新金華酒家

Open Now

Now Closed

11月2日揾食肥華專誠揾埋大仔仔，到牛池灣村此食店，食佢嗰個在YT，有位KOL講到，好食到上天花板嘅此店名物，石橄欖雞煲。所謂希望越大，失望越大，肥華就覺得呢個此店，除咗個湯底係有椰子水味道外，就係一個平平無奇嘅，普通火煱湯底，加上今餐肥華所柯打嘅半隻鷄嘅解凍程序，都未完成，此店就上枱俾客食，啲雞肉根本不能分成，雞件落煱要半隻鷄，一次過放晒落個煱度，方可淥到啲鷄肉，分解成鷄件食用，亦係此火煱敗筆之一，呢個石橄欖雞煲，可說令肥華非常失望，衹有C+評分反之今餐在此店，所點嘅其他火煱配料，如手切牛肩胛，鷄子，脆肉鯇片，嘅味道及質量，樣樣都有B至A嘅級数，加上落咗，孜然粉後樣樣都變得，特別美味嘅，串燒食品呢餐值！👍👍👍👍😃😃

其實成條街都幾滿座，平日夜晚。但佢呢間雞煲特別啲椰子香味好重，除咗雞煲仲有串燒所以都幾親民。嘢食質素都係街坊嘢ok可以食，串燒都係新鮮滾熱辣雞煲配料，啲菜都幾大兜。

牛池灣村内有数間俗稱，地踎茶楼飯店的食店，個人就偏愛幫襯近村口個間，新金華茶室原因是呢間茶室顧客較少，常常可以一個人就可以獨霸一枱慢慢嘆茶，吾駛同D三吾識七嘅人共享空間，好似我呢D乜都淨係有時間人仕，在此處真係可以消磨半天，由飲早茶到食埋個午餐至走都冇問题，而到左午餐時段，此店仲有例湯奉送，正如今日我柯打了一碟什會飯送嘅例湯係雪耳青紅蘿蔔南北杏煲唐排，全個午餐加埋茶錢合共$4I元，仲有食完個午餐仲可以同呢間食店，兩隻貓店長，金金，花花拍照如果，個日兩位店長訓得夠又心情好，就會比顧客任摸任影，仲會坐係你腳旁嗲你但如果佢地心情吾靚，就全程訓覺啋你有味，因有兩位貓店長坐鎮呢間食店雖然地踎，衛生環境較差但見吾到有米奇出現，但小強就有時就會出來散步，所以奉勸有潔辟及恐懼小強人仕就吾好光顧呢間食店。

地點關係，其實從彩虹到牛頭角街市之間，沿路的茶樓我也有興趣一試。無他，我跟約會對象住家離得遠，周末放假，都想爭取時間休息，這裏是我們的中間點。對，這是約會。說實話，如果能選擇，我是寧可選對面彩虹邨的金碧，奈何，他們早已放棄早茶時段，只好來牛池灣村這邊找。不外就是新志興和新金華兩家，從客量看，是新志興熱鬧得多。另外，新金華這裡也既簡且陋兼夾舊。我先來這邊，是先入為主，總是久不久回來。新志興去過一次，就沒再去。這天來，先是選了干蒸牛肉。肉質不鬆不實，肉味從缺。當作牛肉燒賣吃，喼汁醋汁都不下。然後是香茜餃，內裏的餡料壓根兒就是雞絲粉卷的內容。如果此兩樣同吃，當作兩食，真不知道好嬲或好笑。說回，食味一般，外皮鬆緊有致，沒有糊化或破洞，我說是及格的。最後也找到了叉燒腸粉。亮點是澆上乾蔥調的豉油，寧舍香口。因為那蔥油，腸粉也顯得份外滑溜。茶客也對此醬油很是鍾愛，看到有人把吃完腸粉的豉油淋在盅飯上調味。這裡每款東西，每次只蒸三、兩籠，量產、量供，這可說是缺陷，也能說是特色。平常我也會想來個窩蛋牛肉蒸飯，但今兒牛肉已吃，就此作罷。呷着茶，大家話都不多，就只一同享受和煦晨光曬灑在餐桌上的悠閒時光。你說浪

睇電視介紹決定去一試. 一去到見到就知呢間係做街坊生意既小店. 望入店面見到的是排滿一張一張圓檯. 蒸爐點心食物就放在一邊的中間位置. 侍應係由幾個亞姨做的. 叫好茶後, 就問亞姨有咩野點心. 亞姨叫自己行出去睇. 最後就試左幾樣野.  個人感覺食物唔錯. 價錢真係街坊價. 服務就唔好有要求啦. 

