The Starview (Lee Theatre Plaza)

星海薈，位於銅鑼灣，搭𨋢上到黎，裝修華麗到爆🫨有靚樓梯、大台、靚燈飾同唔同既包廂，好誇張😎真係咩週年聚餐、婚宴擺酒乜都啱，夠晒Grand👍🏻餐牌既特色小菜都好吸引，仲有夏天Menu，非常吸睛，飲枝大啤開餐！😆 招牌白胡椒肉蟹焗飯🦀超大煲，上枱非常之有胡椒香，蟹好大隻🥹好多舊蟹件，即刻試味，白胡椒醬汁包勻成舊蟹，蟹肉好入味😍隻肉蟹冇得輸，真係啖啖肉😋加埋個飯底仲有飯焦添，為重口味既你仲準備咗白胡椒醬，如果唔夠味可以加👍🏻非常高質抵食💕滋味芥末蝦球🦐大大隻鮮蝦，非常爽身脆口，加埋有芥末嘅沙律醬食，鮮味得來又滋味😇 遠年陳皮脆皮燒鵝伴陳村粉🍗例牌都好大份，燒鵝肉嫩多汁🤤好香口、好濃味👍🏻最出色係個醬汁，難怪會配埋陳村粉，吸晒啲鵝汁好正🙌🏻杜阮涼瓜炒海斑球，涼瓜非常爽身，海斑球貨真價實，咬落有口感😌份量好足，味道好好，好高質嘅炒斑片🥳 場地靚到咁，食物咁高質素，價錢仲相當合理🤩太吸引了吧🤪留個聯絡俾大家Book位！🫶🏻…查看更多

招牌精緻雀籠點心 ($198) - 打卡之王，抵食指數爆燈！一上枱，成個港女酒店High Tea嘅鳥籠咁，勁浮誇！相機食先！入面有齊六款點心：蝦餃：皮薄蝦爽，合格以上；蟹籽燒賣王：啖啖肉，蟹籽卜卜脆，好食！雞粒鮑魚酥：幾得意，酥皮松化，上面粒鮑魚仔唔算好突出但夠曬睇頭；天鵝酥：真系靚到唔捨得食，入面系芋蓉，香口但略油；帶子鳳眼餃：幾鮮甜，賣相精緻；趣緻南瓜球：外脆內軟，南瓜味自然。$198食到咁多款，仲要款款都上得鏡，真系抵到爛啦！打卡同飽肚一次過滿足！.XO醬炒腸粉 (煲) - 聲效滿分，口感扣分！上台嗰陣「滋滋」聲，煙霧瀰漫，成個氣氛組組長咁，聞到XO醬香已經流口水！可惜... 腸粉炒得過頭，軟淋淋冇咩咬口，完全冇咗腸粉應有嘅煙韌，得個咸香同辣味撐場，有啲失望。.迷你蝦乾珍珠雞 (2件) - 細件但足料！真系「迷你」size，兩口一件。但勝在夠足料！糯米軟糯入味，蝦乾同冬菇嘅香味好出，啖啖都食到餡料，冇偷工減料，味道傳統好食。.招牌胡椒濃雞湯灌湯餃 - 湯餃夠巨，胡椒失蹤，仲穿底！真系大大只灌湯餃，睇落好有氣勢。湯底話胡椒濃雞湯... 但胡椒味淡到幾乎隱形，得個「雞」字。湯餃皮薄系薄，但薄到一夾就穿！湯同餡瀉到成碗都系，狼狽到呢... 餡料系唔錯嘅，但整體扣曬分。.南翔小籠包：竟然有自己嘅小竹盤宮殿，下面仲用甘筍片墊住。夾起上嚟真系唔易穿皮，呢個設計抵贊！皮薄湯多，餡料鮮味.星海薈最大賣點肯定系個雀籠點心：抵食又呃到like，點心整體質素OK。其他散叫有驚喜（珍珠雞）亦有伏位（腸粉太淋、灌湯餃穿底）。小籠包出場最浮誇！想同朋友影相打卡兼食點心，個雀籠真系必叫…查看更多

