Hiyado Japanese Restaurant (Closed)

行左好幾間都唔知食咩晚餐好~ 之前行過一間日本料理又無餐牌係門口俾人睇... 最後轉個彎就見到哩間野^^如果上到黎睇到d食評~ 我真係未必會入去食~事實上入左去之後... 真係不得不替餐廳寫返個好評 就係個饅魚真係好饅魚而吸引左我同男朋友入去食~一入到去... 有個老婆婆坐晌收銀位~ 好有禮貌而且笑容滿面咁講"歡迎光臨"~仲即刻為我地送上熱荼~ 雖然係Lipton茶包... 但係我覺得係可以接受我當然就係點左饅魚定食($58)一黎到... 第一個反應係真係好饅魚呀~ 岩晒我哩個"饅"人 先講饅魚飯~ 用左饅魚汁撈... 好惹味~ 螺肉係凍食... 不過一d都唔硬~饅魚壽司真係好好味... 所以之後要再叫自選壽司encore :)男朋友叫左個唔知咩肥牛麵~ 試食左一啖... 好好味呢^^ 非常多料...之後見到人地食炸物... 好似都幾好食喎~ 好... 我地就叫個雜錦啦^^真係好好味之餘... 仲要係好脆~ 絕對無油既感覺~ 非常滿足 男朋友話不如食得晒就叫九件壽司啦 因為買八送一 ($6蛟一件)於是我地就叫左三件吞拿魚壽司、四件饅魚壽司同埋兩件炸軟殼蟹壽司 唔知係咪食得太慢~ 男朋友食左兩件吞拿魚壽司、三件饅魚壽司同埋一件炸軟殼蟹壽司...好食程度真係唔能夠低估~ 而且服務態度都好好... 上菜唔會等太耐~最後埋單~ 果位老婆婆仲好有禮貌咁同我地講多謝同拜拜~…Read More

I was so glad to be there with my friends, enjoy a good time having great food with reasonable price and being on the private. Comfy and nice. I recommend it. We had several dishes and it caters for all tastes and dietary requirements... …Read More

突然dinner想食日本野，咁就約埋同事落去lee度食，因為本著開業至今都未幫襯過既關係，今晚就試試。落到去大約8點3左右，唔駛等位就入到去，入面原來唔full，只有2-3台有客人，不過個裝修真係有點暗，比我感覺好似就黎....因為太肚餓既關係，立即order左食物，我同朋友點了2份晚餐另加一碟赤貝(3件)刺身。因為佢地話冇象拔蚌刺身。我望向水吧度，見到個師傅拉開雪櫃..我心諗唔係整我個赤貝呀？第一碟上台是...赤貝刺身...真的很大塊，但係個3塊赤貝真的面無人色，仲蒼白過我塊面。放入口...我feel唔到有爽口既感覺，只feel到佢好似浸左係水度..赤貝好有水感。之後剩左個一塊我同朋友都唔敢食。第二碟上台是..朋友既dinner..七味豬頸肉配白飯及麵豉湯。朋友話算ok第三碟上台是..我既dinner...鹽燒三文魚頭配白飯及麵豉湯。望住個賣相係超ok的..起碼有90分，但係食落口最多是30分。首先個魚頭係好大，但係原來冇咩肉，得旗仔個舊有幾啖肉食下。咁我拆左個魚頭既軟骨食，附近都有d肉食下，點知我食完發現，點解d軟骨附近帶粉紅色？我好驚未熟呀。我連魚眼我都唔敢食。我好乖咁爬哂碗白飯。但個白飯完來係凍既..我頂....第四碟上台是..麵豉湯...見到個湯熱辣辣...我諗都有個湯可以推介..點知..越飲越咸...攪到我連上台cup of tea都飲埋。lee間野食過一次就夠。。。…Read More

寫完一間好味嘅就寫一間差啦:(經常喺大角咀食飯嘅我基本上咩都會試試呢日就走咗去呢一間...一坐低已經心知不妙因為我食拉麵都會走蔥走乜走嘜嘅,間間都唔同我就問佢拉麵裡面有咩配菜啦佢好差態度咁答我唔知:(結果嚟到...我真係好耐冇食過咁難食嘅嘢嘞!!下次一定唔會再去…Read More

