Ming Kee Dessert (Closed)

今晚食完飯後見到荃灣有一間新開的甜品店，當然要入去試吓啦！叫了2個甜品，一個是蘋果批，蘋果味也剛剛好，但是個表面燒得唔夠脆卜卜，所以是一種缺陷，第二個是綠茶心太軟，綠茶味也很濃唔錯，心太軟個個糕表面也算鬆軟。…Read More

從來無食過咁難食既甜品，我叫咗一客芒果蛋白（$44）、友人叫咗一客朱古力疏乎厘（$58）。我嗰個芒果蛋白，睇菜單圖片、應該係西米+芒果肉+芒果爆珠，黎到都似樣既，上面有啲好似西米既野，一咬，嘩！脆既？好肯定係未煲透，店員話係「水晶珠」，話個texture係咁既，事實上硬到好似食膠咁，拎出黎禁都唔扁蛋白布丁，既無蛋味，又無奶味，食緊一舊完全唔知咩既布丁超級難食友人叫既朱古力疏乎厘，平平無奇，食落好似朱古力味既紙包蛋糕完全唔係疏乎厘應有既口感。叫兩樣野，兩樣都中伏，絕不推介，又絕不再黎！…Read More

榴槤西米露$48點講好呢⋯⋯西米露還西米露，榴槤還榴槤，仲要一撻撻咁......真心伏，食完成口都酸酸的，食到一半已經想放棄，都唔知自己食咗啲咩⋯⋯仲要呢個價錢，真心想講仲有其他選擇囉⋯⋯明明我以前食嘅明記唔係咁嫁..... 不過之前食嘅係筲箕灣總店，究竟係搬咗過嚟之後唔得，定係而家嘅Standard差咗咁多呢⋯⋯仲要冇人得閒落單，枱又要自己拾，諗著快食個甜品，點知食成一個鐘，下次......還是沒有下次.....:(…Read More

去開荃灣，荃灣都算係美食天堂，淨係路德圍附近既甜品店都有6，7間，成日食松記，今次想試下新野就揀左明記。好多新派甜品，我地兩個人，一人叫一個再加心太軟 happy share。是日紫薯賣曬，咁我地就揀左抹茶心太軟。原本冇抱期望，但最後又覺得有驚喜bor~我叫左香芒小丸子，味道中等，小丸子同一般店一樣冇咩味，但係口感不硬不黏口，米團搓得不錯👍芒果味香濃，芒果新鮮而且係果甜唔係假甜可以算得上係外脆內軟，抺茶味甘而不苦，食得出用靚料好食不過價錢係有d高既…Read More

同姊妹食飽晚飯之後去左食糖水，講到食糖水當然要去路得圍搵食啦。地方好細，大家都坐到好逼，3個人坐4人台已經唔錯。特別係WINTER，大家都著得好厚，如果唔小心真係會掃掉旁邊台既糖水落街佢都幾乾淨，每個糖水都會放係個盤仔上面同埋有埋TISSUE! 幾細心，唔錯!講番個糖水，叫左個芋頭黑燸米糖水，HKD 48 (冇記錯的話)其實都幾貴，不過係幾足料就算佢啦，一上台就係椰汁係面。聞落去都好香既椰香味。可以睇睇都幾多黑燸米，可以補補血，同埋係咁凍既天氣食係好正。…Read More