日日食車仔麵 (Closed)

今日出嚟佐敦行街。經朋友介紹。話佐敦渡船角有間車仔麵。因為我同我男朋友都好鍾意食車仔麵。可以過咗嚟試吓。行到過嚟。見到佢咁細間店都坐滿人。真係有啲誇張。等咗差唔多15分鐘。終於安排到座位。我上網見到好多人都推介花膠。同埋最新推出蒜油汁。所以我就嗌咗花膠。冬菇。雞翼尖。生菜加米粉。而我男朋友就叫咗雞翼。蘿蔔。墨魚丸加烏冬。所有嘅餸都好入味。睇得出個廚師真係好有心機整。花膠真係值得推介👍但係略嫌座位太小。見到人哋出面等位。我都唔好意思食咁慢😂😂…Read More

我平時真係好鍾意食車仔麵， 通常去文 X, 永 X, 但係發覺近來佢哋啲嘢越嚟越貴, 出品質素又時好時壞 咁啱喺社交平台群組見到有人講呢間車仔麵，我又喺附近返工所以頭先即刻落去試。 坐低睇下個餐牌已經嚇咗一跳喺呢個區分38蚊有三送麵， 價錢絕對合理。 佢個湯底真係幾惹味，我加咗個麻辣汁， 略嫌太辣下次會叫小辣。 佢每樣餸都好入味， 豬皮同魚蛋好有口感 ，最值得推介嘅係個豬紅👍 另外嗌咗個炸大腸同魷魚鬚， 絕對有驚喜， 最衰佢冇啤酒叫🤣🤣…Read More

自細喜歡食車仔麵，銅鑼灣（糖街，登龍街）灣仔 （立食）西灣河（太X樓）屯門新墟，元朗，青衣.. 間間都很喜歡。今天專登來試吓這間隱世車仔麵餐廳是一般的小店，看上去乾淨清潔，間隔板也比想像中大，有些小店的隔板小到好像沒有，最怕去那些店舖先看餐牌，一般車仔麵有的也有，還有很多小食，除了滷水拼盤，麻辣鴨腎，竟然有炸大腸和魷魚鬚，好像很厲害一行兩人，老婆叫了個三餸米粉，我就期待了這一餐很久，結果叫了六個餸1）韭菜底 2）咖喱魷魚必食 3）花膠（正）4）牛腩 5）雞翼尖 6）麻辣鴨腎（都推介）跟住當然忍唔住嗌了炸大腸和酥炸魷魚，這兩款性價比超高，價錢很便宜，大約$55一款，還可以兩溝$60。食完超正好味👍🏻👍🏻👍🏻值得一讚是他們的湯底，有一個是龍湯，勁有1幻feel 我已經把這間店舖列入我認知的最好食車仔麵頭五位。跟銅鑼灣（兩間）灣仔（立食）青衣（村屋）同一個級數.. 一定會再來…Read More

去開 e 頭探個朋友，先發現原來依家去渡船街呢邊咁方便，喺柯士甸地鐵站行過嚟，4-5分鐘就到，上去之前唸住食個快飯先，就同個fd黎咗呢度食車仔麵，冇諗過街坊嘢嘅水準都咁唔錯！炸大腸拼魷魚🦑，呢個係超級正，平時其實我係唔食炸大腸的，但依度我覺得係可以下次再黎食的水準，咁岩見到個阿叔嚟叫外賣，叫咗個炸大腸拼魷魚返屋企食。車仔麵嘅湯底都好正，嗰個蝦油汁有啲似日本拉麵嗰個湯底的 feel, 咖喱魷魚咖喱魚蛋都好好味，我偷聽到老闆同第二個客講，咖喱魷魚唔係就咁用汁浸，係會炒咗個魷魚先，所以會香 d,魚片頭都係我鐘意食的質感，豬紅都好正，唔會散Q晒，有啲咬口，大細仲啱啱好。我相信下次會帶埋老公嚟食，因為佢好Q鍾意食車仔麵！ …Read More

Came here for lunch, very convenient from ICC/ Elements. Very delicious noodles with your own choice of toppings, love the curry soup and satay soup! The spicy and sour cucumber is very appetising! Must order!Very filling! Highly recommended!…Read More

係呢區好少好果又平民價車仔麵，試過出面幾間叫4個餸加飲品都要成$85，呢度都係$5x 好抵食，幾樣餸整得幾入味，豬紅，蘿白好好食，魚旦係懷舊嗰隻，好味過出面又冧又粉嘅。湯底有幾個我第一次揀清湯，正常食完覺得無乜味精，下次想試吓個沙爹，麵份量都比比出面多，我都食唔哂，食完都無口渴應該。一間用心經營嘅小店，應該剛剛開張，係而家疫情下都開舖值得支持，本身好鍾意食車仔麵，之後一定會成日幫襯。😊😊😊特別要讚個炸大腸，無豬味又脆，又唔會太多肥油，一份要$5x好似貴咗少少，份量好多，最好幾個人share。車仔麵都有豬腸不過好肥，個個覺得可以搣走少少肥膏會好啲，不過我知有好多人鍾意食肥啲！😜😜…Read More

抵食大碗好味 56蚊4餸再加凍豆漿推薦花膠 軟硬適中 陳皮魚蛋 好耐冇食過咁好味啦仲有豬紅個湯 濃同辣都啱啱好係icc 返工 真係好難有又平民又好味嘅嘢行20分鐘都好值得😎…Read More

兩個人叫左兩個兩餸麵，一個炸9菜餃，同一個沙嗲三寶都係$146。沙嗲三寶個豬皮蘿蔔不得了！！！勁淋😍😍九菜餸冇出面啲咁大舊，但好明顯係自己包，正！！老公叫左河粉，話係佢食過最好食嘅河粉😳問佢點解佢話因為好滑同滑嘟嘟..總括嚟講性價比超高，希望寫完呢篇野唔會加價啦⋯⋯⋯⋯…Read More

住呢度附近，想搵間好食車仔麵，見到新開入去試下，果然無失望，仲有驚喜，好入味，除左傳統咖喱汁，沙嗲汁，仲有麻辣汁選擇，麵底亦多比你揀，一般車仔麵都係油麵，粗麵，幼麵，河粉，米粉，但呢度有埋粉絲，烏冬，出前一丁比你選擇今日試佢個鮑汁花膠，好少車仔麵有得選擇，夠晒味又厚身，仲要唔駛另外加錢，簡直超值個陳皮魚旦又係一流，今日試佢個麻辣汁，有大中小選擇，個麻辣好香口，如果唔太食得辣，小辣就好了，會再幫襯，街坊價食物好…Read More