NEW CHUEN MOON KEE RESTAURANT

去完尖沙咀做完嘢，跟住鄰居啱啱放工就相約一齊去食晚飯，但係又唔知喺尖沙咀食乜好。最後落返旺角食煲仔飯。呢間餐廳成日放工都會經過，但係完全唔會諗住入去食。因為夜晚係唔食飯，今次都係膽粗粗去試吓。九點幾入到去又比想像中多人喎。嗌咗兩個煲仔飯一個係大蒜一個係海蝦，各大聲啲肉幾肥美又夠厚身，啲蝦肉都好爽，個蝦頭啲膏仲好好味。今日都有少少Don Don地飲埋個暖湯就成個人舒服晒。不過唔知係咪兩個都係海鮮，可能冇乜肥肉，冇加臘腸嗰煲，感覺飯就比較乾身啲，我就冇乜所謂，因為幾有咬口最鍾意食飯焦超大塊，不過食到牙骹有啲軟，性價比都幾高，我覺得短期內我都會再幫襯。…Read More

天氣凍凍地食番個熱辣辣煲仔飯先。黑松露窩蛋免治牛肉飯 黑松露既香味 噴鼻而來，將面頭個窩蛋整開，蛋黃慢慢流出連埋又嫩又滑既牛肉 一齊食好正 。食到差唔多既時候，伙記仲走埋嚟教我哋點樣食埋個飯焦 ，兩三下手勢就刮起左成個飯焦。平時我會加煲仔飯既甜豉油，伙記建議好似兩面黃咁既食法，加砂糖黎食，又唔錯喎。…Read More

近日天氣轉涼就梗係去食下煲仔飯啦😜朋友介紹左呢間就即晚去試下，味道唔錯，而且招呼周到，煲仔飯既選擇都多，而且都有好多小菜食。最吸引我就係因為佢有海鮮煲仔飯😍包例湯同一碟油菜🥬叫左一個[金銀蒜粉絲開邊蝦煲仔飯]同埋[金銀蒜粉絲扇貝煲仔飯]，扇貝都有3大隻😍，賣相吸引到我，配埋啲蒜蓉加粉絲，粉絲都岩岩好夠既，如果可以再多啲會更好，再加啲豉油😍啲海鮮味入晒係飯入面，咁我自己唔係特別鍾意食飯焦，咁岩我個碗都唔算多，所以我自己覺得更加好食👍🏻👍🏻👍🏻至於價錢方面都合理既又包湯又包碟菜🥰可以再encore😛…Read More

已經有半年多沒有到此進餐，近日秋風起，加上早一陣子在電視飲食節目中，有介紹香港特式煲仔飯，我便心思思，成日想食煲仔飯。剛才今晚打算和家人（3人）外出食飯，我便提議到旺角食煲仔飯，一想到煲仔飯，我第一時間便想起「銓滿記」！☺️今晚6點半左右入座，剛好有卡位，我哋三人點了一個「鼓汁大鱔保仔飯」送老火湯及油菜一碟，再點多一個「龍躉煲仔飯」，都係送老火湯及油菜。最後再點了一個「沙嗲粉絲牛仔骨煲」。先上台是「老火湯」，湯底好濃郁，而且真材實料！好味😋！之後便到「牛仔骨煲」上場，熱🔥呼呼的，煲內更有菠蘿粒，青椒🫑粒，黃椒粒，紅椒粒，很野味，味道不錯👌。到期待已久的豉汁大鱔煲仔飯上台，職員好好的幫我們放第一次鼓油，之後提醒⏰我們要再焗幾分鐘先好開蓋，因為要焗靚飯焦！我們一打開，香噴噴的！見到已經食指大動！哈哈😄！第一碗飯，加醬油，好食！大鱔都新鮮，口感不錯👍🏻讚！接著，到「龍躉煲仔飯」，魚都是好新鮮！好味😋！魚下面還有一層粉絲，吸收了魚的汁，好食！油菜都灼得很好，因為，我本身好怕外出食飯食油菜時，很多餐廳都會把油菜灼得過熟！但這一間油菜，食落去的口感是爽脆的！十分好！😙食飽飯之後，其實都已經好飽！但，無意中，見到枱面有推介「雙檸可樂」？ 原來是「檸檬🍋」加「咸檸」加可樂！我覺得好新鮮，因此，即使我很飽，都再點這杯飲品！兩種檸檬🍋互相配合，很好味😋！推薦！下次會再試其他食物🥘🥰🥰…Read More

窩蛋免治牛肉飯🥘配油菜🥬（生菜🥬）+老火湯 $84免治牛肉有啲驚喜，因為我麻麻地免治牛肉😂，呢個似自己整，有牛肉的口感🫡，但佢醃得麻麻，得鹽咁🤔飯🍚煮得幾好，唔會太硬太林；飯焦好食🫰🏻，要撈埋蛋同鼓油（鼓油就麻麻，太甜😂）🙌🏻油菜🥬就正常水平吧🤫老火湯果日係蓮藕、紅蘿蔔🥕、眉豆、豬肉湯，幾好似，飲得出煲左好耐🫡，而且啲湯渣都煲到爛曬，幾真材實料👍🏻份量都幾多，可以兩個人食🙌🏻，因為2個人食價錢圍番就幾抵🤭分數：？/10食物🥘：7/10環境🏞️：6.5/10服務👩🏻‍🍳：7/10價錢💰：7 /10…Read More

