明新焗飯小廚 (Closed)

安格斯牛腩撈丁，好得意喎﹗從未見過又未食過安格斯牛腩，肉眼、西冷就食得多。牛腩炆得好軟棉入味，但大舊既就有少少渣囉。連安格斯牛筋都有？哈哈，真定假呀？爽爽滑滑。丁麵無過腍都滿意，西汁份量足夠撈整個麵，只係味道略甜了一點點。整體幾好食，可以試試。梨山骨，咩黎架？新菜色梗係要試啦。起初估係鳳梨，點知職員話其實只係個汁叫做梨山啫，莫非個原創人叫做 Lisa？梨山清甜，配排骨都幾夾。排骨豬味濃，骨少肉多又唔會肥騰騰，夠腍滑有趙口。清炒什菜，又炒得幾好喎。白菜、菜芯、西蘭花混炒夠鑊氣，爽甜多汁，靚菜！楊州炒飯，終於食到個有質數又足料既楊州炒飯喇﹗有叉燒真係差好遠，味道香口好多﹗炒得乾爽夠鑊氣，蛋香非想，落足蛋無搵苯。味道調得剛剛好，好味道 ﹗無生菜絲真好，唔會搞到濕淋淋，不過無蝦仁囉。撈埋個梨山汁，半咸半甜仲食得過癮。咖哩牛腩，咖哩味香濃，味道好鬼似合味道咖哩杯麵，勁得意。不過咖哩汁就濃郁過合味道多倍，而且更加芳香，味道始終離唔開港式茶記咖哩膽，香料組合都差不多。嘩，用上靚牛霖做牛腩喎，鬆化中富彈性又無渣，滾上大量咖哩汁微辣帶甜，滿意滿意。魚香茄子炆伊麵，伊麵煮得非常好，嚥韌富彈性，完完整整無過

豬扒包X薯仔沙律 $28希望在他結業前食一次 今日終於有幸試到佢既下午茶👄👄 豬扒包身烘至脆卜卜 夾住香煎豬扒,蕃茄片,沙律醬 衝擊我既味蕾👅沙律份量十足推到成座山感 加了青瓜,紅蘿蔔和紅腰豆 顏色更豐富 帶俾你視覺上既享受 食落幾fresh😆 下午茶自由配搭 一款$22 兩款$28 三款$34 自由度十足!! 點了奶油脆豬 雞脾和司華力腸😁😁先講脆豬豬🙆🙆 堅係脆唔會好似有啲茶記感硬掘掘🙊 煉奶牛油雖有罪惡感 但食果陣太好味已忘一切 磅數甚麼的...雞脾皮炸得香口脆卜卜🙋ps小店做多一 兩個月就會執🙈🙈 要食襯早啦!!👣👣

「如果~~命運能選擇~~」無錯，命運是唔到我地去選擇。但食D乜，就絕對係由我地自己去選擇！今日下午茶來到『明新焗飯小廚』試一試它的下午茶。近來香港很多茶餐廳、快餐店，因為食材、租金等因素，以往最經濟實惠的下午茶都變得不再「抵食」，而且選擇更愈來愈少。好多時付出了二、三十元，卻完全沒有滿足的感覺。但『明新』可算是比較花心思、動腦筋，懂得做生意的食店。一看下午茶餐牌，最頂的一欄已經立即吸引了我的目光！可以在13款食物入面任選，1款$18，2款$24，3款$30！「有得揀先至係老闆」最先吸引我的當然是「雞脾」啦，下午茶嘆返隻脾，真的是人生一大樂事。但單單一隻雞脾絕對不能夠飽肚，於是將目光投放到一眾麵包多士類，最後決定來一個「厚多士」！多士可以自選醬汁，我點了一個「奶醬多」！人是貪心的動物，我當然不甘心只吃兩款食物，一吃就要吃三款！最後決定了「薯條」！下午茶餐是包熱飲的。三分鐘後，食物送到「奶醬多」、真係好多奶醬。因為夠多醬，所以味道一流，不過多士其實唔算特別厚，而烤得也不夠脆口，整體都算唔錯！「油雞脾」，無搵笨，真係大大隻！啖啖肉，正！不過D汁唔多夠味。只有雞皮有些許味，去到雞肉就比較淡，不

