WATEI Japanese Restaurant (Closed)

這是我第二次寫食評， 實在都差唔寫唔得:(:(:(:(:(:(:(:(我們是住黃大仙區，星期六食晏黃大仙中心不嬲都周圍都排長龍等食，但竟然這裏不用等，這裏都大多數都要等位，但今次竟然不用等! 是有原因的…是因為食物質量…味道很差…難食到唔想再來……:(:(:(我們叫左滑蛋炸豬排定食和牛肉飯，個滑蛋炸豬排來到個樣超唔掂:(:(:(，整碟野好似剛剛係蒸爐挪出來這樣，好似蒸煮左一段時間甘嘅樣，滑蛋濕濕泣泣出晒水，炸豬排都是這樣，又濕又淋超難吃，之前食過不是這樣…現在味道很差劣了……!!!:(:(:(:(:(:(另外個牛肉飯，d牛肉又乾又鞋又無肉味，是白淖無調味:(:(:(:(之前不是這樣都好食過吉野+，我老公每次來都食這裏的牛肉飯，但今次令我們非常失望, 真無下次了! 我們星期六食晏又少左個選擇了!!!:(:(:(:(:(:(:(:(…Read More

得閒無野做落街食個下午茶, 和亭都系吾錯的選擇, 佢無專登再set一D下午茶餐, 直接將午餐當下午茶, 價錢七折, 但份量無少到, 四五十蚊一個餐, 折左之後系三十幾, 系佢六點前去食, 直接當晚餐, 哈哈:)石鍋牛肉飯熱辣辣, 賣相都幾靚架, D牛肉搞兩搞就熟啦, 味道都OK, 但系肥牛, 真系肥左少少, 仲有個湯, 和沙律, 沙律真系有D...., 哈仲有汽水任飲…Read More

今日唔想番新蒲崗食，就是但響黃大仙搵野食，本身唔係想食呢間係想食另一間意粉，但實在太多人，呢間比較少人排（後尾知點解勒）就揀左呢間，睇海報原來係和民集團，咁應該都係普普通通😂等左20分鐘，一齊等緊既有3堆人，一堆3個人，另外係6個同4個，望入去勁多位，我以為佢要留位比6個人果堆，後尾6個人既都入左去但果幾台2人台冇入過客😡我行埋去門口收銀位果個4眼經理問果邊咁多位點解我地仲未入得？（留意番，我係好有禮貌笑住問）點知果位經理好衰又好負氣咁話：我而家唔得閒唔夠人做野，你等多陣等我做埋野先得唔得？😱你唔夠人做野關我事呀？我黎消費都唔岩？我唔知叫我自己行埋位會幾阻到佢時間囉其實，何況我等左20分鐘先問一次唔算過入嘛？😤果下真係想鬧佢一穫，我好聲好氣而家咩態度？不過唔想比人影上fb批鬥所以算😤講番食野方面，餐牌都同和民style差唔多，冇乜胃口叫樣最少既黎食，驚喜係lunch任飲飲品。東京牛肉飯- 包麵豉湯同沙律，呢份係S先生食既，佢話好食過吉野家（但我肯定吉野家態度好過呢道幾萬倍）牛肉烏冬-一樣包沙律同湯，牛肉好味，但烏冬完全冇味😡除此之外真係冇其他comment,因為仲衰過food court/自己煮其實價錢算平，又任飲飲品，但一間咁大既餐廳身為經理都可以咁對客人，不如唔好做啦咁負氣😒永不再去…Read More

因為真的太想吃韓國菜了，來到一間日本餐廳，都是叫了這個泡菜石頭飯$48價錢不算太貴，味道不錯，喜歡吃飯焦，而且又夠熱，辣醬如果多點便好，因為本人很愛吃辣，泡菜和各樣菜也好吃，不過這只是普通石頭飯，沒有肉的。另外又叫了雞軟骨，加上lemon, 味道清新不油，如果有醬可以點就更好，因為有點乾…Read More

黃大仙呢間和亭, 其實都食過好幾次, 因為方便, 最鐘意都係食呢度嘅滑蛋豬柳飯, D豬柳好鬆軟, 層麵包糠炸得好脆, 完全唔油膩, 滑蛋亦好香, 所以每次到和亭都例牌食呢個飯, 因為覺得和亭選擇唔多, 亦諗唔到第二樣食物可以吸引到我.鮭魚壽司飯: 三文魚唔夠凍, 感覺唔夠新鮮, 得5塊三文魚, 好似小咗D, 個飯亦少咗D汁, 所以覺得好單調, 好似淨食白飯咁, 應該多番D三文魚及醬汁.…Read More

