新都美食餐廳 (Closed)

唔係講笑, 呢間野都真係响度N 年.可能真係舊過1968 !在呢頭住左成20年, 今日才察覺到.門面不什吸引, 仲有個下午茶餐 SET 的牌.但心知係老店, 所以仍克服恐懼入內.找了個卡位坐下.牆上有好多印尼的海報, 加上大叔的印尼華僑 LOOK, 當堂信心大增! 當其他客人都當呢度係茶餐廳, 在食炒飯湯麵, 我就食個加多加多喇! 好標準的加多加多，當然有菜，沙律，蛋，蝦片。印尼式, 跟飯.不過，我最有興趣係個花生沙律dressing，因為呢，每家都有自己獨特做法。呢間的醬係深啡色的，完全唔辣，花生味濃，略帶甜，不算咸。唔似d西式 salad dressing, 呢個醬幾杰身。就咁食很好，送飯卻似太甜，我不習慣呢。很大碟，吃不完，叫大叔俾個盒我帶回家，大叔仲笑住問我要唔要膠袋，真友善！下次要食巴東牛肉！相信會係正宗做法。要燜n個小時才食得的，考功夫.味濃野我啱晒。

出街食嘢，除咗食物嘅味道之外，仲有食肆嘅環境、服務、衛生，同埋抵唔抵食。假如果間食肆啲嘢好好食，但係就坐得好唔舒服，周圍又污糟邋遢，就算唔駛錢，你都未必會幫襯。上個月尾(31/10)，一行五人，去咗銅鑼灣行下，到咗十二點零，想搵嘢食，可能近午飯時間，好多舖頭開始多人，見呢間仲有位，就走咗入去。用兩張枱拍埋，廢事坐到散開哂，跟住睇下吃乜，見佢餐牌有「特價套餐」，跟一杯嘢飲，每人叫一樣，總共五樣，一齊 Share。落咗單之後，叫人攞五隻碗、兩對公筷、兩隻公羹，佢攞咗嚟；隔咗一陣，想問佢攞幾塊Tissue，點知 ...果位仁兄 (聽講係老闆) 拎住幾張Tissue行埋嚟，跟住就用啲唔鹹唔淡嘅廣東話，好大聲咁對住我哋幾個係咁鬧，因為佢啲話唔係好正，約略聽到佢話我哋「又要呢樣、又要果樣」...跟住就行咗去，佢嘅意思可能係覺得我哋幫襯唔多，但係就要求多多喇﹗我哋五個人，你眼望我眼，完全唔知發生乜嘢事；跟住啲嘢食嚟到，幾個人快快趣，食完埋單走人，因為真係唔想留响度 ...講食物，其實好一般，冇乜特別︰涼瓜斑腩(連白飯)時菜炒雞球(連白飯)印尼炒飯 印尼炒麵印尼炒河好似的斑腩咁，仲乾過啲餅乾，完全冇哂

是日為母親節，約好夜晚晌港島食飯慶祝，見出開香港，順便中午去維園感受下城市論壇既氣氛，事前醫醫肚先。本來想去隔離既"興華"，點知無開門，唯有試下好耐無食既印尼菜啦，叫左兩個套餐連兩杯飲品。 印尼炒米：咪睇佢白雪雪，食落好 Home Feel，炒得香香地，味道適中，好似無味精咁喎。 黃姜飯：久違了既黃姜飯，係細個時食印尼菜其中一個必選飯。飯一出，賣相同細個時既黃姜飯唔一樣：每一樣餸都係分隔開，而且各有特別既醬汁。可能呢度係比較家庭式，無咁 Detail 同簡單，大堆頭將所有餸堆晌飯面。不過唔以嚴格既角度同價錢去比較，其實飯都炒得好香，而青瓜、牛輾、雞蛋同印尼蝦片都做得好味。環境：似舊式茶餐廳加家庭式運作，全無商業味道。服務：只有一位操唔流利廣東話既大叔招呼客人，應該係印尼華僑，雖然廣東話表逹能力唔好，但睇得出佢個人都好友善。

