The Starview (Closed)

位於沙田嘅🌟星海薈🌟，係裝修華麗✨嘅粵菜館，設舞台及包廂，無論公司聚餐🍻、婚宴💍、搞活動🎤，或者一家大細嚟飲茶食飯🫖，都好合適！肯定係母親節家人聚會必選！ 而🌟星海薈🌟亦被大眾點評選定為商圈人氣好店🪽，同時俾TVB Weekly評定為最強人氣星級婚宴場地🌟，食物質素同埋服務都有保證👍🏻！ 🦀招牌白胡椒蟹焗飯 $368巨型嘅肉蟹啖啖肉，肉質鮮甜帶白胡椒嘅香氣，極度惹味，不愧為招牌菜！而焗飯就索滿肉蟹同埋白胡椒汁嘅精華，加埋少少飯焦，正！ 🪿遠年陳皮脆皮燒鵝伴陳村粉 $168/例真係做到脆皮效果，鵝肉入口甘香帶啲啲陳皮味！而陳村粉就索滿醬汁，鹹香突出！ 🌟特惠孖寶 $198性價比頗高嘅晚市孖寶！清蒸龍躉斑仔 - 約一斤嘅斑仔蒸得啱啱好，魚肉鮮嫩幼滑！紅燒皇子乳鴿 - 炸得都夠香，入面仍保持肉汁！ 🥣燕窩3.6奶凍 $48/位餐廳會按季節推出時令餐牌，春意濃濃季節限定餐牌包含多款採用時令食材嘅巧手小菜！呢個有燕窩嘅奶凍，香郁味美，值得推薦！ 🥤罐裝汽水 $18 🫖茶 $18/位｜小食 $20…Read More

今日去咗沙田星海薈食飯，原來佢哋攞過「商圈人氣好店」獎，難怪平日都咁多人幫襯！今次同朋友試咗幾款招牌菜，真係有驚喜～ 🦀 白胡椒蟹炆飯必食招牌！蟹肉新鮮彈牙，白胡椒香氣濃郁但唔嗆喉，炆飯火候十足，粒粒分明仲有金黃飯焦，惹味到停唔到口。 🍤 滋味芥末蝦球蝦球超大粒，炸衣薄脆，芥末同沙律醬比例完美，微微嗆鼻又唔會蓋過蝦鮮，口感層次好豐富。 🍍 鮮菠蘿脆皮咕嚕肉外脆內軟一咬「咔哧」聲，肥瘦適中唔油膩，甜酸汁開胃得嚟唔會死甜，配鮮菠蘿食更清爽。 🐔 脆皮燒雞雞皮脆到似玻璃紙，肉質嫩滑多汁，蘸少少淮鹽已經好夠味！ 🍮 杞子桂花糕完美收尾！桂花清香撲鼻，杞子微甜養生，口感Q彈唔黏牙。 整體食材新鮮、調味精準，環境舒適服務又貼心，絕對會encore！諗緊屋企人生日飯可以考慮呢度，嘢食好味，裝修豪華，夠晒體面～#晚飯 #婚宴 #酒樓 #酒樓擺酒 #中菜 #香港粵菜 #香港聚會 #TVBWeekly星級婚宴場地 #公司聚餐 #婚宴場地 #香港必食 #香港美食 #聚會 #香港必食 #香港美食 #東周刊香港服務大獎之婚宴食府2025 #暑假 #假期好去處 …Read More

酒店入面 chill 住飲茶🫖🥢 約埋朋友一齊試下呢度既大推夏天清爽的小食同手工點心☺️. 真係真材實料！海蜇燻蹄👅海蜇清脆可口，燻蹄微微的鹹香味，好岩做頭盤小食泰式無骨鳳爪🔥香辣適中，醬汁好入味，食完特別開胃！遠年花雕雞翼🍶食落去帶有淡淡的酒香，調味岩岩好。紅燒原隻王子乳鴿外皮超香脆! 肉質鮮嫩，入口即化。八皇爺炸饅頭 🐙外脆內軟，搭配濃郁的醬汁，好特別既配搭。香茜叉燒腸粉考驗手工既菜色, 腸粉皮夠薄夠滑，入面包住滿滿既叉燒。燕窩奶凍 🥛啖啖燕窩，牛奶味超濃，超滿足！…Read More

一直都覺得星海薈質素不錯，定期都會有推岀新食品，環境裝修靚，坐得舒服，所以母親節同父親節都鍾意帶屋企人一齊嚟食嘢😋今日二人行叫左好幾款點心飲茶必點🥢晶瑩鮮蝦餃🥢蟹籽燒賣皇兩款餡料都好足，蝦餃有大大粒蝦肉，蝦餃皮薄，燒賣肉感十足，唔會淨係得肥豬肉咁，好吃呢！🥢X0醬炒腸粉（煲）腸粉煲好有獲氣，好香口又惹味，夠哂熱辣辣，份量仲好多Tim!!🥢雪場蟹棒芝士春卷芝士春卷炸得好脆，菜式新穎，入面啲芝士仲拉絲😋🥢招牌胡椒濃雞湯灌湯餃湯底好濃郁胡椒味，灌湯餃脹卜卜，蝦粒彈牙，鐘意食一定要叫呀🥢原籠大澳三鮮蒸飯蒸飯係炒飯底，醬料好有鹹香味，三鮮有大大隻蝦乾、帶子同魷魚，拎黎撈飯食左2碗飯！今餐食得好滿足，店員都好有禮貌，仲見到係大眾點評商圈人氣好店🩷飲茶🫖首選好地方…Read More

如果想喺沙田搵間坐得舒服、環境幾靚嘅酒樓同屋企人食餐好嘅，呢間星海薈可以諗諗。佢喺沙田萬怡酒店一樓，地方夠大，裝修幾有氣派，水晶燈同旋轉樓梯幾靚，仲有包廂，家庭聚餐夠晒方便🙌🏻.食物水準唔錯，點心係師傅每日手作嘅，食得出落足料。值得試嘅有： 鮑魚汁炆鳳爪：炆得夠冧，啲骨一吮就出，鮑汁好入味，膠質豐富，食完真係會想再食😍紅燒原隻王子乳鴿：BB鴿仔好嫩滑，皮燒得脆卜卜，肉汁鎖住晒，尤其撕開隻鴿髀，香味幾出，連骨都有味😋招牌胡椒濃雞湯灌湯餃：個湯用白胡椒煲，飲落暖笠笠又唔會太辣，餃皮夠薄，入面塞滿蟹肉同竹笙，幾鮮甜👍🏻金磚豆腐：外皮炸得超薄脆，入面嘅豆腐滑嘟嘟，豆味香，就算攤凍少少都仲脆，功夫唔錯。 .整體嚟講，地方企理坐得舒服，點心同小菜有誠意，人均$200左右喺酒店中菜嚟講算合理，同屋企人飲茶食飯幾舒服。 …Read More