春和樓上海菜館 (Moved) New Location

第一次食，訂了10人枱，去到先知原來10人要分2張枱。問收銀訂枱時點解唔講低要分枱，答我地好多人都知我呢到係得咁細，你仲坐唔坐丫。第一我地唔係好多人，第二訂得枱好多人都唔會預係要分枱啦下話，第三態度可以好點。

走進平日的元朗，街上並不像一般新界地方般的人流，尤其是在午飯時間，平日一樣搵食艱難。今日來到元朗西菁街，附近食肆選擇眾多，由十二時至二時，都是附近打工仔及學生的飯堂。雖然是平日，周圍的食肆的坐得滿滿的，甚至已有人於舖外等位。在這人潮中間，有一間上海菜館，好像被人忽略，舖外沒有人等位，舖內的食客也不多，今日就試一試是什麼一回事。由於食客不多，不用等位便安排到座位了。店內是一般中菜館的陳設，大多都是圓枱，大約是一間飲茶叫小菜的食館。原來，這裡除散叫小菜之外，亦提供茶餐廳式午餐餐牌，並奉送咖啡或茶，是否想吸引茶記的客源呢?今日點了一碟排骨菜飯午餐，午餐包飲品，像一般茶餐廳一樣，不同的是吃上海菜。排骨菜飯，排骨像一塊炸豬扒，份量不多，但勝在脆口夠熱，不是茶餐廳快餐般預先炸好。至於菜飯，菜的比例不多，飯的味精較重，失去了菜飯的菜香味，但我欣賞這裡的飯用了珍珠米，十分軟熟。如果想吃一間坐得舒服，質責較普通茶餐廳好的工作天午飯，可以選擇這店。不過，相店這間菜館主打是主菜單的上海小品，如果有機會，必定會再試一試。

在元朗的上海菜選擇不多，要坐得舒服的更少，春和樓應該是環境和味道都較好的一間了。若不是行過見到的話，還真的不知道原來這裡有假日下午茶。試過晚飯質數不錯，那茶餐又如何呢？下午茶的選擇不少，有飯有麵，另加配點心和飲品。本喵選了酸辣麵加鍋貼，而媽媽則選了上海湯麵加蔥油餅。先來鍋貼兩件，咬開鍋貼仍是熱熱的，似乎是落單即煎。新鮮的點心總是好吃的，鍋貼的底脆脆，而內裡的餡是豬肉和少量的菜，吃起來很香口，可惜只有兩件，很快被我KO了。再來的是兩碗麵，我覺得酸辣湯麵味道不錯，本喵不知道怎樣才算是正宗的酸辣湯，但有時在外吃過一些很「杰」的就覺得不太喜歡，吃完又飽又滯。這裡的酸辣湯卻十分適中，既不會「水汪汪」或像「漿糊」，保留了羹的質感，材料也豐富，至於酸辣度我覺得可以再酸一點，不過口味的問題很個人，媽媽就覺得再加醋就會蓋過材料原來的味道。至於媽媽的上海湯麵材料也豐富，味道也濃厚，配上的是粗麵。不過我喜歡我的酸辣麵多一點。吃麵吃到一半，蔥油餅姗姗來遲上枱了。一摸下去還是燙手的，蔥油餅的皮一層層的分明，非常鬆脆，雖然餡只有蔥，但卻炸得很香。星期六、日又多一個坐得舒服唔使迫的食tea好地方了。

食過兩三次春和樓了,會再回來食絕對是一碟黑醋排骨不是一味"酸"字而是有層次的陳醋酸香.每次都清光了碟,是份量少定是太好味?我想是後者吧....這次再會春和樓,嘗了一道"松子黃魚"(從未點過)蠻有新鮮感^^.此道菜一上,不禁急急來個近拍!!!! 給人魚躍龍門的感覺,整條魚炸得很酥很透徹,沒有需要吐一口骨就連魚頭也給姊姊食光.而且味道上甜中帶酸,可惜食不出松子的味道..........怎麼不提提其他菜? 因為個人認為只是不過不失,在元朗算是好的上海菜了(因為沒幾多間共選擇吧)

