Ming Kee

假日早餐 小編好中意去熟食中心尋找美食😋😋入面有好多唔同嘅茶餐廳 你想食咩咪去邊到坐 買去隔離食又得 正!明記 小編最最最最最喜愛嘅系鮮牛肉三文治 $19 唔算平 但好好食蛋 炒得唔老 系好滑嘅牛肉新鮮 切得厚厚地 咬落好有口感👍🏻👍🏻…Read More

平時週末喺上水食午餐 都會嚟上水熟食街市到搵好嘢食😋今次嚟嘅明記好推介 午市一個碟頭飯都係大約32蚊 又抵又好食😋 店員都好親切 😆😆今次試咗一個滑蛋魚片飯 嚟個飯好好食👍🏻佢嘅魚片唔係用加工嘅魚片 而係用真嘅魚煎出嚟嘅 真心好好食🤤🤤佢嘅炒滑蛋都好香好正 飯嘅份量都好足 食完好夠飽🤤另外仲試咗個豬扒雞翼煎蛋飯都好好食 佢嘅豬扒唔會太硬 雞翼嘅香茅味亦都足 係可以一試嘅午市碟頭飯平時午飯食下碟頭飯都唔錯 明基可以係一個幾好嘅選擇…Read More

#向阳从厦门吃到全世界##香港美食#【明記茶餐廳】📍上水石湖墟新街市2樓CF10舖來港的日子就是一直在搜羅家附近的美食 上水街市就分佈著很多〈菠蘿蛋〉很奇妙 用蛋包著菠蘿油 很香 蛋超嫩〈維他奶〉玻璃樽裝 冰飲 搭配菠蘿蛋超解膩很特別 吃起來也很美味…Read More

瞓醒早餐 ing？醉醒早餐 ing？無所謂啦。諗左成朝食咩好，諗足幾個鐘，lunch 都到喇，是但行遠少少到街市明記啦。星期六堅旺，坐無虛席，好采一個人易搵位，求其攝落去搭檯啦。翻弄張 menu 多次，想搵特別一點菜色，全部只係豬扒、雞翼、牛肉、肉片、魚片、雞蛋、腸仔、午餐肉、火腿既變奏，而且除左飯外就只有烏冬及米粉，最終唯有食反福麵啦。配即食麵既肉類仲有沙嗲牛肉、五香肉丁，全日一樣。太陽蛋炸雞中翼福麵，難得有我童年回憶福字伊麵，雖然不會抱太大希望會煮得好食。喜出望外，竟然係優質料理、高質福麵！足足 20 分鐘，堅等耐了一點，但煮出嚥韌滑嘟嘟彈牙靚麵條！精雕細琢，慢煮福麵，甜美濃郁湯汁已完全緊緊鈎係麵條之上，每口水潤熱騰騰，而且無發脹無腍劈劈，神乎其技，難得！淋上大堆微辣帶香辣椒油，更加好味、更加滋味！配料一絲不苟，生菜超級爽甜鮮嫩多汁，天然菜甜味使食唔停口呢！自家種架？太陽蛋專登留在中段或最後先品嚐，讓熱湯給她多一點溫暖，整隻蛋跣入口，蛋白嫩滑、蛋黃甘甜黏黏同時開，連蛋黃都熱辣辣架，好味到不自覺地點頭及吾吾聲呢。我都唔明白點解會 order 肉片而唔係沙嗲牛肉架，真奇怪，莫非仲醉緊唔清醒？莫非我潛意識係非常鍾意肉片？太陽蛋肉片福字伊麵，轉轉次序首先 knock out 左隻太陽蛋先，熱辣辣蛋白捲住涼浸浸，蛋黃一躍入口，冰火感覺、一冷一熱、黏黏又滑滑，口感尤其特別，新奇美味又滿足！福麵依舊超高質，五粒星米芝連！慢工出細貨，等足左半個鐘！湯汁濃郁香甜無比、麵條彎彎曲曲爽爽彈彈，正到震！掛上香辣辣椒肉，再將味道提升到另一境界，惹味又誘惑，使有不停啜的慾望。雖然外觀有點可怕，黑色點點，味道微辣帶點酸，幾得意幾開胃。肉片味道香甜，軟棉中帶結實咬口，滿意。炸雞中翼，內內外外都無味，食原味夠風格。炸到過晒火，乾硬鞋有齊，浸湯還可以入得口。大龍鳳，已經係我搵勻算係特別架喇，試試先。幻想會係鮮檸咸檸七起，點知只係水。鮮檸咸檸水加左好多糖水呢，太甜喇，都飲到少少咸檸味，但鮮檸味微弱到飲唔出。魚片肉片福麵，鮮肉片原味無添加，天然豬肉香甜，質地實淨而彈彈，合格。點解要如此對我？神級福麵失準喇！黐埋一舊舊，還未煮開呢，似泡出黎多過明火煮出黎。麵條半熟不彈不滑、不香不甜。可能太多 order 所以馬虎地出貨，但都等左好耐啊。湯底有肉味魚味特別甜，不過福麵有魚片味怪怪的，味道唔夾呢，魚片有點粗細骨呢。試下沾點辣椒油補救，就算辣椒油幾香幾辣都搞唔掂。師傅落左好多生菜呀！差不多半份菜那麼多，鮮嫩超爽甜，勁好食。菠蘿蛋，好有趣又有創意，聞所未聞，見未食飽就叫份試試啦。望穿秋水，食完碗麵終於 landing。有趣菠蘿蛋，蛋包菠蘿包定係叫做菠蘿包奄列呢？味道好似西多士，但好多蛋汁，非常 juicy，蛋香飄飄。熱辣辣菠蘿蛋微甜，質感有趣，一試無妨。可能裡面加上牛油會更美味！…Read More

