明發小廚茶餐廳

今日lunch time同同事去公司附近揾餐廳食，見近近地就冇諗太多，坐低就求其叫啲嘢食。午巿時間，餐廳唔算多人，一直都有吉位，其間又冇咩人揀呢間茶記外賣。入到去，待應比咗一啲常餐同飯餐嘅餐牌我地，見我地睇咗一陣都未落柯打，跟手就比多兩個散叫嘅餐牌我地睇，見入面選擇仲多花款，感覺待應態度幾好，肯比多兩個餐牌我地揀嘢食。我地就叫咗一個常餐同一個散嗌，點知落單嗰下，呀姐一聽到我叫散嗌，態度即時180度轉變，寫都未寫，即時同向樓面同廚房放聲大叫咗兩次食物名，不突止，仲對住我話話：「午巿叫呢樣，真係高難度！」。期間廚房師傅收柯打之後，就只係重覆咗食物名，就去整了。坦白講食物味道係唔錯嘅，整出嚟都新鮮，慶幸嘅係廚房冇助紂為虐，幫呀姐加我地呢枱料，令到啲食物更加「出色」…其實，我並唔介意待應坦白同我講午巿只會賣某啲食物，其他嘅就只會喺非午巿時段供應。咁樣既可以有效地同客人溝通你嘅期望，又可以心平氣和地道出你自己嘅意見。但喺呢位飲食從業員嘅身上，我只係睇到：佢恃住自己身為茶餐廳嘅一份子，試圖以主場之利同同事嘅交情去奚落一位食客嘅選擇，好彩嘅喺當時茶記無任何一位待應呼和佢，又或者作出一啲舉動慫恿佢去繼續言語欺凌我地呢一枱，只係緊守崗位，默默耕耘…大家都係打工嘅，放lunch大家都只係得一個鐘頭，打工無話邊個比邊個壓力大，邊個比邊個份工作更加高尚，既然係咁，點解唔可以多啲體諒，少啲爭執，話哂都係打工仔，相煎何太急呢？…查看更多

在香港，茶餐廳一直是城市生活不可或缺的一部分，經典的茶餐廳風味是以多樣化的選擇和實惠的價格而著稱。明發小廚是一家典型的香港茶餐廳，經營已久，這家茶餐廳有其經典的香港風味，也有多種選擇，提供早餐、午餐和晚餐等多種餐食選擇。今次我點了兩個餐，分別是他們的招牌菜式豬扒炒公仔麵和炒意粉，老實說炒意粉很平平無奇。豬扒炒公仔麵似乎也是他們廣受食客喜愛。這道菜以大蝦仁、雞蛋、青豆等材料炒製，再加上一片炸得金黃酥脆的豬扒，整體風味豐富多彩。豬扒的嫩滑和大蝦仁的鮮美相得益彰，每一口都充滿滿足感。炒製的公仔麵則保持了其彈性和嚼勁，炒得恰到好處，不會過於油膩。 明發小廚的菜式以實惠的價格和大份量而著稱。豬扒炒公仔麵的確不會讓您空著肚子離開。無論是作為午餐還是晚餐，這道菜都能滿足食客的飢餓感。餐廳的環境雖然簡單，但乾淨整潔，再者休息前落單都咁好發服務，服務員態度也尚算友好，而且也樂意回答客人的問題。如果您喜歡豬扒和炒麵的組合，明發小廚絕對值得一試，不過炒意粉太淋(可能是我外賣吧), 的确扣點分。…查看更多

茶記的炒粉麵, 打個分很正常. 但嚴重到要寫食評, 要不是好吃得一試難忘 (自問未遇過, 除了有一次幫富人派對打雜, 晚膳由香港會提供的到會中的一客揚州炒飯 - 那種香, 那種不乾癟的爽身, 蝦仔的鮮, 幾十年未吃過的青豆... 想起以後都未必有機會再吃 (那些散工可遇不可求), 差點哭了出來), 要不就是敷衍得令人不吐糟不行. 今次這一餐是下午茶時段. 可能是半山的關係吧, 連凍飲索價半百. 就是這個價位, 連午市貧民區午飯時間趕頭趕命的茶記也不會如此差劣.時間是三點多, 我點了一碟星州炒米. 上枱時, 其分量之少已令我打個突: 下午茶 ($48) 只是較正價便宜十元, 分量只有一般的六七成, 究竟貴店省下了多少錢? 茶記七成以上的成本從來都來自舖租人工, 我真不明白茶記們究竟是怎麼想.舉箸一夾, 米粉竟是串碎的. 這很令人不快. 吃了兩口, 發覺用筷子是對的, 不是因為米粉沒有再碎, 而是米粉碎得要用筷子掃進匙羹. 嚴格來說那碟不是星州炒米, 而是星州炆米 - 麵身稔得像湯米, 似是老人院的軟餐多一點.味道方面, 如果下了一把咖喱粉都可以炒得難吃的話, 那個難度實在太高了, 師傅的技藝應該未到那個程度.…查看更多

