Ming Kee (Portland 180+)

今次同朋友去咗旺角砵蘭街嘅「明記潮館」食潮州菜，環境乾淨企理，而家仲做緊滿$300可以用$8加配鹵水雜錦拼盤/韭菜豬紅嘅優惠。我哋揀咗鹵水雜錦拼盤，都有返咁上下份量，滷得入味，抵食！ 另外叫咗幾個小菜。風沙豬手炸得外皮酥脆鹹香，食落惹味，但食得多會覺得油膩，建議多人share。 蠔仔肉碎粥（細）雖然叫咗細份量，但都可以分到四五碗。蠔仔鮮甜無沙，鍾意食潮州粥有一粒粒米嘅口感，加埋肉碎同芫荽，暖胃又滿足。 涼瓜炆龍躉頭腩龍躉頭腩膠質豐富，涼瓜係爽脆啱曬我口味，唔會炆到太軟淋，保持到口感。 蒜蓉粉絲蒸蟶子王蟶子唔算特別大隻，但蒸得剛好，蒜蓉同粉絲吸收晒鮮味，好香好惹味。 總括來講，明記潮館水準穩定，價錢合理，尤其海鮮同滷味出色，適合一班人聚餐！ …Read More

同朋友聚會最適合就去食潮州嘢打冷，氣氛熱鬧，嘢食又大件🍺🦆滷水鴨餐廳掛住金牌滷水嘅招牌，就梗係要試吓佢嘅滷水鴨啦～ 想講例牌都好大份，勁多肉～ 鴨肉真係滷得好入味， 最正係下面啲豆腐，入味之餘仲保持嫩滑質地😛🧄 蒜蓉粉絲蒸蟶子王重口味之選～ 新鮮嘅蟶子上面鋪滿好多蒜蓉， 粉絲亦都吸晒精華， 好惹味🦪 潮式炸蠔仔餅想講佢呢個蠔仔餅入邊真係有勁多蠔， 而且啲蠔仔都係大大粒脹卜卜， 食到佢嘅鮮味～ 酥脆嘅口感實在一流🐻 得意熊仔冰檸檬茶佢真係好可愛啊～ 一送到過嚟見到勁大杯，足足1L , 好適合一路慢慢食飯傾偈嘅時候飲，舊熊仔冰慢慢溶化，配合返食飯嘅速度🥳 光顧滿$300就可以優惠價$8換取雜錦滷水或韭菜豬紅一碟～ 小熊貓就揀咗雜錦滷水，都好大碟喎，上邊有鵝腸，墨魚，腩肉，紅腸等多款配料～ 都係滷得好入味㗎小熊貓覺得呢間餐廳十分抵食，而且氣氛熱鬧，適合同朋友聚會或慶祝活動…Read More

明記潮館喺旺角已開業數年，入面主打打冷，提供多款經典潮州菜式以及鑊氣小炒🔥環境氣氛相當熱鬧，好旺場。✿ 滷水鵝餐廳招牌菜之一，鵝皮嫩滑，鵝肉肉質結實。底部有豆腐，花生，最中意食潮州菜嘅花生，好爽又大粒🥜✿ 煎蠔烙煎蠔餅香脆可口，炸至金黃色💛裡面一粒粒蠔肉新鮮肥美🦪✿ 蜜椒一口牛柳粒中菜館好中意食嘅其中一款小菜，蜜椒炒出黎🍯每一件薯仔同牛柳粒亦充滿蜜糖味，薯仔軟綿綿🥔牛柳粒爽口中帶嚼勁🐮牛肉味亦香濃。✿ 熊仔凍檸茶熊仔即系熊仔冰🐻凍檸茶都超大杯😆🍋…Read More

