新金寶茶餐廳

Open Now

Now Closed

去完主教山前配水庫參觀之後，身水身汗，熱辣辣，決定要搵間懷舊啲嘅茶餐廳食個下午茶，休息一下。新金寶茶餐廳位於石硤尾邨，睇個裝修都知道有返啲歷史。下午茶叫左沙爹牛肉公仔麵餐 同 西多士餐。………………………………………………沙爹牛肉公仔麵餐⭐️⭐️⭐️公仔麵麵質唔錯，有麵香味。牛肉份量都多，但味道普通，而湯都只達一般水平。西多士⭐️⭐️⭐️⭐️厚薄都算適中，炸到金黃色，熱辣辣，中間查左花生醬，整體唔錯。凍奶茶 （少冰少甜） ⭐️⭐️⭐️茶味稍為偏重，普通水平。………………………………………………

無曬沙嗲汁唔出聲，湯底都無味既，問阿叔，先同我講“無曬沙嗲汁”同個阿嬸講“無味”，佢“哦！”勁啊！沒食過咁難食的茶餐廳！仲有啲快餐餸就咁放門口，蓋都唔冚實，堂食快餐好似都係果啲餸嚟。

地方係有少少迫，不過都有卡位坐。餐牌有啲立痴痴，但枱面同餐具都係乾淨嘅。入到嚟叫左下午茶星洲炒米同老乾媽炒意粉，先見到啲食評講到咁難食，又話星洲炒米冇料冇味。心諗大鑊🤣但係明顯見到好多料🤔同埋食落好夠味唔算係好香，但絕對合格連埋奶茶都係46蚊呢個老乾媽炒意粉又係好夠味，唔算好辣，有少少太油🤣但我覺得唔錯👍🏻👍🏻👍🏻所以唔知前幾個食評係點解寫到咁差，可能轉左廚師？服務態度都唔錯，奶茶正常。

一家三口來食一碟乾炒牛河，睇落去係熟嘅，但係咬開嘅牛肉全部都係凍嘅…同雪櫃攞出來一樣….同個職員講，佢哋覺得冇可能，我叫佢哋去試。佢冇試，攞返去廚房，個阿姐話開鑊同佢炒兩下。來到有的係熱…但有的牛肉個心仲係凍架…食左咁多年乾炒牛河，真係未試過如此垃圾。仔仔叫雞脾薯條，個姐姐攞枝茄汁來，一扭聽到”卜”聲…心知有的野….佢一倒出來連埋的白色霉菌出來….同個姐姐講，佢話可能氧化左。佢攞返支一唔一樣嘅茄汁出嚟，睇得出係加咗水搖完起晒泡俾返我。我一倒出來浠到呢….真係比錢都唔再來食…

上星期經過，因為唔熟呢區，唸住是旦找一間茶記食喇。入到去叫左碟干炒牛河 ，都幾香 ，又幾干身，都算難得，點知牛肉「叔」左 食左兩塊先知 ， 好彩碟野個味冇野，自己又唔係好肚餓，廢事叫佢換佢又加料喇，結果我咪食左幾口就唔食 ，多一事不如小一事呀，你知又唔係地膽。杯凍檸茶叫佢走冰， 佢來就已經得番半杯 ， 真係火都來，早知叫杯熱檸茶仲好。 良心店真係難找，都係自己身體差。本人肚皮比較敏感，又比較黑仔，加上感冒未好。就係咁，真係多謝佢 ，唸都冇唸過，就咁就番屋企肚痾 ，病左一星期！

其實呢邊真係好少嚟，不過去開JCCAC晏走唯有搵間茶記食住先，環境就係逼咗啲㗎啦，好在今日唔算多人，唔算太差，衛生就茶記囉，唔可以預佢太好㗎啦！茶記無乜好，最好就係基本嘢一定有，乾炒牛河、星洲炒米嗰啲唔少得，咁咪叫個星洲炒米飲、凍檸茶囉！凍檸茶就正正常常嘅， 茶餐廳茶味淡啲唔緊要！不過個星洲炒米就真係好麻麻，以為星洲炒米好穩陣，無乜餸都嚟緊要，連咖哩味都無乜，成碟靠自己加嘅醬， 茶記連星洲炒米都搞唔掂，不如算啦！不過佢都算有啲街坊生意，應該唔會執嘅！

