日昇林記菜館

今餐其實都食得幾唔開心...心目中ge大排檔應該係差極有個譜，但係今次真係比較失望...今餐叫左4樣野食，揚州炒飯，煎蠔餅，椒鹽豬扒同麻辣海鮮煲，總數330，我覺得算貴...唯一值得大家食ge，就係麻辣海鮮煲！其他3樣都好唔值得大家去叫。口講無憑...小弟食得太唔開心啦，淨係記得影個蠔餅，所以我都唔評太多其他ge食物啦。個蠔餅一拎出黎係已經切好左比你，一望個樣已經好驚訝，因為佢似泡菜煎餅多個蠔餅...唔緊要，比個機會佢，可能味道ok呢...結果一夾起，嘩...實的的，成舊都係粉漿，d蠔少到同無無咩分別，見到黑色以為係蠔，結果係葱....而且成個食物係好淡，淡到無味....好灰...我諗我唔會再去了…Read More

是日天冷，路過Ｂ仔舊址見到大排檔排長龍，蒸氣四溢，食桌開到佔半邊路，特別令人提起食羊肉煲的興趣，素聞冬菇亭是元朗大排檔之最，特意前去一試。伙記老闆招呼殷勤，知道食桌放於當風處，會為不同客人的GAS爐圍上紙皮，我地兩人叫了三個菜，羊肉煲（送生菜），椒鹽九肚魚，燒雞，可能由於天氣冷，煲以外的小菜很快冷卻，很失策，味道不錯，但燒雞太瘦太細，食到尾凍左又硬左，如果叫打邊配菜可能更好。羊肉煲勁多，係勁多羊肉，值得贊賞！而且羊肉很容易咬開，肉質鬆軟，配上付送的腐乳醬，很有風味，是一家大細冬日食羊肉的好地方！只是價錢略貴～…Read More

馬拉盞炒通菜 HK$60呢個通菜好食，好有鍋氣！而且炒得好青綠，一點也不老，微辣，真係好開胃，所以叫了白飯配，簡就一流配搭份量都偏多，兩個人吃夠哂多。XO西芹炒魚扣 HK$75師傅XO醬落得不吝嗇啊！好惹味紅色係燈籠椒，不過是辣的吃到辣的我都覺得辣!魚扣是魚胃 應該是烏魚頭的胃，炒得好爽脆真係地道熱炒......外面現在很少見到有魚扣？！薑蔥魚雲煲 HK$75這個都好好吃，不太愛吃魚的人也會吃到吮手指！魚雲皮有點黏煲，魚雲量算多，用薑蔥炒一點也不腥味。這個師傅炒功真的不錯👍🏻👍🏻👍🏻第一次吃，猜不到有意外收獲環境來說，秋冬天吃會比較舒服，夏天吃實在太熱了😓😓😓😓😓不過假設一上樓，就會變成吃租不是吃食物了租金令人吃不消，太貴了😓…Read More

秋涼打算食大排檔，坐出面冇咁熱，見到尼到有位就唔諗坐低。叫左3個菜，第一個等左30分鐘，45後都未齊。上菜時間超慢。原本味道可以接受，但等到成支啤酒放到變到熱啤。最後吾等埋單走人。 原本開心的一天咁就蒙上污點！…Read More

元朗有好多特色嘢食，今次就想試下平民化 嘅大排檔。見到呢間特別多人，就諗住去試下。 餐牌款式多，但菜式有點兒普通。 我們點了幾款特價小菜，有雜菜煲、田雞煲、燒雞及椒鹽魷魚等等。啫啫田雞煲沒有啫啫聲，這卻是比較好吃的一碟菜， 豬潤爽口，而田雞的肉質豐富， 味道算是不錯。椒鹽鮮魷炸得很脆囗，其實不用沾椒鹽味道已經足夠，與炸蒜蓉和紅辣椒粒一起吃感覺很棒，頗有避風塘的風味。然而，雜菜煲的味道很鹹， 份量又少，只有生菜和粉絲， 如不是點了幾碗白飯的話根本難以吃得下。 燒雞也是又鹹又乾， 只有約四分之一隻， 幾個人根本不夠分。畢竟這兩碟都是56元的特價小菜，要求不可以太高。個人認為不算是太抵食，但吸引了不少元朗的街坊和遊客前來光顧，而且越夜越熱鬧， 這固然有它的賣點和魅力 。光顧大排檔並不要太著重於食物質素，而是感受一下那股熱鬧的氣氛，體驗那種獨特的本土飲食文化。…Read More