Lunch-time 係大角咀難揾食嘅情勢持續，估唔到就咁俾左機會呢間日雅代 進去時都8成滿人，想亦不差，因呢間野都開左一段日子，而唔好食的都相繼結業或改裝了。Set lunch 得 2 款 : A) 豬頸肉定食 + 飲品 ($31) B) 蕃茄牛肉湯飯 / 烏冬 ($32)我同另一同事order左個 (A) 餐 加凍奶茶，其它二人分別叫 (B) 餐 一上枱我都O左咀，見圖。很差勁、肉酸 賣相失禮，飯多過餸，好寒酸。 先吃sushi，只得青瓜、蛋同少量蟹子，無乜味，似食緊紫菜Soy飯。 再試一patpat 嘅茄子同沙律，茄子整得過淋，好似烚左好耐呢，味道普通；沙律只是菜絲加芋絲，賣相同口感唔得，好不容易先將它消滅！主打豬頸肉整得算淋，但略為淡口，七味粉都幫佢唔得太多，我最後亦都係要點Soy黎食吖！Food 嘅質數如此 Poor ，服務亦不徨多樣，叫左杯凍奶茶遲遲未有，話跟亦無跟，最後都無黎 ( 以我所見水吧跟本無Waiter) .... 唯有叫罐Cola算罷了。 此處絕對無下次！…Read More

以後都唔會再去幫襯 !!同媽咪去食LUNCH, 諗住見佢靜靜地就入去試下, 點知……叫咗套餐, 碗麵黎到係暖既, 連D刺身都係。媽咪叫咗飯等半個鐘都未到…叫佢幫手追單, 但唔多理你咁, 最終話要取消至到。食物水準好低, 雖然話價錢唔貴, 但睇得出佢無誠意去煮, 求其交貨就算。店員態度差, 就算倒瀉茶都吾會say sorry…好失望, 真好奇點解佢仲可以生存到？！…Read More

呢間其實就係以前間「有樂町」個老闆娘開o既眼見舊店以前評價尚可，新店竟然清一色劣評，都幾驚奇新店開後，望下本 Menu 都覺得佢地想吊高 D 黎賣；但坦白講，質素同以前一樣，吊高左黎賣，可能人地覺得唔值啦有樂町去到日雅代，幾年間我都有幫襯過，從來冇食過佢地 D 拉麵，不過望完下面 D 評價，似乎都唔駛試我基本上食親都係定食　－　照燒雞扒或者牛扒定食特別係雞扒，我最鍾意 D 雞扒用煎／燒o既方法整到塊皮脆卜卜，我覺得咁樣整最好食小食叫得最多就係蒜片炒雞腎，一來唔貴，二來味道 OK其他熟食類小食大部份都 OK至於刺身／壽司，好老實真係中下檔次質素，要食刺身壽司o既，出面大把更好選擇不過佢地而家拆開細細份賣，例如三文魚刺身三片 $15，雖然薄左 D，不過純粹過下口癮都叫得過o既…Read More

