新龍城茶樓

今日唔想食茶記早餐，知道呢邊有幾間地道茶樓，最後揀左呢間試一試。點了蝦餃，燒賣，鮮竹卷，雞絲粉卷同雞扎。呢間點心全部一口一件，大小適中，蝦餃燒賣都好好味，蝦餃皮薄爽口，食得出自家製作。鮮竹卷的高湯十分鮮甜，絕對比得上大酒樓的點心！雞絲粉卷在酒樓幾近絕跡，但呢度嘅餡料比較多菜，菜味重咗反而食唔到其他味。最後真心推薦雞扎，所有配料都好入味，出面食開嘅竽頭通常偏硬身，呢度係淋而且好入味，實在難得！要留意返呢度環境真心麻麻，d碗筷需要自己再清洗。另外呢度人流不絕，基本上2人都要搭枱，亦有機會與寵物同枱，我個枱就有狗仔，另一枱有鸚鵡。d服務其實幾好，出到去拎點心d服務員會主動問你要咩，亦會告知某一啲點心蒸緊要等。總括來說食物一流，但環境就看個人接受程度，或者考慮自備盒嚟外賣啦。…Read More

這家位於牛池灣村的小酒家很有風味。午飯時間去飲茶一盅兩件都幾過癮。糯米包唔係好多地方有得食，呢度竟然有就梗係要叫啦，不過味道只屬一般，佢入面嘅糯米飯唔夠香，所以味道會差少少。蝦餃嘅皮同餡味道都可以，入面隻蝦唔係唔新鮮，不過如果隻蝦可以再新鮮d再彈牙d就會更加美味。鴨腳扎味道都唔錯，舊芋頭好粉好靚，入面夾住嗰嚿肉質素都ok，腐皮都OK。碟煎腸粉好食，煎得夠香夠脆，煎到少少燶好正。山竹牛肉嘅牛肉質素都唔錯，起碼有牛肉味而唔係一嚿無肉味嘅肉團。雞絲粉卷比想像中好，不過同以前細個食過嘅味道都係有一段距離。…Read More

放假約左朋友嘆下一忠兩件又唔想咁單調 於是就搵左呢間比較古色既新龍城茶樓 佢係彩虹地鐵C2岀口向右手邊行大概5分鐘就到 唔難搵入到去已經好多公公婆婆飲緊早茶 好快我地都坐底左 想食咩就岀去點心檔到叫 不時都會聽到有啲咩點心新鮮岀爐 我地叫左燒賣 鳳爪排骨飯 煎腐皮卷全部黎到都夠哂熱 燒賣好食唔會係啲好實既豬肉 有小小冬菇粒 增加左口感同香味鳳爪排骨飯係小時候食既味道 有兩隻鳳爪，排骨份量都多 充滿住飯香味煎腐皮卷大大呢個係推介大完試 佢加左喼汁上 加埋酸酸地 食食下好快清哂呀！我地兩個人埋單都係$71…Read More

概覽：一試地踎茶樓風味。衛生環境不太好（侍應不著重防疫措施、餐具不太清潔、設施不見完全清理乾淨）。不少熟客似乎習慣長坐休閒睇報紙，人流唔算少。不需對食物味道有高期望。室外座位冬凍夏熱。香煎腐皮卷：新鮮煎起上碟，但唔太香，料算足。糯米雞：料算足。…Read More

牛肉球🐮$20蝦米腸😄$20糯米雞😉$22茶芥🍵$3/位睇完醫生之後就走咗去附近飲茶🫖舊式茶樓，可惜遲咗去到😂基本上想食嘅嘢都已經賣晒😅煎腸粉即煎嘅，所以比較好食☺️其實點心食物質素就較為普通😐傳統舊式茶樓，環境亦一般🤣但勝在方便，點心亦都蒸好，隨時隨地可以食🙂新龍城茶樓 (彩虹)彩虹牛池灣龍池徑67號B地舖…Read More

今天又是拍vlog天，星期日有咩好做，緊係飲個茶食個包啦，就係咁，我5:30就起左身準備 (你地冇睇錯，係5:30) 點解去飲茶？因為朋友都係返通宵更，捉佢地去就fit曬，不過我地去到都已經7:00，正宗天黑去到天光😆今日去到拎左好多野食：- 蝦餃🦐- 燒賣- 牛肉球- 鳳爪- 雞扎- 炸雲吞- 鹹水角- 煎腸粉- 叉燒腸粉- 叉燒餐包- 鹹魚肉餅飯呢到唔係畫紙仔，係要出去門口拎，所以坐低洗完野後，就即刻衝左出去🤣所有野食都好好食，但特別想講係個蝦餃同叉燒餐包，蝦餃因為係新鮮熱辣食，所以夾起既時候，塊皮已經俾我整爛左🤣咁証明個皮超薄，粒蝦size唔算大，但食落去冇霉，爽口，好好食👍至於叉燒餐包係我私人極到推介，因為細細個阿爺就好鍾意叫俾我食，佢亦都話送孖精1流，所以好懷念，依家真係冇地方食到🥲好多時食餐包你會食到好多空氣🤣但呢個包大得黎，唔算多空氣，重要有好多叉燒餡🥰，搞到我地爭包食🤭，好彩佢地好快就有新鮮出爐，所以我地先冇爭野食🤣最後講下炸雲吞，由於拍片既關係，我地擺左枝咪係衫領，睇返條片，雲吞片係脆到入曬咪🤣新鮮又脆，真係唔係到到有架😆總結：呢到飲茶好有童年回憶，要搭枱、要衝出去拎野食、要洗碗，好返左去小朋友年代，好開心，最重要係食到細個成日食既野，真係無價，有興趣就去做下小朋友會做既野啦😊…Read More