星期天與另一半外出食 Lunch. 唔知食咩好, 去咗一直未有機會去的大元村. 美食廣場平台有好多食店, 但另一半見到有門口餐牌有 Laksa, 所以二話不說就入去食. 普通的茶記, 但有好多焗飯同碟頭飯可供選擇. 一坐低就已經送兩碗足料例湯, 是日係 ::青紅蘿蔔煲豬骨::, 好甜好好味. 另一半叫了 ::肥牛 Laksa::, 味道係okay嘅, 但當然唔係好正宗啦, 不過我唔會話佢差, 因為你唔太認真當佢係 Laksa, 佢係一碗有 Laksa 影子嘅湯粉, 味道唔錯. 我就叫咗 ::什肉腸黑椒汁焗飯::. 汁好香好味, 炒飯底亦乾身, 如果個炒底可以再多少少蛋會重香口. 汁嘅份量足夠, 唔使就住就住咁去撈飯. 因為價格合理, 味道唔差, 好過去大X樂比$40幾蚊食焗豬扒飯, 絕對會有下次!! 最重要係好想試埋其他汁~~

溫習過後，在大元村附近搵野食。見到美食廣場四個字，咁就不如上去搵下啦。上到樓上，有好多鋪頭都已經關左門，就入左去「明新」試下。一入門口，一位應該係老闆嘅人即刻走左出黎招呼我，帶我到座位坐，仲講左句「向E邊坐吧，有電視睇」。剛坐下去，即刻有人拎左碗湯比我啦。(服務態度真不錯)看看餐牌，就叫左個茄子肉醬焗飯，加杯凍菜蜜。之後，就慢慢品嚐果碗南瓜煲豬骨湯啦。飲落去幾清甜，不過就冇咩南瓜味，似飲豬骨湯多啲。不過飲得出係冇咩落到味精嘅，幾健康，幾好飲。最後，試埋碟茄子肉醬焗飯。一食落口，熱辣辣，發覺啲肉醬真係我前所未試過咁好味，普通茶餐廳可以做到咁嘅味道，真係唔讚都唔得。茄子份量唔算多，細細條，啲肉醬入哂去都幾好味。啲飯就好有咬口，我個人就很喜歡。總括而言，就真係啲醬汁係成碟飯嘅精髓所在。最抵讚嘅係，員工都能保持笑容，而且非常好客。老闆見到有人係門口停低，都會出去招呼人，真係一個好老闆。下次有機會我一定再黎食，茄子肉醬焗飯同你地嘅招待。

試後活動~ 好耐都無出過街食野啦... 同男朋友係度諗緊食咩~ 就去大元村搏一搏... 因為好耐之前去過~ 但係上到去竟然全部收晒檔... 原來而家有好多檔都做夜市~行到上去見到頭果幾間既食物都唔係太吸引~ 行到最尾果間就見到有個好熱情既職員招呼我地... 而且餐牌D食物都好似幾吸引價錢又合理~ 於是入去試下啦...剛剛無晒卡位~ 職員主動講"中間位丫~ 睇電視舒服D"... 果然夠細心呢 環境企理整齊~ 服務員態度欣勤... 主動送上是日例湯 - 冬瓜煲豬骨五香肉丁蝦仁炒飯: 男朋友叫左哩一個~ 味道比想像中淡... 不過飯底炒得唔錯~ 而且只係等左大約五分鐘就已經上檯... 食物好熱~ 炒飯唔會炒到油淋池... 真係唔錯 甜醋海鮮炒烏冬: 鍾意食酸野既我就叫左哩一個~ 等左大約十分鐘就黎到啦... 真係估唔到咁好食~ 醋味唔會太濃... 不過點解無蝦既? 唔通去晒蝦仁炒飯度? 凍檸茶: 唔錯~ 不過可以做得更好 食食下~ 人都開始多^^ 而且職員不斷招呼每位客人... 外賣不斷~ 應接不暇... 但係並無要食客等待多過兩分鐘~ 小小既一間食店都能夠做得咁好... 值得繼續支持~

