星泰真味 (Closed)

首先入錯單，之後到餐拍一聲放低碗檬粉態度差我其實唔多介意… 但重點係…碗香茅豬扒撈檬4個字形容…好Q難食！豬扒冇香茅味，凍既撈汁超淡，落好多都係得個酸字挑戰我底線，食咗幾淡頂唔順放棄，俾$走左今餐當減肥…Read More

野食冇特別評語 唔係好食又唔係唔好食 個湯似水😅😅😅 炒意粉好淡 碟野係暖嘅最重要係服務態度差到不得了 唔知以為我欠左佢🙊找錢個陣又掟錢🥵🥵🥵 不知所謂 冇下次 …Read More

餐廳名叫「星泰真味」乜唔係星加坡加泰國嘅口味咩？首先服務態度超差未到9點好似等收工咁得一個樓面做野，個個都係喺度清潔同埋執嘢，剩返嗰個樓面就招呼四台客，做嘢又慢，態度又差果刻真係好想走，但諗緊又想食泰式野就坐低講返食物一個泰式肉碎炒飯，仲衰過屋企煮既炒飯 淡而無味， 只有蛋，無味的肉碎，少量翠肉瓜1間泰國餐廳嘅肉碎炒飯竟然無落香葉？冇香葉都算，個肉碎係無醃過另外個海南雞飯，個醬已經夠差其實同白切雞真係冇分別美心，大快活都好食過佢 呢一餐簡直係維持生命連杯凍檸茶都難飲過人…Read More

今日同屋企人經過大埔行街 入咗嚟餐廳休息下，食個下午茶。👅食評：🌟 泰式豬頸肉撈檬 +泰式奶茶$42食落豬頸肉半肥瘦 燒得比較乾身，檬粉份量好多 ，面質比較爽口。可以任加酸辣汁，見到碗酸Meimei ，入口好開胃。炸雞髀配沙律 +泰式奶茶$43炸髀炸得好香脆，肉質比較乾身，而且炸髀比較細。 對比於沙律，就正正常常冇咩特別。泰式奶茶奶茶好香濃 幾香滑。～整體黎講🍽～下午茶來講算係抵食，環境就一般，員工服務態度不錯，未至於差評，可以尚待改善。 📍星泰真味 (大埔)大埔安邦路9號大埔超級城C區534號地下 …Read More

今次為大家介紹嘅都係大埔嘅餐廳。到咗下午茶時間，同阿媽諗住近近地搵間茶記食個Tea，所以去咗呢間喺大中嘅星泰真味。鍾意食叻沙嘅嘅我叫咗豬頸肉叻沙金邊粉，佢嘅叻沙有啲似咖哩，湯底夠濃，又有椰奶味，幾啱小編口味，豬頸肉份量適中，豆卜同蛋都有俾齊。阿媽叫咗廈門炒米，炒出嚟嘅色澤都幾靚，茄汁嘅甜甜酸酸夠曬開胃，加埋蛋絲、火腿同蝦仁等配料一齊炒，以下午茶嚟講，份量都夠食嘅。整體嚟講係大中商場入面又平價質素又不過不失嘅餐廳。…Read More

一丁友係大埔超級城食個快飯 茶餐廳一定係首選架啦左兜右兜終於搵到間茶餐廳 睇完門口menu覺得都唔差就入左其實係門口睇menu睇到好多野都想食 選擇困難症又發作🤦🏻‍♀️周圍偷望下其他客人食緊既野 見到碟豉椒排骨炒河幾靚 咁就成為左我既午餐喇原來午餐包野飲之餘仲有碗湯架😍碗湯仲要勁足料 好夠味 仲有埋啲湯料比客人食架 更加證明作碗湯真材實料😋講返碟豉椒排骨炒河賣相幾靚 又紅又綠又啡又白 都幾大碟既 女仔一定食得飽排骨都有好多 但好多都真係骨.....可以食到既唔多配菜青椒同洋蔥係真係炒過下 唔係勁生兜兩秒就上碟個啲可惜個生粉水茨汁太多太杰 影響左碟河粉既口感要加埋辣椒醬 解一解個份膩膩地既口感食完飲返杯啡走 唔會落得太多煉奶 甜度適中 飽哂…Read More