地方細細，但乾淨企理，食物新鮮熱腾騰，點了一個鮮茄牛肉飯，竟有兒時的咪道，很感動！另外，餐牌還有很多選擇，不愁一班朋友不合口味，價錢亦很相宜，下次仍會多試其他!…查看更多

今日下晝去咗上環這間茶餐廳食lunch看完餐牌，揀咗款$58乾炒牛河個侍應好好主動同我講話乾炒牛河今日係午餐之一所以話可以$55便可雖然係少少錢，但係我覺得好有人情味！為客人着想👏🏻👏🏻…查看更多

見餐廳最近裝修好，嗰裝潢幾靚，而且都好乾淨，所以就嚟試下。 叫咗蒜香雞（$66）同中式牛柳（$70），每款小菜加$10可以轉套餐，有白飯同例湯/飲品。 首先係蒜香雞（$66）。本來以為份量會好少，其實又唔會，數落都有將近20粒。蒜香雞係椒鹽嘅，好香口，而且唔會太油。雞肉介乎瘦肉同肥肉，唔算好滑但都唔會「鞋口」，再加上蒜香，正啊！ 跟住係大大份嘅中式牛柳（$70）。牛柳好淋，應該冇用梳打水浸過，牛味好重。份量唔少，而且牛肉都好厚。咕嚕汁酸酸甜甜，餸飯一流。 白飯方面，好大兜，有一碗半份量，而且飯粒都算香口。例湯唔係我嘅，但見到都算多料。至於凍奶茶，都算ok，冇咩特別。係半山區，呢個價錢，食到咁高質大份嘅食物，算好扺啦！…查看更多

住咗喺度10年，第一次來這間茶餐廳，比我嘅感覺係杯熱奶茶好夠熱，直情燙口！非常好！多士好趣博博，非常好食，雪菜肉絲米唔夠鹹（啱健康人士），我覺得真係好值得嚟試吓…查看更多

依家茶餐廳我由細食到大，起碼食左15年，雖然店內感覺有些不衛生，裝修非常塵舊，但味道尚算keep得到，可能因為做街坊生意，所以一直冇裝修過！我多數食下午茶餐，平時我食開扒芝腿三文治，熱辣辣，cheese流出來既感覺，真的好yummy😋而且不會過火候！腸仔煎蛋公仔麵也是我經常食，公仔麵彈牙，真的不用改出前一丁，而且湯底唔錯，不過我冇影到相三絲干炒瀬粉，都幾特別，多數出面都炒意粉，河粉。不過salty左少少，下次要叫少鹽！而iced lemon tea 特別大杯，出面一定搵唔到👍🏻…查看更多

在半山學校住宅區 有一家屹立多年的港式小廚 小妹在附近上學多年 從來沒好好品嚐 當越食越多創意美食 倒忽然懂得返樸歸真 看似最普通的菜式 其實最耐吃 明發的菜式很齊全 比酒樓的更豐富小妹外賣了一客泰式蝦醬海鮮炒飯 $47配熱飲 有蝦仁 帶子 蟹柳 炒蛋 洋蔥 生菜絲 飯好大盒 餸的比例也很多 飯不油膩 炒得很乾爽（師傅的功夫一流！控制油份不容易啊） 味道也很均勻 不會一口鹹一口淡 不過蝦醬的味道可以濃點 …查看更多

又再次來了, 上次的三絲炒瀨未能盡意, 今次試一試炒飯, 又係下午茶時段, 揚州炒飯, 與上次的炒瀨一樣, 炒得唔夠乾身, 莫非是此店師傅的特色? 但飯身炒得尚算粒粒分明, 沒有一舊舊, 味道亦適中, 材料如常的有, 义燒粒, 火煺, 蝦仁, 還加了生菜絲, 最令我感動的是, 所有蝦仁都除去了蝦屎, 若再加多些少蔥花便更香口了, 上檯後, 加了些少辣椒油再私下炒多一炒, 合晒自家口味, 三十元連香滑奶茶, 滿意的一餐…查看更多