是星期四的一個下雨天，駕車入是元朗找朋友食飯，在了找一輪停車場後泊了離市中心比較遠的地方，自己想食中餐，友人便提議食春和樓.。頭盤是雞絲拉皮 - 一貫水準，是二人餐頭盤大熱!湯是雲吞雞 – 小弟最愛，連雞肉也全吃掉，記得以前每次飲完雲吞雞湯後肚暖暖的感覺真爽。主菜是蔥爆牛肉 – 冇乜特別，牛肉也有些”un”，有進步空間。另一主菜是魚香茄子 – 要黎送飯是不錯，但茄子身比較硬影響口感。最後甜品是酒釀丸子 – 一般酒釀丸子比較甜，但這裡的就比較清淡，反而為一個豐富的晚餐化解了肥膩的感覺，滿足地駕車離開。春和樓已不是第一次光顧, 幾年前小弟常常吃這裡的二人餐，自從加了價後就很少再來，今次再訪價錢已比年前上升了三分一。真是百物騰貴。

係元朗要搵野食真係好多..搵好既野食更加唔少..但係係元朗呢~本身好鍾意食上海野既我..對我黎講真係少之有少!!呢間春和樓就係唯一選擇啦..同男友2個人叫左個2人套餐..有一個冷盤,2個餸,一個湯+糖水..飯要另計..冷盤揀左醉轉彎..好味!d雞肉好爽..雖然有酒,但唔會濃到食唔到..+埋酒d雞更鮮味!2個餸,一個賽螃蟹,一個蔥爆牛肉,賽螃蟹一般般,不過d蛋都整得滑滑..蔥爆牛肉,鐘意食蔥既人真係推介,d蔥爆得好香,牛肉好(林)..湯就要左雲吞雞,今次d湯比上次食咸左少少..不過配雲吞依舊好味..最係糖水係酒讓桂花丸子..桂花味好香呀..丸子煙煙韌韌..正如果多人食感覺上抵dd,因為佢散叫d野都幾大碟,又可以叫多d款菜..套餐點每個份量都比較少..但2個人算夠食..每次黎都唔洗等位..o岩晒我不過服務真係差少少..不過想食就冇計嫁啦!!哈哈~~

環境乾淨,燈光明亮這天是下雨天,座位沒有滿回鍋肉一直是honey很鍾意的菜色每到這家春和樓,他就只點這套餐~一個套餐算起來其實不算便宜但是以味道來說,算是比一般茶餐廳精緻一點了醬很入味,尤其裡面的豆干呢^^一個套餐麵要32!!!!味道也只是SOSO而已主要它清淡,湯頭也好喝為了減肥只能選擇它了

星期日亞嫂生日, 見佢有BB(六個月可愛小姪女), 就一家人去佢家附近搵野食.點知周圍都要排隊, 行行下見到呢間唔洗排隊, 由於有小朋友又見門面都OK, 咪試下啦...點知...瀨野!我地一行六人加個BB, 叫兩個二人餐加其他菜, 有個UNCLE走過來話: 唔得, 一枱只可叫一個! 咁我地六個人, 叫兩個個二人餐都唔算過份姐, UNCLE話唔得就唔得, 除非你地分開坐啦!聽完佢個意見, 都OK丫, 咪照佢意思分開坐拉開D枱, 點知又唔得 , 你地要分開D, 兩個坐門口, 其他人要坐舖頭入面.嘩! 你洗唔洗玩咁大呀! 最後我地見有小朋友係度就算, 一個二人餐就一個啦! 又唔係無錢, 亞嫂生日唔好搞得唔高興.上海粗炒: 咸, 多油. 生煎包: 厚皮, Dry 小籠包: 唔掂, 厚皮到唔信, 7仔好食過佢. 酸辣湯: 得個酸字. 賽螃蟹: 唔係正宗做法, 睇到係蛋白蒸完再切開一粒粒就算, 完全抽水之作. 雲吞鷄: 全味精加雪雞, 係雪雞, 唔係冰鮮! 上菜亞姐唔知係唔識聽廣東話定無記性, 佢第一次上菜竟然係個BB頭上菜 , 果個位我根本完全睇唔到點解要係果度上, 有BB車, 大人又坐得貼.