零九年十二月，朋友於東亞運當義工，多得他送我一張半準決賽的門票，讓我可以參與香港足球史上的傳奇一刻。入場欣賞香港對北韓前，先去圖書館對面的新都餐廳吃點東西，回想中學時代，不時幫襯這小店，它的門面向來不大起眼，內裡燈光亦相當暗淡，以殘舊去形容其環境並不為過，正因如此，每次來都肯定有位坐，是這裡的好處。回想當年，每次來到這裡，我們一行數人不是叫印尼炒飯就是要印尼炒河，無他，始終小時候總不會花時間去選擇，想法比較簡單，但求醫飽個肚就算。今時今日，同一碟印尼炒河 ($33)，跟一罐可口可樂，價錢跟當年其實相距不遠，這裡的廚房仍是往日的慢調斯理，即使店內人客不多，也得等上十五分鐘，我們曾經擔心因此而遲到，諗番起都覺得好笑。味道方面，印尼炒河的賣相平平無奇，但勝在用油不多，河粉質感滑身爽口，同時帶點鑊氣，配料包括雞絲、蝦、芽菜、椰菜絲等，份量不是特別豐富，但卻恰到好處，吃時再沾些酸辣汁，給舌頭多一些刺激，感覺更佳。的而且確，新都餐廳的出品稱不上出色，但卻充滿了我的點點回憶，一邊吃，一邊想起中學時期的往事，感受良多，再看看附近的食肆，早已面目全非，這一間「死剩種」，實在值得我回味！

星期四, 一個人到了CWB, 本想順便找食友吃吃便飯的...誰知冇個得閒. 之後, 一個人, 買完野, 便係銅鑼灣找找找. 記得近圖書館那邊, 好似有幾間餐廳仔, 就來這兒, 了解下是什麼東東. 唔知大家有沒有留意, 銅鑼灣過左糖街之後, 你會發現好多印尼商店. 而且, 星期天, 呢一帶, 是印傭既天堂. 這些店舖, 就是大多是朝著這班印姐而開. 當下有匯款店, 印尼雜貨店, 當然, 有印尼餐館啦. 看見地方舊舊地, $33一個飯又唔算貴, 便叫下一個感覺上比較特別的椰汁豬扒飯. 汁, 比較稀, 但充滿椰子味, 另外, 相信豬扒是用香茅醃過, 肉質雖然比較實, 同食落比較硬之外, 味道是幾香口的. 用近乎水質的椰汁撈飯, 味道是不錯, 但落多幾羹會搞到好似食泡飯咁.......可能是不合我胃口吧..........有時應該是好好食的東西, 基於各國人口味不同, 覺得唔啱口味時, 得出既結論就是, 唔好食.

我食過樓下朋友說的"巴東牛肉"(拿來的其實是牛展),雖然不是太正宗,但我個人很喜歡,牛展很大塊很腍,很有骨膠原感覺.汁少辣而且稀,淡淡的椰香和八角味道,像家常菜.一個套餐$40元左右,算真材實料了.我也試過星洲炒米,很有wok氣,不油膩,份量也不少.下午茶只$25.

點了巴東牛肉飯, 印尼炒麵, 牛串燒, 雞串燒巴東牛肉飯 - 完全唔正宗, 我問過佢係唔係巴東牛肉, 佢地話係喎, 放入口試下, 好難食, 可以改名做 "難食咖喱牛展飯", 大家樂的巴東牛肉仲正宗過佢地, 睇下個圖都知係唔係巴東牛肉?印尼炒麵 - 好油呀! 雞肉好無味, 可以改名做 "油淋淋無味雞肉炒油麵"牛串燒 - 好ngan. 唔野味, 凍的,雞串燒 - 唔野味, 雞皮淋淋地, 凍的,串燒沙爹醬 - 普通沙爹, 有花生味小插曲 :坐正收碗碟桶附近, 個侍應放碗碟入桶時, shou水满天飛 , 我個頭中晒 我唔會再有機會到此店

The $33 set menu including a cold drink was fantastic value. Though the atmosphere is dingy, you pay for what you get. I found the nasi goreng very authentic and totally agree that the portions were generous.Great value and great food indeed.

