日本牛奶公司 (Closed)

見新開去食 試下 食左個常餐和肥仔鍋出錯單 接近難食 份量細到 食完好似無食野 烏冬都得一半要追加野食到正常份量 加野要半小時 先出到單 係火鍋料都一早準備好 拎出後就係要差不多$140 真的去對面大鴻輝食放題好過 $140無野飲 無質量無服務叉燒去荃灣大河道求期買一間都好味過佢 又硬又無味超難食 個意粉完全係難食 在這商場 任何一間都好過佢 得炒蛋正常 但完全唔值這個位置開左幾間餐廳服務都係麻麻 可能同一個老闆 絕對唔建議去食 伏到死 性價比0…Read More

1)魚片喇沙宮廷雞，雞肉又生又霉，還有腥味，加1片魚片，1塊豆卜剪開2件，米線溶曬。2)黯然銷魂飯，只有5片叉燒，面頭淋過滑蛋，完全唔掂。3)凍檸檬茶又混濁唔怪得食lunch 時間完全唔需要排隊等位，終於知道什麼情況。…Read More

今天起床打開電視。看到今天又那裡集會的新聞。心情不太好。只好落街吃個靚早餐。但今天有些特別。沒有去我平時經常去的茶餐廳。反而經過商場一間新開的茶餐廳。因他門口的哥哥非常禮貌邀請試一下他們最特色的茶餐。茶餐跟一般經典的茶餐外表沒有太大分別。品嚐後發現還是不錯。雞蛋選用日本進口蛋。蛋味特別重。太陽蛋還煎煮脆邊。讚。火腿選用金妹火腿。有咬口。讚。沙嗲牛肉麵雞湯底沒有味精。讚。整體上是一家不錯的茶餐。好食有禮貌的茶餐廳會再來。…Read More

喺facebook知道有間新嘅餐廳叫日本牛奶公司， 畀個名吸引咗，上網睇咗啲圖片， 都好似唔錯就約朋友親身去試。我同朋友係晚市去嘅，地理環境都方便，喺千色匯3樓一開𨋢就見到啦。 餐牌嘅選項都吸引。 意外驚喜就係佢哋有sake 同 beer Tower 賣。我同朋友就試咗佢哋個牛奶嫩雞鍋， 佢叫得牛奶公司，我梗係要試下佢哋嗰度有關牛奶嘅食品啦。 食材新鮮， 嫩雞真係滑！ 配菜亦都豐富， 最重要係佢個湯底，牛奶鍋真係鮮味濃沃， 仲越煮越濃， 本身已經有少少烏冬附送，後來我哋唔想嘥咗個湯底再叫多餅烏冬另外仲叫咗啲小食， 送酒一流！ 我哋試咗個七味茄子， 酒蜆， 豆腐蕃茄。 可能飲酒嘅關係， 個胃使唔曬咁多嘢。但一定會再去試， 下次會想試佢哋嘅鐵板a5和牛同埋佢哋嘅常餐（因為得知原來佢哋同另外一間牛奶公司原來頗有淵源）， 其他湯底同小食都仲想去試， 睇嚟下次要叫多啲朋友一齊share食…Read More

平時叫我寫食評，真係彩你都儍，不過今日真係吾好意思要寫返個，老闆太有誠意又熱情。今次黎到呢間「日本牛奶公司」，住附近嘅我，本身好少試新野，但我係佐敦名店既擁躉，見佢地個名差吾多，就即管試下，我叫咗個懷舊常餐，老婆叫咗個黑椒牛柳絲炒意粉(其實九唔搭八，竟然有黑椒牛柳絲炒意粉叫），我個常餐好快到，好食，意粉軟硬度適中，炒蛋夠滑，最重要個意粉湯夠熱，呢一點好重要，我食湯麵最憎個湯唔夠熱，但好似太大碗了小小。我已經食完但個黑椒牛柳絲炒意粉都未到，老婆已經滾滾地同佢哋投訴，老闆馬上送兩碗老火湯安撫我哋，個老火湯有誠意，一試就知冇落味精，讚讚讚！之後個黑椒牛柳絲炒意粉已經炒好送到，真係炒得吾錯，夠乾身夠味！餐廳有誠意，服務夠週到，希望仲可以有進步空間👉👉👉(老闆記住出餐要快少少）…Read More