又係眾同事一齊出街食飯既好日子。由於附周邊的食肆都食得差唔多，經L同事介紹，今次行遠Ｄ試下呢間上海菜館。菜館的室內光猛，是一間樸素乾淨的小館。講多無謂，係時候開餐：上海粗炒：粗面有彈性，亦炒得入味。醬油味濃，不過因為較油膩（上海粗炒之本質），兩個人SHARE食比較好。生煎包：由於要吃我最愛的饅頭，就沒有吃生煎包，根據同事所言，中規中矩。小籠包：我係一個食小籠包食到怕怕既人，不過有食同既同事話好味。饅頭：一般，唔叫好鬆軟，有可能是現成貨。但我愛饅頭，唔緊要。清炒津白：比較細碟，不過我都冇怪佢，因為以上既食物加埋，只係$99，我個人覺得係抵既。另外：銀芽鱔糊：鱔煮至腍身，口感甚佳，但味道略嫌淡。酸甜魚柳：非常美味，魚柳的外邊炸得酥脆才加汁，而醬汁調味得宜，還加上小紅蘿蔔作點綴，大家吃完魚柳，還搶著要用汁撈飯吃。服務方面，侍應姨姨人相當好，收碟都好快。總括而言，環境，食物和價錢相宜，而元朗又較少此類上海餐館，相信會再來。下次試晚飯！

本人今晚與家人叫了一客豆沙窩餅,嚟到個窩餅好似未熟,仍像麵粉黏黏, 又唔脆,便叫了個像老闆的男士更換,點知佢睇都無睇, 就一口咬定自己d食物熟,跟住就懶得理我們走開,我地好嬲沒有食便埋單,跟住家人找完數,發覺數目好像不對,我立即返轉頭叫櫃位比單我睇,點知有個年青人十分不禮貌地問我邊枱,我又怎知枱號, 便指給佢睇,佢話無得比番張單我, 我話只睇吓數目啱唔啱,佢便十分不情願掟張單給我,我問佢做生意這樣態度對食客,但佢竟連"唔好意思"或解釋都費事,所以奉勸各食客千萬不要光顧,免得換來一肚氣!

入元朗約朋友, 之後就一行 6 人去 "春和樓上海菜館" 食晚飯小籠包 $22 - 好好味. 好多汁 鮮肉鍋貼 $18 - 啲皮好薄又多汁 上海粗炒 $32 - 冇咩野味 黑醋排骨 $55 - 酸酸甜甜好好味 蔥爆牛肉 $65 - 又係冇咩野味 松子黃魚 $ 88 - 太甜唔太好味 四川辣雞煲 $68 - 一啲都唔辣...no good酒醉乳鴿 $68 - 唔夠酒味 砂窩云吞雞 (半隻) $70 - 呢個超正. 啲湯又夠濃..so good炸銀絲卷 $10 - 普通冇特別 蘿蔔絲酥餅 $12 - 啲蘿蔔炸得幾脆

很喜歡蘇淅菜, 今天難得放下兩隻馬騮精, 與太座閒逛, 就逿進了這間春和樓。既然進了上海館, 就試了幾樣平日粵菜難見的食味, 分別是醋, 酒和蜜。當然, 小籠包是一定要試的, 也點了一個不知何解香港的上海館子必備的四川菜擔擔麵。館子不大不小, 但桌子卻排得很密, 有點迫, 小型中菜館大都是這樣了。幸好閒日兼時間尚早, 人流不多。小籠包很好, 肉鮮且嫩, 皮薄但不過火, 可以隨便整個梜起而不破, 也有點咬口, 整個放在口中有那種皮壓著肉把汁擠出來的感覺。肉汁香, 量也剛剛好, 不象時下一些小籠包汁多如湯, 製法實在耐人尋味。蜜汁雙方, 用的應該是正金華家鄉肉, 不欺場, 蜜的甜與桂花漿的甜分得開, 難得。素方用的是炸腐皮, 薄薄一片, 取其脆口, 遷就港人口味。這味算是驚喜了。只是只得四片, 我們兩人剛好, 人多就破費了。醋溜魚塊, 這個價錢也沒有期望是鮮魚, 上來見用的是比較貴價的青衣柳, 很多地方只會用龍利柳算了, 所以有些好感。醋處理得不錯, 沒有苦味, 可是先天不足, 完全沒有魚鮮味給醋"提"上來。後悔, 下次醋溜魚, 一是叫條時價黃魚, 一是索性不吃了。醉酒乳鴿, 很失望, 紹

