新釗記粥麵家 (Closed)

晚餐選擇很少, 隨便炒粉麵加飲品已經四十多元, 幾乎焗住食小菜套餐. 自由選小菜又只跟例水, 等於迫食指定晚餐. 餐牌七個菜, 四條友, 等於掦走三個討厭鬼... 1. 牛尾煲: 牛尾不夠腍, 肉不離骨, 僅僅能咬開, 非常"痴"牙. 紅酒汁早不存寄望, 但味道淡到未能撈飯則不得得作肥佬論.2. 蠔仔煲: 友人指定. 由於期待過低, 不新鮮的蠔仔泡在味精水裡的味道乎合預期. 3. 豬軟骨煲: 餐牌上理應是最好肉的一道菜, 能夠將肋骨的肉弄得這麼鞋口和堅勒非常不易. 這煲的醬汁咸但絕不惹味, 一樣不能撈飯.4. 上湯浸勝瓜鯪魚球: 鯪魚球有點腥, 但相對以上幾道菜, 這是味道最正常的了.可憐我桌上一碗靚仔形單隻影, 無好菜相伴, 哀哉!

今日Lunch好想食生炒排骨飯! 係公司附近真係無選擇, 只好去新釗記!天后及炮台山有2間, 電氣道那間係超差, 不過價錢較平! 另一間就係琉璃街呢間, 樣樣都企理好多, 價錢就貴d!好耐無來食lunch, 因為附近選擇好多, 但想食港式野, 都係佢地好d, 今日叫左個飯, 有例湯送, 個湯真係好好, 有好多冬瓜及豬肉湯喳, 材料足! 生炒骨飯熱騰騰, 賣相好, 不過一入口, Oh no.....除左個汁係酸酸地, D肉無落鹽啊! 失敗!食左幾啖就無食, 另外再叫三文治醫肚..... 我每一餐想食咩, 我一定要食到先滿足......今個下午真係無晒心機做野啦!

新年食得太多野，自助餐bbq團年飯飲茶糕點...所以想食得清一點，唸起食魚蛋米都好，德昌多人到插針都插唔入，所以黎左呢間新釗記。叫左魚蛋水餃米($36)，菜心($10)魚蛋水餃米:份量真係好細，只係大麥文記少少，不過又無人地禁好食，水餃普普通通，好重味精，魚蛋彈就彈喇，不過咩魚味都無...菜心:普通呢間野真係好貴，不過水準又唔係話好好，係電氣道入面大把好野食，我唸應該無下次喇

今日下午黎左呢度食lunch，由於佢D午餐唔岩口味，所以散叫左碟芙蓉蛋飯($32)芙蓉蛋飯:一黎到賣相幾靚，整整一塊蛋皮蓋住碟飯，材料有蝦，叉燒絲，芽菜。叉燒絲同芽菜味道普通，勝在分量都幾多，不過D蝦就無咩味，又唔爽，唔好食。而且佢塊蛋D鹽有少少未攪勻，有幾口係十分之咸。賣32蚊我覺得比較貴。環境方面:好逼，拿拿聲食完好快D走見到人地D蒸飯賣相好唔錯，下次可以試下，比多次機會佢

十二人的峰會。已過時間，不想吃，只要了蓮子茶：端上來的時候，才知道是冰糖滾發芽蓮子；冰糖太多，滔了兩滔，擱在一旁。有叫套餐粥粉麵飯的，五分鐘一次過登場，是餓鬼們的福音。也有叫即整煲仔飯的，但跟前者相距，不是一盞茶的時間，而是一個食完雲吞麵的時間。被拚棄在電車路的彼方，拿六張四方檯在店中拍住坐，你都咪話唔大陣仗。<a href="http://hkfoodtalk.blogspot.com/2006/12/blog-post_116728722298744972.html" target=_blank>相片不顯示？</a> / <a href="http://community.webshots.com/user/quayteow" target=_blank>看其他相片</a>

有日同朋友行完街唔知食乜好, 又唔想食煎炸熱氣野, 所以就入左呢間舖食我地既晚餐.我唔想食飯, 所以揀左一碗魚旦粉, 我朋友就揀左一碟牛腩撈麵. 野食黎喇, 我碗係一碗好清, 清到冇味既魚旦粉, 魚旦魚片同粉都唔好食; 我朋友碟先犀利, 撈麵係冇蠔油, 個伙記話要蠔油要加錢, 唔抵食, 叫我地唔好加喎. (咁你就一早幫我地落單陣好講啦=.=")當然, 呢一餐係我地食咁耐最淡而冇味又唔好食既一餐, 但又見得佢收得平喎.

回母校工作之後, 幾位同學和老師一同去新釗記來一個消夜晚餐, 新釗記可說是遍佈在銅鑼灣至北角區之間, 這間新釗記可說是距離母校比較遠的, 但味道可是最出色的. 行遠一點也是值得.師生一共五人, 點了五個粉麵飯套餐分享, 先來了星洲海鮮炒飯, 炒飯味道和質感不錯; 廈門炒米, 用油量適中, 味道偏向輕清; 生炒排骨飯炒底, 汁料味道味同樣輕清, 生炒排脆身香口; XO醬炒牛河, 多油偏辣不太討好; 最後老師加了一碟味菜魷魚炒麵, 味菜味道不重, 魷魚爽口新鮮, 炒麵脆身討好. 整體上五個炒粉麵飯表現不錯, 服務方面已茶餐廳來記亦已不錯, 一般套餐和餐飲亦可隨人客加單而靈活組合.