New Kam Fung Restaurant

新的裝潢，新的風格，一於試下，見證著這餐廳的轉變，覺得座位比之前舒服了，光猛了。在新風格下多了燒味部，一於就試下好唔好味先，因為都幾喜歡食燒味，所以就叫了砂薑雞和芥蘭炒臘味。砂薑雞肉質嫩滑，不老，值得推介。開始有點涼意，叫下芥蘭炒臘味，炒得很香，至且也不太油。新風格下味道比之前好了，所有菜式沒有之前那麼咸，現在大家都比較注重健康，確實是不錯的餐廳另外，有Gulu取票，確實抵讚舊區中有火，有心去做的餐廳不多，要多多支持下先…Read More

尋晚發既最後一個夢入面竟然係周圍去，搵緊好野食！！相信係由於太耐無食過卡路里有D高高地既乾炒牛河，日有所思夜有所夢既影響下，係夢中我不停尋覓緊一間乾炒牛河炒得好味既餐廳。我承認對於美食我係有少少追求完美，發夢都一D都無鬆懈到。😅瞓醒之後，為咗完成夢中既搵食任務，我即刻急不及待咁去到我至愛既飯堂食好野。😍呢度除咗食物質素高之外，D奶茶亦都好掂，茶味香醇，濃淡適中，非常香滑。基本上我係無奶茶不歡，每日都會被召喚到茶餐廳嘆杯靚茶。🦔今日食呢個乾炒牛河炒得夠乾身又大碟，配料D洋蔥非常脆又好甜，牛肉多汁夠嫩仲有些少甜味。我食野一向好慢，足足食咗成個鐘，週末最鍾意慢活～慢食～～慢慢嘆～～餐廳座位幾舒服，雖然經常爆滿，但服務質素keep住咁好，點餐後好快食物就到，餐廳職員既招呼好好，好專業又有禮，食物價錢亦都屬於好超值，性價比勁高，呢D原因令呢度成為好多人經常去既飯堂。💯👍…Read More

突然好想食西多士併曲薯條呢個邪惡又美味既組合。距離搬去無啖好食既火炭區得番幾日，趕住去試下呢間餐廳D西多士有幾好味，薯條比起想像中好味，好香脆，西多士大大件，跟練奶最好味。…Read More

香港人講求快靚正，新金豐可以一次過滿足以上三個願望快 侍應一人分飾多角，樓面外賣收銀一腳踢靚 出品漂亮外觀吸引正 價錢平、好食、大件香港人的縮影可以係餐廳中完全展現出來:):)此餐廳最出色係鴨腿湯飯，鴨腿十分甘香，配以特製的湯底，一試難忘…Read More

老婆同個女都出咗去 玩 親子活動， 所以 得我 一支公 走去新金豐食下飯， 無聊 情況下 記錄下今日食咗啲乜嘢， 味道同普通茶餐廳冇分別 只不過有我鍾意食嘅豬頸肉 ，所以今日分享下出嚟。…Read More

如果大家想平静食個飯， 就考慮清楚去呢到當天個場其實唔算爆，一入去無得揀位已經不在話下， 呼喝聲令人不適，末睇食咩已吹你落單， 落錯單換個嘢食，我只係陳述講返自已係叫咩野食，個侍應就非常不滿，之後就不停係我身邊講我有問題， 單單打打，非常無奈野食質素， 一般茶餐廳質素，反而 行過幾步隔離巴打冰室 早餐仲有扒食， 服務質素有好啲， 同阿姨有講有笑, 所以人哋個場咁爆係有原因講返，最後食到成肚氣咁走， 打工仔 平時打工已經好慘， 所以休息日千祈 唔好 買錢貼難受另外， 環境方面 根本同巴打冰室冇得比， 人哋裝晒修， 佢就仲係七八十年代嗰啲殘舊， 而室內氣溫， 新金豐呢間嘢 將個冷氣開到好大，好似趕人走咁， 巴打冰室氣溫適宜， 唔信我嘅可以落場睇下…Read More

