WATEI Japanese Restaurant (Closed)

剛好行過因時間尚早所以星期六也可以不用排隊, 所以就直接進店食晚餐了。 因為有4個人所以就點了兩個2人餐,省得想了。(沙律x2) 沙律上有溫泉蛋。 (細細碟的菇菌x4) ok。 (剌身x2) 有三文魚ok. 蝦一般. 吞那魚我唔食. (炸雞脾) 炸的香脆仍能夠保留肉嫩。 (燒雞脾) 雖然不脆但肉嫩ok:)。 (泡菜石鍋飯) 如果有辣醬提供就更好了。 (豚肉拉麵) 上面的唐心蛋。 (細海鮮鍋) 同 (細豚肉鍋) ok。 (雞翅膀) ok。(自由飲x4)。 (雪糕x4)。…Read More

正所為姊妹同心，其利斷金！2人力量總比1人大，而2人力量更可有意想不到的效果。「和民」與「和亭」正是那對姊妹的化身，他們屬同一公司，連餐牌也非常相似。相似程度令人覺得其中一間是多餘也不足為其。但細心想想其實2間的方針與目標顧客也不一樣，和民座位較和亭舒適，卡位比較多，客人可以慢慢享受美食詳談，而套餐與款式都比和亭多點點，適合聚會或簡單慶祝光臨。而今次與朋友光顧和亭就是想來個快速日本晚餐，因為和亭卡位相對較少，而座位與座位之間有點擠迫。非常適合來個簡單便飯。既可以食到和民味道，又可以滿足我朋友想食壽司的念頭。當晚大約7:45pm到達，幸好不用等位。點菜當然以壽司為主。火炙鮭魚腩壽司：三文魚炙致半生熟，身為三文魚迷既我覺得炙後仍能保留到三文魚的油份，質感與壽司飯一致，但略賺三文魚偏薄，難以食到三文魚的味道。鮭魚牛油果卷： 很清新的一碟卷物，蟹子、三文魚和牛油果疊在壽司飯上，壽司飯內卷著青瓜與胡蘿蔔絲，但青瓜與胡蘿蔔絲的份量較少，大概只有3-4條。香蔥吞拿魚腩壽司：吞拿魚腩打至蓉，導致入口更容易溶化。卷物內的蔥花扮演著重要的角色，因為它能帶起淡味的吞拿魚腩，點綴了整舊壽司。蜜糖芥末脆雞翼：脆雞翼溫度屬熱，看似剛剛炸好，讚的是雞翼炸粉頗幼細，炸後仍能鎖到雞翼的肉汁，但雞翼本身並無任可腌料，或炸雞翼並沒有灑鹽，所以主要味道來自蜜糖芥未醬，但醬的份量不太足夠。石鍋鮭魚魚子飯：石鍋內有三文魚，蔥花，紫菜，牛油，黑椒和沙津醬，魚子另上。所有配料撈後，三文魚會變熟，牛油充滿整個石鍋飯，所以有香濃牛油味，而且黑胡椒帶起三文魚的味道，但略賺撈後飯會變得過於油膩，碗底會有可見的油份。…Read More

我喜歡食日本野，昨晚在和亭日本料理食晚餐，點了石鍋黑椒牛肉飯御膳，牛肉放在飯面肉質鮮嫩又熱騰騰，肉汁滲透入飯𥚃令飯充滿牛肉味香，攪動石鍋內的食材好有食日本料理的風情。…Read More

考試時間早放學，仍然趕到早餐，平時都係晚飯先食和亭，最愛這裡的鍋燒烏冬，曾經出過一個雞鍋都好好味，好似用鹽粷醃過一樣，肉夠入味而且煮久了都仍然淋滑，但好似好耐無再見到有呢個餐⋯而今次係我第一次食和亭嘅早餐，感覺幾抵食，早餐仲可以無限添飲添！叫咗兩份早餐，埋單才$63！和風义燒玉子麵👇🏻和風义燒，只有一片，但味道不錯，亦算淋，$30有麵，有半隻蛋，一片日式义燒同紫菜，還有任飲，仲想點？照燒雞煙火腿烏冬👇🏻雞扒也不細，味道也不錯，就是肉質有點乾，不夠juicy...烏冬，我就是喜歡晚上來吃這裡的鍋燒烏冬，因為能一直熱著吃⋯作為媽媽，要一邊吃，一邊照顧小孩來說，能吃熱食是有多麼幸福，你們懂的！食物質素，我當然覺得晚餐食物質素比較高啦！但若以早餐來說，這裡亦算不錯，價錢平，環境舒適，無限添飲更是適合相約知己來hea坐…Read More

