WATEI Japanese Restaurant (Closed)

一向都喜歡食日本野，之不過好食的日本菜一向都貴，就以和民為例，細細碟但略貴，所以我欣賞和亭，相似的食物但較便宜，仲要屯門就有！心血來潮，拉老婆去食~由於唔係好肚餓，我地叫左唔係好多野食。先試個"炸章魚餅"，$23有6件，數量唔小。夾上黎聞兩聞，好香章魚味:)每件都清楚見到無數既章魚肉，因為魚餅煎得比較薄，可以一啖就可以咬晒！魚肉肉質爽口彈牙，味道都唔錯。再來一碗東京牛肉飯(伴溫泉飯)，牛肉幾惹味，可能本身有炒過，少少咸，見唔到牛肉有肥既部份。我最喜歡食林身既洋蔥，飯入面既洋蔥非常林，撈埋飯一齊食簡直係正！溫泉蛋就失色左dd，因為凍既我期望食熱辣辣既溫泉蛋架嘛:(十勝名物豚肉飯試完牛就試豬，個飯同豚肉幾特別，食到啲山椒味，增添左飯既味道(本身個飯無汁，是白飯一個)，豚肉醃得幾入味，略咸，明顯煎過，因為面頭有啲焦，但食落就無焦味，Total 6件豚肉，一人份量絕對足夠。…Read More

一行7人叫左2個2人餐加兒童餐都夠晒食,仲有5位可以飲料放題,天婦羅炸得好脆唔油膩蝦仲保持到嫩蔬菜都炸得好好味飯碗底有汁撈飯食一流,豚肉飯超好味個燒汁襯豚肉好味食落唔覺肥可以食多2啖飯,魷魚燒雖然好林但冇鮮味只依靠點汁食,和風沙律菜唔新鮮不吃冇損失,軟殼蟹卷餸太多卷唔實一夾散晒,牛肉鍋睇落細其實食極都唔完,蛋及烏冬早落會老但吸晒汁好正牛肉普通湯底是零魂反正冇所謂,條魚好腥好腥用左檸檬汁加點沙律醬都食唔落放棄左,壽司壓得唔夠一夾就散,甜唔只係雪糕糯米滋加芒果係面冇特別…Read More

好耐都無去食和亭既石鍋飯，份量同之前差唔多。送上黎既時候唔夠熱，所以整唔到我最愛既飯焦。材料就好多，石鍋泡菜牛肉飯牛肉唔韌，泡菜、辣醬所以材料撈埋黎食都好味唔會太辣。海鮮石鍋飯有蝦、乾貝、粟米同蟹柳。味道就無牛肉個個咁好食，因為無咗個辣醬，乾貝就大大粒厚肉。…Read More

晚上十時左右，屯市可選擇的不多，媽媽喜歡吃日本菜，便選了和亭。點了焗芝士年糕（$33），東京滑蛋豬扒鍋（$63），天婦羅烏冬（$58），炸章魚餅（$23），追加白飯和鰹魚湯（$15）來配豬扒鍋。餐廳只有5檯人，想不到都要等了20分鐘左右才上菜。豬扒鍋放於火鍋用的壚上，滑蛋要自行打進鍋中煮，確是花了心思。但豬扒太乾，蛋太少，調味平平，不算好吃（全碟只有洋蒽味道最好）。晚餐來說，性價比中下。下次朋友想點的話，建議點滑蛋豬柳鍋（$53），因為差別不大但便宜十元。又或者滑蛋雞肉飯（午餐$36），廚師煮的滑蛋好吃多了。焗芝士年糕和餐牌上的樣子差很遠，只有5小塊（商品說明條例是沒有用的麼），而且非常難食（難食到5小塊也覺是真的夠了）。性價比極低。天婦羅烏冬沒有什麼特別，是湯略嫌太咸，上菜時侍應叮囑天婦羅是點烏冬湯來吃（所以湯才要弄得咸一點嗎），其實只要加一小碟點天婦羅黑黑的那種汁已經好吃非常多了，為什麼連這一點也要省。順帶一提，天婦羅是炸得頗好的，但因為點烏冬湯所以調味不太好。晚餐來說，性價比中下。炸章魚餅是整餐最好食的，當然，炸熱個早已做好的章魚餅有多難，但我記得以前有那種好像薑蓉的東西來點著吃，減低油膩感的。晚餐小食來看，性價比中等。還有，鰹魚湯非常咸，若不是飯一碗$12，連湯$15的話，絕對不會加。整餐來說，最心甘情願給的是加一服務費，因為店員態度真心不錯。…Read More