上次去呢間舖頭食咗個茶餐，都覺得佢出品係有水準嘅， 今次同兩個朋友呢來食個晚餐先， 今次叫咗個日式牛奶鍋同埋雜扒餐， 牛奶鍋令我們帶來驚喜， 佢嘅味道soso地， 有好重嘅日本牛奶味，好creamy， 配合佢嘅黑毛豬真係一流， 真係可以推介， 至於石版什扒餐大大份，好抵食，味道仲好好，大家x果D真系行埋一邊，估唔到呢間餐廳新開業就做倒好的質素，但係佢地樓面真係有點亂，知道佢地唔係好熟手，應該多散工，後生仔多，希望他們可以改善這一點， 一間餐廳食物和服務同樣是那麼重要，不過老板都nice， 佢知道佢哋嘅不足， 送咗杯凍奶茶畀我哋飲， 見佢咁高大同埋靚靚仔仔，就算service有不足都忘記啦…Read More

今日去荃灣探朋友 早左去到又餓餓地 所以自己去左附近千色匯睇下有冇d咩好食去到3樓見到有新餐廳喎 日本牛奶公司睇到餐牌原來係同一班冰室d野食差唔多價錢好似幾抵 裝修又幾靚咁 就入左去食了😋因為得自己一個食 望住餐牌糾結左好耐🤨🤨🤨食黃金西多士好定醬爆芝士波蘿包好呢不過之前未試過呢間餐廳 所以都係嗌左黃金西多士 唔怕會伏🤣同個名一樣呀黃金西多士炸到金黃色 但係又唔會太油膩好正呀🤤🤤$36仲包埋野飲性價比都幾高下次再返黎試下今次冇試到既醬爆芝士波蘿包先！😋…Read More

最愛食菠蘿包既我食盡無數茶記，冰室既菠蘿包， 今次朋友在千色匯工作，推介新開既冰室俾我，話有我最愛既菠蘿包食裝修用上藍白色，我喜歡顏色半開放式冰室，感覺乾淨清新來到剛好下午茶時間，下午茶餐有好多種選擇， 當然揀選我最愛的菠蘿包啦醬爆芝士菠蘿包 平時食開牛油菠蘿包，這個新口味第一次試，上枱時賣相已經很吸引，睇得出廚師用炭火在包面上烤過既痕跡， 有誠意包熱辣辣， 內裡芝士溶掉，滑蛋再配上脆口菠蘿包， 一口咬落去，感覺似食漢堡包，很新奇，超級好味 芝士+ 滑蛋配菠蘿包，意想不到的配搭令人一食難忘價錢很超值$3x 包飲品，十分抵食愛食菠蘿包既我，這間冰室已經佔據我排行榜位置…Read More

今日經過呢間日本牛奶公司，見佢新開又冇乜人就試下啦。佢地2點開始就有下午茶，見佢價錢都OK就叫咗個西多士。西多士配杯飲料$36。個餐一黎到見個賣相都唔錯，食落都幾好味service好好，佢地仲送咗個老火湯比我飲。湯怪嘅我當然唔客氣啦。個湯極力推介，真係好好飲，完全無味精!! 整體感覺良好。我見其他人都點佢個常餐，等我下次返黎試下先…Read More

名叫日本牛奶公司，其實係食茶記的。日本牛奶公司說的應該是指用日本牛奶製作食品吧😆雖然無食茶記必食茶餐，叫左雞肉喇沙米線，跟餐有炸春卷兩件，雞肉、春卷、米線都係分開上的。喇沙米線🍜竟然幾好味，個湯毫不馬虎，相當濃郁，米線都夠滑，仲有不少配料如豆卜和芽菜等。春卷不知是什麼餡料，咬開見到一絲絲的可能是芋絲，不過最令人欣賞是炸得恰到好處，外皮非常香脆。雞件就顯得有點遜色了，以前是鹽水雞之類的味道，結果淡而無味，肉質還很’鞋’呢…Read More

話說星期六同老婆行街搵地方lunch, 見新開又門口poster寫住6點前免加一就試一下。菜牌選擇唔多，一般茶記既菜式。餐廳原位是另一間新加坡餐廳，基本上係舊裝修。員工未係好熟悉運作，帶枱落單都幾亂。分晒枱後d單機本上係亂晒。一個枱號分A,B枱，但自己都分唔清邊張打邊張。所以上食物只係一張張問係未你。食物質素係可以的，對食量唔大既我份量夠的，味道同一般茶記差唔多。先前對單既時候見到要收加一都覺得奇怪， 到埋單時再問收銀，佢先指住收銀機旁一張細細既紙寫住星期六，日另收加一。再問店員話之前睇的餐牌，門外的poster 係未update 的。真係冇嘢好講， 下次不如話加100%服務費。 完…Read More