今日去完一田購物行到攰攰地，唔想煩求其揀左呢間野食個快飯算，點知發生左件超級離譜既事。我媽咪食素，於是見到有個青咖喱雜菜飯就問落單阿姐呢個飯係咪素食，個阿姐答係素黎既。隔左一陣，佢返轉頭話廚房整錯左，整左黃咖喱，介唔介意照要左佢。我答佢黃咖喱都ok, 但係咪素。個阿姐秒回：都係素。於是我就話咁ok啦。我媽咪食到差唔多最底，發現有好多牛腩碎響入面。本身我媽咪打算息事寧人，因為始終已經食到七七八八。但我非常之嬲，因為呢個係原則問題。於是我搵返落單個阿姐問，點解有牛腩響入面。佢居然答我地：下有牛架咩，唔知喎。但明明佢問我轉黃咖喱得唔得嗰時，係秒回我黃咖喱都係素。響呢個時候，有2個阿姐一齊圍埋黎好似想恐嚇我地咁款。其中一個話，你見到有牛你出聲換呀嘛，邊個叫你唔換啫！佢地居然將個責任推返落我地度！並且佢地不斷唔俾我地講野，幾個人圍住我地係咁搶住講野。我地嘗試講返，一開始係要青咖喱，係個落單阿姐問我地可唔可以照哽左廚房整錯既黃咖喱。另一個人就答，青咖喱係素架，黃咖喱唔係。講到好似係我地自己話要轉黃咖喱咁。於是我地再講，當時係個落單阿姐秒回我地，黃咖喱都係素。於是個落單阿姐居然話：我part-time黎架咋，我唔熟。然後佢就轉身走左去。其餘兩個人超快手即刻執走左碟咖喱，好似好驚我地會影相咁。最後佢地連道歉都冇句就走左。由於我地全家人都唔食牛，個心好唔舒服好唔安樂左成晚。而我媽咪食素更加因為呢間餐廳既人咁不負責任而破左戒。成件事簡直離哂譜，完全唔識尊重客人。就算係part-time，都唔可以係一個籍口，你唔熟，絕對要開句聲問下。而廚房見到張單要雜菜，其實亦絕對唔應該將啲雜菜倒落啲咖喱牛腩入面照俾人。最後想講，搞到人破戒，唔知你地個心有冇少少唔舒服。而睇你地個樣，連道歉都冇，一定都唔會覺得有問題。如果我媽咪破戒有啲咩事發生，我相信呢件事既罪魁禍首既你地都唔會好過架:)順帶一提，呢度啲野食劣食到一個點，啲飯硬到哽唔落。睇到呢篇食評既各位，希望你地識揀啦 。我地一家就一定絕對唔會再黎呢度食野架啦。…Read More

話說星期六同阿姨有嘢要去大埔做，傍晚時分有啲肚餓就求其搵間舖頭食個early dinner，見到周圍都有人排隊，唯獨是呢一間唔使排就膽粗粗入咗去，點知完全係俾錢買難受嗰種。首先叫嘢食嗰陣，由於我阿姨係老人家，睇餐牌睇得唔係太清楚，嗌完嘢食之後問多句有冇包嘢飲，個侍應阿姐隨即話：你睇咗咁耐餐牌，咁你都睇唔到，上面咪寫咗送咖啡奶茶囉，呢一刻我已經覺得阿姐好串。之後啲嘢食上嚟嗰陣，簡直係不知所謂，我未食過海南雞飯側面會配幾粒花生，再加幾條白菜，d 雞切到大大嚿咁，而且切得唔乾淨一舊年一舊咁，成件事已經好粗糙，但好老實講70幾蚊一個飯包埋湯我又唔期待太多，都算喇。但買單嗰陣時，個侍應阿姐無喇喇走埋嚟話呢度就係冇服務㗎喇下次唔好嚟，原來條友仔偷聽我同阿姨嘅對話，當時我哋討論緊呢度有冇加一服務費，然後我講咗句呢度服務太差唔會有啦掛，結果個阿姐偷聽人講嘢都不特止，仲要心存怨恨，趁你走嗰陣時話你一句。只能夠話，呢間餐廳唔憂做，所以先咁聲大夾惡，我下次就無福消受啦。…Read More

我們於22/8（日）約下午四點幾左右到達餐廳，內裡也不算少人，卻只有一個侍應。其他食客埋單時，亦見到負責收錢的人態度比較惡，仲要兇返食客轉頭，服務態度有待改善。我們叫了3個下午茶餐：干炒牛河（$41）；三絲炒意粉（$41）；紅豆西多士（$33），凍飲仲要加$4（以其質素來講應該算貴）❶干炒牛河：非常油，河粉多，牛又不好吃。❷三絲炒意粉：非常油，算不上三絲，只有火腿、雞肉、蔥。❸紅豆西多士：一切下去，反而夠驚喜，是一粒粒紅豆，不是紅豆醬，但紅豆與面包皮分開哂🤣，不能一口享受總之，此餐廳應該不會再來。…Read More