經過見到二人套餐二百幾元。有幾樣野食。好似幾抵。 入到去。叫左一個店長推介二人套餐。有小沙律,飯,自助飲品,小食,小火鍋。1. 石鍋泡菜飯好味。不會太辣。份量夠。拌勻就食得。2.小火鍋 3.6牛乳海鮮鍋 :)份量少左d。菜勁多。有牛乳香味,不會假。3.薯仔年糕這個我覺得幾好食。4.煙三文魚好食。:)不間餐廳人手唔夠。超忙。整體不錯…Read More

某日下午經過和亭，4時多仍未吃午飯的我，見到客人不多，也就再比次機會這間和亭. 曾到這分店晚膳，環境以及食物都不佳，餐桌、用具痴立立，炸物油淋淋，但已經是2年多前的事，所以唔怕死，再來一試. 坐下才知原來下午3:00-6:00 午市套餐有7折優惠，看看價錢實在平得很，這個價錢維到皮嗎? 很肚餓的我，不用多想，就選了石鍋泡菜牛肉飯 $43，跟餐還付送麵豉湯、沙律菜，非常豐富. 當我想叫餐飲時，店員告知是自助吧形式的，有咖啡、茶、汽水任飲的，不是吧! 實在平得過份. 麵豉湯味道偏鹹，內裡有小量豆腐粒、海帶等. 沙律菜蔬菜不太新鮮，只有少量日式麻醬，只屬一般. 石鍋泡菜牛肉飯 $43石鍋燒得不夠熱，幸好微弱的熱力也足夠令溫泉蛋變熟，我實在太討厭吃半熟蛋了. 把韓式辣醬拌勻，帶有少辣的泡菜以及牛肉拌飯幾惹味的，這價錢可吃到石鍋飯，也沒投訴了. 自助吧因為自助吧的關係，我喝了一杯汽水、一杯朱古力以及一杯茶. 汽水夠凍又夠氣，正正常常. 朱古力則太甜了，至於檸檬茶包，慘出檸檬香氣，也算不錯. 結帳只需$34.4，這價錢就算附近茶記都做不到，實在是窮人恩物! 笑臉是送給在這物價高漲的香港社會，仍然可以$3x吃到飽:)屯門華都花園商場2樓(level 3)7D1號舖2404 6306…Read More

星期日晚上，得我同媽咪二個人食晚飯。本來想食爭鮮，但見到排二條長龍，就打消念頭。行街經過華都，見到和亭少人排隊，就拎飛等位。只差一張枱，等了大概十分鐘就有位。入到去，基本上得二個人做嘢，落單等人嚟都等左十分鐘！首先，我們點了一個炸章魚餅 $18味道不錯，比預期中好，不會太粉太油。點了一個大鍋，3.6牛乳海鮮火鍋 $98Menu的圖有牛肉有三文魚，但來到時根本貨不對版。過了20分鐘後，3.6牛乳海鮮火鍋變了這樣。老實說，其實個3.6牛乳海鮮火鍋唔好食，仲難食過吉野家、大家樂！火鍋料很少，而且大多都是菜。我地本身等個鍋嚟到再叫火鍋配料，但個鍋令我地好失望，埋單算。埋單又係無人理我地，最後又等左十幾分鐘，真係食到一肚火！其實甘大間餐廳，又唔請多啲人手！外面好多人排隊，入面有枱但未執到比客人。…Read More