嚟到彩虹食大排檔，呢間大排檔好出名夜晚都好多人，一於就試一試佢哋嘅小炒啦！總括而言份量都算嗎價錢都唔貴，但味道可以再惹味啲香濃啲。🍴椒鹽九肚魚 (7/10)即叫即炸，外脆內軟，唔會太油膩，肉質好嫩滑好淋，有魚味。🍴欖菜骨 $88 (6/10)唔係話好熱辣辣，欖菜同埋甜味都比較淡，肉質比較嫩滑，好在冇乜雪味，ok la。🍴醬皇鐵板乾爆鮮魷 $98 (7/10)魷魚好厚肉，淋身有口感，微微嘅豉汁味，洋蔥好甜，都幾香口。🍴馬拉盞通菜 $78 (6/10)香口有蒜蓉，一啲都唔辣，通菜勝在爽口，但略嫌未夠香濃。🍴水煮牛肉 $168 (8/10)好足料好大煲，要三至四個人share先食得完，有腐竹豆卜芽菜同埋牛肉，有金菇秀珍菇木耳。辣辣地，屬於比較香辣，屬於辣到會出汁嘅中辣，但唔會食得好辛苦，唔算好麻，牛肉都幾多，有十幾舊，都嫩滑，唔會好硬好韌，其他都好掛汁幾好食。推薦指數: 7/10大排檔有冷氣坐得都OK ，環境都算整潔，小炒都有鑊氣但略嫌比較淡味少少🤏🏻整體來講價錢性價比都OK嘅，都可以試吓。…Read More

今日早收工，經過牛池灣，見到好多嘢食，上OpenRice見到這一間食評不錯，特意入去試吓。5:00左右去到，餐廳入邊已經有幾台食客，但大部份枱都寫住留座。餐廳分兩部份，入面近廚房的是有冷氣的，外面大排檔式沒有冷氣，只有風扇。老細叫我們入去裏面坐，特意提我們7:30有訂枱。雖然老細和夥計好似都比較粗豪，但係非常有禮貌。椒鹽鮮魷：魷魚好厚身，好大件，但是椒鹽味欠奉。水煮魚小辣：鯇魚肉很大一片，但沒有魚味，可能廚房師傅比較手輕，個魚煲味道很淡，又唔辣，又唔酸。上湯金銀蛋莧菜，普普通通，味道偏淡。三個餸，加上一支啤酒，一罐汽水，埋單$374總括來說不過不失，餸菜的味道比較清淡，沒有大排檔的濃味、鑊氣的感覺。牛池灣有很多不同嘅食肆，下次會試其他，未必會來這一間了。…Read More

同朋友吹完水有少少餓，就係揾地方醫肚，朋友提議食大排檔，一見到全場爆滿原本想走，點知咁岩有兩位，當然就係直入啦!蒜蓉開邊蝦籠仔飯賣相好得，食落飯夠香，可惜蝦就唔算太新鮮，唔夠彈牙脆皮炸大腸熱辣辣脆卜卜，外層酥脆內層軟糯夾雜肥油香好邪惡，令人停唔手椒鹽鮮魷好夠鑊氣，夠哂香脆惹味，味道岩岩好，令人食指大動脆皮炸大腸同椒鹽鮮魷送酒真係無得頂!可惜朋友晏少少要番工就唔方便啤一啤，送酒就要等下次啦!價錢就普普通通。…Read More

從來都未去過牛池灣呢一帶..今日難得經開呢頭..真係要去試吓可能過多幾年就會消失既大排檔。差不多全場爆滿咁滯..同老公叫左三個小菜再加兩支大啤嘆下先..去大排檔必食既椒鹽白飯魚每條都炸得香脆，真係拎黎送酒一流香辣豬頸肉辣就唔係話太辣，不過勝在夠鑊氣….連D配菜青椒洋蔥都炒得入味..豆豉鯪魚油麥菜大排檔炒出黎真係別有一番風味…希望呢D地方可以保留落去..雖然夏天真係好熱..不過吹住大風扇..飲住酒..真係幾爽…Read More

