明記海鮮大排檔 (Closed)

從來未食過咁難食既大排檔，炒蜆冇味仲要唔熱既，藥膳雞煲啲雞變壞既黑色一達達！炸大腸又乾又凍，食物環境衞生極差，食食下隔離有隻大老鼠周圍跑，個老闆話唔洗理佢！各位未試過既真係要試下！

早一个星期前已订了台，提前 15 分钟到达可完全没有人招呼，然后我们唯有自行行入找已留座牌核对电话号，其间有向职员表示已订台，结果职员叫我们坐只有 3 张有背椅的细台，我们表示不要没背的椅子，明明早已打了电话来订台却完全没有准备，6 个人就不招呼吗？ 如是就应一早说明 6 人不能订台，结果完全取不到台要拉队走人。 虽然我们只有 6 人，可每次消费都超过 2 千，请不要歧视我们人少。

第一次食到咁垃圾,基本上叫呢三樣嘢都係好普通嘅嘢,豉油皇鵝腸豉椒炒蜆薑蔥魚雲煲係可以用難食,豉油皇鵝腸淡到完全冇味,薑蔥魚雲煲啲魚完全係腥個沙鍋完全係唔熱,豉椒炒蜆冇味同埋有一半都係殼,仲要埋單同老細反應佢完全係冇任何表示嗰嘢仲更加谷鬼氣

因為附近有年宵市場, 所以選擇了這間餐廳, 非常後悔這次決定。是夜點了西檸雞, 梅菜扣肉及椒鹽豬扒。西檸雞好難食, 勁多粉冇肉, 梅菜扣肉啲梅菜又係無味，椒鹽豬扒就鹹到飛起。最重要的是服務員的服務態度真係好差, 問佢洗手間係邊，唔答. 叫佢點菜, 佢晦氣咁叫我自己係張紙到寫， 完全當你透明, 十問九唔應。有幾個服務員聽完你嘅要求就咁走咗。我都知道年三十晚啲服務員唔想返工，但是作為消費者，食物又難食，服務態度又惡劣，下次請我也不會去

假期去邊度都難泊車，難得呢度有免費泊車。又未試過所以入嚟試吓啦，我地兩個人，唔知佢一個菜大唔大碟，兩個人食所以嗌咗兩個菜先，咁唔理你飲唔飲茶佢都係計茶位既。一碟黃立倉，一碟紅燒雜菌豆腐煲，豆腐煲仲有10條菜Tim 兩個餸兩碗飯加咗茶位$192。

踩單車前同朋友醫肚呢度好處係停單車方便😅估唔到呢間點心時間好長又有粉麵小菜都可以叫好攪笑有d 茶客大約11:00 食椒鹽鮮尤我地只叫點心因為平日返工好少食沒有分早午茶市茶錢晝一收費價錢比酒樓平d d 沒有加一點心好懷舊味道👍🏻

晨早流流我同屋企人又去飲茶啦，今次行吓行吓嚟咗一間屋村入邊嘅茶樓，喺冬菇亭，真係十分之特別，環境開陽，如果你係後生啲嘅入去食飯一定感覺自己係最年輕嘅一位，啲嘢食都來得好快味道都唔錯，衛生環境非常之好，聽隔離個伯伯講佢喺度可以坐半日。你呢啲屋村飲茶就係食佢嘅情懷，價錢方面都好合理，如果你係自己一個人起身去飲早茶嘅話非常推薦你喺呢一度坐一日。坐到咁上下又可以去對面街市買餸返屋企食晚飯啦。🤣呢度睇得出每台客人都係熟客大家有說有笑唯獨我一個。

我作謂禾輋街坊，建議街坊門真係唔好去，每況愈下，真係不堪入目。昨晚6:00pm入去，有人氣。但係都只可4人一枱，見人地6個人都要分2枱，如果係4個一枱，上樓上商場門口食抄野好過。是日叫左2個餸。牛腩蘿蔔煲同西芹鮮魷。2個都極差，中午碟頭飯都不如。午腩唔極熱又唔入味，蘿蔔烚熟咗就咁放落去，唔熱又唔入味。西芹一樣，又老又黃，烚左同鮮魷放上枱。鮮魷係唯一正常，只係正常放得入口果d，價錢係連鎖大酒樓價錢。老實講，大把連鎖酒樓，cp 值高過佢好多，價又差唔多。街坊門，真係真係入去前要三思。

飲早茶全部都係啲熟客仔公公婆婆，見啲阿姐同佢哋都好friend吓。呢度飲茶真係抵，叫咗三款點心：鳳爪排骨飯+山竹牛肉+潮州粉果+茶位先係$60。食物味道都唔錯喎，同普通酒樓差不多。環境都算衞生，不過可能多長者，冷氣就真係唔係幾夠😊

嚟到新界地區唔知點解就想食風味大排檔😛😛朋友話呢間開咗好耐…一直想試試喎…. 坐低都真係唔算少食客…應該係幾人氣嘅😃點咗…黑椒薯仔牛柳粒 $98 基本上係每次食大排檔必點之一🤤🤤惹味好送飯呀！！！. 黄金鮮魷 $98 夠香夠脆😜😜係略嫌粉有啲厚. 蒜蓉炒油麥菜 $58 炒得夠鑊氣👌👌好快清咗碟！！. 瑤柱蛋白炒飯 $78又係考功夫嘢😁炒得好靚粒粒分明👌👌.吹水歎啤酒一流嘅配搭🤤🤤希望快啲疫情完結可以一大班人去再食過…