這天的經歷可真奇怪，雖然午、晚兩餐都是吃日本菜，但是午餐像去了天堂，吃了一頓很不錯的和食，晚餐卻如去了地獄，吃了一碗地獄拉麵，使自己按捺不住衝動，急不及待想盡快把這次難忘的經歷即時寫下來。話說這晚不想到太遠的地方吃飯，於是來到這附近覓食，看見這家日本料理門外的介紹頗為吸引，一派價廉物美的模樣，橫豎從沒有來過吃東西，便進去一試，想不到竟給自己碰上了非常難得一遇的極品:(:(。叫了兩個拉麵套餐。一個是「豬軟骨拉麵套餐」，一個是「日式叉燒拉麵套餐」。這兩個套餐除了拉麵外，還包括「麵鼓湯」、「三件刺身」、「「三件壽司」、「雜錦天婦羅」和「味付螺肉」，只賣$69，還要不收加一，嘩！有沒有這麼抵吃呀！這麼多的食物，這麼克制的價錢，只要質素還過得去，一個ok應該沒有難度吧！評分也會鬆手些啦！誰不知..........唉:(:(:(！得到這樣的教訓，都怪自己貪近、貪便宜之過！:(:(:(首先，這裡的侍應毫不專業，簡單的一個麵鼓湯都要等很久，在催促一番後才拿來。:(:(:(其次，明明是兩個套餐卻當成是一個套餐，「雜錦天婦羅」並非一起送到，而是漏了一份，到後來連拉麵也上桌了才拿來。:(:(:(再者，廚房出菜速度奇慢，等候麵鼓湯和各款前菜已要超過20分鐘，作為主食的拉麵更是在下單後半小時才上桌。這些還只不過是服務方面的問題而已，至於更重要的食物質素方面，這裡的食物質素更是............:(:(:(「麵鼓湯」淡而寡味，在曾喝過的麵鼓湯中，這碗都可算是含水量極重的出品了。:(:(:(「刺身」不夠新鮮，「壽司」飯粒鬆散，水準極低:(。:(:(「雜錦天婦羅」一客四件，包括南瓜、茄瓜、蕃薯和蝦各一件，好像十分抵食，可惜第一份天婦羅雖還勉強可以，遲來漏單的一份卻帶著油益味，而且只得點天婦羅的醬油，卻沒有蘿蔔蓉附上，有欠正宗。哈！原來「味付螺肉」竟是全份套餐中最好吃的食物，可真想一百次都想不到。早知如此，到超市買不就可以了嗎？哈哈！最後壓軸出場的是最最最令人震驚的「日式拉麵」，這麵質猶如「嫩雞煨麵」的煨麵一般軟腍，甚或尤有過之的「日式拉麵」可真是教人驚為天人。實在很想問問這裡的廚房到底要怎樣煮，才可以煮得到這兩碗極品出來。除了拉麵堪稱極品之外，這麵的湯底與麵鼓湯一樣具有淡而寡味的一貫特色:(，而日式叉燒除了比一般的乾身外，和豬軟骨一樣都是味道偏甜，適合極度愛吃甜品的人士:(:(:(。這兩碗拉麵的質素真是令人嘆為觀止呢:(！如果沒有記錯的話，這次的評分都可算是自己給得最低分的一次了。不過，我覺得這分數是非常、非常、非常值得給的，這日本料理店實在是實至名歸，當之無愧:(。…Read More

上星期日又回到老家大角咀, 眼見又開了這間新食店, 門口餐牌的仗午餐也不差, 於是入內一試.這間裝修像日式食堂的小店, 中午時候食客也不多. 坐下後看看餐牌, 發覺除了門口餐牌的什三埂款午餐外, 其他食物一點也不便宜! 不過, 既然已經入內, 就不妨一試. 於是, 我們各自點了食物.我點的是蔥燒牛肉拉麵, 於落單後不到半分鐘已經"極速"送上! 一見拉麵上枱, 心已經一沉. 如果是即叫既煮的拉麵, 怎可能在幾秒的時間內煮好? 所以肯定是預先煮好的! 也一如所料, 麵不是熱的, 只是"暖暖地"而已. 麵條不像平常吃的拉麵, 一般的拉麵, 麵條都是圓滑的, 但這個卻是方形有角的, 而且很腍身, 質感,味道都像上海麵多於日本麵; 蔥燒牛肉連丁點蔥影的也找不到, 牛肉薄如吉野家的那種, 不單十分肥, 而且也較韌, 味道也欠奉, 要下辣粉才有點味道, 正是"食之無味, 棄之可惜的那種.過了一會, 老爸點的鰻魚天婦羅飯一上枱, 我們還以為送錯了! 原來, "鰻魚天婦羅飯" 是用天婦羅粉去炸鰻魚, 而不是鰻魚配其他天婦羅食物! 鰻魚用天婦羅粉炸過後, 流失了不少肉汁, 味道亦比用汁燒的鰻魚大為遜色, 吃起來也十分油膩. 而且, 只有, 看似有三大件的鰻魚, 其實是被厚厚的天婦羅粉包裹著, 除去了天婦羅後, 就只剩下二小塊的鰻魚肉, 有點被騙的感覺! 而且, 米粒看起來雖然圓圓的, 像珍珠米,但吃起來卻一點也不像, 不單不帶黏性, 反而偏硬, 一點飯香也沒有! 雖然廚房門外放了幾袋秋田米, 如果真的用秋田米來做飯, 絕對不是這樣的難吃! 這個實在很令人懷疑!!等了很久, 老媽點的生蠔什菜鍋定食終於送上. 看到鍋內的"生蠔", 立即有被騙的感覺!! 為什麼生蠔什菜鍋會變成蠔仔什菜鍋?! 這些蠔仔的大小, 與平時吃蠔仔粥的大小相約, 到底是我們的理解力有問題, 還是店主有心取巧, 偷工減料而攫取暴利呢? 說回這個蠔仔什菜鍋, 自然是菜多蠔少, 菜也只有紹菜一種, 加工幾塊紅蘿蔔, 幾粒粟米, 就是什菜了. 入口只覺得很鹹, 因為那個像豉油湯的湯實在鹹得過分, 把所有蔬菜的味道也掩蓋了, 也令人十分口渴! 另外, 蠔仔的味道也較腥, 食味也不佳, 實在是很難吃!餐廳的侍應其實也手快, 不過經常聚在一起高聲談天, 感覺不大好. 總的來說, 食物水準差勁, 價錢也比附近的小店貴, 不值得去吃!…Read More