又再一次去和亭食日本野啦今次決定試下屯門市中心呢間睇下味道有冇唔同!叫左份關西風壽喜燒(大)醬汁味道依然係咁一流配上d蛋汁 d牛肉食落甜甜地好有味不過烏冬比較普通 無乜特別成份壽喜燒都好正除左牛肉之外 其實仲有蘿白冬菇豆腐生菜等不過菜既份量係佔好多架 食完飯點可以唔叫甜品今次叫左個焦糖雪糕大福焦糖醬同2個大福係分開既可以自由選擇倒幾多焦糖醬幾好食 甜得黎唔會太過火至於大福呢 個人覺得同超市買既雪糕糯米糍好似無乜分別不過都係好食既價錢都唔錯既 總數係160幾蚊啦日本野黎講我覺得個價都差唔多啦而且味道係好既 抵食…Read More

平日午餐去茶記多Ｄ,上星期一經過和亭,有日上openrice見到幾多負評，我唔信邪去了試下這間午餐，和亭相比同商場食店的確少人光顧,完全不用等位,我入到店鋪之後求其坐了一個位,店員這時候才拎餐牌,我好快叫了炸蠔定食(58元),飲品是自助形式，汽水機是壞咗,只有芒果/提子糖漿供應，但是，我覺得好難飲，我飲了些小冇去再裝來飲，炸蠔又是不好吃，我覺得蠔有些小不新鮮，沙律又麻麻,味噌湯又好咸,整體不好吃，服務又麻麻,環境又幾好,應該不會再來食物水準炸蠔，我覺得不好吃，味道有些小不新鮮白飯，唯獨這個OK沙律,我覺得不好吃提子糖漿，好難飲味噌湯,好咸服務等埋單等了10分鐘，服務麻麻環境我覺得幾好價錢61元,好貴，唔值這個價錢番吃不會再去…Read More

話說果日係市中心周圍遊街 果陣肚餓又想搵個地方坐低食野 路經見到呢間野下午茶有7折就決定入去試味食完先發現 原來伏黎.......:(下午茶餐牌同晏就餐牌一樣 不過勝在餐牌內套餐全部有7折 聽落係幾吸引人既:)諗左好耐 決定喊份石鍋牛肉飯+一份三文魚壽司飲品為自助吧 可惜只有可樂飲三文魚壽司 脂肪算肥 不過飯團一夾就散 舊飯握得唔夠好 上菜時間唔算耐 但石鍋飯份量幾乎係減肥中既OL級 連下午茶份量都算唔上我發誓我有好好咁攪衡D醬料佢 但係...............每一啖食落去真係勁勁勁勁勁勁咸!!!!!!!要一啖可樂一啖飯黎食第一次慶幸份量咁少.......我食左幾啖就實在係唔落口 當時份量只剩下一半都冇 直接食肉算 隨餐附送一份冇沙律醬既沙律 菜仲要勁硬總結:我懷疑廚師味覺失調 倒太多鹽 就算7折都唔值得食:( 大概明白點解有7折優惠都咁多空位…Read More

上次試完和民信用卡優惠，今次試下和亭，同樣信用卡優惠，卻比和民平宜，但相對沒太多選擇，不過要試下先知！和亭不用等位，直接入內便可以。又點上2人套餐。首先到來 和風沙律(套餐) ，帶點芝士條、蕃茄、紫菜條、沙律醬，色澤一般，成為打頭陣前菜。石鍋類3揀1 石鍋月見豚肉飯(套餐) ，中間有窩心蛋，拌飯一流！豚肉片帶油脂，飯粒挺軟熟，合格。 廣島炸蠔(套餐)，炸得焦黑，炸蠔小妹不太喜愛，反而對旁邊的沙律菜興趣大點。 意大利風薄切鮭魚(套餐)，佈滿白層油脂，吃下口感一般！送上鐵鍋一個，還有 鍋用烏冬(配湯，雞蛋)，雞蛋後尾被小妹加湯烚熟變成溏心蛋，超好食！  關西風壽喜燒(套餐)，驚險的壽喜燒，當小妹完成美滿的燒肉後，當然燒肉沾滿油香後，是好吃的。後來加上一碗附送的湯時，因湯量太少而鐵鍋太熱，熱力一下子蒸發向上燒，小妹的手差點兒燙傷，幸好抽回快手，否則肯定燒傷，然後叫店員再加湯填滿鍋子烚烏冬。放題吧就是飲品吧，但只有汽水和茶包等選擇。初時店員已為我倆送上免費熱茶，但小妹後來想呷口熱茶便出去拿了個茉莉茶包。信用卡優惠$188，連加一服務費後埋單$206.8。…Read More

