3
1
0
Review (6)
Level3 2019-02-27
330 views
一人午餐-平價系列最近想搵一啲又平又好食既午餐,所以就行咗大概三個字時間嚟到上環市政大樓熟食中心。我認為最近嘅出入口應該係皇后大道中,係嗰個入口行上樓梯再上電梯到2樓就到。上到嚟熟食中心,先發現原來午餐時間呢度係咁熱鬧。第一間試嘅餐廳係明記飯店,叫咗個梅菜蒸鯇魚飯。因為要時間蒸嘅緣故,所以等咗大概15分鐘到先至有得食,但等待嘅過程係值得嘅,因為條魚又滑又新鮮。好多謝姐姐俾咗魚頭我,因為真係好滑。如果加汽水嘅話,就唔使加錢。如果其他飲品就需要加$7。我冇叫到汽水因為我唔飲,但我見到人哋嘅汽水都係支裝汽水(支裝汽水正好多!)最後買單只需要$37!認真平靚正! continue reading
(The above review is the personal opinion of a user which does not represent OpenRice's point of view.)
年初四諗住同事一齊去個開年飯,見明記開左好多枱,有位,咁就試試,點知落左單等左一個鐘都未有野上。。。之前同事去冇開咁多枱,唔個係咪開多左幾枱,但唔夠人,搞到等勁耐。抬頭周圍望下,見到隔離原來枱枱都冇野食,只係俾支汽水俾你,結果飲左半枝d野都未上,只能你眼望我眼。。。催左兩次之後終於上,野食味道係不錯,都大份,但實在等太耐啦 其實做唔切建議唔好開咁多枱,等左個幾鐘都未有野食,泥到要趕頭趕命咁食,之後唔洗番工咩。。。 continue reading
(The above review is the personal opinion of a user which does not represent OpenRice's point of view.)
Level4 2019-02-01
123 views
幾鍾意來上環街市食野,因為用平價的價錢食到高質的午餐。叫左個星洲沙,份量好大份,是傳說的‘佬’飯,男人食都應該好飽,叫左少米,上菜之後都係好大份。好足料,有蝦/火腿/椒/洋蔥等,同埋好入味,叫埋飲品都係$48。 continue reading
(The above review is the personal opinion of a user which does not represent OpenRice's point of view.)
Level1 2015-10-16
1912 views
  想試大排檔火喉好耐,呢次終於約埋幾個酒肉行家嚟試吓就喺公司附近嘅明記。之前聽朋友講過可以事先嚟同老細傾吓想食啲咩,所以提早两日過嚟訂枱(星期五晚飯梗係訂枱稳陣啲)。好彩早两日嚟,因為想食好嘢真係要俾時間老細安排。好喇……費話少講……去相!老細介紹呢倒出名新鮮肉排做嘅鎮江骨。概然標榜新鮮肉排,當然要酱汁分開上。結果大家齋食炸鮮肉排都以經覺得好好味,剩翻成碗醬汁冇點郁過。跟着上嘅係海虎班两食。都係之前叫老細安排嘅。游水海班係明記煮功之下可謂不枉此生!隻雞都係叫老細预留嘅新鮮雞。果然食雞有雞味!凉瓜係我嘅至愛。老細話咸蛋黄炒,我話唔好哂咗啲蛋白。結果.....梗係好食喇!我個一直都認為只要食材新鮮,其實點煮都好食。今次遇到明記可以話錦上添花!有机會一定再嚟同老細交流交流飲食心得 !  continue reading
(The above review is the personal opinion of a user which does not represent OpenRice's point of view.)
Level4 2010-06-16
1065 views
上環市政大廈前身為舊上環街市南座,頂層為體育館,而中層是文娛中心,設施包括展覽廳、排練廳、音樂練習室等,此外大廈亦設有圖書館,為好靜的讀者提供好去處。當然不得不提的是市政大廈的二樓,該處為熟食中心,內裏雲集多間食肆,是夜家人晚飯,一行六人便選了這間小炒功夫不俗的「明記飯店」。我們合共點了五個小菜,一碟炒麵,白飯及啤洒等。梅菜蒸鯇魚 ($48) -- 梅菜蒸鯇魚是很普通的家常菜色,家人每次都選鯇魚上庒,喜其肉多骨少。梅菜味道適中,不會過鹹兼微微沁著梅菜香味,唯梅菜口感有一丁點"硬",不過蒸魚時間又掌握得恰到好處,魚肉全熟但不會過火,肉質嫩滑,每次都保持一定水準,很有住家菜感覺,相信以魚汁伴飯,也能吃上滿滿一碗呢。啫啫雞煲 ($45) -- 這雞煲上檯時香氣四溢,煲內放入大量乾葱頭、洋葱及數片豬潤,雞肉入口雖不至於非常嫩滑,但肉質也不算嚡口,吃來香濃惹味,加上雞肉充分地吸收了乾蔥、蒜子等配料的香,所以味道十分濃郁。但最美味的還要算煲內的豬肝,味道相當不錯,豬肝裏頭剛熟,鮮嫰又沒有苦澀味,非常鮮美,配上濃味的醬汁,絕對能充份顯出煲仔菜熱和香的特色。椒鹽鮮魷 ($48) -- 椒鹽鮮魷要做得香脆,秘訣在於麵粉放多一點,油猛一些,炸魷魚時炸耐點,魷魚愈細隻愈薄肉就愈容易炸得香脆。這裏的椒鹽鮮魷做得夠乾身,上碟時未至於熱辣辣,但也算外脆內軟,唯漿粉分佈未算均勻,厚薄不一,所以吃起來有些鮮魷會咬到過厚炸粉,而且椒鹽味不重,有失椒鹽鮮魷的風味。不過未知老公是否心情極佳,還點了一支大藍妹啤洒 ($20) 用來伴鮮魷同吃。沙爹肥牛煲 ($55) -- 沙爹和肥牛一向都是絕配,而這個肥牛煲加入了大量的粉絲,肥牛雖不至於入口即溶,但它的油脂被粉絲完全吸收,所以粉絲吃來滿咀牛香,入味兼滑漏,效果惹味又開胃,加上沙爹飄出來的香氣,真是令人吃個不停,如果能加入爽脆有嚼口的金菇,食味相信定能提升不少。腐乳椒絲生菜 ($28) -- 這碟腐乳椒絲生菜吃來香而不辣,腐乳味道香濃,加上腐乳完全滲進生菜裏,生菜咬落爽脆鮮甜,食味不俗。肉絲炒麵 ($24) -- 面對美食, “飯桶” 老公當然叫了白飯一碗 ($7), 其他無飯癮的家人都贊成點這個炒麵伴餸吃。這碟肉絲炒麵材料包括有芽菜、肉絲、冬菇絲、韭黃等,而麵條則比較幼身,但入口爽脆又鬆化,麵餅炸得乾脆,上面的肉絲及芽菜味道也不錯,芡汁不多不少,剛好夠拌炒麵,還可加入醋或辣醬同吃,水準著實不錯。我這貪嘴鬼還點了隔壁「泰之味」一籃六件的香脆蒜蓉包 ($20) 作飯前小吃呢。上述餸菜連啤酒、白飯等,合共為 $275, 如果不嫌街市環境比外出食肆差一點,這裏絕對是經濟抵死之選。 continue reading
(The above review is the personal opinion of a user which does not represent OpenRice's point of view.)