明師傅甜品

行過見到呢間野，佢既分店好似愈黎愈小。門口見到佢比較小人排隊，都有d懷疑，不過見到佢既甜品好得意，所以決定試下啦。叫左呢個用西瓜外型既甜品，雪糕揀咗曲奇味。個雪糕係雀巢雪糕果隻味，都ok 啦，正常味道。夠凍又唔會太硬，剛剛好 個西方係主角，但入面d西瓜唔多，配料唔多，最大問題成個西瓜係冇味既 之後飲一小杯既西瓜汁，好似飲緊水咁，仲要有d怪怪地既味 環境有d逼，坐得唔係太舒服，所以食完就即走了。而佢其他既甜品，個味道都係普普通通。…查看更多

同女朋友行街想食糖水就入左呢間「明師傅」Order左三樣分別係「榴柑歲月」、「黃色潛水艇」同埋「芒果班戢」上野食既速度係超快落完order唔夠三分鐘就有但賣相就...差好遠女朋友食榴柑歲月一上枱就係一碗白色既野加一pat淺黃色既榴槤肉入面有西米 同埋椰果榴槤既份量唔多、椰果無味西米痴埋一舊舊...我既黃色潛水艇就有菠蘿、芒果肉、西米同埋芒果雪糕賣相唔係話好差但係同樣西米都係一舊舊芒果有部分好酸亦有部分「完全無味」甘我地唯有期待個芒果班戢啦一切開9成都係cream芒果既分量係每件班戢得兩粒可惜無影相對呢間糖水鋪極失望…查看更多

甜心❤椰皇米西露配芝麻湯圓 $42#vivacchill不斷翻chill 這絕對是「我的最愛」的榜首🏆我們大概都吃了不下十次吧？😂第一，$42吃椰皇真的無限抵，而且又有煙韌軟糯到爆的芝麻湯丸，完全是我們的那杯茶。第二，地點很方便我們😂第三，人流多被吸進兩旁知名度較高的松X和友X傅，所以被高度低估的明師傅完全是無限吹水的一流地方✌️✌️✌️所以，我也許不會把甜心拍得很吸引😂😂😂請大家繼續低估明師傅🙈🙈🙈…查看更多

非常非常失望，本來食松記，但太多人唔想排隊的關係去左隔離呢間明師傅，如圖所見，叫左芒果班戟，切開得舊cream，芒果成份只有2%（可能俾多）同行友人亦叫了腐竹蛋糖水，確實是只是"糖"水，食物質素差劣埋單$76，唔知食左d咩.....如果係想開開心心食飯後甜品，千祈唔好去呢間無良食店，會後悔！…查看更多

荃灣食完飯 想食糖水但又有d飽 於是外賣甜心反屋企食每次食明師傅只會order甜心食 因為試過其他糖水質素麻麻 唯獨甜心的水準高!!!椰皇入面裝住西米露 好香奶味好滑 仲有5粒芝麻湯圓 好煙un 湯圓皮又唔會厚 食落無咁滯 配上西米露 好sweet…查看更多

眼見松記 友記 已經爆晒.哩間入面只係得一台.都有心理準備可能唔係太出色.一入到去係無冷氣.唯一最令我在意既係餐牌上面.有寫圖片只供參考.除左大型連鎖餐廳.比較少係其他餐廳會見到有咁樣寫.果然無令我失望.除左隻碟係同幅圖一樣.其他的確係只供參考.…查看更多

原來間鋪生意唔好係有原因嘅，食品質素降低咗好多囖！D班戟同以前開業個時嘅口感！差好遠 。有d懷疑係咪即整！個層皮又係淋曬 個d cream多到令人食完一個唔會再有繼續食落去嘅慾望。有心黎到幫襯竟然係咁！實在失望！…查看更多

返完學，就衝左出荃灣同舊同事食糖水，吹吹水。朋友叫左黃金戰士，即芒果加益力多刨雪糕，我都試左啖，佢入口有芒果同益力多雪糕，入口即溶，令人在夏天暑氣全消。而我點左榴柑歲月，裏面有榴槤肉，椰果，西米配上椰汁。一路食就有一鼓榴槤肉附上，加上咬著煙韌既椰果，配搭十分有口感，而且價錢很便宜，值得一証。…查看更多

第一次食呢間。星期日夜晚大約10點半去食，附近糖水鋪都好多人，咪去一間冇乜人等位。係門口已經見到坐爆，連出面都滿哂。不過個丫姐仲係咁叫入邊有位。咁我地咪行過去問有冇5位，個丫姐好大聲咁講梗係有啦。入到去見到冇位就叫我地坐住出面先，我地望唔到有張5人枱，淨係得2個吉位。個丫姐係咁叫我地坐。咁都算啦，之後入邊有張大枱。我地問個丫姐係咪可以坐入去，個丫姐勁冇禮貌咁講自己行入去就得嫁啦。冇禮貌都算啦...未坐底，見到個地勁dirty，已經冇哂胃口。到落單，我明明叫雪糕朱古力奶凍，我4個fd都聽到。個丫嬸落錯做雪糕涼粉。我地初頭都唔為意，到碗甜品嚟到，點睇都唔似係奶凍就問個丫嬸係咩嚟。佢話係咩雪糕唔知咩涼粉糕（因為好嘈聽唔到）。然後我同佢講我係叫雪糕朱古力奶凍，唔係涼粉。佢睇睇張單話上面係寫住雪糕涼粉糕，然後我就話我唔係叫呢樣。佢仲要屈我係我自己叫錯。到最後，我班fd都同佢講我係叫奶凍，個丫嬸西哂面咁拎走碗野。攞到出單個位，我見到入邊做緊野個丫姐都西面。我真係心諗，你自己聽錯加落錯單仲要屈係我落錯。就憑呢點同冇位都係咁叫有位，我就決定blacklist呢間野仲有，個朱古力奶凍係冇味，得個朱古力雪糕先有。唔值咁既價囉。…查看更多

