Ming Kee (Iau Kin Building) (Closed)

見到呢間潮州嘢好多好評，諗住試下囉哦打去話滷味雙拼200蚊 我就拼鵝片同墨魚片，一打開盒，我以為盒嘢穿窿，哦200蚊得六塊鵝片？係啊得六塊，唔好以為一塊好大塊，係好細塊既。自己睇圖。一翻底，一大盒芽菜墊高啲鵝片，扮到好多鵝片咁，我笑左。姐係呢200蚊買芽菜送鵝片啦，原來而家啲芽菜鑲金呀。碟西檸雞仲搞笑，冇雞肉，比錢食生粉，我第一次見西檸雞係一條條，而唔係一塊塊，入面真係冇雞肉，幾條雞柳絲就有，都真係好搞笑，疫情生意差就可以比呢啲嘢人食？…Read More

以前宵夜經常來明記，最例牌是韮菜豬紅、雜拼、掌翼、炒菜、椒麻九肚。今次是同幾個同事來聚餐，所以叫了凍蟹、凍烏頭，講真，感覺好一般，個人來講，大排檔還是吃鍋氣小炒比較正。還有，店裡雜務的女工好煩，我們都已經點好餸在吃東西了，還一直過來插話，吃著吃著她又走過來，嘮嘮叨叨讓我加餸，又說你們這台還差兩只賴尿蝦，我同事都也客氣婉拒了，後面還是過來嘮叨，我們都覺得被騷擾，我差點要發火了，就是費事壞大家的好心情。…Read More

講左好耐，小妹話想食羊腩煲，終於試到。男友話呢間中菜好正，一去到，係有少少麻甩feel嘅，但係d小菜好正！佢個羊腩煲（$298？），唔錯嘅，羊腩好多舊下，都好香！有冬菇，馬蹄，支竹嘅配菜，好似邊爐咁，都好正下！有小妹嘅地方都有菜，都好大碟！佢滿三百蚊送鹵水併盤，差唔多枱枱都有，唔算好outstanding, 但勝在有gimmick !!總結，小妹見到其他枱菜都好正，是酒樓的價錢，但應該有鑊氣過佢嘅！…Read More

前幾日同屋企人去食飯、見到呢間潮州餐廳都幾多人等位， 所以就一是究竟！佢有兩間、一間喺地下，另一間要上樓， 可能真係人太多的關係吧， 我們被安排上樓的位置，菜式不用等太久便來了，新鮮熱辣、等我介紹下有啲咩食！滷水鵝醃制醬料非常出色，鵝肉先甜， 滷水汁好惹未，成盤滷水鵝我都食晒！芝士焗龍蝦🦞（伊面底）一睇就知超多汁！芝士味極重，龍蝦夠新鮮， 可以拍得住大茶樓　滷水拼盤有齊豬肉紅腸鮮尤豬大腸等等，一般般， 不算特別出色韭菜豬紅正正常常， 再辣一點更好呢期嘉士伯啤酒🍻，獅威啤酒，青島啤酒做緊優惠，買二送一，梗係要幫襯啦！…Read More

#明記一家大細去食潮州嘢, 周圍都係，都唔知揀邊間好，想食評網見到呢間評分都幾高， 於是膽粗粗試吓，估唔到令人意外，荃灣竟然有一間咁好味的潮州餐廳， 下次要返嚟再食！簡單介紹一下叫咗啲咩先！潮州炒麵缐夠鑊氣， 麵線夠爽口彈牙，如果未到再重啲就好啦！鍋貼小棠菜出面比較少食到呢個，估唔到整得唔錯, 非常脆口潮式蠔仔餅香脆可口，蠔仔略嫌唔夠大粒，如果大粒啲應該仲好味！外脆內暖，炸完即上桌菠蘿咕嚕肉味道酸酸甜甜，咕嚕肉炸得非常香脆，豬肉新鮮！唔會太大舊，亦都唔多骨。…Read More