Shin Mapo BBQ (Tai Po Mega Mall) (Closed)

👁‍🗨 皇牌牛肉組合(7/10)💲408.呢個皇牌牛肉組合份量岩岩好，兩個人食，吾洗加其他野食都已經夠飽😺佢入面有極級霜降牛，秘製牛肋排肉，秘製特級牛排骨，L.A.牛肋骨同埋 牛板腱肉🥩佢既極級霜降牛，賣相都幾靚，不過就有些少筋位🫠牛味未算係好濃郁，食落都juicy😶‍🌫️秘製牛肋排骨同特級牛排骨就係本身醃製左既，所以食落會有啲甜甜地既味道，幾有韓國既味道，不過亦都因為醃製過，所以牛味相對地又會冇咁突出🤣牛板腱肉同牛肋骨都吾錯，燒既時間岩岩好，食落好腍身🤤爐邊亦都有韓國特式既泡菜爐邊蛋，有生菜提供比你包住燒肉一齊食，吾夠既話可以refill 😇而且亦都有4款前菜，個人幾like 魚糕同埋蝦配翠肉瓜呢兩款，同樣相當惹味🤤.👁‍🗨 海鮮嫩豆腐湯(7/10)💲78.另外叫左呢個海鮮嫩豆腐湯，佢地海鮮份量都幾多下，青口至少有三隻，蝦同蜆都食左多過4隻，可以話係足料☺️之前試過係其他韓式餐廳食同樣既野，海鮮既份量相當少🥹所以呢度真係幾有驚喜😎至於味道就正正常常，冇咩大特別，亦都吾辣.🔛 整體評分（7/10）…Read More

✨就嚟又到父親節🙆‍♂️🙆‍♀️，新麻蒲BBQ全新推出 Family Butcher Box ， 小編試咗豪華燒肉四人套餐($888)， 呢個套餐真係非常豐富， 包括有: 厚切五花肉丶招牌護心肉丶 特選黑毛豬肩肉、 薄切特級牛脷丶LA 牛肋骨丶 秘製極級牛排骨丶 蘑菇拼盤🍄丶 芝士豬肉香腸。 另外仲可以3選2個韓式主食同埋每位包水果梳打汁飲🍹或者一枝韓國米酒， 我家長輩🧓表示今餐好滿意✌🏻。❤️重點推介❤️🐂LA牛肋骨& 極級牛排骨: 一定要大讚佢嘅醃料， 我哋一家人都好鍾意呢個韓式醃肉配方， 甜甜地嘅烤汁更加能夠提升牛肉嘅鮮味， 近骨位嘅牛肉部位更加鮮嫩有口感。🐖黑毛豬肩肉: 獨有嘅黑毛豬油脂香氣撲鼻， 肉質比較爽口彈牙，油脂分佈均勻， 五香馥郁。🐃薄切特級牛脷: 小編食烤肉必點牛脷🌟， 呢個牛脷小編非常滿意， 畀牛肉更重牛香， 一口一片， 薄脆且回味無窮。🥘石鍋牛肉拌飯: 估唔到份量咁巨😳， 夠兩至三人開心share，配料份量好豐富， 輕輕拌均後食用， 今餐真係又豐富又滿足😋~~~~~~~~😋味道: 9/10📸賣相: 9/10🛋環境：8/10💁‍♂服務: 8/10💎性價比: 9/10💲人均：$888(4人套餐) ⏪回頭率：90%~~~~~📍新麻蒲 BBQ (大埔超級城)大埔安邦路9號大埔超級城B區2樓287-295號舖…Read More

午餐大醬湯附送小食中的泡菜聞和食落都有明顯臭酸味，懷疑泡菜保存不當，有封膜感覺安心d,可惜平時好味的泡菜變的臭酸，請大家拎的時候特別留意。大醬湯味道👌材料豐富，無特別驚喜。…Read More

話說呢間新麻蒲應該係出名食燒肉，而我當日起身起得晏，所以簡單食個lunch就出事。環境☑️☑️☑️好，一步一步講！環境大但坐位舒服就一般啦。唔知點解啲枱腳係要出入kick住。味道☑️☑️叫咗個章魚石鍋拌飯，食材同醬料幾好味、夠辣，但一個重要嘅失誤，令個飯嚴重失分，就係個飯太濕，多水到啲飯一嚿嚿，食到漿住個口，有咩辦法唔嬲。性價比☑️個飯$89，仲要加一最後$100，其實已經唔好食，仲要其實無乜service，除咗落單就無咩關啲staff事(可能係我衰，3點幾先食lunch，人哋休息緊所以無咩服務可言)。希望日後有機會試埋你嘅BBQ再評個更中肯嘅意見。…Read More

放工去食韓燒，今次第一次試佢既既餐😬😬坐低有呢幾款前菜，好食，韓國菜有樣好係可以坐食前菜，咁多款我最鍾意食芽菜。叫左個二人份量既，唔食牛就叫左個豬，望落好似好少，原來份量都好多，最後兩個人都食唔曬。🤤😬爐邊蛋汁都可以任加，唔同以前有芝士了。…Read More