今日上左大元覓食...本來唔知食邊間...行到呢間店門口...店員有禮地介紹食物.叫我們試下啦就入左去...店員好有禮話可以添飯....我就叫左個咖喱鱼柳飯.有湯.有華田.28元....湯差的.....好似水咁無味.明顯料小水多華田就唔錯....奶同華田粉比例剛剛好咖喱鱼柳飯.咖喱汁...辣而香......鱼炸過好香...加上咖喱汁味道又香又脆28元.我覺得超值

一直以來 最令我覺得推介的是佢地下午茶 ~~ 西多士 及 雞翼薯條先講西多士 好抵食 : $14 (一定要煉奶) 好有舊式茶餐廳 FEEL 超正再來雞翼薯條 : $18 兩隻雞翼大大隻, d 薯條又大大條 熱辣辣 有時真係 為左食薯條而叫我係一個熱愛食雞翼0既人, 都話個薯條 正過雞翼其餘的就~~~ 大家自己試試啦, 不過 呢兩個下午茶 真係誠意推介我同我個fd 一個星期 都有幾日去食家, 連我阿媽 都話佢西多好食呀 哈哈

係大元平台E度…成排都係食店…都唔易架喎…呵呵…吸引左我地入去...就係佢地既店員好NICE 咁介紹…同幾得意既野食喇…豬扒芝士汁撈丁噢…芝士汁?!!?? 一上菜…又幾香喎…撈下先…又唔係好杰喎…唔怪得之係汁而唔係醬喇…食落口…比預計的淡味喇...不過咁就冇咁滯…丁丁有D淋…有D CHI 埋曬一埋…豬扒又幾香口脆~但只是小小的3件…常餐的厚多士真係幾厚…仲好脆TIM 架…要快D一上菜就食左先…好多的牛油呀…至愛的~ ESPECIALLY溶掉了~!!!肉醬撈烏冬又係新的配搭喎…食食下…冷左D…就變得好杰…撈唔到了…本身有隻生旦在中心的…可是撈左落去…就唔見曬LU…可要求煎左佢…就見食了~烏冬都幾軟身下…嘻…佢地…可唔可以發明…焗烏冬呢???流水式的作業…店員都好快手呀!!!

5月22日~之前見間野岩岩開~走去試食wo~唔知係咪因為新開...雖然都係平價餐廳...但d料做得幾足~叫左個<"紫蘇?"吞拿魚焗飯>~$30 (凍飲再+$2)@@! 另送湯wa~~未見過吞拿魚焗飯d吞拿魚係咁大舊架!!!!平時食開都係碎既魚肉...這兒是一舊舊大大舊的~ (叫這個餐幾好...岩哂成日想食唔同野既人....有得俾你揀要咩"送"...又可以揀飯,意粉,烏冬.etc.....又可以揀用咩汁焗..有芝士,蕃茄,黑椒汁等...good~)另外叫左個小菜"金x?"豬頸肉+白飯一碗~$38 (凍飲再+$2)@@! 另送湯好味呀!佢用d蛋黃整到好好食...底下仲有d炸烏冬...再叫左小食~2隻雞中翼~$15呢個係無咩特別~但係好欣賞佢....2隻雞翼咋...咁都竟然會係碟上做點裝飾...很有心...仲有呢度杯凍檸茶夠大杯~i like it~! 5月23日真係好想再試...第2日下晝又去...叫左個芝士豬扒撈丁~仲有塊多士~$25 (凍飲再+$2)@@! 另送湯另外叫一個午餐~好似叫芝士腸肉醬焗飯~$26 (凍飲再+$2)@@! 另送湯都唔錯....不過佢有d下

:那次食晏諗住去大元平台搵野食,經過此間餐廳諗住睇下有咩野食,有位小姐企響門口好nice咁同我講,"新開張咖,入去試下啦" 見佢地個個都笑容滿臉,咁就入去試一試啦....我見佢地都好多款式選擇,見隔離位人兄食緊個焗飯好香,就點左同佢一樣既芝士汁豬扒焗飯以為焗飯要等好耐,可能係午餐時段,我等左兩個字到就有得食,見佢賣相ok,又香噴噴,自己個心就諗,千其唔好令我失望呀,唔.......ok喎,味道夠濃,d飯唔硬,份量又夠,果然無選擇錯本人響大埔做野,都試過好多餐廳,以價錢,味道,份量,服務都有90分以上大埔既朋友可以去試下............值得一試