晌深水埗成長，嚴格嚟講，應該喺石硤尾，中學年代午飯嘅搵食地點一喺石硤尾街市嘅「賓墟」，因為，喺當時最抵食嘅快餐。「賓墟」到依家都仲健在；至於「新金寶」（我讀書年代應該喺叫「金寶」嘅啫），則相對少幫襯，無特別原因，只喺慣性問題。今日陪老爸覆診，晏晝就同細佬嚟「新金寶」食午飯。餐廳內嘅環境，經多年嘅轉變，裝修都比較時尚少少，無咁「老餅」，四四正正，簡簡單單，兩邊喺卡位，中間就4人枱，堆得幾多張就盡擺，所以，感覺到坐滿時有幾逼。門口寫咗個快餐餐牌，A -E共5款，包餐湯及飲品，賣$41/ $43。此外，仲有茶記必備嘅常餐，最平嘅$33就有交易。另外，仲有個大餐牌喺啲碟頭飯，全部都喺大路嘢，所以，就無影喇，反而有個特色湯飯系列，似乎吸引啲，只可惜好後尾先發現到呢個餐牌。青紅蘿蔔煲豬骨好例湯嘅例湯，真喺一堆材料煲滾就算嘅感覺，味道較淡，亦無乜甜味。洋蔥汁豬扒餐肉飯細佬唔食洋蔥但就揀洋蔥豬扒飯，真喺吊詭，呢度啲碟頭大，飯量多，細佬話雖然件豬扒唔錯，都幾鬆化軟腍，個汁又酸酸香香，但啲飯就爛咗啲。楊州炒飯我嘅炒飯又點呢？個炒飯喺即叫即炒，因為都等咗幾耐吓，所下嘅餸料都幾多，但啲飯真喺差咗啲，所以，飯粒

好耐都無返去成長之地石硤尾, 想當年喺嗰度住, 真係苦樂參半. 最懷念就係嗰度嗰啲平靚正美食, 好似蛋撻, 麵包, 瑞士雪糕雪條, 豬油渣粉仔, 白粥油炸鬼, 炸薯餅, 紅豆涼粉等等. 多到真係數唔哂, 家陣買少見少囉! 所淨真係無幾. 嗰日隻乸話要扐隻爛鞋出去石硤尾街市整, 咪就下佢, 先出去整完鞋先食晚飯囉! 反正十年八載後, 俚班老柴仙遊後, 想整都無得整囉! 石硤尾俚間新金寶茶餐廳, 係石硤尾第二代嘅舖頭, 第一代嗰啲, 喺耀東街仲有一兩檔, 遲啲就....!! 年底可能....?? 放低對鞋個阿叔話, 一個鐘後有得攞! 咪搵間餐廳醫肚先. 見俚間餐廳門面都ok, 咪坐低叫咗個鹽焗雞飯套餐.水準一流, 有以前東盧大廈嗰間中央飯店, 北河街口附近間泉章居咁嘅味道. 先送例湯, 後仲有奶茶咖啡送, 應真低食. 兩個人食咗一個套餐, 48蚊找數, 班伙計同老細, 多謝前多謝後咁送出門口. (俚句跨咗少少!) 總之, 唔係一定貴嘢, 高級餐廳先至有好嘢食嘅.

星期日放假石硤尾搵完親戚兩點幾雖然十二點已經食午餐但是今晚屋企做冬至知道七點多先有飯食所以走入嚟求其食過下午茶茶餐選擇了餐肉湯意粉餐肉兩片，夠厚有咬口餐肉好似係事前煎好果種當有客人要時直接放上碗表面少許金黃而食落感覺暖暖地湯意粉有點過淋，湯底淡咗少許不過夠哂熱，火煺蛋拼油包麵包軟同牛油平均蛋亦煎到剛剛好半生熟火煺沒有甚麼特別凍奶茶除了夠凍都無乜茶味總結來說食物中規中矩不過呢度卡位多同食物選擇多消磨時間同對食不大要求的我所以久吾久都會幫襯

