Fishball Affair

之前返銅鑼灣成日都會去幫襯易牙，但好次再食真係一肚火😡首先，一入去已經問我會唔會收BB車，BB未坐得穩，我就同佢講未收BB車！之後坐底冇耐，就走過黎係咁推我架BB車，心諗有無搞錯？咁點解一開始要安排坐果度？之前BB隻腳係咁踢張枱，我已經專登張野食同飲品放係另一邊，個女侍應仲專登走過黎講話唔好踢張枱，睇住踢跌啲飲品😡神又係你鬼又係你啦，係你一開始格硬推架bb車入去既，而加又會驚踢到張枱，真心搞唔清到底想點？倒不如一開始就話謝絕嬰兒入內啦～真心食咗咁多次門口老板娘都好好人，但今次堅嬲，唔會再幫襯😔PS:兩杯凍台奶都勁淡，魯肉茄子飯就正常發揮啦！但冇下次…Read More

難得約到男友lunch, 去咗金百利食個台式午餐，鹽酥雞扒面套餐$50幾抵食，鹽酥雞扒滷肉飯套餐都只係$60。質素都OK，鹽酥雞扒幾有驚喜，大大塊，揸得超香脆，啲雞皮直程好似食緊薯條咁。套餐配嘢飲，珍珠奶茶都幾好飲，可以揀少甜，柑桔椰果甜度冇得揀，但係幾多椰果。餐牌上面寫鹽酥雞扒製作時間需要15分鐘，但係我哋今日order後差不多5分鐘就送到，新鮮炸起熱辣辣。呢間台式餐廳真係不失為打工仔午飯嘅好選擇。…Read More

午市時間叫左個麻辣牛肉麵 先講缺點 湯底略嫌單調 好淡 好似水加辣油咁 紅白蘿蔔完全無味 優點係舊牛幾捻 有牛味 扁麵有咬口見其他食評有唔辣既牛肉麵..不過今日黎就唔見有 另外叫左杯珍珠奶茶奶茶無乜茶香味 珍珠太少 有很大改進空間…Read More

話說入去叫咗個麻辣鴨血冬粉60蚊套餐有杯奶茶碗嘢黎到都知唔方好嘢個湯面頭有少少辣油 基本上同滾水冇分別食落去就係好似飲緊啲有辣油嘅熱水啲冬粉吸咗湯都係完全完全完全冇味鴨血都係難食 奶茶都係難飲基本上走嘅時候碗嘢都係原封不動雖然浪費 但係唔好意思 真係食唔落有冇得俾0星呢個價錢 講真倒貼俾我都唔會食勇者可以自己去試下 可能其他會好啲掛..。。。。。。。。。臨走嘅時候見倒有人對情侶考慮緊入去我果斷講聲唔好入 好難食又拯救咗兩個人…Read More

💥雞扒有驚喜📍易牙台式料理｜銅鑼灣📍人均消費 $ 6 X#CL銅鑼灣 #CL四圍食 #CL台灣野⚪️⚪️⚪️⚪️⚪️⚪️⚪️⚪️⚪️⚪️💟鹽酥雞扒麵讚先雞扒厚身唔會鞋好味，仲要大大件，好過出面好多台灣食品店👍🏻不過個麵就係R哂頭…. 點解可以咁油🤯油得黎仲要無味既🤯麵質唔彈口可能跟飯會好食啲🥲午市套裝野飲可以簡珍珠奶茶🧋雖然珍珠少啲但都過得去既🤣🤟🏻不負責任點評好味道🌕🌕🌕🌘🌑性價比🌕🌕🌕🌗🌑回頭率🌕🌕🌕🌑🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️…Read More