之前大家都有看過我的牛池灣早餐報導，相信大家都記得，這兒有不少舊式的酒樓，絕對是風味十足。是日，我又來了，又來到牛池灣搵地方飲早茶，而我找來的，是一間真真正正只有區內街坊同老人去食，去飲早茶的食店，這一間早茶店，叫做《新金華茶樓》。位置，就在車輛入村的小路旁，一點也不難找，之不過，好多食客都被對面及行前幾個路口的大茶樓吸引走了。以我為例子，我第一次入村，見到的，吸引到我的，是對面的大茶樓，而不是這一間非常街坊的簡單小店。同同村的其他酒樓一樣，點心檔仔設在店外，不過，點心的高度同密度都比另外的兩家店低同細，可想而知，這小小店，的確只是可以照顧熟客仔的所需。我的例牌早餐，是鳳爪排骨飯。這是真真正正的早餐份量，細細份，味道集中，半隻鳳爪已經帶動了盅頭飯的奇香，排骨肉夠厚，豉油又甜又香，當然生米蒸飯也是香口無比，是一個值得去開心食的飯。燒賣，是傳統的冬菇加豬肉燒賣，沒有蝦的燒賣味道一樣咁鮮，豬肉香口，肥美彈牙，而且又夠晒大隻。當時的我，原本想叫多一籠點心，但因為燒賣夠巨形，食晒已經夠飽，所以我只好真真正正來一盅兩件好了。此《新金華茶樓》，人氣雖不比村內另外的兩間茶樓同茶餐廳，但因為是照顧街坊所

這週末，沒什麼事情，我又找到時間去尋找隱世的味道了。說九龍區既感覺地圖，除了茶果嶺之外，的最喜歡尋訪的，就是牛池灣。同樣是市區中的鄉村，牛池灣算是最繁華的一條村。住宅區林立，旁邊是市政大廈。亦把半邊的村子變成街市的一部份。日頭來，夜晚來，也是非常之興旺。而且這亦是轉車入西貢、清水灣的中轉站。過客甚多，而以前沒有車開的我也時常因為要在彩虹轉車而時常進入這一個小村，食下野，買下餅，之後就入西貢渡週末。這村，食肆林立，因為以前常來，村中好多的茶餐廳我都試過晒。是日到訪，本來就想試一試另一家非常大的酒樓。可是緣盡了，想去的酒樓早已改頭換面，新的一間摩登食肆仍在裝修中。我一臉失望之下，回看公園旁，就決定來這家沒什人氣的，新金華。 同對面坐滿人，點心滾滾來的龍城相比，這店可以稱得上是冇生意。人煙少有人煙少的好，起碼可以一個人霸一張大圓檯，找個有大黑色兩頁風扇對正的位去坐，慢慢的品茗，慢慢的品味。這就是我夢中的早上寫意人生。 早上，開了壺普洱，一個盅頸排骨飯是必叫之物。份量不會大是眾所皆知的事

同事見到有報紙介紹佢既美食，一直話想試，今晚就由佢帶路，試下係咪真係咁掂...當晚6個人去，叫左7樣餸同4支大啤酒，埋單位位$75，都幾抵食，同人啤啤呻呻工作苦況，人生一大樂也!!講講小菜：西檸雞：大碟雞肉亦算嫩，夏天食最好燒腩：又係大碟，皮幾脆，肉唔會太咸，有青芥辣同濃豉油比你點，淨食都好味炸墨魚咀：炸漿夠脆夠薄，唔會食到一口粉，又唔會太咸，送酒一流釀茄子：用鐵板上好夠熱辣，侍應係你面前剪開錫紙，睇到朋友口水流，釀茄子既除左豬肉外，仲有咸魚，食落咸香惹味，好快比人食清晒蒜香骨：切得細件唔會食得論盡，醃味夠，又係好快比人清晒小炒：又係送酒吹水既必備餸菜，腰果香脆，蝦乾、菜脯、魷魚同九菜花都咸香惹味雙丸浸莧菜：由門鱔同鮫魚打成魚丸，無彈牙口感但有魚既鮮味埋單咁平，d食物又大碟，仲可以同朋友吹足水，呢餐真滿足睇來我又多一間九龍區食堂啦!!!!

呢度好近我以前讀果間小學，返黎呢度都令我勾起唔小回憶，有好有壞，但始終我既小學生活都係不愉快既佔多.... 入正題，以前樓下大排檔都有呢種早茶點心食，不過自從執晒笠後都無食過，呢度過O左朝早九點半點心就全部六蚊雞，抵食係幾抵食，但可能因為太抵食啦，黎到基本上都無乜選擇，蝦餃燒賣山竹牛肉全部買晒，唯有食下九菜餃+鮮竹卷+鴨腳扎啦。不過味道都算係不錯，環境就一貫大排檔地方都預O左佢差，但咁既價錢真係仲想點。連茶錢只係廿蚊，抵到爛。

"點心一律$6!點心一律$6!",就係咁,入左去.很久沒有來到牛池灣村飲茶了.這間"新金華",前身名字叫"金華",主理人有點江湖味,另有兩個雙十年華的女子,一個收銀,一個賣點心.應該係"太子女".胃口不佳的早上,先來個濃凋的普餌,見到有什麼便吃什麼.去到$6時段,選擇已不多.小弟無蝦餃呀?)點心姐姐無呀,你要我可蒸比你.)小弟唔使喇唔該!)都係吃些現成,豆苗餃皮薄餡鮮,雞扎亦足料,長期愛吃舊吸收了精華的魚肚.潮州粉果亦不錯,不是街邊$5兩個之味道.半露天座位,在春光乍洩之下,也感舒服.三味點心,茶芥$2位.放下廿皮,絕塵而去.