第一次食壽喜燒,心情有D緊張因為7點入去所以唔駛等位落左ORDER幾分鐘就送黎呢個鍋牛既份量都OK,但可以排好D金姑得一小撮,有D吝嗇個MENU都有教點搞個壽喜燒首先就係煎左D肥牛之後就落D壽喜燒汁一齊煮再用D蛋汁點肥牛因為D汁唔算多, 所以落左少少菜後最後一次過落個汁其實幾SALTY配肥牛好正,但菜唔好泡咁耐如果唔係好SALTY美中不足既係飯要加錢如果唔係就PERFECT池啦值得一提既係SERVE我既WAITER態度好好不過係咪全部WAITER既質素都係咁就唔知啦…Read More

今晚唔想食咁heavy,就想食下日本嘢，記得以前返工附近都有間和亭，我都有成日去食lunch,於是今晚就同老公嚟屯門呢間試下嘞！一入到嚟，原來都幾大間，入面好多小朋友，好嘈。見到好多人食窩，都幾平，不過因為唔想打邊爐，所以都係冇叫。叫咗：和亭沙律個賣相就麻麻，不過有芝士配牛油果都ok三文魚刺身有三種，三文魚，三文魚腩，火灸三文魚，個樣睇落好似唔係好新鮮，不過又好有三文魚味喎。帶子刺身，好細件，不過又係唔好睇，但幾有鮮味！帶子及章紅魚壽司不過不失，不過感覺上製作好求其。集錦天婦羅好食，有一個好似係炸牛膀，幾得意👍燒魷魚Well,基本上係烚熟隻魷魚加少少醬上去，好似食橡筋咁😰仲叫咗支清酒，原來係和民嘅平價版，可能較平，所以好多小朋友，又無乜staff,如果有時間，當然係去和民物有所值好多。…Read More

今次同老公平日夜晚食和亭。 平日夜晚其實不算太多人，門口只有3組人等緊。但因為侍應不夠，在門外都等左好耐先有得入去。 入到去原來都好多吉位，要等位的原因都真係不夠服務員。這個問題希望餐廳能改善。 :) 和亭普通收費不是太貴，是中價合理價錢。所以都吸引很多年輕人光顧。今次同老公叫左以下呢幾樣…1/ 鮭魚拼盤呢個ok 喎! 三文魚刺身有5片、鮮三文魚壽司、火灸三文魚壽司、蟹子汁三文魚壽司。這個拼盤配得不錯! 價錢都好合理。 :) 2/ 牛油焗帶子這個比其他的日本餐廳做得較一般。食不到牛油香，沒有栗米的甜。更重要的是帶子焗得over左…個盤底部都有D燒焦了! :( 3/ 牛肉烏東好一般… 湯底缺少味! 清湯沒有清甜味，而牛肉都煮得靱左少少。有點兒快餐店的感覺。但價錢又不是太貴，免強都可以收貨。4/ 炸雞軟骨呢個真係做得好差。佢整得太炸喇….一入口感覺到好多炸油湧出黎! 最後2個人都食剩呀! 總結: 鮭魚拼盤係好食既! 其他食物一般。 但未去到好差。所以只可以比OK的食評! 希望餐廳可以用心做好每一盤食品! 不要給客人有一份似快餐店的感覺。而且希望侍應可以有足夠培訓，以應付客人的需要。…Read More

lUNCH sET 打算食完去睇戲，所以都好趕時間，D待應掛住吹水 手腳又慢，清酒煮蜆 聞就有酒味 食落就無味有沙cHEESE年糕 還可以 熱辣辣~壽喜燒都幾多牛肉 好好味 又可以自己玩~個個牛肉窩飯就劣食 上到黎都凍哂LU~…Read More