一入夜，路德圍近糖水呢邊一定塞滿人。第一次食明師傅，嗌左個椰王燉鮮奶（類似咁嘅名，我冇印象！！）一唔等～友人的黎哂，我再等～向侍應問我個王去左邊，得到好惡回復，燉野係耐啲！ 好，我再等，直至友人食完，我再追問。有個呀姐竟然好似癲左咁：未有呀！嗌多啲野啦！係到坐又唔叫野！等多陣都唔得！係呀！我講野係咁架，我痴線架！之後另一姐姐即前來：佢有時痴痴地架，唔流理佢我亦cancel了order,什麼都冇食地走了⋯⋯…查看更多

咁熱既天氣當然想食個冰凍糖水消消暑啦。經過路徳圍呢度大大話話有成4，5間糖水舖，特別喺星期五六日既夜晚人超多，舖頭岀面都會擺枱岀嚟，但喺呢個咁熱既情況下最重要係有冷位。咁岩見到明師傅有冷氣位就二話不説衝入去。但最驚喜既係感覺唔到有冷氣，汗不停流。。。。。唯有期待糖水既來臨。西瓜涼粉/西米露叫咗3碗西瓜涼粉同西米露，所有人試第一啖即變樣，3碗糖水都竟然係唔凍，糖水呢樣絕對係唔能夠接受仲有入口超勁花奶味，多到令人渴口，味道超難食唔會再幫襯無敵西瓜盅呢個總算過得去，起碼呢個夠凍，整個西瓜係有雪過，雪糕岀嚟未溶。其他的配料，涼粉，西米都無咩特別。4碗糖水共120蚊，價錢算平，但質素差，環境差因冷氣開咗等如無開，坐位好逼夾有選擇下必定唔會幫襯…查看更多

有時無聊就想食中式糖水嘅湯圓 湯圓寓意團團圓圓 但係通常我想食嘅時候都唔會係大時大節 所以今日我就嗌咗 一個普通嘅芝麻湯圓嚟食 湯丸咬落口有煙煙韌韌嘅感覺 內裏芝麻香濃幼滑 芝麻味甚重 糖水辣得來又帶有甜味 暖意入心…查看更多

係荃青區入面，至多糖水舖同甜品舖嘅地方就係荃灣，同屋企人食完飯就食下啲中式糖水啦~經過尼間糖水舖，見到有尼個迷你西瓜盅，好似幾盏鬼，所以就決定入去尼到食甜品尼個西瓜盅入面有涼粉、雜果、西米，最頂仲有一個雪糕球，而中間嘅西瓜，相信已經榨成隔離嗰杯西瓜汁啦。其實唔係好知應該要將啲西瓜汁倒落去個盅到啊，定係分開食，哈哈! 但係去除咗個西瓜碗，同雜果涼粉係無分別，所以係欺騙好似我尼啲貪新鮮嘅人，好彩啲配搭都係幾啱夏天消暑嘅，唔太差啦~另一樣嗌嘅係湯圓，湯圓有咩咁特別，要出街食呢? 就係因為佢係貓山皇榴槤湯圓黎，用極品嘅果皇做湯圓餡，外表睇落平平無奇，一咬開啲榴槤嘅香味即刻湧出黎，好重榴槤味，配埋煙韌嘅湯圓皮，真係幾好…查看更多

本來我帶着姪兒高高興興去吃甜品,平時多去第一間松x,今次由於與鄰店陳設差不多就入了去,我就誤墮陷阱 。我叫了朱古力味綿花冰和腐竹蛋糖水, menu 張相片有好多水果草莓芒果爆珠碎糖、伴着绵花冰,價 錢大约四十幾元。首先 腐竹蛋好似開水伴蛋, 算啦！ 最伏!竟然是绵花冰、只有爆珠和七彩碎糖、灑在綿花冰上,一粒水果都冇,於是我我投訴,相片與商品全原全不符, 她指着menu 上 另印着一行細字 "相片只作參考, 實物只有爆珠和真珠奶茶珠" / 我直頭覺得像去了賣斤變兩的海味店,收四十幾元,來了朱古力新地,麥叔叔收我幾元柸咋! 連一片水果都無,就不要放張有滿水芒果草莓的相去行騙, 做生意都不老實,實在令人氣憤…查看更多

身為一個荃灣人, 無可能未食過松記同埋明師傅, 而當中的明師傅, 最最最招牌菜, 就係甜心!!!!既然難得同自己甜心一齊食甜品, 咁梗係要食甜心喇!! 呢個甜心, 無論食幾多次都會覺得好好味, 而且cp值真係相當之高~~ 今次試埋呢個芒果西米露, 味道同樣相當唔錯呢~~…查看更多