今天七月一日放假去了家附近和亭食午餐。不用等位，直入有位坐。叫了韓國辛辣煱，48元，大烏冬，22元，但等等等……都未來，我已經好有耐性，到等到笫五個字先吹待應，因見她們二個待應都好忙，待應話同我跟，幾分鐘後有，到了點半都未有，大家可以看圖中我隻錶時間，上台後即時影下的。勞氣極了。:(講返味道先，湯底ok有辛辣味，但不夠，好多味精好囗渴，煱收四十八元咩都不包，但材料很少，每様料都限定比你甘，四片豚肉，二塊溥豆腐，五塊細泡菜，三塊椰菜等，少到數都數得出，豚肉仲要好溥好細片，又無質感，真不明成五十元個煱可以份量甘少，，仲少過吉野家，但人地包飲品，仲有肉一碟喎，又唔駛加一漆。仲有叫佢比蒜容，葱我，都要下單比廚房，又等了四個字，心諗駛唔駛呀？仲有最尾叫加湯，又call廚房，又等三個字，why呢D甘手板眼見功夫，待應在廚房甘忙時都唔分擔一下呢。二十二元加烏冬又係份量好少，烏冬ok，彈牙，不太林，連湯一齊食好好味，如份量比多D會更好。去了和亭自己在想，依家D食材係咪貴得甘犀利，定租金人工太貴，頂不住呀，駛唔駛去了甘孤寒核溥呀。如果我唔係火鍋癡，真係唔會黎呢間野食火鍋。我單據是12:54分入座的，食物要1:35分才上桌，吹漲了，耐性的考驗，去黃大仙和亭啦。…Read More

蝦天婦羅飯，和亭日本料理*******************奇怪人做奇怪事，筆者自認是當中佼佼者，12月23日，正當許多人在忙著排山倒海的聖誕聚會時，我卻選擇拜訪黃大仙寺，這裡是筆者小時候一家經常前往的地方，舊地重遊，邊回憶過去，邊察覺黃大仙有著不少轉變。在廟宇及各處逛得累了，便隨意在商場內找家食店歇歇腳，縱觀這區以提供大眾化食物為主，這正合我心意!在午飯時段過後，看到和亭日本料理店內顧客稀少，無他，就是假期開始不供應廉價下午茶之故。由於這兒供應的就是相宜的日式食物口味，基本上價格已很低，不再傷腦筋，還是趕快入座吧!我們就被安排坐在望得見黃大仙寺的卡位，感覺很舒適自在，遲來的午飯共點了自家製玉子燒、魷魚燒、石鍋蒜香海鮮飯和蝦天婦羅飯。1. 石鍋蒜香海鮮飯 HK$48以石頭鍋盛著的石鍋蒜香海鮮飯熱力迫人，聽到飯粒在石鍋內嗞嗞作響，與蒜香受熱爆發的香氣，使人食指大動。這客飯的份量不算多，但女生二人同分享應感到飽足，食材豐富包括蝦、帆立貝、蟹籽、蟹柳、粟米，將所有配料與米飯和蔥蒜拌勻，味道更加濃惹，海鮮是冰鮮貨色沒有鮮味可言，相信也不能要求太高吧!唯每口微辣飯粒也充滿豐盛材料，亦能吃到底部微脆飯焦，算是不錯。2. 蝦天婦羅飯 HK$48單看這道蝦天婦羅飯賣相倒十分奪目，除了主角蝦、還有南瓜、金菇、冬菇、茄子、紅綠甜椒和蓮藕片，新鮮炸起香脆熱辣，唯晾油方面做得不足，有些食材還沾上多餘油份，如茄子切得太薄，咬下有如只吃著炸粉的口感。雖然白飯上已加入醬油 ，可是沒有提供基本的蘿蔔蓉和天婦羅汁似乎有點失色。3. 自家製玉子燒 HK$28這客蛋卷色水泛白，外皮帶點乾縐，個人估計不是即叫即製，而是預先做好再翻熱吧! 賣相不算討好，幸好暖暖的蛋卷仍富有蛋香，口味帶甜也濕潤，質地軟綿，若可以減少煎蛋卷的油份，不致過份油膩便好了。4. 魷魚燒 HK$38原隻魷魚給予人們一種獨特的魔力，也就是筆者至愛，眼前成品似乎烘得過乾，戰戰兢兢地吃下，質地又不如想像般乾嚡，有魷魚應有的煙韌彈性與鮮香，點些在旁的日本沙律醬，滋味倍增。大家明白和亭就是平民版日本料理， 雖不屬優質食材，但我仍然十分享受用餐的樂趣，經常認為吃的不需最矜貴，有時那份親切與懷舊味道反而還可貴。*******************************口味各有不同，食文只作參考。…Read More

