MING MING CART NOODLE BAR (Hennessy Road)

-$63 招牌車仔麵-食物：招牌車仔麵（糖心蛋，魚皮餃，酸齊，雞翼，魷魚，牛腩）-重點食物：糖心蛋（都流心），酸齊（好少車仔麵有酸齊食，幾特別），蒜辣汁（重蒜味，可以叫店員多汁）-環境：裝修都好迫，午飯時間有好大幾會要搭枱。staff 的服務一般，因為太趕。另外，記住落左單唔好自己換位，因為每張單都印定左係邊張枱，一轉店員未必搵到你。-總結：食物質素都正常的，於終車仔麵難食極都有個譜。經過灣仔都可以一試。…Read More

下午茶時間見舖頭食評唔錯，買咗一個30元招牌小食咖喱蘿蔔魚蛋魷魚。一打開個盒裏面得五粒魚蛋兩嚿小蘿蔔一嚿魷魚，雖然呢排物價通脹都唔使得咁少😅，食落去魚蛋一陣發粉味，蘿蔔唔甜，魷魚唔入味。畀啲咁嘅質素，收客30蚊，唔會再幫襯。…Read More

今日差唔多9點先係公司走，肚餓到一個點，所以打算求其搵間餐廳入去食。之前疫情期間d餐廳都好早收舖。宜家放寬哂，總算係夜晚多番d食肆可以揀。行去巴士站既途中經過呢間車仔麵店，覺得平靚正就入去啦。自選三餸加一配料 ($42+$2)麵底我揀左河粉，配料就有魚片頭+特制酸辣菜+ 牛根。成碗麵好大碗，一睇就知食唔哂😅 先講個魚片頭，一共有2塊，三角型的魚片頭超厚身，肉質有彈性同結實，所以咬落好彈牙&好香魚味。而特制酸辣菜係由酸菜+荳牙+辣椒制成。不過酸菜本身唔算辣，辣味主要由辣椒而來，唔食得辣既朋友要慎選。而牛根係要另加$2，但因為我中意食，無辦法😂 店家都放得幾多牛根，軟淋淋既牛根充滿膠原蛋白☺️ 雖然我食唔哂d河粉，但多多的牛根都食得落🤓✌🏻凍豆漿 ($9)個豆漿無得揀甜度，因為一早已經入哂膠杯，放係雪櫃入面。如果可以揀少甜就更好。至於味道就正正常常，無乜特別。…Read More

「明明車仔麵」，不如改返個名叫「明明雞翼尖專門店」🤤係食完會掛住幾日想再返黎食，睇個賣相好似元朗乜仔咁，其實個味都似乜仔，但係明明既版本更香更辣，雞尖仲好厚皮😍呢度咁大碟只係$20！跟住叫左個3餸麵下午茶，其實即係送熱飲，車仔麵真係普通野，勝在平價，叫左冬菇豬軟骨炸魚皮油麵（魚皮唔記得影，有5-6舊大既另上）車仔麵要食油麵先有靈魂，豬軟骨超淋，而冬菇本身滷過所以好夠味。仲叫左個菜，菜就正常野啦😂😂…Read More

老公係呢頭放工 好肚餓我地入左明明車仔麵到食野 好好食😋好大份 岩哂我地 佢叫左招牌麵$63 有魚皮餃 魷魚 牛腩 糖芯蛋 酸齋 雞翼 好大份 夠份量 我就叫左三餸一麵 紅腸 豬軟骨 魚片頭 好正…Read More

成日搭叮叮/巴士都會經過 今日約咗frd喺灣仔飲嘢 飲嘢前就過嚟食咗碗麵入面嘅裝修都係典型嘅車仔麵舖3餸麵$42, 4餸就$47 係灣仔嚟講 都算幾平價同朋友都係嗌咗4餸四餸車仔麵 $47份量都幾豐盛 啲餸鋪滿晒碗麵價錢又唔算貴 所以都無乜要求:)唔係難食到入唔到口都可接受了湯底嗌咗腩汁 但望落同食落都相當清淡🫠豬腸 +$2好乾淨嘅豬腸 同埋一啲肥膏都無(有肥膏會開心啲🦦豬軟骨 +$2都幾入味 但有啲位就比較乾魚腐無乜味嘅:(蘿蔔煮到好淋 都幾清甜嘅朋友嗌嗰碗有咖喱魷魚 色水深啲 吸引啲兩碗麵埋單$102, 算係咁啦~…Read More

