2
1
0
2-min walk from Exit A, Whampoa MTR Station
continue reading
Opening Hours
Mon - Sun
14:00 - 01:00
Above information is for reference only. Please check details with the restaurant.
上篇跳寫了大圍的'晶晶涼粉' - - - 獨特好味叫人念念不忘, 今篇要寫回這個'街頭廚神'的小檔子, 上次寫到黃埔這地區成了我們新寵兒, 近來很多個假日都在那區'搵食', 一條民泰街已經有好多店引起我們的興趣去試, 而這條街的幾條內街真是有幾間不錯的小店; 況且前文提及那兒有新開的茶記乾淨企理價錢合理亦令我們去多了, 尤其是之前在尖嘴美麗華附近食個茶記常餐, 真係頂~ (佢唔順!!!), 人脆豬/佢脆豬, 原來脆...並不是必然的, 而去過金豪, 才知多士原來可以做得這麼難食... 我真是不細心...食過唔好的才明白有些東西人家下了功夫...我吃下去以為很尋常以為這是Standard, 原來分別可以好大!! 所以有時間坐車, 我都要求去多了黃埔, 起碼知道那兒有那些食物是值得我煩少少走過去的. 關於阿廚神, 其實我去幾次都唔知這店的真名, 因為一直以為真是叫'街頭廚神' (原來只是個'稱號', 同某節目有關 - - - 須知今時今日真係好難叫到我睇那個台的節目, 成日當觀眾水平低至無可救藥的地部去制作嘅嘢又點會好睇?! 唔睇呢~ 人生就多番好多寶貴時間!) 誰知一入search engine 打'民泰街'+'街頭廚神'才知這店叫明德.嗱~ 好難唔叫我誤會~ 係寫住街頭廚神o麻 款式多到呢, 要我即時決定真係一大難題仲有呀~好, 竟然有陳皮魚蛋, 就食住幾粒先, 因為有人堅持要拉我走, 佢話: 喎~魚蛋不是大大粒鬆彈假到爆那種, 但吃下口有淡淡的陳皮香味都頗特別, 可以一試!食飽飽, 快啲去買番我想食的咖喱魚蛋先~ 每次去完新澳食晚餐都有同一個問題就是吃得過飽, 想食媽咪雞蛋仔又好, 想食廚神小吃都好, 要買走返歸當宵夜吃, 即場真是吃不下~這份咖喱魚蛋呢~ 話說一路坐車都一路香噴噴真是引得人心流口水~ 咖喱個醬調得很好, 很香而且'有回甘', 這個是值得推介~ 這個炒腸粉是值得一寫的, 我們吃的時候只剩微暖都這麼好吃, 可想而知即時炒起時幾好鑊氣寫這篇之時我們都再度幫趁食了好幾次其他小食, 即炒的最具水準, (例如那個即炒魷魚鬚超香辣惹味正到爆! 下次整理好相片才再寫), 價錢經濟實惠, 食得過有餘! 最主要是睇得出佢好有心做, 醬汁都很惹味, 希望佢生意'為到皮'捱到出頭! 睇得出呢啲都係辛苦錢, 力不到不為財! 唔理是自稱抑或由誰人封他為廚神都好, 在這條百花齊放的小街站得住腳都有一定實力~ 喜歡吃街邊小食的不妨去試試支持一吓! 街頭廚神 --- 笑面! 下次再見!
continue reading
新開在雞蛋仔旁的小食店，菜單多得不得了，有魚蛋、內臓類、油渣麵等等。但最吸引的是狗仔粉；我小時候並沒吃過，但最近試過一次之後覺得很不錯。這𥚃價錢算便宜($20)，我和朋友share所以點了不要辣。湯底較淡(另一間狗仔粉專門店，即使點不辣的還是很濃稠)，而狗仔粉只是銀針粉......有點失望。燒賣是可以一吃，是豬肉燒賣所以價錢較貴($10)。可以一吃但不會特意去買。也許這𥚃還是豬腳薑會較有保證吧。但我想我不會特登走過去買小吃了...
continue reading
媽咪鍾意食薑醋，諗住買啲俾佢試吓，夜媽媽同老牛喺大角咀食完甜品就走過嚟，點知薑醋就賣晒，但其他食物好似好吸引咁喎！老牛話好肚餓好肚餓，於是就搵個位坐低食嘢。坐坐吓落大雨，不過頭頂有嘢遮住，真係落雨也不怕落雪更不怕啦除咗薑醋之外，食物種類非常多元化，例如有艇仔粉、燒海鮮、串燒、魚蛋燒賣、狗仔粉....陳皮魚蛋 ($8)有8粒咁多，原來size超迷你！同普通魚蛋唔同，佢係啡色嘅，陳皮味好淡，如果唔講係陳皮魚蛋嘅話，真係唔會估到佢有陳皮；魚蛋唔彈牙唔冇魚味，老實講真係普通，不過$8有8粒，唔好要求啦蒜香XO醬炒狗仔粉 ($25)由於我哋坐喺鋪頭嘅對面，所以店員擔住把遮上菜😂 份量幾大，兩個人做宵夜啱啱好，唔洗驚食過龍；麵條夠煙韌彈牙，炒得乾身，加入炸蒜粒及蔥粒，香口又惹味；嫌唔夠味嘅仲可以隨便落調味雖然魚蛋就麻麻哋，但狗仔粉真係好好食！冬天嘅時候一定要再嚟，坐喺露天位食野飲野真係一流呀！
continue reading