好耐無食過茶餐廳，今日難得放假落左街食呢間以前經常食既新金豐茶餐廳，同以往一樣排曬長龍，不過我一位所以好快就入得。最後叫左個星洲炒米同凍檸茶星洲炒米份量好足，亦都好入味。唯一不足嘅地方係感覺唔夠熱。凍檸茶亦都依然大大杯！…Read More

豉油雞髀撈公仔麵其實都算係冒險咁樣叫呢個麵嘅，事緣係我食過一次覺得超級鹹🤣但係今日真係好想食撈公，所以就叫左🤣我係咁叫個店員唔好落鹽，千祈唔好落！結果冇令我失望喎😳真係冇咁鹹，最多都係啲豉油味🥰真係好滿意！佢呢個麵份量都幾多，唔會太腍太硬，食完都有啲飽啦☺️仲有隻大雞髀，超級入味，夠軟腍幾嫩滑，連皮食仲正，佢嘅皮唔會話好肥膩。❤️仲送咗條菜🤣希望可以送多幾條啦下次再嚟我都會叫呢個餐啊，正！佢有例湯同埋嘢飲送㗎…Read More

呢間餐廳其實唔洗點介紹，因為太出名，係石蔭長大既，有邊個未食過呢間餐廳？但唔係呢區長大既，就要試試呢間餐廳啦，呢到無論快餐，小菜，例湯，冷熱飲品都好啱香港人口味。味道係有點濃既，但又唔會話太咸。個廚應記一功。另外，啲伙記又夠醒目架喎，執枱快，落單快，上菜快，跟單都快，你舉手唔會冇人理，咁你話，呢啲咪香港精神囉⋯⋯咪生意好囉⋯⋯。今日食既係啫啫生菜煲，夠火喉，夠野味，加埋凍飲都係 61 蚊，抵到爛呀。仲有，我叫凍飲少冰，佢真係凍得黎又少冰喎，唔似有啲餐廳，少完都係成杯冰喎。…Read More

最近返工夜晚周圍走，所以都會發堀唔同食宵夜嘅地方😆呢到除咗有好多唔同嘅宵夜選擇之外，仲有得睇足球直播😎啱哂最近睇英超同歐聯😍雞扒撈丁一嚟到即刻o哂咀😱一開始以為好似平時果啲撈丁咁多，點知呢到有成差唔多2個麵咁多😎啲麵食落唔會太乾身，而且有啲蒜係面頭所以食落更加香😆啲雞扒份量都唔少，肉質食落正正常常都幾淋😗…Read More

宵夜 東陰功做功課和找實習太累太大壓力，在特別痛苦的時候，必須找點吃的舒緩一下，我便去了家旁的宵夜老字號新金豐食冬陰功。而寫食評更不失為一種舒緩壓力的方法，想到沒有錢的人單靠分享就幫到別人做抉擇，或者純粹的抒發自己的生活點滴，把食當歌，皆可以填滿內心的空虛和寂寞感。在思考複雜而難以在短時間內解決的問題，我總是思考得十分遙遠，太遙遠卻使我迷失方向。不知為什麼味覺的刺激總能把我的心神帶回當下，特別是複雜的香草味和辣味。而冬陰功的香茅，辣椒，帶給我強烈的衝擊，雖然只是40多元的一碗冬陰功米線，但牛肉，魚丸和蔬菜都有，牛肉不老不嫩，魚丸有點淡，但彈牙，米線的分量適中，在宵夜價來講，已經算是便宜。溫暖了一個冰冷的，受傷了的心。重新燃起了我內心深處的熱情。謝謝這家富有人情味的店員，謝謝你們殷勤的招待，在夜宵時間也打起十二分精神，為我下單和上菜。…Read More