去開灣仔 有時想食少少野就會第一下諗起食車仔麵🫣而明明車仔麵 係其中一間令我食完會再幫襯嘅車仔麵鋪黎🤣餸嘅選擇都算幾多 而且有啲餸係相對少見🤫例如 甜酸齋 酸辣菜 糖心滷蛋 燒汁豬軟骨等黎過三次 而每次都係叫公仔麵底🍜而有樣餸 係我每次黎食都一定會叫嘅就係炸魚皮🥰明明車仔麵嘅炸魚皮好脆口🤩浸一浸落個湯底到再食口感又去左另一個層次😝墨魚丸好新鮮 冇腥味 好有咬口☺️甜酸齋好入味😉肥牛唔會太多肥邊 而且肉味夠濃😍牛腩都好淋食 吾會好硬😜最後就係凍奶茶 幾鐘意個茶底 夠香😛埋單都係$50左右 係灣仔地段黎講算係正常價身物質素吾差 環境乾淨 簡單企理🤣…Read More

喺灣仔區食車仔麵，不得不提明明車仔麵，筆者我已經幫襯過無數次，但而家先得閒上嚟寫食評。因為公司喺附近，所以我多數選擇外賣自取($42三餸，送紙包飲品)，呢間分店會放張茶几喺門口，方便叫外賣嘅客人喺門口攞紙仔寫食咩，客人最好寫埋自己個姓氏，因為轉頭嗌攞外賣係靠姓氏去識別架！寫好之後交俾入面嘅店員，俾完錢之後就企喺外面等。之後，你會聽到一把響亮嘅女聲喺度大嗌："姓陳嘅米線....."、"姓黃嘅米粉......."，叫啲客去攞返自己份外賣。食物方面，基本上佢每樣餸都係好味，我同同事食過咁多次，暫時未試過有劣食，印象中只有一次整得無咁好食之外，其餘每次都係高質素保證。我最中意食佢嘅豬軟骨同豬紅，前者整得相當入味，軟骨煮得啱啱好，唔會太硬或太軟；至於豬紅就係車仔麵嘅絕配，質感非常有咬口，同湯底好夾。不過，自從佢豬軟骨要另加$2之後，我都少嗌左，因為佢仲有好多其他車仔餸可以選擇，今次我就嗌左墨丸、通菜同埋豬紅，味道一貫地高質，但通菜份量就略少。整體嚟講，明明車仔麵算得上係灣仔區一間高質車仔麵。…Read More

灣仔返工遇到嘅問題係， 午餐時間邊間餐廳都好多人，等位要等好耐😵‍💫見同事極力推介呢間車仔麵，我就梗係要買嚟食下😆我就簡咗燒汁豬軟骨、豬紅同埋通菜配米線，加咗滷水汁同辣汁😋豬軟骨好入味又好淋，豬紅係我食車仔麵必食嘅餸，份量好足😋外賣仲會送一包紙包飲品添😆…Read More

灣仔10點真係無咩選擇，見到有車仔麵，就即刻沖入去食，太肚餓了。諗住肚餓食咩都好食，但個肚都覺得難食。$42 3餸1麵$47 4餸1麵凍飲+10 熱飲+8叫左蘿蔔、滷水雞翼、豬大腸油麵加左杯凍飲🥤👍🏻蘿蔔幾清甜，雖然睇得出放左好耐，但咬落都仲爽口既，清甜，無咩根。👎🏻滷水雞翼 ：無咩味，好似無味雞翼甘，睇色水就知。豬大腸：臭左，仲以為自己味覺有問題，點位隔離檯都話臭搞唔掂。最後店員自己試完，收返可換其他餸/減返錢。湯底：一般，個咖哩系咖哩醬 要自己撈麵：正常其實夜媽媽都只系想是但食下野，飽肚就得。結果系好唔開心地食完走左。…Read More

