明記咖啡糖水小食 (Closed)

(2006.03.29 晚)有兩間好大名氣既甜品店, 我一直都諗唔明點解會受咁多人歡迎. 其一係元朗o既B仔涼粉, 另一間就係西灣河呢間明記. 有班住附近既學生好鍾意食, 數年來佢地帶我來過幾次, 佢地食到興緻勃勃, 我就拗晒頭. 之不過睇到確係座無虛席, 外賣又係大排長龍, 都唔知係其他人o既羊群心態定係我自己問題.今晚係附近食晚飯食到一肚氣, 極需甜品消消氣, 就俾多次機會佢. 叫o左個16大元o既合桃糊, 唉, 連少少香味都無, 好似食加o左糖o既生粉槳, 真晒氣. 食唔到兩分鐘, 仲一陣臭味傳來o添...原來有其他食客食榴褳斑戟...通風咁差就唔好賣o的厭惡性物品啦. 即刻唔走唔得.o拿, 各位同學, 真係唔好再要我陪你地o黎呢度喇, OK?

食飽飲埋野返屋企之前就黎買碗糖水俾細佬。叫左喳喳黑糯米外賣。返到去食左一啖，覺得都係正宗既喳喳好味過呢個，但佢好多豆，幾豐富。算係不過不失啦。

夜晚同個好姊妹黎食糖水.... 原來呢度除左糖水仲有麵食供應... 但我地都好飽... 都係食糖水算啦好姊妹點了(1) 付竹雞蛋糖水 (2) 南瓜粟米露個人認為南瓜粟米露唔錯.... 好creamy ~入口暖暖地... 幾柔和... 係值得推介既~可惜我住得咁遠.. 如果唔係搵姊妹都唔會來呢頭食野ar ~~

肚飽唔想食晚飯，入嚟整碗糖水算數。Order咗椰汁珍珠綠豆涼粉($15)、熱芋頭黑糯米($12)和椰汁香蘭糕($12)。兩款糖水都唔錯，又夠大碗。珍珠煙韌加涼粉爽滑，連埋椰汁同綠豆又mix得幾好。黑糯米亦煙韌，只係稍嫌過甜。至於香蘭糕，阿姐話係用泰國的香蘭葉搾汁嚟整，不過我哋唔係好食得出香蘭葉嘅味道，似係食咗加咗西米嘅綠色大菜糕，普普通通啦。

唔抵係指佢果個朱古力唔知咩30蚊一件份量好似好大但係其實全部都係cream好難食化左水由買至食都唔夠15分鐘最鐘意食鮮什果涼粉同男友一人一半已經好飽

黎親呢到都必食芝麻糊, 食完個口仲有芝麻香味, 又滑, 勁正榴槤班戟, 唔食唔願走, 未試過食過唔靚既榴槤, 次次都咁掂, 勁.木糠系, 麻麻

同傻鬼食完晚飯, 我唔係太飽拉左佢陪我食甜品. 我地叫左個鮮什果涼粉及芒果酒釀小丸子. 個涼粉唔夠3mins就上枱. 嘩見到都有d嚇人(係大份到嚇人), 心想今次食完一定好飽啦.有很多新鮮水果, 涼粉及珍珠. 仲加左椰奶係面好香好正. 等左大約7/8mins後, 傻鬼碗小丸子才來. 有d芒果係面, d糖水有好重酒味. 不過傻鬼話幾正(可惜佢本人係唔飲酒架), 所以佢只係飲左幾啖糖水.甜品無咩特別啦, 不過算係抵食啦. 我覺得抵食過筲箕灣個間啦. 不過d服務員好木口木面(特別位小姐).

今日同朋友去明記食糖水,舊舖有上層,仲有分吸煙區同非吸煙區,幾好!<br />我覺得最好食係楊枝甘露,不太甜又不太"希"! 其次最好食係"麻蓉糖丸",真係好好味,不太甜,可放心吃!!

聽朋友講話好食，所以就去食。叫左個芒果西米露，西米夠多芒果亦夠厚，不過水就似乎「希」左少少，就咁望落去其實都可以叫做抵食。點知食落去就知道碗野真係唔多係路！水係淡O既，芒果係酸O既，咁o既糖水都叫「好食」?仲可以賣到成巷成市?睇黎香港大部份人都係用「名氣」去介定D野好唔好食，而唔係用自己O既感觀去感受乜野係好食唔好食。由ORDER至到阿姐奉上食物都算幾快，可以一讚！不過食完見識過下就算，以後都唔駛旨意我再反兜！好食過明記既糖水舖大有人在。

聽人講話好正﹐結果係兩回事。叫左個芒果西米露﹐淡到無味。唔知點解甘多人等位。

我們三個在寒風下專誠去試試湯水，我想知明記在西灣河有幾多間？本來想食紅豆沙，比人評擊！大家都叫了大大碗的湯水，超抵食，而且仲很好味．我同叻叻叫的黑糯米仲走喳喳，甜味適中，ｄ黑糯米仲煲到爛晒，不覺硬呢！很軟！叻叻形容ｄ芒果勁浮誇，因為很多ａｎｄ大塊！好似條”利”ｗｏｗ！雜果西米路也不錯．很多生果！有人將西瓜誤為士多啤梨，笑死！明記真係好棒！

每次港島區遊車河尾站必定去這裡食糖水，新店旁有位泊車。紅豆冰(大杯，有西米)芒果pancake (好足料，果肉多數都新鮮，有一兩次差了一點)楊枝甘露(香而不太甜)大菜糕(懷舊)熱糖水還沒試過。

是我最喜愛的，芝麻味道夠晒香濃，又唔係太甜。楊枝甘露都唔差，值得一試!!

不嬲都好掛住佢0既楊枝金露，真係好好味架。琴晚終於又黎啦，琴晚(16/11)係尖咀食完晚飯，黎左食糖水。一坐低，諗都唔駛諗，叫左楊枝金露，之後再叫芝麻糊。楊枝金露真係好正，而家諗起都想再食。芝麻糊都幾滑。琴晚涼番好多，食完糖水即刻成個人凍左幾度。琴晚雖然係平日，但都算多人。

食完海南雞，散完步，去左明記食糖水，次次去都幾多人。我叫左例牌0既楊皮金露，佢叫左蜜瓜西米露。我好鐘意食佢0既楊皮金露架，而家講起都想食添。不過間野就舊左d，同埋d位唔多好坐。食完買外賣番屋企，買左西瓜蜜瓜西米露、芋頭紫米露同榴槤布甸。我返去都試左d，榴槤布甸ok，但太貴，$17，都係滿記0既榴槤pancake好食d。芋頭紫米露就一般，但d紫米唔會太硬，係做得出色0既地方。我發覺買外賣，仲耐過排隊等堂食位，奇怪!!!!