明德粉麵茶餐廳

Open Now

Now Closed

噙晚屋企無煮飯, 唯有出街食埋先返屋企. 約埋幾個同事走去新開無耐的茶餐廳試下啦. 點知發現佢地啲套餐幾抵食, 小菜套餐$50有找.包括小菜一個, 白飯例湯仲有杯熱飲, 轉凍飲都係加$2. 我地嗌左XO醬四季豆炒鮮魷, 生炒骨, 南乳粗齋煲; XO醬唔怕好辣, 鮮魷夠爽口. 生炒骨唔會太厚炸粉，酸甜味道啱啱好。齋煲啲南乳好香，唔怕太油。雖然份量唔算好, 反而仲好樣樣都食得哂, 唔浪費. 我地趁啲伙計唔覺眼, 影左幾張相, 仲影埋個餐牌, 同大家分享啲咁筍的嘢

5月5日中午剛剛經過, 唸住新開就入去試下,朋友食牛腩河, 牛腩好淋, d河粉好滑, 好好味!我食午餐 - 乾炒黑椒牛柳絲意粉, 十分鐘就熱騰騰送到,好嘢味, 好食....so good! 可以用平. 靚. 正常形容!!!!

新開張第一日到依家都要排隊等位, 今日用了3分鐘可以等到位喇. 我跟友人一行三人, 我就叫了杯凍咖啡同牛雜粗麵. 另外二人就分別叫了熱咖啡, 凍菊蜜, 雲吞麵同西多士.平時少飲凍咖啡的我就是怕沒凍咖啡沒咖啡味, 但因為天氣熱, 今次嘗試飲凍咖啡, 竟然好有咖啡味道, 又夠凍. 牛雜粗麵都唔錯, 牛雜數量都唔少, 粗麵又夠滑沒有鹼水味. 雲吞水餃都好大隻, 蝦肉豬肉比例均衡, 肉質新鮮, 又夠爽口. 西多士炸到金黃色而不燶, 多士中間選用花生醬, 而且成片麵包都塗滿, 果然用料十足; 唔怪之得開張至今, 無論咩時間都座無虛席.

晚上7:50，啓田附近很多食肆都要排隊。家人建議到這間新開張的茶餐廳吃飯。這裏是羽壽司的舊址，一進去正想坐下，同枱的一對夫妻正嚷著點了的食物未到，即時有點中伏的感覺。然後我們點了一客銀芽肉絲炒麵，和一客豉椒鮮魷炒豬頸肉套餐。結果又像同枱的夫婦一樣，等了很久未見食物。連套餐的例湯都沒有，催促了，先上了豉椒鮮魷炒豬頸肉，但白飯和例湯還沒到，要再三催促，才有。一看，份量真少﹗豬頸肉更是少得可憐：再看清楚點，所謂豬頸肉根本是腩肉：味道淡而無味，碟底剩下一大堆油。後上的銀芽肉絲炒麵好一點點，但亦很不濟。肉絲有很重雪味，淡而無味。兩碟都超多油，吃後覺得很濟。食物不濟，服務又差，地方又不清潔。大概短期內不會再光顧了﹗