Star Palace

六時到達，不用等位，侍應安排入座。二人坐四人方枱，尚算舒適，開了龍井茶，茶味一般。本來想點魚、蝦，蟹 :咖喱麵包蟹~~無蒜茸開邊蒸蝦~~無６:40PM點菜，咁早就無。在門口看了有南非鮑$25/隻，但餐牌見是$50/隻，無叫。最後點了：孖寶~水煮酸菜龍躉球，南乳粗斎煲 ，一人免費送半隻乳鴿。我也不想再點了，唔想再聽到～～無～～。乳鴿先上，皮脆，有點鴿羶味，免費的沒要求了再來是南乳粗斎煲 ，熱辣辣，材料多，有茄子、白菜、粉絲、粟米芯、雲耳，雪耳，筍等等，南乳味足，味道不錯。最後上桌的水煮酸菜龍躉球，撲鼻而來的酸味、夾雜左大豆芽菜的草青味，我個人口味就唔喜歡大豆芽菜，所以先扣分，先呷一口湯汁，暖暖的，唔算熱辣辣，龍躉球有五至六件，魚肉唔鮮亦唔嫩，底部有大量粉絲，所以我們也沒有另叫白飯。味道夠酸，唔算辣，也夠麻，但所有配料加左一起就是不好吃。侍應主動送上椰汁西米露，有兩、三件小芋頭，椰水味香，甜度適中，總算有個甜甜的句號。埋單＄２１Ｘ，平，但唔算靚、正。…Read More

估唔到位於舊式屋苑入面的明星皇宮酒樓午市食點心都幾好味喎，本來冇期望，反而有驚喜，最特別係紅米脆脆腸粉，賣相特別得來，腸粉皮入面的油炸鬼和西芹又真係好脆口，好味！蝦餃和粉果又大隻，皮又唔厚，好足料呢；春卷正常，好脆；嗰碟黑椒金錢肚，好鬼大碟，牛肚大大嚿又夠厚，底層放咗芋頭，我怕油所以唔夠膽食咁多；最唔推薦食就係煎蘿蔔糕，唯一呢碟唔夠熱，亦煎得唔夠，而且粉太多好粘口。兩個人食七碟點心飽到上心口。這裏地方很大，有很多張細枱，枱與枱之間距離感一般啦，總括來說，食物質素唔錯，茶位$9一位：抵。不過唔鍾意呢度啲杯size 太細，一啖就飲晒一杯茶。…Read More

今晚第一次到這裡食晚飯，中菜酒樓我一般小去，為陪長輩無辦法，小妹最怕去酒樓食飯其中一原因就是隔離檯的高談闊論長輩同活躍型小朋友，幸好話裡都坐得舒服，檯與檯之間都有足夠空間位。🥢鮮果海皇卷 $88鮮果係入罐頭之前應該係鮮果，炸漿中間算鬆化脆口，邊皮厚了點故有小許硬，整體算不錯。🥢翡翠炒蘭花蚌 $98味道不錯有鑊氣不過是曾經，因為到上檯時已有點凍，蘭花蚌即桂花蚌爽口好味。原本叫了碟北菇羅漢上素，不知是否當晚主力做圍菜，等到最後我們都是取消了！…Read More

最近天氣凍凍地，我媽咪話唔想煮飯，所以夜晚就去左明星皇宮食飯。剛剛我地6個人，就叫左半圍喜慶宴套餐。第一：琵琶乳豬拼盤。乳豬的皮脆卜卜，好好食。雞件都滑滑的，但叉燒就普通。第二：芝士焗海蝦伊麵。雖然唔係龍蝦，但原來用海蝦煮都好match，不過，芝士醬就唔太濃郁，如果再多加一點點，就最好。第三：富貴花姿鳳片。西蘭花煮得有點硬，應該是剛剛熟。而雞片有點鹹，但花姿整體算是最好。第四：金銀鴛鴦配我對炸物好一般，只知道炸蝦會在放題好食d。第五：龍皇魚肚燴翅感覺飲芡汁，幸好蝦仁材料等都充足。第六：發財金錢鮑螺片冬菇好唔得，完全無味。第七：清蒸大海青班出奇地煮得好好食，魚好滑。抵贊！第八：至尊燒鵝皇唔算太肥，拍得住海港水準。最後，臘味糯米飯。個人認為太少臘味，唔夠香。再多d會更好。最最後，有個迷你壽包仔。岩晒食晒正餐，但又想食甜品的人。細細個，岩岩好。…Read More