Don't be fooled by the dingy environment and grey-haired service crew of this humble eatery. It is a gem serving no-nonsense Indonesian home cooking generously portioned and packed full with not just flavour but also a homey comfort one gets from eating Mom's cooking. Prices are reasonable. I particularly like their rendang beef, tumeric rice (yellowish spiced rice served with a platter of assorted meat and non-meat delicacies), and tofu and fried eggs braised in sweet spicy sauce. There are

Came to this small Indonesian restaurant (situated just next to the now "famous" 興發) aiming for a quick lunch - didn't really expect too much but turned out that I was pleasantly surprised ! Place was fully packed when I arrived at 1:45pm. I soon noticed that almost everyone was ordering either the fried rice or satay, so I just followed suit and ordered the Indonesian fried rice. Well, I must say it which was quite good - not soggy or oily at all; and very delicious as well ! Besides pieces of

本身係想去隔離個間興華但係人太多，黎左呢間同男朋友叫左個二人餐有好多野包括炒飯、雞肉串燒、炸粟米餅、沙律樣樣都好好味，好地道、又大碟仲有兩杯野飯送最後我地都食唔晒，要打包埋單兩人只係百一，超抵！

今日同豬bb去左中央溫書，溫到9點就去左新都食dinner夜晚依個時間都冇乜人，得番老闆娘一家同幾個人食緊野。可能有人會覺得新都好似好舊好殘咁，不過我地就覺得個環境都幾舒服，可能有d懷舊feel掛我地2個都好鐘意食依度既炒飯，所以就叫左2碟炒飯同2罐可樂碟炒飯真係好香口，再加上面頭灑左層脆脆地既乾蒜，撈o係碟飯入面食真係超好味﹗連豬bb都話d乾蒜超級好味道最後2個人食到飽飽埋單都係66蚊，o係依家物價通脹既情況黎睇都算好抵喇順帶一提係連佢地罐可樂都係印尼版。唔知關唔關事，但係我開左2罐佢既聲都好似開香檳咁大聲，一d都冇誇張，大家可以試下

純粹係有一次係維園遊完水唔知食乜好而試到,唔經唔覺幾年了, 次次黎親都係叫印尼炒飯, 甜甜地, 飯炒得好爽, 食完隻碟都唔會油淋淋, 係其它地方食唔到的, 有時會買外賣,叫佢多d 飯, 真係裝滿一盒, 又唔洗加錢. 我住新界北都會耐唔耐特意去呢度食印尼炒飯就知有幾滋味啦.

這店子在摩頓台開了多年，賣印尼菜之餘也賣一般港式碟頭，自中學在大坑道讀已見它存在，不知不覺已有十多個年頭了。今天終於有時間試試看，叫了一個印尼炒面（不落肉），配上熱啡。熱啡是即沖的，一般而已。但印尼炒面幾可口，帶有甜甜的口味，不油膩，又大碟，很抵吃呢。老闆常常面帶笑意，似是印尼華僑；我叫了不下肉的炒面，還細心的回過頭問可不可下雞旦。雖然地方較舊，但這樣價錢加上一個久違的親切笑容，一定再來，試試加多加多（印尼沙律）方安樂！

叫咗個印尼炒飯，嘢飲可以跟我最喜歡的大檸樂唔需要加錢，三十蚊好相宜。叫嗰時其實唔知印尼炒飯同一般炒飯有乜唔同，原來係表面鋪咗層薄脆，另外附送少少帶點酸的辣醬。那個辣醬味道頗惹味，一個飯盒不消一刻便吃完。