行開大角咀見到這間店新開的.就同條女入去食下啦~.門面又唔差, 入到去坐低環境都可以的~價錢都幾低~咁叫野食啦~叫個2人套.加幾件單叫壽司.同串燒點知一坐就坐左成半個鍾~都未有野食黎(買左10點飛睇食人倉)等到有D唔對路~心諗會唔會漏單呢~個樓面啦~又話做緊~咁無所謂啦!心諗仲有8個字應該無問題~好食就得啦~點知足足成45分鍾先黎晒D野€仲要唔好味~壽司仲衰過機整€條青魚仲黑過我果時塊面~樓面個阿禪好似好唔滿意我追單咁~大佬呀~我買左飛睇電影~百老匯唔會等我嫁~我追單都好正常姐唉!!2百幾蚊~成個鍾~我過對面打個邊爐~應該都夠時間.........…Read More

上星期日我同個fd幫襯左個日本料理叫(日雅代)........in左去個環境幾ok........我同個fd叫左2個吉列猪扒拉麵同1份三文魚壽司......好啦 我同個fd等左15min左右......我個fd叫左個服務生叫下有冇洛單啦...個服務生話有等等好快啦.....好我同個fd下出去食左支煙.....食完支煙個拉麵右未到......等多10min左右個壽司到左啦.....個壽司要等25min至有得食(可笑).....再多5min個拉麵到啦 第1個吉列猪扒拉麵d拉麵淋到想死不過d吉列猪扒都幾好 第2吉列猪扒拉麵d拉麵幾好唔淋 不過d吉列猪扒炸到好濃 我想有人比錢請我食我都唔會再幫襯佢唔想比錢buy難受=.="…Read More

今晚去試一間位於大角咀的日本料理，點知最後食到一肚氣，以後唔駛指意我會再去幫襯...呢間叫「日雅代」的餐廳，格局似平價居酒屋，可能因為開了冇幾耐，我們入去的時候都差不多坐滿。多數係附近住的一家大細，可能因為標榜全日免加一，啲嘢食又唔算好貴。拉麵一碗$40左右，串燒$18兩串，還有壽司、刺身...等種類都算幾多。仲有好多款套餐，二人餐$168。因為未有酒牌，所以一切酒精飲品欠奉。我們叫了一個二人餐，有6款食品，但係好奇怪，刺身同沙律最後先嚟，完全唔跟次序。碟碟都好迷你而且味道一般，冇咩令人印象深刻的菜色。最後我們覺得唔夠飽，就想叫多樣串燒併盤$28。等了超過15分鐘，有個女侍應行埋嚟話呢款嘢冇要取消，初時我仲以為係其中一款賣晒所以冇得叫。點知佢仲補充一句 - 「廚房太多人太忙，如果散叫就得！」。言下之意即是「呢款併盤太便宜，廚房唔得閒整，要食就要俾多啲錢！」真係火都嚟埋，唔做我生意都算，浪費我啲時間等咁耐。隔離檯一個鐘前叫就有，我們叫就冇，咁做生意都得，以後都會black list呢間餐廳。呢間嘢前身原來係附近一間已結業的日本嘢，叫「有樂町」，佢張order紙仲用緊呢個名。改名換姓就以為可以暪天過海。唉...咁做生意改幾多次名都冇客會再返轉頭幫襯啦！…Read More