九龍區提起煲仔飯，多數都諗起廟街，但其實好多茶餐廳都有煲仔飯食，今次呢間岩晒鍾意食飯焦既朋友仔煲仔飯會跟例湯同油菜，例湯不得了，飲得出係真材實料去煲，同自己屋企煲既味差唔多⭐️古法田雞煲仔飯 $84煲仔飯送到之後落豉油，再焗多一兩分鐘就食得，田雞份量都足，肉質滑，幾惹味，飯焦焦香得黎唔痴底，正。⭐️窩蛋免治牛肉煲仔飯 $84呢個就正常發揮，唔會話好大驚起，但因為隻蛋好快熟晒，所以唔駛諗住係滑蛋😂😂😂…Read More

今日喺旺角行街，路過間餐廳，望落間餐廳好似其貌不揚，點知食落有驚喜。點左兩個茶餐，瑞士雞脾配薯條，同一個豬扒飽餐。雞脾好嫩滑，又夠味，好大隻，十分推薦。事前唔知咁好食，都無影到相，薯條另上，都大份。另外個豬扒飽，亦都好唔錯。…Read More

同朋係係旺角睇完戲，口痕想食煲仔飯，近近地就去咗呢間食。款式都幾多，朋友叫咗金銀蒜粉絲開邊蝦煲仔飯$90，我就叫北菇滑雞飯$84雞飯上到枱要焗一焗大概3分鐘，伙計會識得預時間過嚟幫你開蓋。至於一d海鮮煲仔飯好似扇貝，蝦，伙計就話唔需要焗，因為會焗到過熟。雞肉份量多，肉雞有足夠調味，肉質嫩滑而且無雪味，飯粒乾身但唔會好硬，有脆香飯焦，豉油就自己落既，色水好重帶有少少油香但咸味就略嫌唔夠。整體嚟講，好食，而且除咗煲仔飯仲有其他小菜叫，款式好多架…Read More

食完係網上望下先知原來呢間係冇良心既舖頭，噢！我個人就以後唔會再黎LU，但作為一個有公義心唔同依家畜牲當道既香港人，都要持平黎打返個食評。朋友介紹黎呢度試佢既煲仔飯，老闆開舖前做開海鮮生意，所以用海鮮入煲仔飯，佢既煲仔飯飯底的確係好好的！椒鹽魚片頭熱辣辣，非常之彈牙，所以口感好好，但係個魚味唔夠，似食緊白色魚旦果種感覺大鱔煲仔飯$92唔駛多講，所有煲仔飯既火喉都好好，飯焦一刮就甩亦唔會燶，入口有爽脆亦有腍身，視乎你想食邊個部份，鱔滑溜彈牙，好味臘腸肉餅兩煲既臘腸都係咁証明唔得，肉餅略嫌鞋口，但煲仔飯個飯底係最出色既仍然臘腸滑雞臘腸唔係靚野，但肥瘦算適中，雞唔夠滑，有碎骨油菜隨煲仔飯附送話明送既都估到唔會好架喇，菜似揀剩出黎附送西芹炒田雞鑊氣足夠，但係田雞好慳皮，又少又唔入味，油亦落得太多，攪到西芹一pat油咁…Read More

很久沒有到旺角食晚餐，今晚與友人突然間想食「煲仔飯」，於是我們便試下尋找以前經常吃的老字號。（我們心目中的老字號😝）便是「銓滿記」啦！由我們相識不久便有到此餐廳食晚飯，到後來少到旺角，加上疫情期間，減少外出用膳的關係，以致很久都沒有到此食飯。今晚本打算碰碰運氣，心存希望（希望小廚仍有開門做生意啦），結果，幸運的我們終於如願以償！太好了！我們在門口排隊時，老闆娘竟然還認得我們，我們入座後，便點了兩個煲仔飯。一個「蠟腸雞煲仔飯」及「陳皮龍躉煲仔飯」。先上兩個湯，打開燉盅時，見到熱呼呼的湯，飲落好好味，而且湯底都充滿了湯料，一點也不吝嗇，真的是真材實料的湯，讚👍🏻。之後兩個煲仔飯差唔多同一時間上台，職員熟練地先打開煲蓋，倒入少少豉油，再焗一陣。隔了一陣子，再打開個蓋，看到蒸氣慢慢上升，蒜味開始充斥台面，此刻，令到本身都開始覺餓的我，更加肚餓了！哈哈😆！食物方面，我想講個雞都入味，又滑身，蠟腸肥瘦適中（因為我個人比較怕太肥的蠟腸），至於個魚，都切得厚厚，口感十足！而且新鮮！不錯！最緊要是煲仔飯底的飯焦，都好香脆！不錯！絕對會再試。我想講，今晚其實都好想食「咕嚕肉」，但，今晚「煲仔飯」的呼聲最高。所以「咕嚕肉」只能夠等下次先可以再食啦。今晚餐廳內人頭湧湧，座無虛席，但，仍有大堆食客在餐廳門外排隊等候入座，可見此餐廳魅力非凡。得知此餐廳經營了多個年頭，在經歷完這般漫長的疫情之下，仍能堅持到現在，實在難得和十分佩服！所以都很繼續支持小店，將來一定會再次幫襯！😜…Read More