今日收工想食下啲潮州打冷嘢，就同左朋友去咗旺角食comfort food~就係呢間明記潮館，每次都食得好滿足！我已經幫襯過好多次，今次都係忍唔住再encore。喺旺角區，要搵到一間又好坐、唔限時、食物又夠水準嘅餐廳，講真唔多。而明記就係其中一間少有嘅「三贏」之選！ 明記潮館位於二樓，要搭兩層扶手電梯先到。餐廳裝修有濃濃嘅大排檔風味，簡約又有氣氛。平日晚市八點左右，已經坐得七七八八，可見人氣有幾高～😏侍應好有禮貌，安排座位快又準，入到去唔洗等太耐，整體體驗都幾舒服😌我地叫咗：🌸滷水雙拼 — 鵝肉片及墨魚 🌸招牌鴛鴦米🌸沙爹牛肉炒芥蘭💜大檸茶及啤酒🌸滷水雙拼 — 鵝肉片（加咗$70）及墨魚   滷水味道濃郁但不過鹹，滷得入味又有肉質的彈性。鵝肉片皮脂分明，肉質嫩滑，無騷味。墨魚則爽口彈牙，滷香滲透，口感非常討喜，兩者搭配得宜，開胃又滿足。🌸招牌鴛鴦米粉驚喜之選，炒米粉加碎蛋、蝦仁、魷魚有多重口感，加辣椒醬更加係完美融合，用來送菜一流，我哋都食到停唔到口。🌸沙爹牛肉炒芥蘭沙爹醬香濃郁帶少少辣，同嫩滑牛肉融合得好好。芥蘭炒得啱啱好，夠晒爽脆，送飯一流。💜熊啤單大檸茶及啤酒大檸茶🍹清新解膩，檸檬味🍋十足，唔會過甜～熊啤啤冰仲係茶底做，唔會溝淡。嚟多支凍啤酒🍺爽快暢飲，可以驅走工作壓力呀！🌟同場加映—$8小食！正當我哋已經食到八成飽， 點知店員行埋嚟提醒我哋，原來消費滿300元就可以優惠價$8嗌一款小食😮! 可以揀「韭菜豬紅」或者「滷水雜錦拼盤」！因為朋友唔食豬紅嘅，所以我地就揀左滷水拼盤啦！估唔到食到最後仲有特價小食，餐廳真係好有誠意☺️～埋單兩個人食咗$677，我哋都好滿意。…Read More

明記潮館係我Favourite 😁本身鍾意食潮州菜，滷水嘢最啱我，呢度仲要滿$300加$8就有滷水雜錦拼盤/ 韭菜豬紅，超抵！🙌🏻 最啱我樣樣都試啲，呢度啲氣氛好熱鬧，座位都舒適，已經嚟過幾次😎滷水雜錦拼盤裡面有豬大腸（！）、腩肉、鵝肉片、豬耳、墨魚片😋滷汁味道濃厚，口感👍🏻👍🏻抵食就越食越好味😆😆金銀蛋浸豆苗份量超大！金銀蛋浸豆苗都係我鍾意點嘅菜，清清地，減低油膩感😚好吃！豆苗味道清爽👍🏻👍🏻潮州炒麵線一向都喜歡吃潮州炒麵線，配料多，樣樣有啲，啱晒我心水😚 材料有魷魚、蝦仁（爽口！）、簡直是太好吃了！粉絲加麵線（雙併😏）彈牙又有嚼勁！份量之大，加上勁多碎蛋，食得好開心❤️菜脯苦瓜煎蛋角菜脯苦瓜煎蛋角是家裡常做的菜，朋友特別落單😁 我第一次吃到的配搭，苦瓜微苦但搭配菜脯的鹹香特別好，難得沒有油膩感，清爽👍🏻👍🏻…Read More

週末晚飯時間，經過明記潮館，見好耐無食潮州嘢，就入去試下。等位唔算耐，職員安排得快，坐位之間都有啲空間，唔會迫住食，環境整潔，感覺幾舒服。睇完餐牌，揀咗個二人套餐，再加個優惠滷水拼盤，估唔到幾抵食，份量都唔少。🍲【粉絲蟹肉煲｜$448 套餐】呢煲係當晚最期待嘅一味。煲仔一上枱，熱氣撲面而來，打開蓋見到隻原隻蟹鋪晒喺粉絲面。蟹鉗同身都有肉，肉質結實冇腥味，鮮甜有彈性。粉絲索晒湯汁，煲底微焦位置仲有啲脆邊，香得嚟唔會太乾。味道鹹香帶少少麻油香，蟹嘅鮮味滲晒入湯底，成煲食落都幾惹味。三個人分都夠分，幾滿足。🦆【滷水鵝（小份）｜$448 套餐】滷水鵝一上枱，色澤深啡油亮，外觀已經好吸引。鵝件切得平均，厚薄適中，肉質唔算太厚，勝在滷味入晒骨，入口有香料味之餘，帶微甘，唔會死鹹。鵝皮唔油膩，連埋油脂一齊咬落口有少少膠質感。🥢【滷水拼盤｜$8（優惠價）】真心抵，加配價只係$8。拼盤有滷蛋、滷豆腐、豬紅同鵝腸，種類齊全。豆腐滷得入味，外層實淨但入面仍保嫩滑；滷蛋係全熟版本，蛋香濃郁；豬紅軟滑無腥味；鵝腸最驚喜，處理得乾淨又夠爽口，唔會有油膩感。一碟食落滿足感好高，呢個價錢真係好少見。…Read More