隔一排又到食呢間，早陣子佢哋啲例湯淡如水，我哋無嚟一排，今次再食個湯又好味返。呢度啲伙記好有效率，呢頭落完單嗰頭就有 3 碗湯上，又會安排坐位，雖然大大聲但都算善良嘅 🤣🤣條紅柚好好味，好新鮮好滑，我哋清到好乾淨。醬爆四季豆炒魚鬆，呢個太咸，四季豆啲邊撕得唔乾淨，比較差嘅一個餸。菜莆肉碎炒蛋好味，上檯熱辣辣。餐茶叫咗檸茶檸水同奶茶，老實講，呢度啲奶茶真係無得輸，又保持到水準，有時去石蔭食飯就係為唔佢杯奶茶而揀去呢度食 🤣🤣…Read More

大年初一周圍好多地方都唔開門, 未夠鐘拜年又肚餓唔想自己煮野食, 要搵間餐廳開門都有D難度架但新金豐就年中無休, 仲24小時營業, 真係懶人既救星新年既餐牌同平時冇乜大分別, 價錢都差唔多, 只係新年期間會收加一, 但都合理既湯飯係限量發售, 經常都會賣哂, 呢度D湯飯唔錯, 好足料就以花膠湯飯為例, 花膠都有4塊, 冬菇, 仲有雞腳, 淮山, 杞子, 瘦肉, D料真係多到食唔哂呀, $48仲包埋飲品真係好抵食勁量常餐真係好豐富, 有蛋, 多士加埋一個雙餸面多士呢度係用厚多士, 但就稍為烘得唔夠耐, 烘耐少少會更加好味出面好多餐廳既炒蛋都係用買返黎既蛋槳, 食落去都冇乜蛋味, 但呢度既火腿奄列真係食到蛋味同蛋既口感估唔到既係雙餸既公仔面都會有2片午餐肉, 仲要厚切添, 真係好抵食公仔面個湯底都好味, 加埋沙嗲牛肉真係一流, 仲要呢隻公仔面質都唔錯, 真心推介另外一樣令到我覺得意外既係呢度既凍咖啡, 我一向好怕係茶餐廳飲咖啡, 因為怕佢酸但呢度既咖啡出乎意料地好香同好滑, 真係好驚喜!!好彩我早左少少黎, 食緊既中途已經見出面好多人等位, 可能係因為到左下午茶時間啦!!…Read More

香煎雞扒公仔麵，成個餐$35。.我轉左米粉，因為佢啲米粉係好幼身嘅，唔會索晒啲湯汁然後變得好脹，我勁鍾意呢個爽、彈嘅質感！😝😝😝.佢塊雞扒大過手板，煎得好金黃，又香脆又多汁，超正，朝頭早就食得咁邪惡，不得了！🥰🥰🥰😜😜.另外仲配左牛油厚多士，同兩款肉或蛋類，我揀咗炒雙蛋，滑溜又creamy， 應該係加咗牛奶炒啦。🥰😋.嘢飲方面，我叫咗熱阿華田，絕對唔係水份多，起碼攞咗幾羹阿華田粉，同埋花奶，飲完暖笠笠，好滿足！🤤…Read More

今日行山黎到依邊附近，見依間餐廳11點幾都仲有好多人係到排隊，見早餐去到12點咁好，同埋目測應該係附近嘅人氣餐廳，所以就入黎試下🤣我叫左早餐C, 沙嗲牛肉公仔麵餐。個早餐包一份多士，多士焊得啱啱好，好脆👍🏻 火腿正常味道，但個炒蛋炒得唔錯，幾滑，唔會好水，同埋都好大份👍🏻 講返個主菜：沙嗲牛肉公仔麵先，公仔麵唔會好淋，沙嗲牛肉都好入味，牛肉好新鮮。 不過最正都係杯野飲：熱奶茶👍🏻熱奶茶奶味重，但唔會蓋去茶香，奶茶都好滑口，真係好正👍🏻…Read More