餓，😌😌所以又食面。油雞瀨因為同事叫嗰陣時叫埋蔥油🤔，所以唔係食雞嘅同事都有蔥油😳，所以令到個湯底好油😫😫。同埋個湯底咸左D🤦🏻‍♀️🤦🏻‍♀️。不過佢嗰啲油雞份量多，椰菜都多👍🏻👍🏻。佢嗰啲油雞肉嫩👍🏻👍🏻，又係幾正嘅。我見到啲同事食四寶飯，好似好正。我覺得咁油嘅午餐，要好肚餓食先好，但可以成日食。應該啱晒D勞動力大嘅男士食。…Read More

百物騰貴，從前廿幾蚊一餐既日子早已成為追憶，喺中環依家閒閒地買個「好少少」既外賣都可能要幾十蚊。「昭隆街」對於中環打工仔一族一定唔會陌生，由於位處中環核心地帶，一到lunch time由OL到實Q哥哥都會豐湧而至「醫肚」，亦令呢條街慢慢做就成為該區既「外賣一條龍」中心，中、西、意、日etc基本上任君選擇，而價錢方面都好合理。Anyway，今次經同事介紹試左呢度既燒味。由於佢特別表示呢度既燒鴨「好X好食」，所以我特別叫左個「燒肉+燒鴨飯」外賣。果然無令我失望，燒肉既皮好鬆脆，即使焗左喺飯盒裏面超過十分鐘都重食到少少「脆」既感覺。而肉質方面都好鬆軟，亦都無太鹹或者唔夠味既情況出現，一句講晒，交到功課！燒鴨方面，坦白講完全唔似幾十蚊「頹飯」既質素。鴨皮唔單只重有少少脆之餘鴨既肉質亦都非常之juicy。鴨肉完全無overcook、「un」到咬極都咬唔開既情況之餘亦食到鴨既鮮味，咬落去肉既纖維亦都好鬆軟。廢話唔想講太多，只係想講一句「平、靚、正」！加埋凍飲都只係四十三蚊，今時今日喺中環重有邊到可以搵到？…Read More