週末晚唔煮飯，去咗禾輋邨嘅「大排檔」明記食晚飯。可能時間尚早(~下午6時半)，餐廳只得一兩枱客，而且每枱有足夠距離，感覺都幾舒適。叫咗花生南乳豬手煲，上枱時熱辣辣，正。豬手夠冧夠入味，但係個汁好稀，掛唔倒上豬手表面。中式牛柳都算大碟，但上枱時只可以用暖嚟形容，加上芡汁好杰，口感麻麻。慶幸調味唔錯(只係稍酸)，挽回少許分數。八珍豆腐煲，料多，不過又係唔夠熱。當時餐廳仲未係好多人，唔明點解用煲上嘅菜可以散熱得咁快。有啲難接受中菜上枱時唔夠熱，因為味道都係差少少。

本身諗住係禾輋附近求其搵d野食，見到明記冇咩人排隊 ，諗住快速食完一餐就走就。入到去係疫情期間沒有任何防疫措施，包括探熱同消毒等。入到去安排坐左係收銀房既一張枱之後就冇人理我地，枱面連餐牌都冇直至我地主動問要餐牌先有人理我地。同普通大排檔一樣，都係要自己寫個個菜既number上個單度之後再搵夥計幫我地落單，寫完之後個夥計望左一眼就拋左入去個籃度咁我地2個人Total叫左2個餸：菠蘿生炒骨同椒鹽九肚魚，一個餸平均消費大約$90左右。第一道餸係菠蘿生炒骨，味道普通賣相都普通份量比想像中少，本身已經覺得唔太值呢個價 ，但亦冇諗住寫食評既，但第二道餸差唔多等左一個鐘頭，個生炒骨基本上已經食晒個白飯亦都凍哂佢先黎。中途有催過單個夥計淨係話得架喇黎緊，但根本冇入過去廚房，淨係係度傾計。等左一個鐘之後，個椒鹽九肚魚終於到左。但黎到好失望，個椒鹽九肚魚基本上係炸左一堆魚之後再係上面灑d椒鹽粉上去，魚既味道同椒鹽味係分開既，而且椒鹽粉份量亦好少，基本上得幾舊魚有粉，冇椒鹽粉既魚係完全冇味！總括黎講 ，雖然價錢唔平 但份量、味道、員工態度同各方面都完全唔值呢個價，亦唔會考慮再幫襯。

昨晚叫左兩餸:通菜炒花枝片及鹹魚蒸肉餅。通菜花枝片嘅味道正常，有一般大牌檔嘅水準，但係d通菜及花枝片有一點炒焦，不利健康。至於鹹魚蒸肉餅嘅水準極低，混雜大量肥肉，一入口就有大股肥肉嘅「甘香」湧入口，咁肥真係唔係人人頂到股「油香」，感覺d肉很下價，結果成碟食剩曬，很浪費！而且該店的小炒同一般茶記比，價格貴一點，係平民酒樓嘅價錢，但完全沒普遍茶記及普通酒樓嘅水準。間野令我好失望，我肯定唔會再有下一次。

今日又來到禾輋， 相約好朋友去冬菇亭食海鮮，明記海鮮就好似去咗西貢一樣，去禾輋街市明記揀好海鮮，拎去明記大排檔，師傅會幫你煮好，食店的煮工價錢相宜。我們由食店行過去街市只是數十步路，明記海鮮檔售賣各種海鮮，剛剛是晚市前，也有放工來買餸的，好不熱鬧。我們得三個女子，雖然好肚餓，花多眼亂，選擇困難症又出現啦！買好海鮮，包括貴妃蚌、象拔蚌仔、大蝦及蟶子皇，全部貝類可以用隻數選擇，新鮮又生猛，靚仔哥哥身手敏捷，好快就幫我哋劏好所有貝類產品。返到大排檔叫多幾樣餸，包括酥炸生蠔~ 薄薄炸漿，蠔肉新鮮美味；味菜鵝腸~ 我想一啲都唔瞓鎖頭彈牙，送啤酒最正；豉椒炒蜆~ 炒得香口冇乜沙，但煱氣欠一點點；啫啫通菜煲~ 這個十分香口，口味較濃；象拔蚌仔及貴妃蚌同樣用蒜蓉粉絲蒸，蒸的火候時間剛剛好，貴妃蚌厚肉清甜，蝦夠大隻，開邊蒜蓉蒸，正！蟶子皇當然係跟豉椒炒啦， 大大條，炒得爽脆可口。海鮮即揀即劏即煮非常美味，大家食到舐舐脷，非常開心。

「陳根記」搬咗去石門，沙田原址附近有間「明記」，就去試下，呢排冇咩胃口，比較食得落嘅都係辣嘢/惹味打冷😛出街必食菜，但估唔到呢間冇我叫開嘅「馬拉盞通菜」🤨 白菜仔都係我favourite, 叫咗蒜蓉炒，都幾腍同入味，而且好大碟，食到最後爭啲食唔晒。雖然自己都識整豉椒炒蜆，仲可以低成本煮到，但係由於真係太鍾意食，所以出面打冷都會照叫。可惜有啲失望，穫氣唔夠勁，唔夠惹味，而且蜆肉甩晒出嚟，食落冇咩隱咁。仲叫咗碟肉for飽肚😝 鐵板牛肉骨好多洋蔥😻 都算幾滋味，但唔夠惹味😹可能唔係牛「肋」骨，冇預期咁好味，唔夠和味，但係同伴都食得好滋味清晒👍🏻😹人均消費$150，一般打冷價位，質素可以再好啲，不過下次再去沙田嘅話，冇其他選擇都可以再encore嘅。