今次嚟到星海薈食Lunch，專登黎吓佢哋嘅中式點心，果然冇令我失望。手工製作，每一款都係真實材料。餐廳環境光猛整潔，座位都幾寬敞，同朋友傾偈食嘢好舒服。餐廳裝修亦都好華麗，尤其是個樓梯位，真係好打卡able。- 精緻雀籠點心賣相真係好精緻，雀籠造型好有心思，點心款式多樣，分別有蝦餃、燒賣、飽魚酥、天鵝酥、鳳眼餃、南瓜球，每款都細細件，可以試到唔同口味。特別鍾意天鵝酥同南瓜球，天鵝酥入面係蘿蔔絲，食落清甜好有口感，而南瓜球入面更加係我最愛嘅奶黃餡，南瓜同奶黃真係好夾，食落甜甜地。- 南翔小籠包小籠包皮薄多汁，一咬開入面唧湯汁就爆晒出黎，鮮甜得嚟又唔油膩，就甘食已經好正，點埋醋更加鮮味。 -XO醬炒腸粉（煲）絕對係今餐嘅MVP，腸粉炒得夠鑊氣，XO醬香辣惹味，仲有啲蝦米同瑤柱碎，味道好豐富好有層次，而腸粉口感亦都好滑溜，口感味道都好出色，正。- 迷你蝦乾珍珠雞（2件）珍珠雞細細件，但餡料一啲都唔少。糯米軟糯，入面有蝦乾、雞肉同冬菇，味道非常香濃。 - 招牌胡椒濃雞湯灌湯餃湯餃皮薄餡靚，咬開之後，入面濃郁嘅胡椒雞湯流晒出嚟，飲落好暖胃。湯底胡椒味突出但唔會太辣，雞肉餡鮮嫩，好有層次。 -…查看更多

媽咪鍾意食蟹，約咗佢食飯特登搵呢一間有蟹食嘅酒樓，而且做特價，幾抵食。去到酒樓見到環境都唔錯喎，一入門口就見到有條靚靚花樓梯同埋水晶燈，好適合婚宴擺酒。招牌白胡椒蟹炆飯 $368呢個做特價好抵食，白胡椒蟹幾大隻，蟹鉗真係啖啖肉。蟹肉鮮甜嫩滑，配上白胡椒汁惹味得來又唔會搶咗蟹嘅鮮味，媽咪食得好滿意。店員仲會另外俾一碟白胡椒汁，客人可以根據自己喜好添加。飯底都好好食，吸收晒醬汁嘅精華，用瓦煲上好傳熱，飯喺鍋上面炒得粒粒分明，鍋底仲有少少飯焦脆脆，撈勻一齊食口感好好。遠年陳皮脆皮燒鵝伴陳村粉 $168我哋叫咗個例牌，份量都好足。燒鵝微熱，燒鵝皮保持少少脆，油香豐富，肉質都唔會乾柴，最特別係墊底嘅陳村粉，吸收晒燒鵝汁精華，好好味。滋味芥末蝦球 $148大大隻蝦球新鮮爽脆，啖啖肉，配上嘅芥末沙律雜果感覺清新，成個餸爽口清新，好啱夏天食。蠔皇燴安格斯牛肉球 $168呢個餸有啲似獅子球，不過係牛肉版。獅子頭就成日食，呢個牛肉球就真係第一次食。安格斯牛肉牛味香濃，帶有少少油脂香，口感少少扎實爽彈，加上裏邊有一啲爽口牛筋粒同埋馬蹄，口感豐富。…查看更多

位於銅鑼灣星海薈設計非常高貴華麗😍一進店旋轉雲石樓梯，浪漫水晶燈加埋大量玫瑰🌹花怖置，超適合婚宴場地，新娘子喺到進場一定好夢幻。呢到樓底高地方闊落，亦非常之適合公司周年，家庭聚會，來梗父親節仲推出左唔同嘅套餐添，你地都快啲訂位孝敬下爸爸👴🏼啦。瑤柱鮮蝦菠菜餃(3件）$44呢到嘅點心全部自家製架😋👍🏻保證真材實料，大大隻菠菜餃，望落脹卜卜，非常足料，餃子皮薄煙煙韌韌，鮮蝦彈牙。沙薑豬手粒$58Size一口一粒👍🏻非常好，冰冰涼涼，而家天熱🥵食岩晒，香而不膩，皮爽肉嫩。紅燒皇子乳鴿$68乳鴿皮脆肉嫩，咸香入味。XO醬炒腸粉(煲)$58腸粉Q彈，炒得鮮香濃郁。田園蒜蓉鮮蝦春卷$44炸到脆卜卜，內有蒜茸同鮮蝦，非常香口。青瓜拼木耳$58青瓜清甜爽脆😋👍🏻酸辣汁非常開胃，木耳口感柔軟。鮮芒果布丁(凍)$44濃郁嘅芒果🥭香氣😋👍🏻味道柔滑清甜，加埋花奶一齊食，口感更加順滑。生磨蛋白杏仁茶(熱)$38杏仁味道非常香濃😋👍🏻甜度適中，好少酒樓有得食，相當特別。…查看更多