小胖係CYW 運動完去搵嘢食，見到呢間價錢都幾平仲要係套餐黎就坐低試下，佢的套餐都幾多選擇，小胖就叫咗魯肉飯配大腸麵線，餐送珠奶🧋佢的魯肉飯唔夠肥同偏少甜，似肉燥飯多啲，但飯的軟硬度適中🍚大腸麵線的大腸太大件和厚，唔夠軟，但味道還可🍜佢的珠奶(走糖)意外地ok，有茶味又有奶味，珍珠又唔會好硬和微甜雖然食物質素未到好好，坐位有點窄，但佢的價錢唔貴，食咁多連加一都係55，份量適中夠飽，單以飽肚得黎又未到難食，佢都ok可選，而且上餐都好快下，食飽就走…Read More

麻辣鴨血冬粉好求其，滾水+辣油+冬粉+幾舊鴨血，味道只有單純的辣飲品方面，珍珠奶茶 麻麻地，感覺用奶精沖出來，飲落似大陸的珍奶成間俾我感覺都幾差，下次一定唔會再幫襯…Read More

上次感覺d職員服務都幾好，加上食物幾好食，所以今次再去。呢到既職員都好用心有耐性去解答問題，我屋企人睇唔明個餐牌，問左好多野，都無嫌佢煩，無黑面。今次叫左上次食過覺得好味既蒜泥白肉同香炸地瓜條配梅粉。蒜泥白肉旁邊有幾條有青瓜配辣醬，d肉肥瘦岩岩好，食落好有味道，不過今次既蒜蓉少過上次，有點失色，希望跟住都會保持到上次既水準啦！香炸地瓜條配梅粉，姐係蕃薯條，岩岩炸好上枱，食落熱辣辣，蕃薯條入面有蕃薯既甜香味，配埋d調味既梅粉，酸酸甜甜又脆口，好正！另外仲叫左魯肉飯配大腸麵線個套餐，就係兩碗細既飯同麵，岩我兩樣都想試，又怕食唔哂既人。感覺就魯肉有點少，味道ok既。…Read More

#cheapeats, #causewaybayI typically go for a bit fancier when eating with family on weekends... but my kids is so hungry and wanted to go somewhere more predictable and order fast... I want to eat Taiwanese but can't think of one but this one, so just walked up and hope to get one from the building.. it turns out a very pleasant meal... and surprisingly very cheap... definitely will come back again..…Read More

叫左兩個餐，好快上左兩杯珍珠奶茶。珍珠得好少，奶茶係無茶味，好似飲緊茶色既水！第一個餐係川辣牛展撈薯粉（本身係寬粉，但無曬寬粉）整個麵都是凍的，薯粉係凍嘅，牛展又係凍嘅。但個餐牌又無寫係凍，仲以為係熱食。牛展切到一忽忽。第二個餐係鹽酥雞扒麵。正常出面食既麵都係有加牛腩汁，但佢個麵既湯底同奶茶一樣，係無味既，好似水咁….個雞扒又係無味….最後要問餐廳既侍應拎豆瓣醬加落個麵度，同埋問佢拎左孜然粉落個雞扒度先食到。最搞笑係，我地係個位鬧緊間餐廳難食既時候，對面枱有一家人👨‍👩‍👧‍👧。個媽媽同我對到眼，佢係咁Up頭認同d野好難食，佢同我哋講佢都無食到，d野食放曬係度….真係so far 食過最難食既台灣野！！🤮🤮🤮🤮🤮🤮🤮🤮🤮🤮🤮🤮…Read More

我想講以前讀書放學就成日去金百利依棟嘢到食下午茶，再唔係就去地帶😂😂好多以前食開嘅餐廳已經執咗笠或者轉手但哩間仲屹立不倒👍🏻 今日有啲趕，所以黎個quick lunch3人行 叫咗三個午餐個餐野飲叫左珍珠奶茶 🤪🤪好耐冇飲🍴1. 紅燒牛肉飯 $45茄子大大粒🥶🥶牛肉都幾淋碗飯超大碗 朋友都食剩左1/3🍴2. 川椒麻辣牛腱寛粉 $55呢個個樣都好吸引，但我朋友話完全唔辣。。我試左條，真係唔辣 (利申唔食得辣)下次可能叫佢加辣🙈🍴3. 鹽酥雞扒飯 $45雞肉好嫩滑，個皮炸得好脆👍🏻👍🏻平時我唔食雞皮都忍唔住食咗幾塊 下次要叫佢小飯因為都食剩左😭飲埋杯珍珠奶茶，飽飽😚下次再過嚟尋找中學「回憶」💚…Read More