爸爸生日飯book 左"明星皇宮"半席,價錢888仲包左茶芥&加一,最重要喺份量好多,足够10人食頭盤乳豬半隻, 乳豬嘅皮好脆,肉多,我哋一陣就清碟啦千島汁天婦羅蝦,大大隻,外皮很脆,上碟時仲喺熱辣辣,點上千島醬,大人小朋友都鐘意食,咬落去脆卜卜,又唔會太油,有濃濃嘅蝦味.碧綠花姿螺片,茜芹爽脆,螺片和花姿都很淋,沒有咬橡筋嘅感覺,加上少少嘅芡汁,好好味.金瑤燴雙蔬,份量多, 生菜脆甜, 瑤柱和菇都好味,但啲菇就鹹左少少.鮑參燴翅, 每人一大大碗,有很多肉絲和蝦干等..不會太鹹和腥,味道啱啱好.食到最尾都沒有變生水,喺足料嘅保證一魚兩吃第一道, 枝竹雲耳蒸頭腩, 魚腩好滑,雲耳爽口.,枝竹放底層索左魚汁好入味,但就唔夠淋第二道翡翠炒球, 翠肉瓜的份量好多又脆,魚肉就炒得有少少"鞋"脆皮燒雞,賣相很吸引,聞起來好香,皮燒得脆又薄,肉質嫩滑.鮮蝦荷葉飯,真喺要試一下,因為多數食到尾都飽而唔想食飯,但這飯好香荷葉味和鮮蝦味,口感很爽唔會痴喉,味道啱啱好,我哋每人食左一碗.蓮蓉壽桃包,小小個份量岩岩好, 蓮蓉幾滑,又唔會太甜最後仲有生果盆添真喺豐足,好味,抵吃夾大件嘅生日飯.…Read More

就算呢度無明星，都坐底食一餐先喇！今晚2人點了菜式，就是红燒BB鴿，BB鴿都幾有肉地同香口！ (抵食推介$16，每1人只可點半隻)白灼海生蝦，大大隻蝦，鲜味十足！椒絲腐乳炒通菜，非常惹味，胃口大增！清蒸沙巴仔，都幾大條嫁，蒸魚時間恰到好處，不會過熟，我覺得美中不足就是魚汁比較淡味！海帶綠豆沙，餐後可以滋潤一吓，凍食我至啱！奉送生果盤，幫助消化，暢通腸胃！…Read More

同幾個朋友 一齊團拜可以去下 新開嘅明星皇宮佢哋 炸明角 非常新鮮又好味佢哋嘅 伊麵 亦都非常好食燒賣呀蝦餃呀 超乎水準水滾茶靚最緊要 個場都夠大 可以坐好多人 又有細枱又有大枱與朋友相聚 不亦樂乎…Read More

特價下午茶時段，有部份嘢食特別抵食，即管黎試吓。紅燒BB鴿$25係乳鶬，細細隻，唔算多肉，但外皮夠香脆，仲熱。蟲草花小籠包$10$10有四隻小籠包，手工錢都要啦，唔好太高要求。外皮厚度一般，唔係係好薄皮。入面湯汁夠多，可惜鮮味唔夠。以$10黎講就絕對係水準之上。蟹肉湯伊麵$20成碗湯都冇蟹味，似係味精湯。搵黎搵去只見到一梳仔蟹絲，其他都係蛋白嚟。呢碗只可以話係香菇蛋白麵，好齋合桃叉燒酥$16好香牛油味，冇合桃味，溫度只係微暖。沙律脆雲吞$14味道一般，冇乜餡，炸得好脆。…Read More

第一次打食評星期二諗住近近地去新開既明星皇宮試下初試下午茶 點心難食 溫度唔夠熱鮑汁鳳爪更是難食到極！除了豉油味道外，沒其他味道。漏單，上錯點心 。希望有機會再尼會有改善…Read More

星期三不用上班，於是與媽媽中午飲茶。據知明星皇宮在粉嶺祥華邨開了新店，本著身先士卒的態度，看看有沒有新發現。茶錢九元;午市點心小點十六元；中點二十元；優點十八元，屬街坊酒樓價值。至於點心質數，牛肉球比較淋，不夠彈口；雞包仔餡料和包的比例適中，味道正常；時菜鯪魚球熱乎乎，魚味突出；咸水角預先炸好，上枱時不夠熱。枱上攞放了晚市的餐牌，平日龍蝦$75；京式片皮鴨＄78；＄乳鴿26；蒸元貝＄58，價錢頗吸引，有時間下次可以再試晚市。…Read More

前排知道粉嶺祥華邨開左間新酒樓 - 明星皇宮，今日專登嚟試吓，嚟到見到呢個告示。 但聽人講明明嚟飲過茶架喎，死心不息問下途人，原來門口喺地下。終於搵到，點心好多選擇，下午茶時段亦有特價點心。價錢都算合理，始終喺屋邨入面。蟲草花小籠包$10 - 好平，但蒸到有啲過火，變左形，少湯汁，亦唔見有蟲草花。高湯魚肚鮮竹卷$16 - 魚肚兩大件仲厚切，鮮竹卷味道唔錯，湯亦好飲。香煎三色糕$15 - 蘿蔔糕、芋頭糕、馬蹄糕，三款都ok，最好食係馬蹄糕，清甜。翡翠鮮蝦腸$24 - 係即拉腸粉，腸粉皮幾煙韌，蝦肉亦爽口。可以選擇搭枱或唔搭枱，茶錢都係爭一蚊。人手不足，服務麻麻。 順便一提呢度鐵觀音好香，好好飲! 因為粉嶺火車站行過嚟都算近，以後同屋企人嚟飲茶，又多一個選擇。…Read More