明順海鮮菜館 (Moved) New Location

昨晚5:30去試，我們是專程去試的，老闆介紹我們蒸了一條班，但蒸得過左好鞋口，點了一隻乳鴨，一碗翅，一個叫酸菜大腸，完全失望，我以為梁先生介紹的一定不會差，實在失望。又說是很有穫氣，大腸那個是冷的，即預先煮好番熱，真的真的比茶餐㕔差😓

這裏的特點，就是可以自己充一壺靚茶。有普洱壽眉，水仙。任君選擇。蝦餃燒賣腸粉就是大眾的最愛。我自己比較喜歡他們的豉椒鳳爪，蒸出來特別香，冬天食分外美味。加多兩文就有白飯。我覺得是非常超值，而且他們設有卡坐在舒適。😊

明順在麗閣冬菇亭年代我是常去吃飯的，都已經三十年了，搬入現在商場都二十多年，二十多年沒去我今天來看見從前招呼我們的哥們真是百般親切。懷舊完講番食物出品，先來小食~鹽水沙薑雞腳，夠味夠冧正，鹽水沙薑雞腎連中間硬皮位都夠冧，真係無卵得頂，味道個人感覺咸左D淡小小更好。炸乳鴿好味不過我更欣賞D蝦片夠脆，古法焗魚腸，油浸荀壳皮脆肉滑，菜胆雞1只D雞滑滑好得，陳醋一字骨酸酸甜甜正，腐乳通菜正常，突然記起從前有個鍋貼小唐菜立即點啦，點知冇墨魚膠大哥就問我用蝦膠如何?我當然冇問題啦煮出來更鮮味。7個人食到成檯餸超滿足。

my mum.told me that Cantonese people tend to avoid fried foods early in the day, steamed dishes dominate most dimsum menus. Thats why i.go n try the snack-sized portions of steamed.fish served in bamboo containers, it is so delicious nd catch my eyes n.soul!😊😊

今晚幾個同事諗住食餐好少少嘅團年飯，在街市買左D海鮮加工。頭2個菜都ok嘅、第一個係黃金蝦，第二個菜係酥炸生蠔，不過都等咗半粒鐘。但第三個菜原本係清蒸蟹，最後來了姜葱蟹。最離普就係碟炆班腩等足1粒鐘，但煮到不知所謂，魚腩無走油，配料咸到完全食吾到。總之以後無下次!

星期日出街食晚飯，想起麗閣有間海鮮菜館，於是一家3口去試試。商場內的街坊食店，裝橫唔算突出，最緊要衞生，勝在唔洗等位。海鮮小菜選擇多，份量足，有鑊氣，上菜速度都幾快，不妨一試

遲大到, 朋友己叫了餸, 見到朋友們又好興奮地掛住吹水, 場內環境、餐牌等….. 什麼也忘了拍。只是場內很嘈炒, 頭半 PART 飯焗很難傾計, 對面的朋友講什麼也聽不到, 要大大聲講野, 後半 PART 部份男客人為主的隔離幾檯走人後, 好了些, 可以說話斯文番。豉椒炒蜆蜆炒得夠惹味, 亦沒有沙。炸蝦餅頂瓜瓜, 蝦膠爽口彈牙, 有自家手打蝦肉風味。蘿白炆牛腩好邪惡的肥糕, 蘿白腍甜, 牛腩炆得好腍香, 鹹味適中。苦瓜炆班腩班腩炸過才炆, 魚還很滑, 豉味炒得夠香, 不過就油左些少。白飯魚煎蛋白飯魚蔥花加少少鹹煎蛋, 點會唔好食? 蝦膠釀大腸邪惡到極點之食物, 蝦膠同大腸都炸得過火, 大腸的肥美沒有了, 蝦膠的彈牙也不見了, 只剩下大腸的香脆可口,  廚師真要究竟究竟一下了。