今日冇帶飯就約咗Miss M一齊食，佢就帶我去一間我未食過嘅但又好味又抵嘅！咁要試試喇😊😊～～～鹽酥雞扒滷肉飯～～～大約4:00上到去客人唔係好多大約佔三份一，Miss M話呢個幾好味！餐牌話要等15分鐘，但其實大約等咗6-7分鐘就上枱！啱晒我哋呢啲只有一個鐘食飯嘅人！😊😊份量適中，滷肉醬都足夠😋😋味道亦唔會過鹹！好味😁😁鹽酥雞扒就超級酥脆，係連啲雞皮都炸到‘確確’脆！🤩🤩！肉質就正常！😙😙食到好滿足好飽，以後真係要多啲跟Miss M食飯啦🥳🥳…Read More

今日同甯甯睇完牙科保健，行咗黎銅鑼灣金百利搵食，一打開OpenRice, 本身梁生想去花園餐廳，點知上到4樓唔係佢想要嗰間....最後我地三個上左5樓易牙——一睇個Menu, 正喎有set dinner $45 同 $55價錢就響銅鑼灣呢個地段屬超級抵食 咁我地膽粗粗上左去試啦環境方面就一般啦 但都光猛嘅！我order左個魯肉飯配大腸麵線響我黎講 魯肉飯最好食係要用飽滿嘅珍珠米，要夠汁同魯肉去送晒成個飯，咁佢又做到喎！味道好又夠我每一啖飯都有汁同埋魯肉至於大腸麵線，有驚喜！有兩塊大大的大腸 好香呢！梁生叫左個魯肉貢丸滷蛋乾麵，佢覺得不過不失啦！對得起個價錢，冇咩值得批評...要讚嘅係汁夠多，可以點晒啲麵...甯甯個紅燒牛肉麵呢，就唔好期望係超濃味嘅紅燒牛肉，可以當係清湯牛肉麵咁食就very good. 佢個湯底比較清淡，蘿蔔清甜，牛肉夠冧，算係好唔錯了！$45 求啲乜丫野飲方便我地都覺得夠正！免費嘅好過加錢嘅～值得…Read More

上菜速度快，食物賣相ok, 有期望 所以失望 雞扒 好脆 食落冇味，肉質梅梅地食落係冇味。肉燥有少少味 醃青瓜最好味肉燥雞扒飯三樣嘢 感覺唔夾。紅燒牛肉麵 湯ok 可惜只提供外賣匙 超細 (唔環保 也扣好多分)不能麵加湯同吃。麵冇味 牛肉冇味 紅蘿蔔最正食出紅蘿蔔應有的真 原味道珍珠奶茶 真係不知所謂唔知點寫到出黎形容佢台灣嘢食過咁多間，最差依一次。正評嘅係份量足，飯 55 麵 45，經濟實惠。唔講食物，環境ok， 乾淨 舒適，坐得舒服唔迫。好似係 6pm 前免加一…Read More

有時工作繁忙，都會很想叫快、靚、正的外賣。☺️位於銅鑼灣金百利廣場的台灣美食店，就符合這個要求！（試過只叫1個餐都會送外賣，實在太amazing!🤩)加上可以自行網上下單，所以真的十分方便！😉不得不讚，它的選擇是挺多的，而我就叫了鹽酥雞扒飯以及熱柑桔椰果，並在落單寫上想哪段時間送來。😙準時收到熱辣辣的外賣後，就發現鹽酥雞很厚，外層炸得很香脆，肉質也很嫩滑，亦很入味，至於熱柑桔椰果就偏酸。整體來說，$45一個餐包送外賣，省時、性價比又高，真的超值呢！🥰…Read More