今日出左去探完朋友，就隨便係附近和亭見到鋪外既menu又幾吸引，就食埋野先返屋企!兩個人叫左兩份餐，朋友叫左咖喱豬扒蛋包飯定食，碟飯勁多咖哩汁，咖哩唔辣但味道都唔錯連怕辣既我都食到，豬扒炸得幾金黃香脆，食落脆卜卜好香口，包住飯既蛋都幾滑唔錯，伴碟仲有少少蔥花，將簡單一碟飯加返點色彩! 粟米豚肉石鍋飯，石鍋上飯上配有粟米同紫菜碎，熱辣辣香噴噴，豚肉切得幼細，賣相相當吸引，豚肉肉質都幾滑配埋鮮甜既粟米，再加上醬汁都唔錯，份量都幾多，女仔一個人真係未必食得晒!跟餐既麵豉湯味道不過不失，沙律份量唔多，沙律中加有酸甜沙律醋，食落新鮮又健康!總括呢度都不過不失，食物既價錢都合理，環境舒適座位都寬闊，都唔錯!…Read More

日式早餐向來不太受香港人歡迎, 款式簡單中講求細節亦不容易處理. 和亭的早餐未及標準, 主因是細節上的不足, 份量亦略嫌單薄. 早餐配有免費添飲吧, 適合早晨時段去hea的客人.頗有趣的裝潢烏東質素不錯, 湯底亦算可以. 但配料份量的確偏少. 玉子燒已經涼掉, 蛋身亦煮得太老:( 飯團還不錯(內裡有鮭魚), 可惜配上四洲紫菜(帶甜). 失望…Read More

好差！首先，食物嘅質素係差嘅就唔在話啦，又唔抵食，點知，啲服務態度仲差，由其係有一個體形較胖既女仕唔鐘意我地睇到份menu亂哂咁，仲係未落單就想收咗唔比我地睇😠😠😠就連隔離枱既客人的火鍋都未到，佢就要收樽豉油，客人話要用，佢就好唔滿意咁倒啲豉油落只碗度，跟著攞走支豉油，…Read More

有和民信用卡嘅生日優惠，下午五點後可用，只可以主餐牌單點，點左三件壽司，味道只屬一般，紫菜尚算脆口，但芥末魷魚一半放左青瓜，好揾笨炸雞軟骨一上枱我已囧樣佢一係俾隻再細d嘅碟上枱啦*此乃未開動前拍的照片*舊檸檬至係主菜，得幾粒要$35再加一⋯⋯有啲被搶劫嘅感覺，幸好味道同夠脆口取回分數，最後以$7.9新低價錢埋單⋯⋯全勝…Read More

一直都覺得午餐嘅和亭係好食過和民嘅，平時lunch會過嚟食壽喜燒。今日放工同同事一齊黎，唔使等位非常好。揭開餐牌發現價錢竟然同午餐差唔多😳因為都夜夜地（接近9點對屯門人黎講叫夜🙄）所以呢就快啲食，唔肚餓嘅關係所以冇叫套餐咁就每人叫咗個嘢食就算。同事要左個泡菜牛肉拌飯，我就叫咗個蕃茄海鮮烏冬麵。價錢竟然比日頭仲要平一蚊，因為午餐包自助飲品。同事話個泡菜牛肉拌飯正常味道泡菜少少辣如果多啲醬就好喇。我嗰個番茄海鮮烏冬麵個番茄湯係用茄醬開嘅，ok好味。烏冬面唔係cheap野都彈牙。海鮮都有帆粒貝、青口、魷魚。夜晚價錢真係抵，仲無端端信用卡有九折即係免加一啦。…Read More

Went it for a simple, seemingly cheap Japanese style meal. Bitterly disappointed.Very little portions from what we ordered. I ordered salmon roe and rice, the rice was strangely sticky, hot, and covered with a fishy sauce which did not compliment the rice, whilst the salmon was extremely thin. My partner ordered the eel and beef cold rice, both meat was very low grade, the rice was again steaming hot, and it had some strange white goo accompanying it. We paid the service charge however we did not get any service whatsoever. For what we got we believe that it was over priced, it tasted and looked like a $30 meal and we paid a lot more for it all.Overall a very bad experience, would not recommend …Read More