今日同朋友係灣仔食Lunch，朋友話想食「車仔麵」，提議去「明明車仔麵專門店」，原來這間車仔麵係專門店，有好幾間店舖，我之前都未食過，一於去試吓先。 我最後揀咗「招牌麵 🍜 $60」，包括 6 款餸1️⃣ 魚皮餃2️⃣ 魷魚3️⃣ 牛腩4️⃣ 糖芯蛋5️⃣ 酸齋6️⃣ 雞翼朋友則揀咗：7️⃣ 任選三配料加一麵 $428️⃣ 忌廉 $9整體來講：味道都算唔錯價格💰：$111 ($60 + $42 + $9)注意⚠️：堂食最低消費 $40…Read More

附近有幾間車仔麵檔 最後揀咗呢間 第一次食揀咗3餸1麵，雞翼尖，豬紅同魚片頭，同埋咖哩湯底，咖哩湯底每個地方整嘅都唔一樣，呢間嘅咖哩湯恰到好處，唔會好黏稠，亦都好夠味，唔辣嘅，唔錯。啲餸都係好唔錯。另外杯凍奶茶奶同茶比例都剛剛好，即使飲到尾都唔會因為啲冰而變淡。所以呢間可以encore 再食…Read More

今日中午想食車仔麵，見到明明車仔麵嘅好評頗多，而之前食開嘅車仔麵又咁啱執左笠，所以決定試下呢間！明明車仔麵喺灣仔嘅分店都有三間(軒尼詩道、克街同埋皇后大道東)，仲有一間喺北角，車仔麵生意嚟講，分店都幾多！今日試嘅就係位於灣仔軒尼詩道89號地舖(OK隔離)，地鐵站行5分鐘就到架啦，都幾開揚幾方便嘅~中午放飯時份，去到門口已經見到一大班人排緊隊，原來佢地係買外賣嘅，我地一行二人堂食就即刻可以入座了。入到去先發現內裡環境比我想像中嘅大一倍，堂食同外賣一樣咁多人，入座率近100%，足見呢一間餐廳嘅受歡迎程度。落單方法係傳統嘅寫紙仔，$42 三餸一麵，加$9有杯凍豆漿，total $51 埋單。筆者嗌左豬紅、雲吞同豬軟骨，配油麵；味道方面，非常高質，絕對值呢個價錢，其中豬軟骨特別入味有咬口，非常好食；份量方面就啱啱好，唔多唔少，如果當日特別肚餓嘅朋友可以要加底，咁就實夠食了！總括嚟講，都係一餐好高質嘅車仔麵，灣仔返工返學嘅朋友一定唔好錯過！…Read More

本來想食附近既麵店點知紅假無開....好失望呀就0係附近搵食呀見明明車仔以前食過都OK(不過唔係呢間分店)就入左去呀點左~豬紅生菜九菜餃米粉(咖哩汁)生菜幾翠綠豬紅都合格既無怪味仲唔會好淡果隻九菜餃就正常呀個皮唔會好厚米粉份量就一般啦我食得唔多既覺得剛好囉咖哩汁唔辣純粹想個味道豐富DD呀~酸齋生菜魚旦油麵(沙嗲汁)魚旦好彈牙呀呢個推介酸齋可能好多年無食過覺得OK其他都可以呀…Read More

金鐘區想搵間粉麵食下已經難, 搵間好食既車仔麵, 就係難上加難, 剛好有外賣速遞app推九折優惠.正好試下外賣明明, 之前夜晚試過堂食, 都係時候重溫一下個味道.與一般車仔餸唔同, 有自家製既蒜辣雞翼尖、甜酸齋、糖心滷蛋同南乳豬手, 哩D都係比較少見, 當然都要試返車仔麵既常客, 豬大腸同蘿蔔. 大腸既通乾淨左, 亦都醃得好夠味又淋身.,蘿蔔居然係清甜既, 唔似出面用糖水浸到入味, 完全係自身既味道, 既無渣, 淡口得黎, 帶少許清甜味. 蒜辣雞翼尖有少少辣, 蒜味亦好濃, 唔食得辣既就可能會頂唔住. 糖心滷蛋唔會滷得好咸, 仍然保有蛋香味, 重點入面仲係流心. 甜酸齋真係齋舖入面既味道, 因為某間車仔麵舖亦有哩款餸提供, 但係就會似炸過龍既豆卜咁, 食落較油膩, 但係明明既就唔會, 酸味令胃口更好.平時唔會食咖喱魷魚既我, 久聞明明製既係好好味, 所以我都嘗試下, 果然係整得非常淋, 咖喱好入味, 唔會有水魷既味道.…Read More