中午路經和亭，諗起他的姊妹店和民吃得多，未試過和亭，就二話不說走入店鋪點選了，牛油焗帶子、牛肉烏冬、關西壽喜燒。牛油焗帶子有八粒，香蒜和牛油帶起的香味，令小帶子不至太失色！牛肉烏冬的烏冬份量只有一飯碗，啱我！烏冬沒有酸味！啱我！關西壽喜燒，天呀！勁肥的肥牛！可惜忘記帶相機。煎好肥牛下湯煮迷你雞蛋和什菜；紹菜、薄薄紅蘿蔔片、金菇、鮮冬菇.....一窩「家肥屋潤」！關西壽喜燒好玩處是燒烤和打邊爐共治一爐，可惜勁肥的肥牛令人却步！…Read More

在正式入讀社會大學之前，迷信如我走到黃大仙廟求簽，希望早點得知日後的工作情況，好讓自己多點心理準備。結果是：上簽：）因此，之後我踏著輕鬆愉快的腳步走到黃大仙中心跟朋友午膳。餓了半天，走到「和亭」。星期天，商場內滿是一家大細，人山人海，因此貌似暑期工的待應都顯得有點忙亂，當知客的有空也需要清潔桌面。入座，取票後知客便立刻帶領入座，不用等：）天氣太熱，胃口不太好，點了一個沙律清清胃口。和亭沙律－HKD$38醬料是醋，olive oil和芝麻醬，配合三文魚生和芝士粒，很有日式fusion的味道，非常開胃。可是蔬菜略遜一籌，不太新鮮。韓國泡茶豚肉飯－HKD$28在日式料理餐廳吃的卻是韓國食物，可謂「兵行險著」，可是結果卻是驚喜萬分！將所有材料伴了後，真是滋味十足，而左邊那個甜辣醬更是「神來之筆」，把整個飯都變得更惹味。最後一提，這裡的茶是不是一貫的綠茶，而是麥茶，挺好喝。…Read More

食左鮭魚壽司連烏冬午餐，配熱奶茶。個熱奶茶味道ok, 但係超細杯，兩三啖飲完。烏冬只有少少䓤，咩都冇，算啦，味道唔算差。個壽司包括4件鮭魚壽司同2件鮭魚沙津軍艦。size適中，顏色比較深，一望都覺啲魚好唔新鮮。味道腥腥地，仲有啲我唔知係咪筋，咬唔爛。啲軍艦既紫菜軟哂，咬唔開。總之唔知啲食物擺左幾耐，超唔新鮮！😥仲要我都未食完就收野，個壽司一半響個口度仲問我食完未，收唔收得！點答呀？一個咁既lunch唔值75蚊！…Read More

和亭。日本野。肯定唔會平。見月頭出左糧。Lumch time一於會一會佢。事關lunch時間。。一早叫友人去拎定位。好等我坐低有得食。朋友替我order了鯖魚定食。友人的是咖哩豬排飯。鯖魚定食。。lunch。。$38加一。。都有小小期望。。煎得唔夠乾身。。。又無比點魚既汁我。。不過味道我接受！事關我個人中意食魚。hehe友人個飯。。。豬排三小塊。。。幸好個咖哩汁味道好。。唔係見到會唔開心。。。另外order了個蛋卷！我地向待應order左一客$28 得四舊的蛋卷。。。叫完之後。。再望個餐牌時，發現午餐定食可以用$9order半客即兩舊蛋卷。。。同友人心諗 。。做左傻仔。。即刻搵個待應改單。佢好快應左好。。。之後又忙。。。好。。最後送上半客蛋卷。。。味道。。。都係ok既。。。鬼叫我中意食蛋結賬時。。。收我一百二十幾。。。就即刻同返收錢既講。。。改左要半份。。。又後等佢改單。。。最後一百元兩位。。。價錢可以接受。。。食物可以接受。。。但服務可以再加強。。。…Read More