之前聽聞過星泰真味一般，但今日一家大細到大埔shopping完，吾想食西餐日餐，所以就決定入內食亞洲菜。先來過豬骨粟米老火湯，已令我改觀。叫了最考功力的甜酸蝦球，上枱已色香俱全，大蝦彈牙有驚喜，醬汁亦能夠掛在肉上，比很多茶餐廳的味道及口感勝多了。再來一個招牌泰式豬髀肉，大大碟，但略淡，淨食不錯，撈飯可以濃味點。這個粉絲肥牛煲，顏色見淺起初擔心不夠味道，結果因為是泰式風味，有點微辣尚可以，但肥牛量略少了。簡單一個腐乳通菜都不錯，而且沒想過這麼大碟。至於網上食評提及的環境及服務欠奉，我一家都非常滿意，或許是食客不多，服務很周到。我們就是叫了這個四人餐，份量很足，既有四碗老火湯，更有四杯飲品。 最後還可以打包了一盒回家宵夜…Read More

可以話係史上最難食嘅餐廳之一，同朋友喺大埔行街，因為唔想食大型連鎖店，所以揀咗呢間得大埔一間嘅星泰餐廳。環境正正常常，同普通茶餐廳無異，但係坐低見到衛生情況欠佳，抹枱抹得唔乾淨，職員侍應亦都冇耐性。事實上，門面見到得三四個侍應，要搵佢哋落單都唔係咁容易。我哋叫咗海南雞大碗飯。大家評下理睇吓張相呢個係咪海南雞？似白切雞多啲，唔講以為係燒味飯。啲雞又多骨，又煙韌，真係同期望有好大落差。食咗幾件雞已經唔想食，飯就正常少少，但個醬汁都係唔點好過點。另一碗係豬扒喇沙米線。米線先得個少少，似剩菜組合而成，難食過豬餿，俾咗50幾蚊食碗粉都唔知食咗啲乜嘢。總括而言，好難食，就算平日對食冇乜要求依然都會好覺得難食。完全破壞咗是日嘅心情，一定唔會再幫襯，永久blacklist。…Read More

話說今日瞓到兩點零先起身，個肚打晒鼓。又想出街食下下午茶。於是就去咗大埔超級城搵嘢食。待自己其實好怕星期六日放假出街。因為啲人多得恐怖。特別而家疫情下啲人困獸鬥留晒係香港。見呢間食店唔算好多人。於是就入去叫份下午茶嚟食。最後叫咗香茅雞翼撈檬。以為佢唔算多人出餐會好快啦。點知都要等左十分鐘。先講用嚟撈檬個汁。勁甜，而且個樽啲汁漏到周圍都係。係疫情之下如果每個客分返開獨立細樽感覺似衛生啲。檬嘅分量算少，食完唔夠飽。以咁嘅價錢下午茶都食唔飽又好似唔太合理。…Read More

～員工求其做～冇禮貌🤬冇服務🥵全間鋪唔夠人手～四個人比三杯水仲問得唔得😓～用人哋飲過嘅杯水羅布抹檯～食雞冇雞味，食菜冇菜味😫~ 黎完一次一定冇下一次，永世黑名單…Read More

難食，服務冇，冇禮貌，污糟完全就係食就食，唔食就把就嘅態度態度超級差，唔係冇服務咁簡單，直情係冇禮貌檯面黐立立全部都係汁叫極都冇人執唯有自己用濕紙巾比錢食飯還要受氣一定唔會再幫襯…Read More

早上諗住去快圖美攞相，點知舖頭未開門所以就喺附近搵間餐廳食個早餐等到佢開門，但十點幾竟然好多餐廳都未開剩係得呢間開咗，喺門口企坐陣都無人招呼，所以就自動波入座。張枱都幾污糟吓 😊 係等食途中發生咗段小插曲，見到有位女顧客坐咗係四人枱，之後女侍應走埋去問佢幾多個人食，女顧客話得一個人食，之後女侍應就連珠爆發話佢好坐四人枱，之後位女顧客就話返個女侍應又係你叫我自己搵位，之後女顧客食都無食就走咗了，餐廳咁嘅服務質素真係差啲喎。歐陸早餐 ($34) : 味道普通毫無特別，除咗塊牛扒係大塊啲之外，其他食物都有點迷你，以為自己叫咗兒童餐 😂 而加錢配嘅雪菜肉絲米粉，啲雪菜肉絲都唔係好貴姐 🥲 埋單 $41 蚊，如果以呢個價錢其實食大家樂重正過佢。…Read More