簡單評論：一早經Openrice訂檯，去到只給路邊檯，有卡位也不給，不過都算，可能有熟客更早訂了吧。間餐廳好熱，無冷氣咁，熱到一路食一路出汗，問伙計，佢話無辦法，完全唔諗住去解決問題，後來見櫃台收銀唔知係邊度攞咗把風扇出嚟，原來係俾卡位的熟客的。叫出名的熊仔檸檬茶，點知個伙計又話造熊仔冰的機器壞了！啲餸菜本身都可以的，不過餐廳個環境惡劣到咁，幾好食都無用啦，最重要既係，完全毀了一餐生日飯！呢間餐廳係解決冷氣問題和伙計態度問題之前，唔會再去，亦唔建議去！…Read More

服務一般般，不過唔係太夠人手，等左陣先有落單，尼個都明白嘅，之後點了大眼雞$248一條，黎到又實又鞋，蒸海蝦都算可以，但都不平$198, 炒白菜仔$108正常，鹵水鵝片$198都少鞋反而㙯底豆腐花生仲好食,最好食係韭菜豬紅加購$8，所謂小食都收20蚊，花生淋嘅唔知放左幾耐，醬油蘿蔔片咸到一個點，飮左我成杯水，從未食過咁差，硬食要比$極差，最後比錢仲要計錯數收多$，仲要落單同收錢係同一個人，如果唔睇單就瀨野了…Read More

《打冷鑊氣小炒🔥》———————————————#明記潮館 💓-早排去咗呢間旺角打冷舖，估唔到樓上鋪都咁旺場，就知道呢間潮州小菜唔簡單😚夠晒鑊氣，有大排檔feel😍 餐廳走新派設計，環境非常光猛，仲有大大個魚缸放住新鮮海鮮🦞座位都算寬敞，地方乾淨唔馬虎，坐得幾舒服😌-🧡 滷水雜拼餐廳六周年優惠嗌滿$300就可以用$8架構一碟滷水拼盤，非常抵食💰 而且好大碟，超級豐富，有豬腸、鴨腸、豬耳、墨魚、五花肉等，所有食材都吸收哂滷水精華，很入味，口感爽口有嚼勁😝-🦪 蠔餅炸到脆卜卜上枱，金黃酥脆，份量十足，蠔肉粒粒飽滿，蠔肉質城鮮嫩，炸完都完全唔覺油膩☺️-🌊 蒜蓉粉絲蒸蟶子王蟶子爽口鮮甜，蒜蓉味帶出海鮮嘅鮮味，零舍惹味～ 座底仲有好多粉絲吸晒啲精華，鮮味十足😍-🐮 沙嗲牛肉炒河潮州版嘅沙嗲牛肉炒河有別於一般廣東茶餐廳嘅乾炒牛河，沙嗲味更加突出，牛肉嫩滑，河粉口感Q彈炒到啱啱好，口感香口😚-🍌抵deal 指數：7/10…Read More

親戚來香港旅遊當然要帶他們試試特色打冷餐廳。今天就去位於旺角的打冷店，一出地鐵站步行約3分鐘就到，非常方便。餐廳佔3樓成層，能容納過百食客，就算那天是週末繁忙時間，還是輕易找到座位。蠔餅一講到打冷必點一定是蠔餅，炸到脆卜卜上枱，蠔肉份量多粒粒飽滿，食過必定回味！漁香茄子煲漁香茄子連煲一起上枱，保暖度十足食完還是熱辣辣的！茄子加了鹹魚食落鹹香惹味，配白飯一流！蒜蓉炒生菜當天的生菜有少許不夠新鮮，但味道搭夠！餐廳做優惠，惠顧滿$300可以優惠價$8 滷水雜錦拼盤或韮菜豬紅，我們選了前者，有腩肉、紅腸、鵝腸、豬大腸、魷魚、豬耳等，絕對抵食！總結：地理位置優越，餐廳地方大座位闊落，食物份量多幾抵食，人均約$200-250。…Read More