系和亭都食左唔少次，但系星期日咖lunch餐唔跟野飲，都無無限添飲，有湯有沙律但系無野飲，突然覺得依個唔系lunch餐。而且坐左一陣都無茶水到就算行過見到都無比茶水…Read More

心血來潮想食日本料理，所以來到「和亭」嚐嚐它的組合套餐，套餐都幾抵食，有牛肉烏冬、野菜沙律、鮭魚壽司和自助飲品吧! 餐廳好大，十二點半也不用等位。牛肉烏冬份量很大，可惜牛肉不太多，湯頭的味道也偏淡，只有淡淡的昆布味。而且店員也很不小心，落錯單，幫我們的餐錯點為迷利豬扒飯，等了好久，鮭魚壽司三昧才上枱。鮭魚壽司三昧感覺不太新鮮，三文魚不夠涷，吃下去没有一般三文魚的鮮甜。而且三文魚也非常薄切，没有一般的肥美口感，所以不太推介! …Read More

OT 完，想獎勵自己 (搵藉口中)， 其實是為食，想吃一點點小吃。經過和亭不用等位，又再吃! 但原來和亭的小食選擇都不算太多，選了很久，終於點了4樣東西 雞軟骨，炸得有點過火，好油，碟底的吸油紙都吸到變成透明；份量亦少！ 滑蛋雞肉飯，都是令我失望，我以為是雞塊，原來只是有幾粒雞丁！只有幾粒雞丁的滑蛋雞肉飯 壽司盛合，魚生真的太小片了，飯團都蓋不住，味道都是一般三文魚太小片吧！ 石頭鍋海鮮飯，沒有拍照，算是份量比較正常的了！餐廳環境比較不極齊，筷子籃裏的筷子都沒有上下分好，筷子亦會有長短，真的教人失望吧！…Read More

看畢電影後已經是下午三時多，還沒有吃午飯的我很想吃點飽肚食物，就來到了華都花園的和亭用餐. 這間分店是開放式的，裝修都有點陳舊，但就因為下午茶價錢相宜，都吸引不少食客於這段時間到來的.下午茶餐共有12款，包括湯烏冬、石鍋飯、定食及壽司套餐等，定價為$38-$63再加一，另加無限添飲，都相當划算. 蔬菜沙律 (跟餐)沙律菜不太新鮮，但配上粟米粒及醋汁，都可以接受.石鍋泡菜牛肉飯 ($38)泡菜牛肉飯賣相都幾吸引，有不少泡菜、芽菜、牛肉等，趁熱把所有材料及糖心蛋拌勻，亦有不少飯焦的出現. 惹味的泡菜飯份量也不少，足夠我飽到晚上，連晚飯也不用吃了餐飲選擇也多，不過咖啡機即沖的Mocha偏甜，latte則較為好喝; 不過如果想喝健康飲品，不妨飲用茶包綠茶，當天我就喝了2杯，滿足矣!屯門華都花園商場2樓(level 3)7D1號舖2404 6306…Read More

一向都有去開和亭食午餐同晚餐，價錢公道，質素都唔差，以往會同家人吃四人套餐，套餐價錢中等又多野食，實在是抵食。而今次只得我一人吃午餐，於是就點了石頭蒜香海鮮飯。在飯中有有蒜蓉以及獨製嘅醬膏，將整個飯混合之後會覺得飯粒惹味更開胃；而石頭窩非常夠熱，而且輕輕拌起飯粒以及配菜，就已經可以令配菜及飯粒更熟透，而石頭窩更可熱得令飯粒起焦，非常正！而海鮮配菜中包括中蝦、細粒元貝、蟹籽、蟹柳等等，配料十足，雖然海鮮配料唔屬於多或者配料都算細粒，但係每款都熱騰騰及沒有多餘雪藏味，吃落都幾新鮮。另外仲叫咗清酒蜆鳥冬，份量唔算多比較適合女性，而每隻蜆內都有蜆肉，唔會有空殼，加上蜆肉肉身幾大隻，肉質同口感都好，而且清酒的香味都完全滲透到蜆中，非常入味；清酒味好香，唔似其他地方食完類似的餸菜都唔覺有清酒味道。…Read More