出外用膳的確好味之選處處都有，但想吃下讓自己感覺舒暢和滿足，個人認為未必能常常碰到。今天想吃得清淡健康一些，到街外用膳，這個期望可能有點難度。來到石湖墟市政大廈，經濟的有，想豐富一點的也有。最後選了此店，找到清淡的粉麵，點了鮮魚片米粉。不一會兒，米粉便送來了，這店服務不錯，粉麵伴有少許蔬菜，正合心意。下午茶套餐可吃到鮮魚片，個人覺得較少見，但的確是稱心的選擇，鮮魚片份量豐富，米粉剛熟幼滑，湯底清而不濃，吃下感覺平靜舒暢，很有質素。假使生病了，要出外買吃的，也可選這個。是經濟而又值得稱讚的食品設計和質素，謝謝。…Read More

全女班職員喎，我講緊全部係阿姐大嬸，哈哈。人家新年第二次上黎搵林德記，點知依家先見到貼左張告示休息到初十呢。唯有求其見對面有位就坐低啦，又係即食麵？是但啦！有緣幫襯您地，第一次黎唔知依度食咩架呢！左睇右睇，揭來揭去，真係毫毛頭緖。最後決定腸仔豬扒出前一丁啦！隔離早過我坐係度既哥仔聽到我叫，佢又跟我叫，您咪跟風好喎！姐姐們招乎尚算周到有禮，滿意。腸仔豬扒出前一丁，都等得幾耐吓，希望慢工出細貨啦！終於都黎喇，但塊豬扒呢？原來未炸好。炸香腸正呀，試啖先，外皮好香口，但最衰係怪味腸呢！出前一丁煮得滿意，夠晒熱，質感無過腍，而且微微吸收左湯汁既味道，明顯地湯同麵係一齊煮先有咁既出品，麵條已染上顏色，並不是白雪雪的，要慢火細煮，有 heart！好味！試左啖原味出前一丁，當然輪到辣椒渣撈麵啦！辣椒微辣而非常香口，撈得過。仲送左條生菜伴碟，鮮爽多汁，正！湯底亦染上少少生菜味道，好有屋企 feel，細個阿媽煮親即食麵都會掉幾片生菜一齊煮呢。食完碗麵幾分鐘塊豬扒都仲未到，好采今日放假唔趕時間啫。萬眾期待既炸豬扒終於黎喇，咁架乍？睇個外觀頓時失望。炸豬扒上面似乎有黑椒同五香粉，原來只不過係碳屎，唓！味道好普通乍喎，無咩調味，是係塊落左炸粉既炸豬扒，都食到豬肉原味既，可能配點汁會好食啲，合格既。…Read More

星期六人頭湧湧的明記, 好彩仲有位~這裡由一對年長的夫妻經營, 港式常餐、碟頭飯都是街坊價, 不是領匯那些連鎖快餐店!!這裡有一種很特別的食物, 叫做「菠蘿蛋」,哈哈, 其實是滑滑的煎蛋包著菠蘿油, 菠蘿油烘熱過, 香香脆脆的,好肥o架, 不過咁樣食又真係幾好食o架!另外叫了牛肉通粉, 牛肉算滑, 通粉的湯不會很味精的感覺, 是健康又好吃之選呀~…Read More

石湖墟街市食店差不多都試了一大半,今日食lunch又要留肚,準備今晚陳真喜宴,食茶餐最方便.雞蛋三文治 : 雞蛋煎得太乾身,再煎就會燶,就算麵包幾香幾軟熟都幫唔到幾多.鮮牛肉通粉 : 一睇見有血絲就知即叫即煮,再加上有幾片白菜,幾健康,雖然係咁,但牛肉味真係無廣成咁濃,但嫩滑程度是有得比.無要求,無時間(又要趕返屋同囝囝溫書),草草了事的一餐.…Read More

明記我由細去到大架....果度D菠蘿蛋好鬼好食架﹗個賣相好掂﹗8蚊雞....值得一試再試﹗仲有呀，果度既飯餐好抵又好食﹗19蚊架拉...凍飲呢就要架1蚊..最抵食既飯餐呢都莫過於係「三及抵」啦，包括有豬排啦火腿啦仲有煎蛋添..如果你唔中意食火腿同/或煎蛋呢可以轉餐肉呀腸仔架..仲有仲有，茶餐都好抵架，17蚊O者，有一碗粉同一份蛋治再加一杯熱飲（凍飲加一）..不過呢..黎度既飲品就有少少遜色..凍飲呢就唔係好凍果喎..不過呢你可以叫老闆俾杯冰你架..^^ 去食下啦...…Read More