今晚兔仔兔女又去明順食飯，今次唔係借廁所，而係專程揸車黎食。星期五六日有另一系列特價孖寶可以選擇，今次我地揀左蒸斑＋沙薑雞，再加多一客椒鹽鮮比兔仔送啤酒！蒸斑 - 唔記得左係咩斑，不過點完菜隨即見侍應喺個魚缸撈起一條游水生猛既魚，見到都興奮吖！條魚蒸得剛剛好，魚肉好滑。可惜個豉油鮮味唔太出！椒鹽鮮魷 - 炸得好香好脆，魷魚好爽口, 係新鮮貨色, 食物本身已夠味, 唔需要再點附上既淮鹽~沙薑雞 - 雞肉算滑口, 但唔係最嫩口果種, 個沙薑汁好好味, 送飯唔錯 ^^

今晚路經深水埗麗閣邨，借用完洗手間之後，發覺商場內有間海鮮菜館，內裡已經有唔少座上客，而且大部分都似係街坊。兔仔兔女於是由本來想食西餐的欲念改為吃海鮮！大概 19:15 入座，發現已經有九成滿座，喺平日星期二夜晚時段黎講，真係非常好生意！後來仲發現有番枱既情況添！未食之前已經有所期望～星期一至四有特價孖寶，我地2個人揀左$118「香草芝士魚塊」＋「鼔油王海蝦」，另外再叫左窩「豆腐魚雲湯」，餐牌見唔到有湯既選擇，我地係見到隔離枱飲緊所以先叫！上枱已經聞到好香既鼓油味，先啜下蝦頭，有鼓油既甜味，蝦殼炸得好脆，蝦身亦好爽口，絕不是死蝦貨色！見到已經流口水，芝士汁唔漏，送飯一流！魚塊表面炸漿薄薄一層炸得乾身，裡面魚肉熱辣辣夠 juicy，係即叫即做，唔會好似其他餐館炸定再返兜。趁熱食真係好正！個湯好多料，夠清甜，但我地估不夠魚頭所以有幾舊係魚腩部位。2個人食完2個白飯2個餸1窩湯，每人只係要$100，仲要有比好多菜館好既質素，呢間街坊小廚絕不簡單！

在「開飯」想找宵夜點心好去處時，無意中發現這間屋邨酒樓。看相片，海鮮甚是不錯，反正酒樓位回家必經之路，便相約友人一試。這街坊店部份小菜於平日特發售，低至$38一碟，比茶餐廳的客飯套餐還要便宜，不失為抗通脹的好地方。剛進門，獲員工盛情招呼，那份殷勤絕非一般連鎖式經營的大酒樓可相比。我們兩人，一共叫了三個菜：茄子斑腩煲：用的是鮮斑腩（而非斑塊），上檯時香味濃郁，吃下去亦很開胃惹味，用來配白飯一流。薑葱雞：肉質嫩滑，惜雞味欠奉。值得一讚的是，店家給了足半隻雞，連雞頭和雞尾也斬了一半上碟，絕不欺場。蒜蓉蝦乾節瓜：上檯時蒜香四溢，使用的是原隻蝦乾，加上竟有十二件之多，甚有驚喜。味道也不俗，勝在香口。由於小菜份量比預期的多出很多，兩個人實在無法完成。本著不浪費的精神，我們多叫了一碗白飯，把剩下來的雞和節瓜帶走，第二天齊齊帶飯上班！看鄰桌點的海鮮相貌不錯，下回定必多叫幾位朋友一同品嚐

這家酒家走街坊路線，散叫餸菜每款$38-60元不等，並設有4-8人套餐，最貴者六不超過$298元，最廉宜者則$198元。每套餐均有一個特定主菜，例如是晚跟友人叫的套餐是$198元的豉汁蒸鱔魚，豉汁蒸鱔魚是必吃的食物，然後另擇三項價錢$38元的食物，如我們叫了：通菜炒牛肉、素齋煲和酥炸大腸（多付$12元差額，因為大腸的散價是$50元）。味道可口，而且絕不肥膩。招呼方面也不錯，介紹詳細和清楚。