🧸 熊仔凍檸茶- 造型：真係有隻冰熊仔坐鎮！慢慢溶緊嗰陣好治癒，打卡一流📸 -搽底：港式濃茶唔苦澀，檸檬用咗半個切片，自己督幾下就出味 - 甜度：可以自己調校糖漿份量，抵讚！（怕甜人士恩物） - 必試原因：個熊仔冰係用檸茶整成，溶咗都唔會變淡！ 🍋 西檸煎軟雞- 雞扒：外皮煎到微脆，咬開肉汁爆出嚟，絕對對得住「軟雞」個名 - 醬汁：新鮮檸檬汁煮成，酸甜平衡🍍 莈蘿咕嚕肉- 肉質：用半肥瘦梅頭豬肉，外脆內嫩，完全唔會「嚡熠熠」 - 醬汁：酸甜適中，菠蘿用咗新鮮貨，唔係罐頭咁假甜 - 特別處：加咗莈蘿（香茅）碎，食落有淡淡東南亞風味 - 送飯神器：汁多料足，一碟可以KO兩碗白飯 地址：旺角砵蘭街180號…Read More

星期四晚黎食都爆哂場，坐滿哂人！烏頭好食，推介👍🏻👍🏻另外，馬拉盞炒通菜鮮魷同埋小炒王都好有鑊氣都係好好食，滷水拼盤嘅八爪魚就有啲韌..其他食物都正常。…Read More

<鹵水鵝片 $198>呢碟鵝片食落嘅時候 鵝肉咬落去好滑好嫩 啖啖肉 啲鵝皮淋上啲鹵水汁 仲更加香濃😋<蜜椒一口牛柳粒 $168>每粒牛柳都係好嫩滑 再加埋啲蜜椒醬 辣辣甜甜嘅味道就咁爆發出嚟 不過我都係最鍾意個薯仔 好餸飯🥰<菠蘿咕嚕肉 $138> 菠蘿咕嚕肉係我嘅最愛之一❤️ 肉質酥軟 菠蘿嘅酸甜味同咕嚕醬嘅香甜完美結合🤤<滷水拼盤 $8>如果大家買滿$300 可以加$8有埋個滷水拼盤好抵食 有各款滷水食材 鮮味十足 份量都好多😊…Read More

今次重臨旺角嘅明記潮館，呢度嘅潮州菜味道依舊唔錯，仲有海鮮同小菜等選擇，重點係份量超多！人均消費大約$200環境新潮的潮州菜館，有傳統打冷小菜，亦有新鮮游水海鮮。餐廳營業至凌晨時份，是旺角的宵夜勝地👍⋯我係女仔又想食夠鑊氣同埋衛生嘅潮州菜，所以我選擇咗呢一度今次試咗個鹵水雜錦拼盤大大碟而且夠晒入味😋👍大眼雞唔算好大條，但係兩至三個人食就啱啱好啦👍我最鍾意食嘅，就係佢哋嘅扇貝👍非常好食，夠晒入味又唔會好韌，冇啊，婆婆都食到。…Read More

餐廳雖然地方好隱蔽，但係菜式好食得黎仲大大碟，好抵食。🦀潮州凍花蟹打冷又點少得凍蟹，新鮮既紅蟹凍食更加突出鮮味，上枱時已經斬好件，一梳梳既蟹肉點少少醋食更提升到鮮味🍝豉椒炒蟶子王6隻+脆麵底蟶子爽口鮮甜，豉椒汁濃郁惹味，最出色係吸收哂醬汁既麵底，加少少辣椒油更加惹味🥓滷水拼盤餐廳6週年優惠，$8就食到，雖然只係$8但份量一d都唔少，墨魚、鵝腸、豬頭肉、紅腸等等樣樣齊。食材入味而唔會死鹹，$8真係好抵食🥩蜜椒一口牛柳粒牛柳粒外層有焦糖既香味，內裡嫰滑，薯仔炸到外脆內嫩，味道甜甜地，好惹味🍄椒鹽茶樹菇粉漿炸得夠脆，茶樹菇爽口，仲大大碟，送酒一流…Read More