D人成日話和民集團有幾唔好唔好, 其實人地收你咁既價錢, 比D咁既食物你, 仲有舒適既環境, 仲想點??呢間屋邨和亭絕對係一個平價之選, 約$50一個魚生飯/拉麵/石窩飯咁, 我死唔信同樣價錢你可以喺茶餐廳/快餐店坐得咁舒服同有咁既味道!今次要左個2人餐, 見D野都幾啱食又唔想諗仲要跟餐可選梅酒!!首先黎杯梅酒, 味道OK, 唔會有酸, 幾好入口咁啦~跟住係沙律, 唔記得叫咩名, 主餐牌係無既但味道上原原全全係扮凱撒沙律, 生菜+煙肉+凱撒汁....配埋和民家族沙律必備既三色椒, 紅洋葱味道都OK既~薯條配枝豆....九唔搭八...主要都係食個枝豆薯條無乜鹽...味道麻麻..豬扒鍋, 和亭版本唔係自己煮, 佢煮好先出黎不過火候都控制得唔錯~, 因剛熟, 豬扒未唸晒主角牛肉壽喜燒 (sukiyaki)香港好少食到正宗關西風既sukiyaki關西風既sukiyaki係用鋤燒, 而且先用濃汁燒牛肉, 食完部份牛肉先再加湯成鍋雖然遠遠唔及日本食既正宗, 但和亭用左半鋤燒去做已經算係咁~值得一試~~ 可惜佢無比沙糖, 日本一般會用沙糖同水去溝淡濃醬油味!…Read More

即興約朋友去黃大仙食晚飯, 入到黃大仙商場搵到呢間和亭, 呢頭好似無日本和食,所以就入去幫襯!我哋order 咗二人餐, 因內裡都有大部份嘢合心水 , 大致有如下:1. 鍋物-牛肉~ 食法好特別, 所有鍋物食物(牛肉, 蛋, 豆腐, 金菇, 黃芽白, 紅蘿白)係比客人自己煮 ;~ 先自己干燒牛肉, 食剩兩三塊再放入醬油作湯底, 然後再加入其餘食物( 蛋, 豆腐, 金菇, 黃芽白, 紅蘿白)一起煮;~ D牛肉好嫩滑, 配上自己煮就顯得互動性同食得開心; :) 2. 吉列豬飯~ D吉豬好大件, 如可以切細件D就更加好 ;~ 吉豬都係炸得可以, 起碼D皮唔會太多油都有D脆口;:)3. 清酒煮蜆~ 上檯時,D清酒已經無在器皿中, 所以D蜆都無咩清酒味;~ 而且重唔熱, 希望佢哋可以留意下, 煮完焗耐D可能好D; :(4. 和亭沙律~ D沙律汁唔太夠;~ 好彩有D魚生配合, 入口清清配上魚生都幾鮮甜5. 剌身~ 需然份量夠, 但唔多夠新鮮;:(6, 鯖魚燒~ 好香口, 份量都好足夠, 燒得剛剛好;:)7. 青檸梳打~ 青新口感配上梳打好爽; :) …Read More

星期日係女朋友嘅Family Day。晏晝去和亭三個人每人叫左一份天婦羅烏冬，等左15分鐘嚟到。味道合格，烏冬夠嫩滑，但係以$48嘅價錢嚟講份量係極少，食完唔夠半個鐘已經肚餓啦! 連女仔食都唔夠，男仔可能一次要食三份...…Read More

星期六既晨早 約左一班朋友跑沙田坳上飛鵝山 完成時差不多兩點落返黃大仙中心各自解散 我同軒仔決定食埋野先歸家四處望 當時為兩點半 見大部份食店都很多人 而下午茶又要三點先供應人又多腳又痛 隨意走入唯一較冷清既'和亭'見主餐牌選擇不是太多 點了三樣野~牛骨火鍋 另加烏冬及蛋 湯底幾濃 味道OK:)牛肉就一般 配料幾多:)章魚餅 夠香夠熱又彈牙滑蛋豬扒飯 豬扒炸粉勁厚 又唔多脆:( 飯底又淋左期間無乜客再入座 係食得幾自在 HEA足一粒鐘先走…Read More