見新開就支持一下新店。大概下午1點，兩個人，唔駛等即入座。店內裝潢同前身果間好似差唔多冇變過，都係好狹窄。喺門口見到有全日常餐仲要呢個時間唔駛加一，46蚊都ok，試下。由於本身唔諗住打食評，所以冇影食物相。兩個都叫左沙嗲牛肉麵，火腿蛋，厚多士，熱飲。野食方面唔錯，要讚個牛油厚多士同蛋都幾好味服務方面，唔知啲侍應係新黎定係管理亂，不斷咁撈亂附近幾張枱order既食物，差唔多每張枱既食客都好似要同佢再澄清返order左咩食物同飲品，總之就錯哂。張單又黎錯哂，記得check清楚係咪自己order既野…不過見佢反正下午6時前唔駛加一，冇乜服務都算拎起張單去俾錢，先發現原來要收加一。指住佢個牌同佢理論，點知個收銀職員不慌不忙咁指一指收銀機隔離個牌，原來寫住下午6時前免加一係星期一至五，星期六日除外。佢話出面個牌未改，遲啲改… 咁其實真係有啲俾人呃左入黎既感覺希望快啲改返門口個牌，唔好再惹其他食客誤會。…Read More

今日去咗荃灣千色匯，諗住自己一個搵吓有咩嘢食，見到有間叫做日本牛奶公司，本來以為係澳洲牛奶公司嘅分店，咁就梗係試吓個常餐，真係喜出望外，同澳洲牛奶公司有9成9相似，仲大份過澳牛，炒蛋好特別，原來佢哋係用日本雞蛋，埋單嘅時候我問經理，問佢哋同澳牛有什麼關連，先知原來佢地廚房班底係用舊時澳牛的師父，佢哋夜晚嘅招牌係和牛火鍋shabu shabu，下次夜晚試吓，好的話再同大家分享Ps:我仲見到佢哋每日都有唔同嘅冇味精老火湯，怪不得咁多人排隊…Read More

中午點半鐘，見佢個名同個常餐，有啲同佐敦名店有啲似，所以入去中個伏叫左個$58午市套餐，炭燒鰻魚炒飯先黎一碗老火湯，南北杏霸王花蘿蔔豬骨湯，首先餐具係問先比我囉，我對住果枱都係一樣，食物到左餐具都未有，而個湯係ok，夠火喉跟住等左好耐個飯都未到，點知見到隔兩個位個女人，遲黎先上岸，食緊鰻魚炒飯，而佢湯都未有，好明顯落錯枱，咁我問staff，佢兩分鐘就比番我個飯呢，就太濕，一堆堆痴埋，亦唔夠熱，應該唔係即炒，鰻魚得十粒左右，都好細粒，仲有啲粟米粒生菜絲，味道黎講中規中舉，唔會太甜太鹹，醫肚就冇所謂，唔會太高要求，到我乾哽完成個飯，杯熱檸水都未到，好彩啲飯炒得唔夠乾啫跟住就火都黎，黎杯熱檸水，個staff唔知比個女人定比我，我話我黎先，佢都係照比個女人，話好快比番我，點解呢？我冇錢比咩？所以先忍唔住要寫食評P.S. 對面枱叫左個午市叉燒滑蛋飯，話得三舊薄叉燒，即刻投訴…Read More

今日午餐嚟到千色匯搵食, 由地下層往上走,一、二樓有好多食肆都係熟口熟面啲連鎖餐廳, 行到三樓這餐廳,被"日本牛奶公司"這牌吸引,於是行過去睇吓,店面以開放形式,由外面可以見到食客點啲食物,見賣相幾吸引,所以決定一試。午餐有7個+一個常餐,選擇唔多,唔駛加一,價錢都可以。叫咗個炭燒鰻魚炒飯,飯嚟到,有煙出,好熱,裏面有粟米,蔥,鰻魚,蛋絲睇落個飯好深色,以為好咸,但食落味道剛好,鰻魚雖然好細嚿,但都食到有鰻魚味,其實最好味啲係個蛋絲,唔知係唔係日本九洲雞蛋關係,真係好有蛋香味。…Read More