我哋嗌左兩個唔同嘅午市套餐上埋一碟都冇所謂食食下原來我哋有啲肉比佢哋調左換左一堆豬頸肉冇人同我哋講過要我哋問，佢先話全部肉賣曬？😑剩啲豬頸肉 :我哋可以幫你收走豬頸肉後尾又話可以加一疊牛肉俾你哋🙄🙄🙄原來我哋後面張檯,都係被自動轉成豬肉仲要人哋唔食得豬🙄🙄🙄都係私下幫人哋換真系好唔老實😪😪同埋加蛋液，係可以無限加就叫佢加，加到我哋埋單都冇過來加可能失憶食物一般～飲品似糖水價格都唔係話特別便而且佢哋自己幫客人換肉，好似係應該嘅係我哋欠佢嘅態度都麻麻～以後都唔會食👋🏿👋🏿…Read More

第一次食哩間，估唔到一碟仔牛肉要$408，仲要係一半都有醃料嘅，大家都明白醃料代表乜嘢；個人參雞湯又冇味，真係唔抵，某個員工態度又差，總之一句講哂，唔會有下次。…Read More

想食韓燒專登搭車黎食 晚市6點半 時間早 無甘多食客 好快一入門口就安排到坐位 用餐時間90分鐘 最低消費$400 一入去之前男職員有講 甘ok無問題 韓燒價錢預左幾百以上 叫左個$398牛同豬拼盤 好快就上餐 爐邊蛋要求加滿小小又話唔得 話要預留蛋位置漲起 不過眼見就加多少少都唔會有問題 落單果個同男職同佢講想轉第二啲款改單 嫌你麻煩到出晒面 就算戴住口罩都睇得出 😒👎🏼按鐘唔係按一下就即刻有人走埋黎架嗎 按左兩三次一個職員已處理 第二職員埋到黎 有咩幫到你 我話已經處理咗 佢即時冇水洗面咁嘅樣 嗰個肥嘅男職員🙄👎🏼問左要一碟蒜頭 見得返兩粒咪話加多個蒜職員拎走原先果碟 一去無回頭 再追問第二肥男職員 話無啦蒜頭 唔問都唔講🙄👎🏼時間夠鐘拎張單埋黎問仲有無野加 我話有啊即快上俾我再俾埋張單 埋單果然效率快不過呢度既男職員服務態度真心差 唔係扮俾錢要俾得有價值 呢度絕對唔值👎🏼👎🏼👎🏼唔會有下次 👎🏼👎🏼👎🏼怪不得黎之前呢度都有幾個食評係話呢間店職員態度差 絕對明白啦 懂得選擇的你都唔會選呢度食大埔超級城新麻蒲…Read More

朋友話新麻蒲lunch set有買三送一咁鬼抵食真係要去而且仲要唔駛等位添🤣🤣坐低叫左野食就上前菜4款前菜份量好多我就鍾意翠玉瓜嗰款🤩撈左蝦乾好香，簡直係食唔停口~ 🟡 牛肉牛骨濃湯 $82 🟡牛骨湯入面有好多牛展，都算幾腍不過牛味就唔夠濃郁入邊有麵仲配多碗白飯食完飽到上心口😢🟣 芝士炒年糕伴拉麵 $72 🟣芝士年糕唔算好辣👌適合香港人口味🟠 石鍋牛肉拌飯 $82 🟠上枱時好熱，份量好多不過無咩飯焦跟餐有杯飲品全部好甜唔太recommend 🤦🏽‍♀️Overall黎講份量好夠買三送一係抵食既✔️…Read More

呢度係韓國人開既燒肉店 ,午餐都幾抵食,一於試下!埋位坐低已經免費送韓式4小碟 泡菜 波菜 海帶 茄子 個泡菜超級辣好食午餐有 泡菜豆腐海鮮鍋配白飯 韓式炒絲粉韓式炒粉絲 有木耳蘿蔔絲 野菌片仲有蛋絲 加埋麻油醬油炒香入口好重麻油香氣,甜甜地好易入口 粉絲已吸滿汁好食香辣豆腐海鮮鍋 入面豆腐 青口 蝦 帶子等食材 又鮮香又辣 仲有豆腐豆腐滑溜吸左辣汁味道一流,個汁有海鮮味又有辣味,撈飯或麵都係好好食好大鍋份量滿滿好抵食平均消費$100評分8/10大埔安邦路9號大埔超級城B區2樓287-295號舖…Read More

今日同屋企人大約3點幾去左呢間野到食，一入到去個男Staff個態度差到一個點，超級冇禮貌。自問其實自己嘅態度都好好，唔該前唔該後。但個男staff好似唔優做咁，態度差到好似殺咗佢全家，一坐低就已經谷住啖氣，本身諗住開開心心咁食餐飯。算我忍。嗌咗一個人蔘雞湯同燒肉，點知一上個燒肉，我完全呆左。隻碟污糟到你都好意思擺上黎比客。真係唔會有下次。垃圾到。祝你生意興隆。…Read More