港島山區茶餐廳，近HKU, 十分平民化，下午茶炒粉麵飯，只$30, 有好少下午茶供應的三絲炒瀨，當然要試一試，三絲係火煺絲，雞粒(唔係絲)，豬肉絲，瀨粉好難炒得唔好食既，這碟不算多，味道略咸，而且炒得唔夠乾身，太濕，幸好瀨粉先天性炒唔淋，還算不瀨.…查看更多

澳牛在佐敦，我家在中西區，實在相距太遠了！唯有在家附近吃早餐時，叫一客芝蛋治烘底止止癢。位於般含道的明發小廚茶餐廳，是整條般含道數一數二的茶餐廳。芝蛋治算是雙拼三文治，烘底同樣多收$1，連一杯熱飲現時計$21。不過三文治的厚薄，就和別的茶餐廳一樣，是薄薄的－通常是將一塊厚多士用刀一分為二。是澳牛才這樣慷慨...雖然叫了烘底，但火力不太猛，麵包烘得不深色不全面，但可幸還是脆口的；不過這裡的炒蛋夠火喉，其熱力能夠溶掉芝士，很讚！炒蛋調味得宜，很有蛋香味；只是有時候我特地Order「蛋要生D」，效果卻不顯著...見明發做此物尚算做得不錯，有一天膽粗粗起來，向伙計落Order時說，三文治要用兩塊厚多士夾著。大概伙計們還是第1次遇上這樣的要求，都大感不惑；幸好老闆娘明白我的意思，爽快地說「得！冇問題！只是多收一塊麵包的錢」結果呢？當時是$19的一個餐，變成了$27！也真誇張！大概是種阻嚇吧？這份就是Tailor-made的特厚芝蛋治了。蛋有點老，但少少脆身，幾惹味。最驚喜的是，芝士真的完全被溶化了！然而厚多士卻令人失望。也許是麵包的質素不太好，所以吃起來有點乾硬刺嘴。仲要咁貴，究竟憑甚麼？一定無下次囉！之後每個星期，還是安份地點回最正常的「芝蛋治烘底蛋生D、熱咖啡」。…查看更多

七月初(炎熱)要一大清早起來，只能夠在家附近吃個簡單早餐再坐車走，就去了車站旁的明發小廚解決算數。要了一向的醬占多士和熱鴛鴦，特別叮嚀要烘得再燶一點，這裡的算是做到了，起碼多士是真的外脆內軟，質地也不會太「空氣」，只不過醬和占都不香，令多士失色不少。熱鴛鴦只能說是夠熱，不太香和濃，也削，只是飲了半杯就算了。早餐只是廿蚊，但我依然寧願在家中吃碗穀物早餐才下樓也不來這裡。…查看更多

早上有點趕，到了順路的明發吃早餐。向來對它的出品無甚期望的我今早不太肚餓，於是要了一份奶占多和熱奶茶早餐。熱奶茶夠熱，也幾香滑，就算我一點糖都沒有下也不會覺得澀；至於多士為驚喜之作，首先夠厚切，最適合愛吃大大件厚多的我；其次老闆娘在塗料方面夠慷慨，多士面有厚厚的一層果占和多得滴下來的煉奶；第三是麵包質素高，充滿麥香和緊密的質感，咬下去會有煙膩的口感，而不是像吃空氣般無癮；這點也彌補了烘得不夠燶的缺點，只是微脆的表面反而和充滿咬口的麵包芯很夾。這份多士出奇地好吃，而早餐只是十六元，在般含道已算是又平又好吃的食店。:)…查看更多

8-4-20082:15pm 人在般咸道, 要食個快lunch, 求其撞了入0黎呢度. 見呢度有「馳名」鹽焗雞, 又叫碟飯(鹽焗雞飯$27, 可+ $5 要雞脾) 試試, 加個凍奶茶(+ $2).As expected d 雞係普通「卒」了沙薑粉的切雞, d 肉無乜味道, 好在沙薑夠惹味, 唯有蘸0下薑茸, 肉質幾0鞋, 好在雞皮薄薄的, 唔會一舊舊肥油; d 飯就太腍bad bad 又太濕, 米香欠奉, 唔0岩口味.凍奶茶稀稀的, 唔滑又無乜茶味, 甜得很, 似茶走多d, 又係唔0岩口味.環境係普通茶餐廳格局, 0係門口望入去好似好up dup, 但衛生情況算唔錯; 招呼都ok, 阿姐都幾好人.雖然麻麻0地好食, 但$30 有找食一餐飯, 點講都係平, 都幫襯得過的, 起碼好過港大canteen 的每況愈下美心燒味飯, 又或者去隔0黎老麥食埋晒d 「咁0既0野」吧!…查看更多