走經牛池灣，好多大牌檔茶餐廳，選擇好多，太耐冇飲茶，一於去食下點心！呢間有室外位，雖然唔係露天，不過望住街上行人，車水馬龍，自己就飲杯茶，一盅兩件咁真係超嘆超寫意室內環境都係比較舊，不過算得上乾淨燒賣肉質實淨，片唔會蒸到淋爛，而且唔會成口油牛肉球軟，滑，嫩，似乎落粉少，冇外面嘅咁彈牙，真材實料鳳爪排骨飯鳳爪有兩隻！飯粒分明，唔會蒸到爛飯咁，再吸左啲醬汁同排骨嘅油香，而且一樣唔太油，真係超好味粉果皮薄爽彈，夾起都冇散，雖然張相嘅穿左，但個皮真係搓得好靚，加上好飽滿肉絲炒麵銀芽肉絲多到蓋晒啲麵，真係足料，麵粗身啲，脆口，不過會建議佢將汁料另上或者唔好咁平均咁倒上面買四個人，三籠點心，兩個蒸飯，一個炒麵，總共$149，超值重點係食完唔會覺得好飽飽滯滯，同埋冇口乾，油同味精係堅少…Read More

飲茶、食點心永遠唔會嫌悶😆而架可以比食客帶雀仔＆雀籠嘅茶樓🥢唔多，除咗呢間同大帽山嘅端記，好似都無了～趁呢啲有本土特色嘅食店仲喺度嘅時候，真係要好好珍惜！👇🏻新龍城茶樓係喺牛池灣龍池徑，亦即喺遲啲將會清拆嘅牛池灣邨入面😥呢度唔難搵，彩虹B出口穿過有蓋街市，再一路沿住露天街市行到尾轉右，就會見到👍🏻茶樓有分室內👆🏻同室外👇🏻，咁當然坐室外有風味啲啦～有蓋半露天嘅座位，日曬雨淋都唔驚😹👇🏻坐室外仲可以一路聽住雀仔唱歌，一路食嘢🥰可能會有人驚雀仔喺食店唔衛生，不過都唔洗擔心，茶樓喺露天部份劃咗位比啲雀仔👍🏻👆🏻點心放晒喺室外，我地出去同啲服務員姐姐講要啲咩，佢好貼心幫我地拎埋👇🏻不過，可能我去嘅時候唔算多人(中午12點左右)，啲姐姐先得閒😹👇🏻點心、小食種類算多，經典嘅雞球大包、蝦餃、燒賣、盅飯都會有👍🏻每款十幾至廿幾蚊不等，而室外茶錢兩蚊雞🤫除咗有點心之外，👆🏻午市、晚市👇🏻會有小菜嗰啲～👇🏻室外都唔比食煙架🚭👆🏻兩個人叫四個點心、一個盅飯🥢啱啱好～賣相都可以👍🏻同而架新式嘅茶樓有得揮架😹而且新鮮熱辣，份量都適中～係東九龍飲茶嘅好選擇啊！…Read More

今日兩個人唔係好肚餓，又想搵個地方食下野飲下啤酒，就黎左新龍城茶樓。環境係大排檔黎講都算乾淨，有得坐出面同入面，咁實在係太熱，我地就坐左入去。今次我地就試左龍城小炒皇同埋半隻炸子雞再加兩支青島，小炒皇入面有Ｄ雞肉，腰果，韮菜，魷魚，銀魚，蔥。咁係真係幾夠獲氣既，用黎傾計送酒真係一流。個炸子雞就真係即叫即炸，黎到仲係熱辣辣，好脆口！再加埋Ｄ蝦片，又係岩哂送酒既。唯一係要講既真係Ｄ野有Ｄ油，但係唔油又真心整唔到，炒又會無獲氣既，所以都接受到既:)。…Read More

今日（13/5/2020）入西貢前，在牛池灣村1A小巴站附近，有少少肚餓，上Open Rice睇，見有間沒有負評既地茂食店“新龍城茶樓”，便走去試下。茶樓分室內及外，今日唔係好熱，選了室外，感受下大風扇既風。十二點幾坐低，已經過咗早市，點心車只餘下粉果，糯米雞及雞包仔，有少許失望，跟住有個姐姐問想食咩，可以即叫即蒸。點了蝦餃，燒賣，糯米包及煎腸粉。蝦餃無得輸，皮薄餡足，蝦爽口，比得上很多大酒樓。糯米包，好耐無食過，都好好味，包內的糯米，好鬆，沒有死實實，可能即叫即蒸關係。煎腸粉，腸粉幾滑，豉油味濃，唔駛加入醬料都得。燒賣就一般啦。埋單$86，茶錢$3位咋。…Read More

今早專程與我家大人到這店,品嚐懷舊點心。我們先要嚐飲茶必吃的,蝦餃,燒賣,鳳爪,糯米飽 四樣點心都很合口胃。意猶未盡,再加鳳爪排骨飯,牛肉,雞扎。胃口打開了,再加鶉蛋燒賣,叉燒腸粉。除了腸粉有進步需要,其他都很好吃。真心,此店值得推介給老饕們。…Read More