今日落雨，想揾間有泊車優惠又唔駛擔遮去進餐嘅食肆，於是決定去大埔超級城， 喺商場行左個圈，見到呢間新麻蒲BBQ有午市有套餐供應，我地兩個人就揀左個燒烤餐和鮑魚參雞湯， 我鍾意佢個燒烤爐邊有煎蛋位😋，提供了4款前菜畀我地（泡菜、茄子、菠菜、 醋浸昆布），前菜可以 refill的，另外每個套餐都包一款自選飲品，今次揀左柚子梳打和熱柚子蜜。食物質素和員工服務態度也達標。下次會揾多兩個朋友再黎食過，因為有買三送一優惠👍…Read More

我哋五個人去食午餐一聽到五個人已經話唔可以坐埋一齊要分開坐仲要隔好遠我哋話冇問題佢第二句就講要分開兩張單嗌分開俾錢 總之所有嘢都分開都唔緊要再問係咪食燒烤定係唔燒因為有兩位仲行緊嚟所以同佢講暫時未決定到入到去成間野大把位門口個肥仔就大大聲講未決定到燒唔少喎坐低咗之後發覺原來餐牌係買三送一唔怪之得講咗90幾次要分開嗌冇問題嘅我哋有試過問吓可唔可以一張枱嗌三送一嘅餐另外一張嗌一個餐咁佢話左唔得都冇問題最後一張枱帶咗兩個餐另外嗰張枱有兩位老人家到咗之後我就行過去幫佢哋點餐佢一見到我點餐又話一定要分開嗌其實我淨係過去企喺度幫手點餐入咗去咁耐已經分別有三個人不停咁講要分開嗌仲要係態度極差成間野啲人根本就唔想做最後激氣到爆走Q左真心講冇下次呼籲大家唔想受氣都冇必要去！…Read More

我想請問係乜事今日5月24日2點半不嫐想食吓你尼間韓國嘢係大埔分店結果waiter第一句話係你地掃左安心出行未之後我地話冇佢態度就好差，郁吓個手指話快d掃喇我同frd話填資料結果佢勁認真睇我地個人信息話，你地未填時間，又用手郁吓叫我地寫想請問咩個人資料係可以隨時想睇就睇咩？咩唔下載安心出行直接寫資料態度咁樣咩？不嫐唸住去試吓韓國嘢，而家搞到心情都冇晒，我覺得好唔識得尊重d客人，唔可能再去第二次，絕對…Read More

同男朋友去完大埔蝶豆花有機農莊玩 搭車出返大埔市中心去搵嘢食 我話想食韓燒，所以佢話不如試下呢間 由於撞正晚市時間，六點半左右 所以 都要排隊攞位，等咗一陣先有得入座第一次試呢間，所以都幾有新鮮感我哋嗌咗個牛肉豬肉套餐 因為感覺上都幾抵食咁，有豬又有牛醬汁就有三款 有辣醬 甜醬 同埋豉油同埋一碟生菜，愛黎陣間攞嚟夾住啲肉咁食 啲生菜好大棵，好新鮮 份量亦都好多啲配菜有四碟，分別有泡菜，雲耳，豆角同埋海帶因為好肚餓，四碟配菜都畀我哋兩個清曬同埋我哋覺得佢啲配菜好好味尤其是係碟雲耳同埋啲海帶酸酸甜甜咁，食完覺得好開胃佢啲泡菜都好好食，辣而過癮我食韓燒就習慣咗一定要叫碗白飯愛嚟送飯，因為齋食肉我唔夠飽一定要食埋飯，佢啲飯都幾大碗同埋啲米比較黏，啱晒我呀！不過碗飯係另開嗌嘅，要加15蚊爐邊蛋汁喺我哋一坐低嘅時候侍應就已經倒咗啲落嚟，因為熟得好快所以襯啲肉仲未上枱嘅時候，我哋已經肚餓到食曬啲爐邊蛋不過由於啲爐邊蛋係可以無限refill嘅所以食多多都唔怕個架一共有三層，肉嘅份量雖然就唔係話好多 但係勝在睇落都夠新鮮，肥瘦均勻睇返個餐牌，我覺得第一層嘅極級霜降牛同埋中間嗰層LA 牛肋骨最好味牛肋骨本身味道已醃得甜甜地再點埋啲醬汁嚟食真係一流極級霜降牛都好好味，夠薄肉質又夠爽最衰係太少片，如果再多幾片肉就好下面嗰層豬肉味道都唔錯嘅，都幾好食雖然豬肉就冇牛肉咁好食咁不過勝在夠大件，同埋肉質比較厚身大到好似成塊扒咁，哈哈，燒熟咗之後要用較剪剪開一塊塊嚟食我今次就冇叫飲品，男朋友就叫咗一杯提子汁 不過我哋都覺得啲味道完全係……一啲都唔似提子汁 呢樣就有少少失望囉，飲落我覺得有少少似d青檸汁味道多啲， 不過勝在夠曬大杯 同埋樣子睇落靚囉，影相呃like就得嘅…Read More