在風急雨暴的情況下衝進這所餐廳用餐，我身上都滴著水，而雨傘都被吹歪了，我實在十分狼狽。 　傍晚的時間，食客不少，我先坐到圓枱，等到卡位的食客走了，才搬到卡位那邊。　　仍然是愛吃常餐無疑，於是要了常餐。就是牛油方包火腿煎太陽蛋，沙嗲牛肉公仔麵配熱奶茶。　　牛油方包的包不錯，我吃過太多茶餐廳的牛油方包，像是冷飯般的感覺，而這家則比較佳，有著普通白包的軟綿，雪白雪白的，火腿躺在太陽蛋下面，賣相甚佳，而太陽蛋也煎得很漂亮，絲毫沒有穿黃，也沒有把它煎熟，的確不錯。　　沙嗲牛肉公仔麵也不錯，夠大碗，牛肉的料也很多，而公仔麵的麵質也夠爽口彈牙，不是軟稔到一咬即散的感覺。　　至於奶茶，則稍嫌苦澀了。　　但整體感覺還是教人滿意，２５元能有這樣一頓茶餐，不宜苛求太多。滿足！飽足！

因為好趕時間, 又剛好LUNCH時間, 所以响石峽尾附近, "求其"入左間茶餐廳開飯,諗住舊式茶餐廳, 應該選擇款式唔多, 但係個廚房師父可能係高水個一種點了個簡單的快餐A, 雞批食, 跟凍飯, 選黑椒汁二話不說, 個飯已經送過來, 例牌都有一碗例湯, 味道OK點知一食個飯, 個黑椒真係好地獄, 辣到爆, 可以同什麼米線的三大辣有的比, 好彩有杯凍飲頂住, 因為趕時間, 而且老式茶餐廳, 所以三兩下手勢解決左個飯.合計30元, 價錢OK, 如果係食快餐同埋想平D, 呢間都算係一個選擇呀

今日天氣好好熱到死+_+行到攰打算同友人入去食個下午茶坐下友人叫左西多士正正常常我叫左春卷沙律佢黎左個春卷薯條+_+之後先再換返其實我都唔係好介意既但係!!!個沙律真係好似係冰箱拎出黎咁我吉d薯仔個陣直頭覺得自己吉緊冰仲要"cha cha"聲咁 仲會吉唔入或者一吉就爛開有d薯仔青瓜同紅蘿蔔痴埋一大舊 用叉都分唔開och..咬落去凍到爆+_+ 好似食緊冰咁真係..最後食晒d春卷就算!!!!咁就$21 +_+

晚上到好友新家幫忙搬移家具，為了想早點完成以避免騷擾到友人的新生兒，所以一下班便急急到好友家了。搬好後再跟友人傾談了一會，也是時候回去主場覓食去了。從畢架山步行而下，沿途可以選擇的食肆並不是很多，最後從粥麵店跟茶餐廳之間，讓女友選了這一間茶記。店內裝修如一般茶記，值得留意的是地板頗整淨亦很乾爽，不油沒水積，"感覺良好"。選好了食物，一邊等待之餘，一邊看著"茶記基本設備"(大吋數的LCD電視)來打發時間。現在仿似沒有這個設備的茶餐廳，生意也較其他為差，"搵食真係艱難"。<<例湯>>是粉葛煲豬骨湯，雖有點師傅，但是味道還算可以的，至少口渴程度只屬輕鬆而已~ 女友的食物較簡單，所以比我的早來一點。這個<<免治肉醬煎蛋飯>>，要不是女友點了，真的不知何件何月才跟它再一次"遇上"。這個肉醬帶著濃烈的味道，肉碎早已跟醬汁合而為一。煎蛋的效果除了多了一份口感外，蛋白黃的滑溜口感，令到原來稠度中的醬汁也變滑了，不錯~ 對於咸檸的食物，只限於飲品類而已，因為總覺得它的酸味會蓋過了食物的味道，至少也有一定程度的影響。而我選的<<