此店上一個食評,又是我.相隔兩年後再來.煙雨淒迷的早上,整個麗閣村顯得特別淒清,路過她住所的樓下,不禁自言自語:{Hi,你最近好嘛,身體好嘛,everything alright?}回到明順喝個早茶,上次來就與妳共行,今次就孑然一身.找個位坐下,走過去看看有甚麼點心出爐,蝦餃,粉卷,牛筋等等,還有一味較為特別的,是荔茸餃.荔茸餃是將芋頭打成茸,再用皮包成餃狀.很有芋香,但亦很滯.蝦餃算是不過不失,牛筋的磨豉醬炆得入味,牛筋膠質豐富,粉卷的外層滑溜,鴨腳扎下面的魚肚,不用多說,是全碟之中最好吃的一部份.喝著濃茶,想起昔日的種種.大家曾經蒼海難為水,由老麥去到西貢吃西餐吹吹風,又纏在我頸背後,說你男友冷落你,說到終於飲醉酒 雖然大家只是"借來的地方,借來的時間"關係,但過得很開心.雖則我喜愛的電影,音樂,怎樣也不能令你有所共鳴.拖到今天,終於要為這段關係,在棺材上蓋口釘去.離開時仍耍著雨粉,懷念在過去,流連在雨裏,晞噓的風吹,為何我永遠放不低?是緣是債是場夢?夢迴夢醒都心痛?

如非晨早流流發軟蹄,這天早茶地點,應該不會在近在咫尺的明順.言語之間帶點嫌棄,友人雖然住在同村,但十年都去唔夠數次,再加上之前在此晚飯的平平無奇經驗,似乎繼英格蘭悶和猶太佬之後,再一次"和局終場".平日的上午,師奶亞叔長者茶客為主,我輩實在少見,去到點心櫃位選點心,原來也有很多選擇,亦有些在外面酒家已經絕跡的絕版貨.糯米包皮薄,糯米粒粒分明夠黏性.材料足,臘味粒粒分明,市面已少有.有糯米卷已經夠照,還要多個糯米包把托麼?驚食你唔肥?豬肚燒賣又係已經不常見.豬肚很爽,底下的豬肉燒賣亦不錯.另外雞扎,潮州粉果,也算合格.牛孖筋為獨食物,全因靚女不吃牛.牛孖筋用磨豉醬炆成,略嫌少少齦,除此之外,味道夠入味.蝦餃就有點失算,蝦肉霉霉爛爛,非新鮮貨.口感很僝...區區一壺濃凋的普餌,只能消滯,豈能完全洗去的隔夜的甜蜜味?任其繼續殘留多一會吧.似乎這次早茶,又替其挽回一點點聲譽,起碼也頓時迅速回復能量.好過紅牛送你一對翼.明知大家南轅北轍,明知沒有共同話題,沒有結果仍得樂在其中,一切,也是最原始的煞人武器作崇.Just for fun,Not a life.或會好過一點.

人在麗閣村,自冬菇亭一早成為歷史之後,今時今日,吃得過的,似乎只得在商場內的"明順".多年來,未曾踏足.街坊隔局,連酒樓的格式也談不上.周末夜人流不多,兩個人叫三個菜,選擇甚多,價錢不貴,但花多眼亂.隨意點一味小菜,一碟菜,一碟炸物.越式炸海鮮卷,因為用綠豆茸壓出來的網皮去包,所以散油力高,吃落不覺得油膩.但海鮮就吃不出,似係芋頭茸佔大多數.蜆芥爆雞,火喉夠,蜆介太咸,係死咸級別.沒有蜆芥醬的沉厚,雞肉不夠嫩.肉質很鞋.再來個蒜茸豆苗,望住電視上的溫拿,很有吃住家飯的感覺.互舉杯中的冰啤之後,一起送走糟糕的2006,希望大家明天會更好.

碟碟送都大大碟三個人叫兩個送都已經夠哂屋企人鍾意黎呢到貪佢唔係貴，又好食最鍾意食沙拉骨佢唔係樣樣野都好好味但係唔駛驚唔好味囉我同D friend黎食大家都覺得，大排檔咁o既價錢有咁o既水準實在係值得成日去