今日剩係得我同啊媽．天氣熱，啊媽唔係好想煮，咁緊係出去食啦．我地選擇常去既春和樓．最初係我自己一個人來試食．點知介紹左畀屋企人後，變左常去既食飯好地方．不過D嘢都幾好食架，唔係都唔會吸引到我同屋企人黎食．我地Order左:鍋貼一個"正”字．D肉質鮮，皮既底部又脆，外皮又軟，My Favorite! 酸辣湯唔算好辣，又有酸，Ok啦．蒸銀絲卷蒸得唔錯，內裡軟，點埋D練奶，Ok架．黑醋排骨呢味真係好食，通常要叫埋白飯一起食，甜甜酸酸幾好食架，肉質唔算肥．"賣非佛"．嘻..呢間店唔係全部嘢都整得好食，但係佢有D嘢係整得有水準．保持到個味道，所以先吸引到我黎食．Yeah．

第一次食, 係門口望入去好似冇乜人咁, 原來好多客坐晒係入面. 叫左個2人餐$148, 有一個湯羹, 一個冷盤, 兩個熱炒, 一款甜品/兩件鍋貼. 好似比散叫抵好多咁, 但係食落就懷疑碟碟都細碟左.雲吞鷄: 湯底勁濃味, 直頭係鹹得滯, 唔知係味精定乜野, 但係都幾好飲. 雲吞幾大粒幾好食, 皮都幾滑唔係好厚. 仲有隻全雞肶, 煲到老左少少, 但係好入味. 醉轉灣: 有一隻全翼, 幾舊雞胸, 雞好入味好滑, 連雞胸都OK. 醉汁非常得, 濃酒味又唔過火, 唔知係花雕定係咩酒, 唔識飲酒. 咸肉津白: 津白幾靚幾入味, 配埋D類似金華火腿更加唔錯. 賽螃蟹: 份量勁少, D蛋白竟然唔夠撈一隻蛋黃. 蛋白有少少蟹柳, 都幾滑但係唔夠味. 白飯: 特別一提佢既白飯係用珍珠米, 但我反而覺得唔係好夾D餸. 酒釀小丸子: 其實今次係第一次食呢款甜品. 湯底幾清甜, 有陣陣桂花香味同酒味. 丸子幾煙韌, 有好多粒, 全部食晒都幾飽. 係一個唔錯既甜品, 係略嫌甜左D. 好似唔係好夠人手, 成日都叫唔到個侍應幫手. 食物係幾好, 但係呢服務同環竟就配合唔到個價錢.

前幾天第一次幫襯這間食店，但我發誓以後都不會再幫襯，原因如下﹕1. 食物質素那裡所謂的招牌生煎包，包內的料少得驚人，一少粒肉但有一半的肉是肥豬肉的！一點也不好吃！而且價錢很貴，19元3小個！那個素餃還要$28，6小隻，這個價錢但是在這樣的質素真是太不值了！而其他的食物又未見得有什麼出色之處，這些酒樓的價錢是不值得花在這間食店的！2. 店內環境店內環境非常嘈吵，像去了酒樓般，而且坐得非常不舒服，因為店內空間極少，但桌子放得密密痳痳，我們兩個人去，他們就將一張4人桌拉開少少，就是兩人桌了，桌子非常細，放了碗筷，茶壺後已沒有什麼空間再放食物了，而且通道非常窄，就好像一個大飯堂一樣！說話也要很大聲對方才聽得到！3. 服務態度這個是我今天為何要出這個post的住要原因。這裡的服務態度極差，那裡的所謂經理是會罵客人的！而其他員工也不見得有禮貌，最沒禮貌，最冇品的，就是那個自稱在某幾間酒樓做過總經理的大叔，事緣當結帳的時候，我們向一個伙計要求要番結帳時他們出示的那張在收銀機發出的單據，那大叔在隔離聽到即很大聲很惡的說﹕「沒有，只可手寫給我們﹗」但我們是想要詳細的單據，於是我便叫他reprint